تجمع امهات مآيو لشهر ^محرم^

ام ميمي
عالاكل مافي جديد والله انشغلت مع ابو جوجو من اسبوع جاته حراره على يومين وبالموت تنزل يروح المستشفى يعطوه ابره تنزل شوي وترد تطلع! عقب مسكته كحه مو طبيعيه ماينام معها اخر شي صار ينام برا الغرفه عشان لايزعج جوجو وانلهيت معاه مررره لا ليلي ليل ولا نهاري نهار! طول الليل احاتيه ترتفع حرارته وبالنهار دوام خخخ بس من تجربتي الرز الاسمر ممتااااااز وماسبب لجوجو امساك بالعكس ومره حبته=)
ميمي صايره تسوي ازعاج وقلق وسوالف زي جوجو؟! ماشاءالله عليها مرات احس ودي افهم بس وش تقولي هههههه امس شفت برنامج ان بامريكا يعلمون الاطفال على لغة الاشاره بما انها اسهلهم بهالسن من تنظيم الكلمات وماتاخر النطق ولا شي مررررره حلووو وكمان تزيد من درجات الذكاء عندهم طبعا في كذا حركه اساسيين مع التكرار تلقيها بدت تسوييهم! افكر ابدا مع جوجو لو اشيا بسيطه

الحلوووة ,,, سلامته ابوو جوجوو يقولون هذا فايروس هااب هالحين !! والابرة هاذي ماتسوي عمل تعور فقط واحسن شي عن تجربتي هي الكماادااات مع العصيراات والمااي ممتاازة ... وربي يعطيه القوة والعافية وكله اجر وعافية ان شاء الله ....

والله ميمي هاليوميين جربت لها شي جديييد نصحتني فيه احد الصديقاات والله سواا شغل انصحــك فيه واضمن لك جوجو بتحب السيريلاك مرة ثانيه بسببه !! (( تاخذين كم حبه تمر + بخصم (( صمون )) وتغليهم مع شوية ماااي وبعدها تصفيهم وتاخذين الماي اللي نتج وتدمجينه مع اي شي رغبانه ان جوجو تاكله وشووفي السحر يا ماشاء الله !! )) انا جربته مع ميمي لانها رااافضه بتاتا تاكل سيريلاك وماشاء الله من سويته لها داااااااااخت علليه قلت بسويه مع الفواكه بكره ! ومعروف هالطريقه تسمن البيبي ...

ميمي ذبحتني ببعض الكلمات مالها داعي هههههههههه لما كانت مريضة تقولي مابي اوو توف توف (( تتفل الشي )) والحين اذا قعدت من النوم تمسك شعري او رجلي او يدي وتقعد تهذر معاهم هههههههههههه ,,, بالاشارة سهله اولها علميها مع السلامه او تعالي الحين ميمي تفهم لكلمة لا تهز راسها وكلمة تعالي تقلدها باليد ...

اليوم ذكرتك ام جوجو على ثياب الكتاكيت رحت بفرع جديد فاتح عندنا لمذركير ( طبعا الشركة الثانية ) ومسوين تخفيضات ويالله الملااااااابس جناااان وبسيطين بنفس الوقت واخذت لها لعبتين تجننت عليهم وهيلاهوب ولقنز وبعد باقي قلت آخذ لها شوي شوي عشان اشوف الموديلات بمزاجي واشوف كم لعبة لان الاحظها تحب تلعب ببعض الاشيا ...

