تجمع امهات شهر مآيو لشهر~رمضان~

مسكينه على عمررري ماتشووف شر عمتك وربي يشفييها ويقومها بالسلااامة ان شاء الله ,, شوي شوي بتتحسن مع العلاج ان شاء الله ... واما جوجوو يتراوى لي في شي اختلف عندها من جي قامت تقعد لك اوو انها بدت تسوي لها روتييين نوم ....

المشكله روتينها واحد وقت نومتها الحمدلله ماتغير بس القومه للرضاعه زادت! وهذا الشي الي جايبلي العجب الاول تصحى مرتين بالكثيير بس بين الساعه 12 و 6 الصبح الحين ثلاث مرات والرابعه الساعه 6 مثلا جننت اهلي-_-

ههههههههه والله ما بيعتمدون على انفسهم هالكتاكيت الا اول مجننينه !!! والله يا اختي ميمي صار لها فترة زايدة طلبيتها للرضاعه خصوصي انها صارت توتلي معتمدة علي بهالشي بالتالي قمت اقعد لها اكثر من 3 مرات بس احسن مافيها انها ابد ماتقعد مجرد انها تفرك وجهها بيدها ع اساس افهم هههههه >> القرسون الخاص لطلباتها!! والمشكلة اني من النوعية اللي اذ ا اختربت نومتها كل دقيقه خلص تروووح مني النعسة واصحى وانا تعبااانه موت .. هااا ما بدت تتقلب جوجوو ؟؟ مريومة اشوفها تتحرك بحرية اذا احممها واحطها بمنشفتها على الارض وترووح يمين ويسار وتحاول تقلب ...

جوجو عالكنبه اولريدي تفحط وتقلب وتتحرك بس لاااتحطيها عالارض حطيها ع سرير ع كنبه اي شي ارض نووو تجلس تصيح وحوسه مجننتني هالبنيه احس لازم عالارض عشان تحبي وكذا وهي كارهه الارض!
والله انا مثلك احسد زوجي ماشاءالله عادي يقوم ويعطيها رضعتها الصباح ومجرد ماتنام انواع الشخير ههههههههه انا لاااا اجلس اتقلب واسمع صوت تنفسها وان تحركت كذا ولا كذا فزيت! وهي كأنها تدري تلعب فيني لعب عدل! مره تصيح مره تتنهد هذا كله وهي نايمه ههههه والله الامومه شي صعب صعب صعب بس لولا حبنا لهالكتاكيت ونظره من عيونهم ماتعبنا هالتعب انا احس اني بديت اتعقد من قلة النوم! اخاف اهون مااحمل مره ثانيه هههههه يمكن لو كنت اجازه كان اهون شوي علي الله يعين ويسهل ويكبرو على خير

والله يا اختي الله يساعدنه فعلا !! بالنسبة لي كأني بدوام !! اقعد الصبح مبجر مع الاخت وما انام الااااا الليل يعني تخيلي فوق 12 ساعه قاعده بين اشغال البيت واشغالي واشغال ريمي !! هههههههه اقول لزوجي بنتي تبغي تضمن انه مانجيب على راسها أحد ولاعبتها صح ....

انتي عودي جوجو ع الأرض ويمكن انتوا سيراميك من جي تخاف وخصوصي انها تصير باردة ,, جربي معاها من مذركير فيه مثل الفرشة فيها الوان واشكال و عليها اعمده بها العاب تتحرك بأصوات لعمرها الحين وبتشوفين انها بتحب الأرض ....

وعن النومة ,, اليوم اشوف بكتبي ان اذا البيبي كلحين يصحى ويبغي ميمية وحتى لو صناعي معناه انه يبغي يتواصل أكثر مع امه وحاب حضنها >>> الزبدة بناتنا بيطلعون لصقة ...

تصدقين توني قبل جم يوم اشووف مقاطع الثري دي سبحان الله مثل الشكل ومثل الحركات اللي ببطني بالضبــــط هههههههههه رفساتها وحركه يدها على راسها ! سبحانك ربي ..

