تجمع امهات مآيو لشهر ^محرم^

ام جوجو يتراوى لي من التسنين تزيد الدلاعه انا قبل يومين جننتني من احطها بسريرها تذبح نفسها صيااح وحاله وما ان حطيتها على سريري راح ولصقت بابوها وناااااااااااااااااااااااااامت ههههههههههه عاد ابوونا تشقق وحب السالفه وامس ماخذها يبغي ينيمها جنبه ههههههه حلاووو هي ؟! بس الاحظها من يجيها الالم تصير لها هالحالة كانه واحد قارصها بسريرها !

امم اتوقع الحليب لان يزيد من البلغم او الكحة عندها من جيي ترفضه وهو بالعاده الحليب الصناعي شويه ثقيل جربي معاها عصاير وارتاحي ,, الاا تعالي استخدمتي الكووب ؟؟ انا على خطاك هالشهر باخذ لها بس قلت بسألك عن تجربتك وتنصحيني اخذ لو لا ؟؟ لان اشوفها تحب تمسك الكاس وتشرب منه بروحها ..

ههههههه ان شاء الله نفذتي خططك بس يتراوى لي كم شي تأخر ع الاكيد بسبب قدوم جوجوو مثل حالتي ...

النطاطة الله يسلمك فعلا هو مبلغ وقدره !! بس اونلاين يكون المبلغ حلوو بس مع الشحن وخصوصي للبلاد العربيه ؟؟ يكون مبلغ وقدره ونص !! شريتها تقريبا 80 دينار الا كم فلس يعني يكون عندكم 800 ريال اعتقد ( وحده ماتعرف للحساب )) انصحها تاخذ من هني احسن لان اونلاين بياخذ لها وقت اطول والشحن بعض الاحيان يزيد سعره ...

ام جوجوو افكر اخذ لميمي مرجيحة لسنها اشوفها امس جننت ابوها الا تعال سوي لي مرجيحه بس اخاف تجنني عليها مع اولاد اخواني اذا جووا ,, وع الغيره اسكتي اذا وحده بعمرها غيره الللف بس اذا اكبر منها تستانس عليهم هههههههههه وتنساني من اساسو وطبعا لعبتها المفضلة هي سحب الشعر ( عنوان الاعجاب ) ...

ام ميمي
ياربي على دلع البنات وااي انا من تشوف ابوها يوقف الزن وتستانس لا وعشان ترفع ضغطي تشتغل بابا بابا بابا يه وانا طيب ماما طول اليوم منطقه معاكي وش وضعي! كانت تقول اول ماما قبل شهر او شهر ونص! من فتره بطلت اهئ اهئ صارت بس بابا ونست ماما الاخت!
جوجو عندها زي المرجيحه بس الي تنحط فيها هي تمرجحها وتشتغل اغاني ولو تبين تهزها بعد خخخخ ولها كذا وضعيه جلوس ظهر مستقيم كنه كرسي او ترخينه شوي او منسدح من زمان احط جوجو فيها ماتشوف تلفزيون ولا تاكل الا فيها لان يتركبلها زي الطاوله الصغنونه البيضا قدامها احطلها بسكوتاتها وتجلس تتفرج خخخ ترا مره مره مره مفييده حدها! انصحك فيها من اول الاشيا الي اشتريتها لما كنت اجهز من عمرها شهرين تقريبا وانا احطها فيها وطبعا فيها سيور تثبت البيبي سيفتي فيرست ههههه
لا لا شد الشعر فنننننننننن عند جوجو تسحب من الشعر الي ورا عشان يألم عدل! خخخ
الكاس والله بديت لها يومين بعدين باغتنا الزكام! مبدئيا حبت الفكره بس احتارت تمص ولا تعض هههههه بس الحمدلله اهم شي ماشرقت ان شاءالله اول ماتتحسن برجعلها اياه! انا اختي تقولي شكلها بنتكم بتنفطم بدري لان ترغب شوي للاكل اكثر من الحليب! مدري مشاعري مختلطه بالنسبه لهالموضوع هههههه
اما المخططات تقريبا كل شي ماشي حسب الخطه ان شاءالله خصوصا تخرجي يااارب اتخرج السنه الجايه لان بجد بجد خلاص تعبت نفسيا وجسديا من الجامعه! شي مررررررررهق المحاتاه-.-

ام جوجوو ,,, صدقتي ماما ينسوها ومايذكروا الا البابا والحين احسها تفهم ان انا ماما وذاك هو البابا يعني تناديه واذا معانه احد ما تتكلم بس غريبة من كم يوم جونا ضيوف والاخت عايشة دوور زغلول العشماوي هههههههههه ,,, والاحظها حزة الزنقة واذا كلش تبغي دلاعه قامت تنادي امااه قاال امااه خخخخخ عيااارين ...