ههههههههههههه تخيلت ميمي ماسكه رجلج وتسولف معاها<<< متابعه بصمت بس وقت اللي يضحكني شي ارد هع

ههههههههههههه جووفان والله كنت بسوي لك دقة عشان اخليك تردي علينه بس الله ماكتب <<< كانت بتكتب كلمة بخصم فقط عشان تسألين وشو البخصم ههههههههه ... شفتي ميمي عاد؟ اليوم اشوفها ماخذه المشط وقربت صوبي وتمشط بشعري يازعم ( طبعا تضرب راسي ونص الشعر ينقلع منها ) وانا اصرخ وهي تضحك !! واذا عصبت تقولي كي كي اماه ؟؟ وش يعني مادري ههههههههههههه

انتي اخبارك جووفان ؟؟؟ وشنو جديدك ؟؟؟

ام ميمي
انا شفتهم يعلمونهم الحليب كيف اشارته وكلمة اكثر وماما وبابا والفواكه كل وحده لها اشاره سهله عشان لما تبي شي تطلبه مو تجلس تبربر علي وانا مو فاهمه ههههههه جوجو مرات اذا خلص برنامجها تجلس تطلع بابوها عشان يعيده ولو مارد عليها يووووه تشتغل عليها يمزح معها يقولها يه تسبيني بعد تعصب هي زياده وتبدا تتفل ههههههه هالتتفيل قطعته فتره والحين ردتله! الله يحفظهم
وفعلا ابو جوجو يادوب تحسن عالفواكه والعصيرات بس جد كان اسبوع سييييييييء بكل المقاييس الله وكيلك ماشفت الشارع بالويك اند الا ساعتين رحت تغديت ببيت امي ورجعت تهئ تهئ
ااخ يالثياب جوجو دولابها حاصله انفجار هههه يبيلي اشيل الصغير بس عالفضااااوه

هههههههههههه جوجو برنااامج صايرة الله يحفظها يااارب ,,, تصدقين وانا عبالي ان التتفيل تعلمته من اولاد اخواني طلع شكله كل الاطفال يسوونها هههههه كلشي ولا كلمة توف توف اللي تقوليها ميمي وهي تتفل لان الاخت كل ما اخذت شي مو زين من الارض اقولها يع توف توف الحين تعلمت اي شي ماتبغيه توف توف ههههههههههههههه ...

واكثر مايضحكني اذا قعدت ترقص وهي واقفه خصوصي مع ابوها واي تعصيبة تحط حرتها فيه خخخخخ انا مسببه لها رعب ههههه ...

والله جربي سالفة التمر بتفييدك مليون بالمية وادعي لي اذا شفتي وزن جوجو التطعيمة الجاية ان شاء الله ,,, انزين ام جوجو شرايك ابتدي اعطيها زبادي ؟؟؟ لان مو يقولون لاتعطوهم حليب بقر قبل السنة ؟؟ فشلون عادي ابتدي بالزبادي لان الاخت تحب اللبن والزبادي وتذبح ابوها ااذا بياكل وياويله اذا ماعطاها لحسة فقلت مادري ادخله بنظامها لو شنو ؟

وييين انا اعطيها من زمان زبادي تحبببه والحين افكر اضيفله فواكه بدل لان لما اقترحت على امي اشتري الزبادي الي بالفواكه قالتلي يحطون فيه تو متش سكر سويه بالبيت افضل ,اعطيها وبيعجبها ان شاءالله الكلام عالحليب اتوقع لان الجبنه عادي نستخدمها وكل شي عادي انتي جربي بعععض الاطفال يتحسسو من الزبادي كذا تعرفي انو اخري المنتجات هذي كلها,,,انا افكر اعطي لجوجو قريب السنه يعني كذا شهرين الحليب الي بنكهات عشان تتهيأ للفطم ههههه عالسنه ونص كذا
التتفيل طايحه فيه طيحه عجييييييبه مدري وش ذكرها فيه اووه وخصوصا وقت الاكل رجعنا للحوسه-_-

الزبادي عطيتها اليوم لعشاها ماشاء الله ساعة واشتغل بطنها ! مثل ابوها تمام ههههههههه وان شاء الله اشوف وضعها معاه هالكم يوم لان بنتي من تتحسس من شي ساعة ساعتين يباان عليها هذا الشي الزين ...

انا اشوف زوجي يحب الزبادي مع الفواكه وخصوصي التوت والفراولة يقووول يحبه من هو صغير ! جربي هالفواكه سكريه وبنفس الوقت مفيدة وخصوصي التوت البري تلاقينه باسواق الخارج لانه موسمه اعتقد ...