هههههههههه ياقلبي اي احضان ذبحتها احضان وهي صاحيه وخصوصا لا جات تنام احب اطالعها وابتسم عشان تبقى هذي اخر صوره ببالها ماحبها تنام وهي تصيح او انا معصبه مقدر
والارض جبتلها الفرشه بس من سنتر بوينت وتحبب الاشيا المعلقه فيها بس تمل بسرعه حتى كنت احطها عالحفه واحط رجلها قريب العامود عشان كل ماحركتها تدف العامود وتتحرك الالعاب خخخخ بدل ماتتعبني كل شوي اهزهم لها بس برضو ماتحب جلسه الارض مردها بتتعود ان شااءالله خل يخلص رمضان واتفضى لها عدل
تصدقين ع سالفة لما كنا حوامل انا احس نومة جوجو نفس نومتها يوم ببطني تقريبا نفس الاوقات بس فيها حركه تضحكنننني لما تنام بعمق مره يعني ترفع ايدينها كأنها تكبر للصلاه ههههههههه تدنن احاول انزلهم لها ابد ماترضى الله يحميهم
وييين شهوده وين الناس غابت زي الباقي شكلها انشغلت بهالعيد

هههههههههه ياعمرري عليها ربي يحفظها ويخليها ... احس حركة الايادي احلى حررركة فيهم انا ميمي من كنت ببيت اهلي كانت ماتبغي القماط وماتنام الااا اياديها فووق او ماسكة السلة هههههه حتى ابوها مصورنها جم صورة وهي بهالوضعية و امي تقولي هاذي طالعه شيطونة و دلووعه من قبل لا تطلع للدنيا خخخخخ والحين نص المكان لها والنص الباقي لي ولابوها !! والسبب اياديها لازم تسويهم طيارة ....

بالنسبة للترفيس بنتي حطيها جنب اي شي ينلمس وشوفي انواع الترفيس و التدزز هههههه ذاك اليوم اشوفها ترفس كرشة ابوهاا وتزحف لفوووق بس اشوفها عيارة بالتقلب يعني لما اخليها على الارض وماكون جنبها تقولب على اجنابها مثل البندوله ولما اجي لها تبغيني انا احركها تتخيب !!

شهوودة شكلها انشغلت بالدوام والعيال والعيد الله يشغلها في خير وسلامة , والامهات البااقين شكلهم ولا بيدخلون !! بيبياتنه قريب يخلصون الاربع شهور ! انا يقهرني الشريط !! الحين ميمي عمرها مفترض 3 شهور و 12 يوم ! و ذلين ينقصون فوق 3 ايام .. ^o)

هههههههههه انتي والشريط بزحمه
انا جوجو لها يومين باليل ينسد خشمها عالاااااخر والحين شكلها مزكمه حدها اخذت موعد بوديها لدكتورها بكره كسرت خاطري طول الليل متضايقه وحالتها حاله زعلتني والله مع اني ماانومها الا ببيبي سوت مسكره وكم طويل وادفيها ونرفع المكيف ومانطول عليه مع كذا مدري كيف زكمت! يارب تطيب بسرعه معوره قلبي خصوصا فجاه تشرق بالبلغم وحالتها حاله وهي بعز نومتها ويتعكر مزاجها

الحلوة ,, ههههههه شفتي عاد ماعندي شغله غيره ....

يوووه الله يشافيها جوجووو على عمرري ,, بس تصدقين ريمي بعد جيي اشوفها جم يووم تتنفس بصعوبة الا اشوف بخشمها شويه اوصاخ وانتي بكرامة وقمت وحاولت اشيله بالكلينكس بس الحين تكح كل ماقعدت و كله احسها مزكمة وانا بعد ما انيمها الا بالسوت المسكر وبقفازات عشان من كل مكان دافية بس مشكلة الوجه يااختي ! وبنتي لو انيمها بالمروحة فقط ماراح تنام لانها حرورة وتحب البرودة مثل ابوها ! .... اذا وديتي جوجو خبريني شنووو النصايح لان حاليا مايحظرني الا اني احط لها قطرات من السيلان او افرك لها خشمها وصدرها وظهرها عشان يتحرك البلغم شووي ...

انجنيير ,, ولكمووووووووووووو شخبار الكتكوتة ؟؟ وانتي عامله ايييه ؟؟

انا امس حاولت مع مريومة انها تاكل المهلبية عيييت وذبحت روحها صياح ماتبغي !! ماتبغي الااا ترضع مني !؟! كسرت خاطري على عمري توها صغيره ع هالسوالف اووفيه وبعد جم يوم دوام ... قلت بجرب معاها اخر حل وهوو ان ابوها بياخذ لها مرضعه جديدة يقولون انها مشكلة بالضبط على صدر الام وبجرب معاها اشفط من عندي واحطه فيها ونشووف ردة فعلها ! ... ادعولي تتقبل ,, ربي يعيين ...