ع الكووب الحمدلله دام امورها تمام وانا ان شاء الله بعد كم يووم بروح اسوي لي دورة للسوق واخذ لها باذن الله ...

المرجيحة فيه نوعية ثانيه اللي تجي بحبله عرفتها ؟ اللي قلتي لي عنها ماعتقد ميمي تقعد فيها ! كرهها شي يقيد حركتها ويسدحها او يخليها بكرسي ويسكر عليها ههههههههههه هي سترولر ذاك اليوم ذبحتني فيه واخر شي مسكت هي بيد وهو باليد الثانيه !! من جذي قلت بدور لها العادية مثل اللي بالحدايق بس لعمرها انا شكلي شفت بمذركير بس يبغي لي فررة ...

ع الحليب احسن لك ! والله كلمتني وحده من اهلي عندها كم طفل وماشاء الله كلهم تربية والنعم وقالت لي اذا بتفطميها اول عن الحليب بعدها عن الحفاظة لان المرضعه اصعب فانتي اذا جات منها ارتحتي وممكن لانها جربت الكوب حبته اكثر فخليها تتعود عليه وعطيها حليبتها فيه وبجذي ترتاحين نفسيا وجسديا وضميريا ...

ع الزكام الله يشافيها جوجوو هذا كله من هالتسنين الله يريحها ويريح ميمي ياااااااارب ,, انا خف عليها شووي بس اشوف كان حرارتها في ارتفاع طفيف والله احاتي هالسالفه اكرههها من قلب ....

والله الواحد بخاطره كلشي يشتري من العاب وملابس واشيا تعليميه بس احسه معااااش لحاله وطبعا الاسواق كلشي للبيبات سعره اغلى من الشي للكبار دبل ! .. .

تصدقين ام ميمي كل المحلات تخفيضات بالهبل!!! خصوصا اتش اند ام انا احب ملابس الطلعات حقاتهم هههه كيوت حدهم
صدقتي والله هالراتب مدري وش بيتحمل هههههه , انا جو المؤنه حقتها خلصت وجالسه اسلق واهرس بالاله اااع
طلعت جوجو مو كارهه الحليب كارهه الرضاعه عشان التسنين مو قادره تمص حطيتلها الحليب بالكوب مشي حالها الحمدلله
ياالله ام ميمي ملابس جوجو ماسااااه بنتي تحب الموز مع الحليب تخيلي طبعا انا مااغسل ملابسها كل يوم! يعني يومين ثلاثه اغسلهم لان عندها كميه فما يحتاج تخيلي الموز على طوووووووووول يعفن عالملابس ووووووع مع اني اغسله عالسريع بالتايد بعدين احطه بسلة الغسيل تعبت ولاعت كبدي مدري ليه كذا بيجلطني

يؤيؤيؤ زين قلتي لي عن التخفيضات شنو وراي زوجي وماخذ له اجازة حلووة وانا فاضية نرووح نتفرفر ههههههه طبعا فقط لميمي احسن نفسي من المنسييين انااا خخخخخخخخ ...

ربي يعيييينك انتي لازم تسوين كمية لجوجو بسبب الدوام ,, انا اسوي كل يوم ليومه ماعور راسي لان الاخت مرة تزيد اكلتها ومرة تقل فاخلي الكمية ليوم واحد احتسابا ... وطبعا الفواكه نوو وييي تاكل ! خضرواات يا حيالله ...

