تجمع امهات مآيو لشهر ^محرم^

ام ميمي
جوجو طالعتلي بطلعه عجييييبه مو لي فتره اعطيها شوربات وكله سوائل عشان مايحتاج تمضغ الحين ماتبي تمضغ الاكل بتاتا نست الاخت اذا اعطيها شي مو مهروس عالاخير تخلي فمها مفتوح رفعت ضغطي عددددل اوف ياربي نخلص من شي نروح لشي-_-

ام جوجو حبيبتي حاسة فيك الله يعييييينك ياااااااااااارب ويهوون عليها كسرت خاطري يعمري وانتي بعد دوام يعني مرهقة ربي يجزيك على صبرك ان شاء الله ,,,

لا لا لاتخافين ما نسيت تمضغ هذا معنااه انه جوجو عندها الم الله يعييينها وممكن هالمرة صار لها التهاب بحلقها فعلييك بالبرتقال او السنطر ( العصير ) كم يوم وترجع لحالتها ان شاء الله بس ميمي سوت لي مثل هالفيلم ماتبغي تمضغ وتتفله وجننتني وبعدها قمت اعطيها كله الخضر المطحوونة يعني خليتها على اشيا خفيفة ومهروسة تمام لحتى مايألمها حلقها اولاا وثانيا اللثة تألمها بالتالي بترفض اي شي يلمسهم فانتي كملي معاها بالاشيا المهرووسة ليين يشق او يخف الالم عليها شووية وبتشوفها بروحها تاخذ الاكل وتحطه عن تجربة مع ميمي ولاتنسين الادول يخفف عليها وربي يعييينها ويصبرك يااااارب ...

هلوووو ام ميمييييي الجميله
لككككك وحششششششه طبعا البرد درعم علينا على قولتهم وجا فجاااه الله لايوريك ماخلي ولا ابقي شي ماالبسه لجوجو ههههه هيلاهوب فوقه بنطلون مخمل شوز للبيت من داخل فرووو ومن فوق كم طويل الداخلي وجاكيت وحاله الله المستعان وادفيها وانسى عمري خخخخ
اي نسيت اقولكمممم اني رحت الجمعه الشيراتون الي هنا واخييييييييرا حلللللللللللللللت ام ام المساج ههههه اول شي قعدت بالجاكوزي 20 دقيقه بعدين مساج بالاحجار الحاره>>>يازينه مع هالبرد جا البرد بالوقت المناسب ههههه بعدين طلعت لساونا بالاعشاب مدري كيف بس حلو يفتح الخشم خ خ خ خ وبس الحمدلله انبسطت يبيلي اقللل شي كل شهرين اروح صراحه استاهل انا طال عمري هههه
انصصصصحك ام ميمي تروحي تندعكين هالدعكه الاليمه لول
طبعا هالاسبوع الفاينلز وهذا الي مهبل فيني ومخليني ماادخل واجد اطلع من الدوام اخذ جوجو اروح بيت امي عشان اذاكر على رواااقه دعوااااتكم^_^

ام جوجووو وانتي بعد لك ووووحشة وانا توقعت مذاكرة قلنا ننتظر ام جوجو تجي لنا بالاخبار الزووينة ههههههههه ...

نعــــــــــــــــــــــــيمــــا ياا قلبي تستاهلين واكثر وزين ماسويتي انا هاردلك لي !! كنت بروح ولكن ربي ماشاء لان ميمي اشتغل عندها اسهال مزعج والله قهروني هالاسنان ! شكله اللي فوق بعد بيطلعون وبنتي الضحية كسرت خاطري ع عمري فخفت اطلع من صوب ويشتغل بطنها من صوب وفعلا صارت وزوجي توهق وحالة والحمدلله جات سليمة كنت بمكان جد قريب وجيت بسررعه وبعد التهب لها من قوة هالاسهال ربي يشافيها ويريحنا من هالاسنان المزعجة ...

والله هالبرد جننا صدقتي جااا مباغته وانا يا ملبستها ويا توصخ وارد ابدل واغسل هههههههه والله حسيت نفسي خدامة من قلب بس ماعليه كلشي يهووون عشان عيون الريم وع الثياب تصدقين حصلت بمذركير ثووب غريب عجيب هوو كله قطن ويكون مبطن بالصوف بس القماش المغلف هو قطن قلت باخذ لها لان فعلا فعلا مدفي ومايحتاج تلبسيها شي تحته بس للاسف مالقيت على كبرها قلت بعد كم يوم برد اروح اشووف !