انجنيرا
طيب اكتبي ايي شي لو كلمه طمنينا عنك وعن النونو =)
تفاحه
الدكتور يقول مو مزكمه عصبني اقوله شلووون مو مزكمه يقول عادي هذا انسداد يجي عادي زي لما نصحى من النوم خشمنا مسدود شوي بس حطيلها القطره مره كل 6 ساعات مدري وقالي عن البلغم حطيها ع جنبها المشكله بنتي اذا حطيتها على جنبها رجعت ابو ام كل شي! ترجع الي كلته طووول اليوم كنها تدوخ مجننتني الله يحفظها
يااارب ترضى ريمي تاكل اي شي لان مو حاله بعد الله يعينك انتي لاتخليها ميته جوع خليها نص جوعه انا كذا بديت مع جوجولان اذا كانت جوعانه كلش تجلس تصيح وتكرهني عمري ولاتاكل شي

الحلووة ,, اتوقع كلامه صح لان مجرد انه يقعدون من النووم وتخلينهم بجوو معتدل يتعدل الزكام عندهم بس اخاف تزيد الحالة مع قدوم البرد ... لا تخلينها على جنب دام انها ترجع !! حرام بعد جذي ,, احسن حل احمليها وربتي على ظهرها وافركيه لها وبتحسين ان البلغم يتحرك وبعدها حطيها على ظهرها وفركي لها بطني من تحت لفوق عشان يتحرك البلغم لفووق و بتشوفينها تكح معناه ان البلغم قاعد يطلع ...

والله على ريمي يا اختي سوت فينا فيلم هندي على امريكي امس !!! يعني سبحان الله هالبيبيات صغار لكن عقولهم احسها ساعات اكبر منا !! ,, امس ابوها جاب لها المرضعه ياززعم حاطين امل وجرب ابوها يعطيها المرضعه و ما اسمع الا وحده تصيييح من قلللللب والله ظنيت انها طايحة من يده لو شي ! الا الاخت طلعت مسوية فيلم عشان ابوها عطاها المرضعه وتمت فوق العشر دقايق ع هالحال وماتبغي ابوها هههههه حقدت عليه حتى لو يلاعبها ... بالله عليك هاذي وش تسوين لها ؟؟؟ ,, انا قلت لها هالجم يووم مارضت خلص مابغصبها وربي كاتب ويبغيني اظل معاها فمافي مشكلة اخبر الدوام ..

هههههههههههههههههههههههههه ضحكتيني التفاحه على حركة ريمي وااااي فديتها

احم احم مرحبا خوااتي غبت عنكم لاني كنت مضروووسه اسبوع اعاني من صداع والم فالاذن اكتشفت عقبها من سن مسوس بطريقه خبيثه تخيلو السن من برع نضيف مافي شي حافر من تحت ماكل السن من الداخل لين العصب واخذي مواعيد وزحمه رمضان الكل يبي موعده بعد الفطور غير تجهيزات العيد الله يعين
الحلوه بعد انا بنتي الفترة اللي فاتت عانت من زكمة وبلغم بس عطيتها قطرات فالانف ماشالله وايد زينه ريحتها وراح البلغم علبته عليها صورة بطة مايحضرني اسمة اللحين
التفاحة شخبار الدوره معاج

شهوودة ,,, دووووم ان شاء الله هالضحكة ...

سلامااات حبيبتي ان شاء الله ,, والله انتي نفس الوالد هههههه مل يومين قالي ضروسي وضروسي اقوله من اكل الجوكلت وبالاخير مسكين طلعت مثل سالفتك وانا ماسكة جوكلت وجوكلت ههههههه ... بس الحمدلله اكتشفتيه الحين ولا انه يوصل لغير العصب !! ,,,

الدورة ماجتني من آخر مرة بعد نفاسي لحد يومي هذا ماا شرفتني خخخخخخخ احسن وعلى قولة اهلنه رحم الله من زار وخفف !! بس مشكلة اخاف احمل ومافي طريقة للتأكد غير الدورة ....