ههههههههههههه ام جوجو اذا انتي لطخات مووز تعالي شوفي ملابس ميمي للبيت !! كأنها ملابس طرارة ههههههههه من جذي قلت لك خلي لها ملابس للبيت خاصه للتوسيخ يعني تتوقعي ان ماراح تنظف تمام التمام وبعدين ان شاء الله مع الحبي والمشي بيتلعوزون اكثر !! انا عندها نوعين من ملابس البيت ملابس عادية للتوسيخ اخليها براحتها لان بالبداية تجننت مثلك قمت احط ت فانيش ههههه ولا فاااد ,, وملابس بيت اذا جانا ضيوف تكون نظيفه وتكون غامقه يعني مايبان فيها البقع واريح راسي وبنتي ماتخلي عمرها ...

ها جوجو ماطلع لها السنون ؟؟ انا ميمي اليوم بالصدفه اشوف لثتها صاايرة جببل الهملايا وبقمته بقعه بييضه كبيرة استانست انه شق وارتحنا وان شاء الله على هالاسبوع يطلع كامل ونرتااح يااارب ...

ام ميمي
والله انقهرررررررررت من هالموز كرررررررررررررهته المشكله الفاكهه الوحيده الي تاكلها الاخت رحت خذيت لها اليوم من مذركير المرايل الي تكون كلها بلاستك بخليها لابغيت ااكلها هالموز النحيس هف قهرني="(
جوجو الحين الي تحت صارو طالعين بقوه وانواع التعضض فيهم هههههههه الي فوق باقي والله صابرين والاجر على الله خ خ خ خ
بصراحه بكللل مكان التخفيضات اليوم رحت مجمع ثاني ياسلام سلم! انا مثلك كنت منسيه بس اليوم شلت اشيا من دولابي تؤتؤتؤتؤ يالهووووووي لان كل ماابي اشتري اقول عندي وكل ماجيت البس احسهم خلاص اولد دايتد بقوه! لهيك جمعتهم وسلمتهم لماما عاد تقط المنتهي والي فيه حيل يتوزع خصوصا الحين شتا=)

هههههههههه زين المرايل حلووة وفيها اللي قميص كامل يتلبس هااي عجبوني قلت هالمرة باخذ لها لان المرايل بوو ويييي تخليهم تجنني وآخرها تركض وتنخش وتشيلهم ههههههه عاد قلت اخذ لها القميص افضل ..

يالله الله يعيينه على الاسنان انا شكله اثنينهم بيطلعون ! اشوف اليوم انواع الترجيع ع عمري بنتي ترضع من صوب وتكح كحتين من صوب وترجع !! مع انه احس خف البلغم عليها كثييير بس يالله نرد نرجع للنظام المكثف وربي يعيييين هووووف ...

ام جوجوو والله بخااطري ادلع عمري هالشهر بشوف الوضع وخصوصي ابو ميمي اجازة يعني عندي مجاال اسوي اللي ببالي ...

مفكرة ابدى مع ميمي فاكهه جديدة مثل الكيوي والجواف والمانجو عشان طعم جديد وياارب ترضى تاكل هالفواكه لان معورة قلبي ولاشي من الفواكه تحب تذوقه تقهررر وان اكلت شي حلوو سوت عمرها كانها بترجع !! متنسية الاخت خخخخخ

ام ميمي
والله خاطري احد يجعلكني ويرجع يفردني مو بس يسويلي مساج-_- انا اقول لزوجي عالاقل خذلك اسبووووع بس تعبت ههههههه لاحقي عمرك وتدلعي قبل ما ترجعين للدوام حزتها صدق راحت عليكي!
اي شفت منهم واااجد بمذركير بس ترددت واذن واستعجلت وقلت اخذ احتياجاتي يادوب,
ام ميمي اذا بيطلعون لها الي فوق والي تحت الله يعينك ويعينها انا جوجو سنين مع بعض وهبلت فيني والحين الي فوق ومهبله فيني دبل! بس مابي المس واشوف ابيها تفاجئني زي الي تحت ههههه فجاه وانا اكلها بالملعه حسيت فيهم الي تحت خ خ خ
مشكلة جوجو والملابس اي شي يحسس بشرتها وتحمس وحاله هذا الي خلاني اقط ام الملابس الي عليها الموز!
كمان جوجو راح منها البلغم بس تجيها كحات مدري كيف انا وابوها للحين نكح كيف هي خخ

ههههههههههه ام جوجو التشبيه يقتل
اجل تبين احد يجعلك ويفردك
<<< متابعه بصمت كالعاده

ام جوجو ,, والله نحتااااااااااااااج من قلب وعلى قولتك يجعلكنا هههههههههههه آآخ بس واختي ام احمدي جعلكتها انا خووووش جعلوكة وفرراد ههههههه على قولتها انتي المساجر تبع الفاملي وانا الفقيرة المسكينة منووو يسووي لي ؟!