بالتوفيق ان شاء الله بامتحاناتك ولاتنسي تبشرينه بالاخبار الحلوووةة ...

ام ميمي عرفته انا ترددت اخذ لجوجو مع زحمة هالتخفيضات على حظك تلقين ولا ماتلقين مقاس! لانا فادني كثييير البالطو ماغيره الي خذته لها بس نجي نطلع حتى لو هي لابسه جاكيت البسها اياه ومعاه قبعته ياسلام سلم بس احتاج واحد مثل ماقلتي حق وقت الطلعه عالسريع^_^
عالغسيل خليني ساااكته الحين النشافه طالعتلي بفلم هههههه كل مانشف شي لجوجو فيها ينلدع! كنه محروق شوي يصير من جهه ياربي واخفف الحراره بس مدري شفيها مجننتني ومستحيل انشر الملابس مابتنشففف الله المستعان خخخ
جوفااااان
ادري متاخره عليك الدوره ترا بجيك واخذك تحللين غصصصب اطلعي عارفتك منخشه ههههه
انا نفسي قمت اهوجس صايره ادخل الحمام وااااجد بس مافي اعراض ثانيه الله يستررر

عهههههههههه
اولاً نعيماً ام جوجو

ام ميمي سلااامتها ميمي

دفوووا الحلوين ميمي وجوجو بررررررررد

ام جوجو تدرين خااايفه احلل
مادري شعور غريب جايني ابي احلل ومابي
ومثل ماقلتي دخول الحمااام زاد لكن اقول ممكن من البرد

لكن صدرررري يألمني حاسه بينفجر خخخخ من قوه الالم

ام جوجو ,, حطيييهم مع ثيابك انتي بالنص عشان ماتجيهم الحرارة عدل اناا صارت لي هالحركة مع مفرش نومها وانا على بالي لطخة بعدها اكتشفت انها نفس الحرق هههههه ومن قمت احطه مع اشيا قطنية مثل المناشف الكبيرة وهيك ماصارت له هالحركة ...

تصدقين ماشفت البالطوو ومثل ماقلتي من زحمة التخفيضات ماتلاقين شي بس ذاك لازم لازم احصله ! ....

ام جوجووو مبرووك البنت حـــــــــــــــــــــــامل !! هههههههههههه هاا مو تخونين وتحملين وتخلوني انا المسكينه ,, بس اتوقع تبع البرد هالشي وانا جتني حالة شكـ من كم يووم بسبب الم غريب مع انتفاخ بالرحم ولاا الوالدة تقولي حلمانه لي قلنا الله يستر بس اشوف الحين اموري تمام الحمدلله بعد ماشربت لي كاسين مااي ...

جــــــــــــــــــــوفان ,,, تباشير تباشير ان شاء الله على المولد النبووي تبشرينه بحملك يااااااااااااااارب وانتظري كم يووم وحللي وياااااااااااااااااااااااااااااااارب حامل باذن واحد أحد .... هههههههه العرضين بتووع حمل انا صارلي واهم شي لاحظي ريحة الابوال وانتي بكرامة اذا مميزة وغير عن العادي ...

ام ميمي
هههههه جاتني الجلطه لاتقوليها جوجو مهبله فيني مااتخيل الي يحملون ورا بعض كيييف الله يعينهم! ويرزقنا ولا يرحمنا يارب
لالالا ماعليك ان شاءالله انا وانتي واختك واختي سوا خلاص ههههههه
جوفان
والله من رايي تحللي! ادري التوتر ولاسمح الله خيبة الامل بس خلي ببالك ربك كريم يمكن تحتاجي مثبات او وانتي ماتدرين عن عمرك وصدقيني حللي وريخي مخك بدل مابتجلسين طول الوقت تنتظرين العله تجي
انا من كثر ماكانت قضية تحليلي اقليميه ههههههه اهلي يدرون وزوجي واتحطم صرت اخر شي انا مع نفسي اشتري تحليل واحلل بالسر اذا قدرتي توصين احد او تشترين لحالك افضللل وربك الرزاق

ام جوجو كيف احوالها جوجو ؟؟ طلعوا سنونها لو بعد ؟؟

انا مجنني هالسنون اوووف وبسبب مزاج الاخت صاير حتى نوماتها مزاج ! تقعد بالحزة اللي تبغيها وتنام نص ليل وصايرة ماترضى تقعد لوقت نومتها تبغي تاخذ جارج وتقعد لنص ليل وان مانيمتها ذبحتني مع ابوها صراخ وصياح وحالة وتعالوا احملوني دلع دلع ربي يعييييني اذا كبرت بس ...