وانتي اعتدلت الدورة لو للحين متخربطة ؟؟؟

والله متلخبطة من قلب مثل ماقلتلج جاتني بعد الاربعين بس خيووط بنيه ونظفت قبل رمضان بيوم بعدها نزلت علي مره ثانيه احدعشر رمضان وانصدمت بعد خيوط يومين بس اعتبرتها استحاضه وصمت وصليت عادي واليوم احس افرازي لونه اصفر غامج واحس بالامها بس مافي شي نزل ابي بعد رمضان على خير اسوي رياضة مشي علشان احرك الدوره الدمويه ويتنضم كل شي حتى مشيتي مب راضيه تتغير جني لين الحين حامل

شهوودة يتراوى لي من تعب الولادة للحين مأثر ,, هو علمياا مفترض تعطين نفسش وقت مثل وقت الحمل يعني 9 شهوور على ما كلشي يعتدل ... ربي يعيينه بس كلشي احنا مستحملينه ! .... عن الدورة اشربي ماي دارسين وكثري من العصاير الطبيعيه وسوي رشااد بطحين وتحممي بمااي بااارد كل هالشي يساعد على تحريك الدورة الدموية وفوقها ينظف الرحم ...

شهد
ايي بطه صفرا اسمه سالينوز هههههههه نفسه الي استخدمه لبنوتي, سلامتك ماتشوفين شر انا ضرس العقل له سنتين يفكر يطلع توووه ظهر شوي الحمدلله ماطلع وانا حامل ولا استخفيت بس اشوفه يهجد ويقوم الله يعين
تفاحه
ماشاءالله عليها يعني بتستقيلين من الشغل او كيف؟! الله يعينك انا بنتي اذا شافت خالتها وماجات تسلم عليها تزعل منها خخخخ

شهد
ضحكتيني عالمشيه انا كنت اتطنز ع اختي بعد ماولدت خخخ طولت وهي نفس مشية الحوامل انا مامشيتها الا التاسع لما كان خلااص يعني بس لاخظت مع الجينز لا امشي طبيعي بس اذا لبست ليقينقز اخذ راحتي ههههههههه

الله يعينكم مع الدوره لو انا استخفيت يووووه انا الحمدلله ماشيه فل الفل مع الحبوب بس جاتني مرره قصيره برمضان يادوب 4 ايام ومو واجد برضو يابخت من زار وخفف خ خ خ خ
احس باحساس مدري اذا هو صح او غلط بس لما اخذ حبوب منع الحمل انحف بسرعه عكس لما مااكون قاعده اخذها! لاحظت هالشي اول زواجي والحين يعني ذبحت عمري رياضه قبل لااخذ الحبوب ومانزلت الا شوي بس لما بديت اخذها بس اخفف اكل شوي ووزني ماشاءالله ينزل ان شاءالله يارب اوصل للوزن الي فبالي اقل من وزني قبل مااحمل هههههه

الحلوة ,, لا بس بخبرهم بالموضووع لان انا قايلة لهم من قبل ...
انا بنتي تحب اختي اللي تشابهني اما الباقين حدث ولا حرج من تشوفهم كأنها شايفه بليس ههههههههه البرطوم للأرض ويهتز مثل الجلي هههههه تموتني ضحك اذا تسوي الحركة يعني ماتصيح لااا بس تهديييد ان هاا ان قربتوا بصيح ترى !! ...

اما الدورة انا ابغيها تجي عشان اضمن مو حامل وبنفس الوقت مابغيها تجي لان تلوع جبدي منها بصراحة ! ماتنزل نفس الناس والعالم ! واتوقع مابتجيني الا اذا وقفت رضاعه بس اتمنى ما يصير حمل مع انه مستبعد بسبب الأميرة ريم ...

انتي تاخذين حبوب منع الحمل ؟؟ شنو نوعهم ؟؟ ... خبري ان الحبوب تمتن ! بس اكيد يعتمد ع كل جسم ...

انا شكلي باخذ ابو بطة اللي تتحجون عنه لميمي لانه اشوفها اليوم تعاني على عمررري ...

:087::087::087:
......................................

هلووو
جوفان اخبارك
تفاحه
اسمه سالينوز مره مريح هههههههههههه انا بنتي ذاك اليوم حركت الطاوله اخترعت مدت البرطم بس ماصاحت جلست تفكر صورتها ع طول بس ماقدرت مت على نفسي من الضحك شكلها توووحفه ههههههه
حتى انا مستغربه كل الناس تقول تمتن شكلي عكس الناس الحمدلله خخخخخخ برضو شيكي لان مرات تصير اباضه حتى لو كنتي ترضعين
شهد
قوليلي وش الاشيا الحلوه عندكم بقطر؟! مطاعم كافيهات غير المجمعات اماكن نروحها^_^