والله يااختي على الاسنان اكتشفت اكتشاااف عظيم اليوم ان السنين اثنينهم اللي تحت شقوا !!! والاخت ماتبغي حتى احد يشووف هههههههههه بس بالصدفه وانا اشربها من الكاس واشووفها متلهفة لاي شي يلمس لثتها الا احس الكاس ضرب بشي قاااسي وهي كلحين تضرب فيه الا بالغلط اشوف اثنين خخخخخ وشكله اللي فووق قاعد يشتغل عليها ربي يعيينه ونخلص ..

والله صدقتي ياجوفان فعلاا يمووت هالشي ...

ها ام جوجو فيه وجبات جديدة لوو ؟؟ انا ميمي طالعه لي بطلعه جديدة وهي الجباتي الابيض المغمووس بالشاي حليب ههههههه ذاقته بالغلط وياويلي اذا اغمس وما عطيها تاكلني خخخخخ ...

وسويت لها شاي زعفران تحبببه ههههههه صايرة مثل العجايز ماباقي الاا القدوو<<< تنتظر جوفان تسألها عن المعنى خخخخخ ...

جوفان
والله اليم اقول لزوجي ابي يوم بالسباااااااا خلاااص ماتحمل لو جات اختباراتي وانا بهالحال بزفففففففففت شكلي بتوكل وبخليها الخميس ادلع نفسي خصوصا عيدميلاده الثلوث يعني بكرف كرف بنط من مكان لمكان! ياربي بنجلط الا شوي ="( لاتصمتين انتي مسويتلنا جووو ان شااءالله تحملين مالي شغل تداومين بتجمعنا هنا هههه
ام ميمي
ياختي مابي احد ابي اروح مكان مااسمع فيه صوووت بس اكون ريلاكس طول اليوم فوني اوففف واوسع صدري!
هههه جوجو نفس الشي لما طلعولها اسنان احس بالملعقه عرفت اليوم عاد طفشتني قلت بشيك عاللي فوق ان شاءالله قربو لان خلاص منتفخين حدهم والاخت تزحف شووووي صارت بس احسها غاويه الوقفه اكثررررررر مرره تبيني دايم موقفتها واسندها ع شي تستانس الخبوله تجلس تناقز وشوي وتطيح ههههه الله يحفظهم
وجبات خففتهم لها اصلا احاول اكثر من السوائل الحين خبرك الكحه اللطيفه الي نااشبه الله المستعان تدرين انا ماعطيت جوجو اي بروتينات للحين! كل ماقلت خلاص بعطيها ياتمرض يايصير شي اااع اليوم جعت عالمغربيه الا الاخت بتقط معاي بالساندوتش ! ههههه وعاد كلش مافيه الا لبنه وخيار حسستني ان الله يعيني مقدر اكل اي شي قدامها,تصدقين صديقتي ولدها اكبر من جوجو بشهر بالضبط تعطيه شوكليت تقول شسوي يحب الشوكليت سلامااااااااات انا انهبلت تقول اي شي ابي اكله يبي ياكل منه!!!!!!!! هبلت فييييني قمت اهاوشها واعطيتها النظام الغذائي وقلت لها عالاله تشتريها تسهل عليها لا وفوق هذا تقول ولدي ماينام زين باليل وييين ينام الله يهديها بس قهرتني ماحب كذااا خصوصا انها مش موظفه يعني ماوراها شي! انا احس بالذنب مقدررر اصلا يكفي اني اثلج اكل جوجو هذا لحاله يحسسني اني ام سيئه بصراحه بس ادري عمتي الله يعطها الصحه والعافيه مابيمديها تسويلها الاشيا الي انا ابيها الله يعين بس ويقوينا

هههههه تفاحه لاااعرفه القدو مو نفسه الارجيله؟؟؟

ام جوجو
شوكليت بهالعمر
عزالله خربوا الاسنان وهم باقي ماطلعوا

جوفان
والله مو بس خربو الاسنان الحين مرره منتشر السكري عند الاطفال! شي يخوف-_-
ام ميمي الجميله
اين انتي وميمي ههه

طق طق طق ,, انا هناا سيدة ملعقة خخخخخخ ...