ههههههههههه والله اليوم اختي توها تقولي ربي يستر صارت اشياءات بالغلط ويالله سترك خصوصي انها تعاني اكثر منا المسكينه وابنها من تعب لتعب بالنسبة للنوم وباغته البرد يعني خلص اكتمل الله يقويها ان شاء الله ...

احس البرد ذابحني انا اكثر من بنتي وابوها ! الاثنين محصلين لهم الدفاا انا مسكينه بين هالغسيل وهالتنظيف ثلجت ههههههههه عاد هاليومين سويت اضراب لحتى يقل البرد لانه اطرافي المووني فعلاا وان حطيت اشياا ثقيلة اتقرص ماقدر خخخخخخ...

جـــــــــــــــــوفان ,,, يالله ننتظررررررر بشراااك ...

والله ام ميمي وين نعلق اشغالنا انا صايره يطلعلي بقع نشفان بجلدي حمرررا اول مره بحياتي يصير فينا كذا هههه انا دوامين ماشاءالله وشفت ليل كمان مع جوجو خخخخخ
ترا والله مابي اخوفك بس الي فوق ابدا مو زي الي تحت جوجو للحين مجننتني ولا شقو تخيلي! ياربي الله المستعان كم صارلها الحين طووولت تعبت نفسيتي ياختي خخخخ خصوصا الحين برد والنوم يجننننننن اااخ بس! الله يحفظهم جوجو طبعا خلاص رسميا تبي تنام بحضني باليل بالنهار عصر مغرب ماتبي تنام الا بحضني وييين اول باليل بس احطها بسريرها اعطيها مويه وتغفى الحين لا هزيني شيليني نوميني! ازززززمه اخترب كل النظام
المشكله ترا بالاب ههههه انا زوجي مرات اقوله خليهاشوي تصيح لاتتعود عالدلع وصايره تصيح صيحة دله مو الم تعن يعني مليت شيلوني! وتبي تلعب عالارض وتبي نمسكها وكل هذا وهي تتابع برنامجين معينين بس عالتلفزيون!!! تخيلي نسجلهم لها تجلس طول اليوم عليهم ماتبي تشوف غيرهم جابتني الصمرقع جددد الله يحفظها عنيده...
اما اختك الله يرزقها بالوقت المناسب صراحه ماساه تحمل الحين ههههههههه
عاد اليوم اختباري دعواتكم ^_^

ام جوجو ,,, سلامااات ههههههه انا بقعي تبع النفسية كانت مريحتني فترة حملي والحين رجعت وبقوة ! شوفي جربي زبدة الكاكو معااه انا اشوف ينفعني كثيير ... وع الدلع يختي ولا بيخلص ههههههههه اهم شي مو علي على ابوها خلااص ,,, بس وقت النومه مثل ماقلتي تخربطت وانا ادووخ من صباحة الله قاعده وتبغيني سهر معاها ! عاد اليوم قلت برد اشتغل عليها بهالنومة وربي يعيين على صياحها ...

ربي يوفقك بامتحانك ان شاء الله وتبشرينه بالعلامات الممتازة

ام ميمي
كسرت خاطري جوجو اليوم اشوف لها يومين لما اعطيها الكوب تشرق وتصيح قلت شكلي عطيت بنتي عين هههههه شوي وانا اغسلها احس في شي ناقص طلعت ناسيه احط زي قطعة بلاستيك هي الي تخفف التدفق تخليه معتدل مو ينكب كب خخخخ مسكينه بنيتي كل شي اجربه فيها
اي سويت لها امس حركه حطيت لها من البسكوت النجوم الصغار مع سيريلاك القمح والفواكه وحبته ماااره هذي اجدد وجبه عندنا ههههههه بالمطعم حق جوجو

هههههههههه على عمري جوجوو ,,, انا والله اضطريت اشيلها لان الاخت مايعجبها صار ! واتوقع اني بشتري اللي فيها عوود لانها تحب العصير بسبب العود تبعه ! فقلت باخذ لها احسن لي ولها وعشان الماااي ضروري ...