امممم عن الحليب اختي محذرتني تقوول ثقييييل عليهم على السنة بالضبط عطيها لان ممكن يسبب مشاكل لها عاد قلت شعاجلني هههههههه الاخت عندها الينبوع بتاعها شغال ,,, بس مثل ماقلتي انا بعد مقررة افطمها على السنة ونص عشان اذا فكرت احمل وبنفس الوقت تريحني من اللصقه الزايدة فيني ... تصدقيين انا ابغيها تكبر بسرعه عشاان تروح وتجي مع ابووها واكون معلمتها على الحمام ياااااسلااااااااام بعدها افضى لنفسي من قلــــــــب خخخخخخ ...

حالة ميمي مع التسنين تروح يومين وترد ترجع ! ربي يخلصها ويريحها ويريحني لان قربت اتجنن منها ومن صياحها ...

جربوا الزبادي مع العسل رااااح يحبوووه
ومفيد لهم

جوفان ان شاء الله اجربه لان انا نفسي احب هالخلطه هههههههههههه ...

العسل ترا زي الحليب مو زين قبل سنه!
انا جوجو كمان بطنها تمشي عالزبادي بس مو اسهال! بس لازم بعد الزبادي تسوي شي هههههه
جوجو نفس ميمي امس اوف كل شوي تنقز تصيح ترد تنام زعلتني تصرخ من وجعها مسكينه وبنفس الوقت فيها نوم حدددددها
ياختي والله اتخيل وانتظر اليوم الي بتكبر فيه وتروح وتجي مع ابوها وتريحني هههههههه ابوها الحين يمسكها صحيح وينتبه لها ياكلها عادي يعطيها رضاعه حليب بس مايغير حفايض ههههههه لو يكمل معروفه بس!

هههه ان شالله ميمي تحبه

ام جوجو
الزبادي المفروض بعد السنه واكلتوهم خخخخ فما فرقت على العسل

ام جوجو ,,, انا على بالي العسل لبعد الستة اشهر اعتقد منوعه الحين لانه بيسبب سالمونيلا بس على قولة اهالينه عطيناكم وماصار لكم شي فتوقعت عادي يعني بس الحذر واجب ! ان شاء الله بعد كم شهر نعطيهم ...

والله يا ام جوجو قمت اشاكك ان بيبياتنه عندهم التهاب اذن من التسنين يعني احس الشي مو طبيعي وامس صارت لها نفس الحالة لو ما عطيتها ادول يالله هدأت شوي ! واليوم اشوف خشمها اشتغل زكام فبرد ابتدي معاها نظام البرتقال والحمام البخاري وربي يعييينه على هالشتويه ...

ههههههههه على الحفايض مافي رجال يسويها او يعرف ! وحتى لو بيسوي شوفي الاجانب ينظف اي كلام ويمشي خخخخخخخ ,,, يالله ماباقي عليهم شي ويصيرون سنة ان شاء الله وبعدها ريلاااااااااكس بالنوم وبالاكل وبالروحة والجية وان شاء الله شوي شوي على الحمام ...

جووفان ,, انتي متى علمتي بنتك على الحمام وتنصحيني على السنة ونص؟؟؟ وهل لما سننت صارلها التهاب وهيك لو لا ؟؟؟ >>> بدأت حصة الاستجواب خخخخخخخ ...

جوفان
انا عطيتها اياه ع نصيحة دكتورها,,انا عني احس العسل حامي وجوجو تكره الحالي مرررررررررره ماتوقع تتقبل شي سويت لهالدرجه
ام ميمي
انا الي حلقي شكله بدا! اشوف فين كحه بسيطه ووبحه بنتحر شكلنا بالدور اسبوع زوجي اسبوع انا ,ماظنتي التهاب لو التهاب مانامو بالمره لا ليل ولا نهار بعيد الشر عنهم انا امي كانت تقولي ادهن لثتها بالادول يروقها زي الجل حق التسنين ويمكن احسن
الحمام انا بنت خال امي جابت توام بنت وولد! البنت تعودت عالحمام قبل الولد بكثييييير بس الولد تكلم قبل البنت بكثييير ههههههه
يوووه انا الفطام عن الحليب اهون عندي من الحمام مدري كيف براكض وراها وامسح و و و و اااع

ههههههههههههه ام جوجو مناعتكم نازلة معنااه ,, انتي استخدمي حبوب فيتامين ب ممتازة للمناعة مع عصير البرتقال علييييك به الحين ويومين ان شاء الله تصيري زي البووومب لانه خبرك اهم شي انتي ماتمرضي !!!!