ام جوجوو ,, والله حاسة بمأساتك والله ربي يعيينك يبغي لك كرفته محتـــــــــــــــرمة بحق ... على قولة جدتي الله يرحمها يشيل الدغش ( المرض والتعب ) من جسمك ..

ابتدي معااهااا البروتيناات احس ما تتغربلين معاها بعدين مثل ولد اخووي جنن امه لحد يومك وهوو بالمدرسة الحين ماياكل !! واذا كلش كلش نقت وخرابيط .. انا الوالدة الله يطول بعمرها مصرفتني هههههههه يعني رضيت مارضيت عاطيتني طااف وميمي مووتها احد يزبطها بحضنه ويحط الصحن قدامها ويعطيها !! صارت تحب اكل الوالده اكثر من اكلي ههههههههه بس بعد اذا اسوي لها الخضار بالشوفان تستانس خصوصي اذا كثرت لها البروكلي مع اليقطيين ...
ويام جوجو الاطفال فعلاا عيونهم باكل اهلهم الله يعيين بس ميمي تسوي فيني بلااوي ومثل ماقلتي ماتقدرين تاكلين قدامها شي والجوكلت فعلاا مش مفييد لان الكافيين يخرب نومتهم ...

هههههههه يعمري على اللي تزحف الله يخليها ان شاء الله ,, هم بالبداية يموتوون بالوقفه ميمي طبعا متمرسة الحين توقف وترقص وشكلها فظييع ههههههههههههههه خصوصي عااد اذا ابدل حفاظها ولقت لها مهررب توقف على رجل ابوها وتقعد ترقص ولاا اذا اعصب عليها تزييد فرحتها على بالها امزح معاها خخخخخخ ...

ام جوجوو اليوم جربت شي جديد من الفوااكة ويالله مييييييييته فررح ميمي حبته !!!!! الا وهو الجيكوووو والحلوو ان فوائده كثيرررة ونسبة الحديد فيه عالية والفيتامينات الاساسية ههههههههه الحمدلله يعني يستاهل اخذه غالي جرربيه لجوجو ان شاء الله تحبه ...

الاسنان انا احس ميمي للحين تعاني وساعات احس حرارتها ترتفع اوتنزل مادري شلوون صرت اتخوف من هالموضوع ,,, واليوم فجأة اشووف لما بدلت حفاظها ملتهب عندها شوي فاتوقع حالة الاسنان رجعت ربي يعين !!

جووفان ,, صحصوووح هو الارجيلة ولكن معتقة يعني بفخار مع خشب ... شنووو جديدك ؟؟

تفاحه وشو الجيكو هههههه
<<< بعدني انتظر صوره البمبره


جديدي انتظر الدوره تنزل
الشهر اللي فات تقدمت
وهالشهر شكلها ناويه تتأخر

وبنتي اجازه الحين
وانواع السهر والدلع ودايم تقول طفشانه مهما العب معاها واطلعها
اشتقات لصحابتها هههه

جوفااان حبيبتي هذا صووره البمبر وحده سألتني وعطيتها عاد قلت بحطهم لك ونسيييييييت اعذريني عشق الريم ومايسووي ياختي ..

هذا هوو البمبرر ::




وهذا هووو الشيكوو او الجيكووو ::





هههههههههه ربي يعيينك اجاازة معنااه ماما وديني العاب اوو سوي لي برنامج اما اناا حالي مثل حال ماروكو اذا جات الاجازة كأنه عاطيني الجنة وانسى صديقاتي واعيش احلى ايامي نايمة او ع التي في خخخخخخخ ,,, يالله يبغي لك تغيري جوو انتي معاها وترتاحين من العلاجات وغيرها هالفترة ...
والدورة عساها تتأخر وماتجي ابد وترتاحين منها لتسع شهوور ان شاء الله ..