زين زين تجارب حلووة نستفيد منها ,,, انا ياختي قمت احتاااار شنو اسوي لها وهي مو كلشي يعجبها وقلت هاليومين برد اشتري لها الجيكوو ونشوف نجرب كم ثمرة جديدة معاها ... اما الغدا والعشا الاخت تتشرط ماتبغي من الاكل اللي نسويه تبغي من اكلنه !! والحين بسبب سنون السنجووب تبعها تبغي تاخذ الاكل بيدها فقط وهي تتصرف فيه ههههههههه اللهم الصالونة تبع والدتي الله يطول بعمرها طبعا حالة استثنائية خخخخخخ ...

الشي الثاني انها ماترضى احد يقولها لاا او عيب خصوصي ابوها ههههههههه واحلى مافيها انها تقلد النغمتين كانها تقول عيب او لاا خخخخخ طبعا غير الدندنة اليومية الصباحية بسريرها خصوصي عااد اذا مسويتها هههههه ..

شخبار امتحانك ؟

والله ماشي حاله امتحاني حليت وعلى الله باقي اخر امتحان الاثنين الله يقويني على مذاكرته متكيييسله حدي!
لا بس السنون شي ههههههه جوجو كل شي تجيبه عند هالسنون سبحان الله كيف لحالهم يتعلمون انها للمضغ بالفطره!
انا بعد ماما قالتلي اجربلها اللوبيا خخخخ تبين تضحكين؟ تدرين جوجو الي مايعجبها عجب فجاه حبت شوربة العدس ههههههه تذكرت انا وحامل فيها كيف ادمااان على شوربة العدس بس ذقتها منها تذويق ماحبيت اكثر خفت من الغازات وكذا بس استانست ماشاءالله عليها

ام جوجو اخبااااااارك ؟؟؟ والله ع السنون فعلا ميمي ابتدت بالعض بس الزين فيها ما تاذي اثناء الرضاعه ههههههه ماخذه المص بشكل جدي ... وطبعا بسبب التسنين طلعت لي بحركات غريبة وعجيبة ! تعاند واذا تبغي شي تحصله وتتهاوش عليه بعد هههههههه ولصقه بشكل مو طبيعي بكل مكان وبكل حركة لازم تبغي وياي او مع ابوها حتى لو يروح يشتري خبز تذبح نفسها صياح اذا شافته عند الباب ههههههههههههه طبعا هالشي زين لي ....

والسنون اللي تحت بانوا بس باقي اللي فوق منتفخين الله يعيينه على التطعيم اذا معاهم هالتسنين ....

جوووفان مالها حس كلش !

ام ميمي
جوجو اسنانها الي تحت خلاص مره باينين ام سنونتين ههههههه بس الي فوق ابيهم يشقون والله تعذبنا كيف باقي الاسنان يارب سترك-_- عاد قرب التطعيم ان شاءالله مو الخميس الجاي الي بعده بطعمهاا يووووه تصدقين توني استوعب ان بروح لصديقتي ابارك لها ع شقتها الجديده نفس الخميسسسسسسس وووع جوجو تكون اخلاقها زفت والمشكله اني اجلتها من هالخميس للخميس الجاي ملقوفه انا لو مخليته نفس الموعد ههههههه
انا بنتي اذا طيحت لعبه تقعد تهاوشها ولما اعطيها اياها تعضها هههههه تعاقبها لان طاحت

هههههههههه والله ع الاسنان امي الله يطول بعمرها احبطتني تقولي وينك ويييين تخلصين من هالسالفه تقوولي ماشفتي الا الخير بدري ع الاسهال والترجيع والتسخين والزن خخخخخخ ...
انا اشووف ميمي سنونها اللي تحت بانوا الربع حلوووين اذا تضحك فيهم هههههههههه .. ربي يعيينك ويعيين جوجو وان شاء الله يشقوا قبل تطعيمها وترتاحين ! انزين ممكن انه بيطلعون لها بالجملة ؟؟ يعني بنت اختي ماشاء الله تبارك الله بس طلعوا اللي تحت بروحهم اما الباقين ماشاء الله يطلعون بالجملة وماكملت السنة ونص الاا كل سنونها طالعه بس طبعا مسكينه تعذبت وصارت جلد على عظم لانه يمسك لها التهاب وحالة وسخوونة ...

والله التطعيم هذا اكثر واحد خايفة منه لان اوله بالبرد وثانيه ميمي صارت تفهم تمام وثالثه التسنين ويصير معاه بكتيريا وقله مناعه الله يعيين بس !