نشوف نجرب لها حركة والدتك الله يطول بعمرها ان شاء الله ويخليها يااارب <<< لامهات عليهم افكار خرندعيية خخخخخ ...

والله صدقتي على الحمام مأساة وفعلا لاحظت احد اولاد اختي الكبيرة بااارد بكل شي بس بالكلام محد يسبقه اما بالحمام يالله احنا نخاف نقرب يكون مسويها ولا هامه هههههههه ! اما بنت اختي الثانية طلعوا لها سنون من بدررري وماشاء الله ماتمت السنة الا كل السنون اكتملوا ماشاء الله لكن الكلام يالله يالله وفعلا الحمام الحين سنتين وبروحها ماتبغي الحفاظ ..
فالله يساعدنه عليهم ! ,,, ميمي اشوف عليها حركات عجيبة اليووم هههههههههه اذا احد عصب عليها تعصب وتجي تصفع بابوها او تصارخ ! وتعلمت اذا اقولها لااا تجي لي وتحرك لي راسه بلاا اوحده تدخل الغرفة وماشوف الا وحده مسكرة الباب ههههههههههههه <<<< تزعل يازعم

ام ميمي
علمت بنتي على الحمام متإخر لاني كنت ادرس
كان عمرها &#1635; سنين<< فشله خخخخ

لا مااتوقع التهاب
بس الم التسنين
<<< امي دايم تقول مثل نسيته بس معناها لويدرون اهلنا بالم الاسنان كان حفروا قبرنا خخخخ
يااعمري على البنات اللي يزعلووون

جووفان والحلووة ,, طمنتوني الله يطمنك دنيا وآخره ان شاء الله انا والله قاعده واوسوس لان اشوفها اذا صحت بالليل وتصيح اشوفها تشد اذاينها مرة اي ومرة لاا بس لاحظت مثل ماتقول اختي اذا تسنين يروح ويجي الألم والحالة اللي هي فيها ! يالله ربي يريحهم ان شاء الله ...

ع الحمام عذرك معاك اختي متمشكلة مع اولادها الاثنين لان اعمارهم متقاربة جدا واذا واحد شاف الثاني عليه حفاظ يرفض يروح الحمام ! واذا الثاني راح الاول يبغي يدخل معاه عشان يلعبون !! وهي مسكينه دواام آخر الدنياا وترجع ياحراام مهلووكة من قلب والاولاد الباقيين بعد ؟!

عاد جووفان يا حلااتهم امثاال اوول هههههههههه انا اتذكر لما كنت صغيره وماماتو تقعد تسوي لنا حزاويي يالله انا واختي هوااااااااش على منوو اللي راح يحط راسه على رجلها وتحوس بشعرها وهي تقول الحزاية هههههههههههههههه وعاد لازم نهاية كل قصه لازم لازم مثل ينقال خخخخخ ....

اي تطمني
ماهنا الا الخير

ذكرت شغله بنتي وهي نونو اذا وصل النوم وموعارفه تنام تشد اذانيها وتصيح

جووفان صحيح كلامك ! الاحظ بنتي جيي الحمدلله ...

ماقلتي اخبارك الشهر ده ؟ قمحة لو شعيرة ؟؟ <<< قرون استشعارها للحين مشتغله ووحده من العايلة طلعت حامل خخخخخ باقي باقي يالله

ههههههه
قرونج دايم تغلط معاي

طلع عندي تكيسااات كثيرره
وعطتني علاج
وقالت يطول ممكن 6-9 شهور