اااااااه بس اليوم كان عيدميلاد زوجي عالسريع مع رجعته من الدوام وعلى كلام عمتي جويل من الصبح مابطلت بكااا وفعلا من جيت اشتغلت ماتبي لا اكل ولا رضاعه وحتى لما روقت شوي واكلتها رجعت كللل شي ياربي هالبنت بتجيب اجلي متى يطلعون هالاسنان ياربي الله يهون عليها بس=( والله تعبتلي نفسيتي وادري وراي احتفال باليل لان تعتبر معدتها فاضيه وماهي قادره تمص ولا تبي تفتح عيونها عشان اشربها بالكوب اخاف تشرق لو شربتها وهي نايمه وربي احتررررت ويا هالبنت صراحه سنونها الي تحت اهون بوااااجد هذول لهم كم الحين مررررررره طولي انا تعبت عنها والله:(

ام جوجوو ربي يعييينك ويهووون عليها ياااااااارب ويطلعوا فعلا احس تعذبتي انتي معاها هالمرة ! ... ممكن يكون تسنين بس تزامن معاه نزلة برد فالافضل تكشفي عليها ( الاذن والحنجرة ) لان البعض يحتاج قطرة للاذن عشان تخفف وربي ييعيينك ويعينها يااارب ,, اذا تقبلت حاولي معاها بعصير البرتقال مفييد للمناعه وعليكي بالشوربة ممكن كثير انها تتقبلها لان ميمي من جاتها حالة الحرارة والبلاعيم الوالدة الله يطول بعمرها سوت لها الشوربة وفعلا صبح ليل نهار ماتبغي الا هالشوربة لان اتوقع خفيفة وسهله البلع ...

وشفت بموقع للاجانب يذكرون تجاربهم مع التسنين فكان اكثرهم يسوون لهم ثلج او يثلجون لهم اكله او فاكهه معينه ويعطوها البيبي يخفف كثيير الحالة وبعضهم يحطون زيت قرنفل ...

وحبيبتي جربي تعطينها بالابرة تبع الادوول شوي شوي هاذي الطريقة الوحيدة استخدمتها مع ميمي وخصوصي للمااي ..

والله ام ميمي هالمره جوجو عجزتني! منجد اول مره كانت كنها حلللم ماكانت كذا ابدااا الله المستعان
المشكله حتى العضاضه الي داخلها مويه ماتبيها اول تستااانس عليها خصوصي لو بارده ياربي بنتي عنيده بشكل الله يحفظها
وصايره ماتبي الارض ولا الكرسي و لا المشايه بس ابي اوقف واذا وقفت تشققت وقامت تنطنط وطاحت خخخخخ
ام ميمي الحين تطعيمهم اخر هالشهر ولا اخر شهر فبراير؟! احس اني فقدت التركيز من جوجو

ام جوجو ربي يعيينك ان شاء الله وربي يخفف عليها وجعها يااارب ويشقوا وترتاااااح وترريح ,,, والله ميمي كانت جذي لاتبغي جل ولا كريم ولا دوا ولا عضاضه !! جننتني اللهم الادول وبالغصب اعطيها حتى الابرة رفضتها لين الله رحمنا وشق هالسن فربي يعيينك !,,,, ع الوقفة هم جذي لان قوى ظهرها شوييه مع رجولها من جذي تستانس والحين بتبدي تحبي من جذي هههههههههه اذا انتي الحين ماتبغي المشاية بنتتي من كم يوم شاريتها لها مو عاججبتها كانها اقل من مستواها !! شكلي بشتري لها الولكر الثاني اللي يشبه تبع العجايز هههههههه لان اشوفها كله تبغي تمشي بس من غير قيود ...

ام جوجووو ربي يعيييييينه التطعيم نهاية هالشهر !! انتي جوجو مفترض يكون نهاية هالشهر وانا ببدايات فبرايريعني بعز البرررد والمررررض يالله ,,, واليووم الهووا والبرررد مووو طبيييعي ابد والاهل كلهم مرضى وخايفه على ميمي تمرض فوق مرضها ...

جوفان اين انتي ؟؟؟