التجمع الاول للحوامل اللاتي سيلدن شهر يناير 2015

لا والله مارحت معتمده على الحركة
بس بروح بكره او بعده والله يكتب الا في الخير

شكلي بنتظركم حتى تولدون واطمن عليكم بعدين اولد^_^

اليوم كثران التحجر
لدرجه اذا تحجر بطني اصحى من النووووم
يأللللللم

تقوموا بالسلامة ياحلووات ،، انا بعد حس اني تمللت ومابغي اكمل بالدوام ههههههه ملل مع انه يمشي الوقت ... خلصت اغراضي واغراض النونو ولله الحمد و البيت عدلته باقي فقط شغله شغلتين الحمدلله تيسرت فاحس اني بانتظار الولادة فقط فيبتدي ملل الانتظار حتى اهلي كل يوم اتصال يسللون عن الطلق خايفين اولد بالدوام ههههههههه وانا احس البنت مطوولة ماخذه راحتها ! ،،، انا قلت اذا باقيلي اسبوع باخذ لي موعد مع الدكتورة و بشوف وضعي ... كروشات اذا جاكم الطلق اشربوا لكم ماي ورد ساخن فاذا خف عليكم حتى التحجر معناه كاذب انا من التاسع قاعد يصيرلي وخصوصا قبل الوجبة وبعد ساعة ساعتين يروح بس ذابحني الم الشد بالرجل و اليد

فتاة والله قلبي معورني عليج احس اني بلحقج :'(

يارب تولدين وتفتكين ﻻن منجد تعب خصوصا اذا طوفتي شهرج :(

ياااارب يسهل علينا ونرتاح ويأجرنا على هالتعب :(

تجمع المعوشرات صار تجمعنا

انا كاسره خاطر الكل ودي اصيح
احيانا اهلي يقولو ملخبطه في الحساب
وانا متاكده من حسابي
هو بس يجيني الم نفس الطلق لما اكون حشرانه
ولما افرغ مثانتي واحيانا لما اركع في الصلاه احسه مبهذلني
وحتى سرتي صارت تالمني وكروشتي كبرت مرره
هاا حزنتكم صح :(

اي والله تجمع المعوشرات ههههههههههههههه

انا شكل سري يخوف كأن معي فتاق وبطني كبييير مررره يمكن ﻻن البيبي وزنه 3 كيلو هذا الكﻻم من اسبوعين يعني الحين يمكن اكثر من 3 =-O

دلوعه حتى انا خايفه لايكون وزنه كبر
اخاف يتعب بعدين بالولاده ×_×
ها كروشات مافي وحده تحس حالها بتفقس قريب
مافي غير الطيف والده لحد الحين
والباقي الله يعينهم بس قربنا اكييد من نهاية الحمل المضنيه
انا هالبيبي كرهني وبقوه في الحمل *_*

هههههههههه صمووود وبقوووة ،، جوفان حسيت فيك انا طول هالاسبوع كل يوم حد يسالني للحين باقي ما ولدتي؟! كرهوا بحياتي فعلا ووصلت اني انفجرررت بوجه اخر بني ادم قعد يسالني

اخر اخباري رحت اليوم المستشفى
وشكيت
ع النونو الحمدلله كل شي تمام
وكلمتها على موعدي ولادتي قالتلي الحين ماتعتبرين مطوفه
انتظري لو كملتي 41 اسبوع نقول مطوفه ودعتلي اني اولد طبيعي
دعواتكم ياكروشات
تفاحه/ احس في شي بالجو تركنا نعوشر^_^

بنااااااات باركولي

تم التفقيس بنجاح هههههههه

الحمدلله فتاة والله يسهل عليج وعلينا ياااارب

انا موعدي يوم الخميس بيكون باقي لي يومين واكمل التاسع الله يستر بس :'(

لي يومين وانا من الملل صايرة بس ابي انام اقوم اصلي وارجع انام مسكين ولدي كاسر خاطري تملل مني هههههههههههه

نقعد بالصالة شوي اﻻ منسدحة عالكنب ونايمة وهو كل شوي طالع لي بشغلة ماما عصير ماما اكل ماما يوريني لعبته هههههههههههه

تأزم مني مسكين اكثر وقتي منسدحة وجسمي مكسل :'(

جوفان صج الف الف مبرووووك والحمدلله على سﻻمتج ياعمري

فاتحة خير هاﻻسبوع :-)

الله يبارك فيج ويسلمج
عقبالكم

شلون ولدتي نزلت موية الراس ولا بس طلق

انا خايفة ماابي اروح اذا بس الم اخاف يقولون طلق كاذب ولا ماانفتح كثير محتارة عاد اليوم كلش مافي اي وجع ولا حتى بسيط

جوفان مبروك والحمدلله على سلامتك
بس متى فقستي
يلا فاتحه خير علينا
دلوعه وتفاحه وانا سباق من توصل خط النهايه
والله اني خايفه من الولاده
جوفان نبي اكشن ولادتك

الله يسلمج فتاه راح اكتب الاكشن الان

دلوعه الجواب في الاكشن

الاكشن يبدأ
مو امس المغرب اقولكم ذابحني التحجر لدرجه يصيحني من النوم
التحجر كان مستمر لكن غير منتظم
تقريباً من بعد 12 بالليل بدا ينتظم لكن وقت بعيد كل نص ساعه كذا
اشوي اشوي بدأ يتقارب الى ان وصل 10 دقايق وقتها كان الفجر
صرت مااقدر اوقف مستقيمه من الالم
كنت احني ظهري وانا واقفه ولااقدر اتكلم
وطيران للمستشفى
تخطيط بعدها فحص قالت فاتح من 2-3 سم
اووووم التحطيم
ويزيد الالم ولبتخطيط كان مربطني طول الوقت
جات بعد اربع ساعات قاست نفس الشي ماتغير
قالت بعمل توسيع بيدها وفكت الموياا
بعدها بدا الالم يشد واحس ماني قادره اخذ نفس عطتني ابره في العضل كانت مريحه بعض الشي
مع الكمام كاني احلم وانا صاحيه
فحصت بعد ساعتين قالت من 4-5
اااااه ياتحطيم
كنت اتأوه بالخفيف وادعي ربي مااصارخت ابد
بعد ساعه جاتني رجفه قويه واحس ببرد
ناديت النيرس تو اقولها اني بردانه الا بدأت اطرررش الله يعزكم
جات الدكتوره تركض قالت تطررررريش اكيد ولاده
فحصت ماشالله قالت 9
بس الراس بعيد وقعدت تحوس بيدها اشوي
واشوي تضغط على بطني
بديت احس اني ابي ادف لكن مو عارفه كييييف
كل مادفيت قالو لاخطأ
حاولت وحاولت وسط تشجيع الممرضات
وحسيت بالدكتوره وهي تعمل التوسعه
والحمدلله بعد كم دفه من صماصيم القلب شرفت بنوتيا بالسلامه
حطوها على صدريا اشوي وشالوها للتنظيف
بعدين بدينا الدف للمشيمه
وبعدها الخيااااااطه
اااه من الخياطه
حسيت طوووولت مره وهي تخيط
لكنها حبوبه وجلست تسولف معاي علشان تسليني

والحمدلله من قبل ومن بعد

اللهم لك الحمد يارب الف الحمدلله على سلامتج وسلامة البنوته

اي والله فتاة بقينا انا وانتي وتفاحة ربي يسهلها علينا هالاسبوع ونفتك :)