هههههههه شكلها جوجو بتخليك تتباركين تمام ,,,

هاا جربتي اكلات جديدة لجوجو لو للحين ؟؟ انا بما ان الاخت ماتبغي لا الماصخ ولا الجاصخ اللي بدون بهار فقمت اسوي لها الخضر ( كوسا+ جزر + قرع + يقطين+بروكلي + قرنبيط+ طماطم + باذنجان+بطاط + (شبنت+ تابل) ) اشوحهم شوويه مع البهارات الخفيفة قلييل جداا وبعدها اخليهم على نار هادية جداا واغطيهم واخليهم يستون بروحهم والله عجبها هههههه مع العيش اوو مع الكفتة اوو مع البيض او مع التوست ....

واما الفواكه ,,, خرمالو اعتقد موسمه فجاب لي زوجي كم وحده وعجبها ! وطبعا الشيكو والرمان والعنب وكلهم لازم تقرضهمم بسنونها بعدها تمضغهم خخخخخ كانها عجوز ...

وشو خرمالو ههههه

تصدقين خايفه يكون معهم الانياب مثلا او شي ياختي نصبر هم متى تقريبا يطلعون كل السنون عالسنه نص سنتين كذا؟
عالاكل احاول اذوقها من كل شي شوي عشان تتعود قد مااقدر
الحمدلله اليوم خلصت اخررر اختبار عندي اجازه قصيره من الدوام وقررب عرس اخوي بشهر 3 ميلادي وانا خبر خير لافستان ولا ايي شي والي احاتيه جووجوو ونومتها مرره تتعكر لما تتاخر بالنومه افكر عرس الرجال يخلص بدري شكلي بخلي زوجي يرجعها البيت بس ان شاءالله ماتجنني
تصدقين اليوم اول مرررره حفاضتها تسرب بقوووووه مو شوي لا طلع وانتي بكرامه البيبي لملابسها الي برا انا اغيرها لها قبل النوم على طول لان باليل مااتخيل ابدلها بهالبرد حرام.. مدري مفروض اقومها ابدلها ولا كيف محتاره

جووفان ,, خرمالو اعتقد يسمونه بعد كاكا ...
ل
ام جوجو ,,, اعتقد جذي لان بعض الاطفال من يطلعون اللي تحت خلص يشتغلون الباقيين ! وهوو يكتمل نمو الاسنان حتى 3 سنوات والبعض ماتجي لهم سنة الا كل السنون موجوده والبعض بنهاية الثاني وهيك ...

الله يعييينك على العرس ! انا بعد صار عندي 3 اعراس والله وكيلك توه زوجي يقولي مارحتي عرس فلان وفلان ؟!! وانا ولا ادري بعمري انه فاتني وعلى بالي للحين ماجا الموعد ههههههههه جت خيره ! الحين باقي العرس الثالث كلحين يذكروني فيه خخخخخ ان شاء الله انساه واريح راسي لان اللي عندي صايره متيمه بالرضاعه !! ...

ع التسريب انا قلت لك من قبل ميمي صارت لها الحالة اتوقع من التسنين لان بذيك الفترة صارت لها والحين وضعها تماااام فأنا كنت لما يسرب اضطر ابدلها لو مرة وحده بالليل لحتى مايصير لها التهاب لان بهالعمر بسسسرعه يصيدهم فانتي اصبري يومين ثلاث تبدلينها بعدها وقفي لان بترجع للوضع الطبيعي واذا تشوفين التسرب كثر بالتالي حاولي تغيرين لها الحفاظ فاما انه اكبر منه اوو صغر عليها ولايكفي فجربي تاخذين العبوة التجريبية لحجم اكبر ولبسيها وشوفي ...

انا ع الاكل الحين اخذت لها طريقة اخرى للفواكه بما انها تحب تاكل بيدها وتقرض بسنونها فقمت اقصص لها الفواكه حجم حلوو من كل نوع نص حبة واحطه لها بالصحن واخليها تتنقى وتاخذ لها تفاحة مثلا وتقرض منها وتاكل وهكذا والموضوع ماشي ولله الحمد ... واما الخضروات فقمت لما اسوي لنا سلطة خضروات ع الغدا اخذ لها كمية وافرمها بالفرامه لما يصير نص نص واعطيها ويعجبها كثييير ...