تجمع امهات شهر مآيو لشهر~رمضان~

تفاحه
انا لا العكس تعودت تصحى وابوها يلعب معاها ويجلسها عند التلفزيون يتفرج معاها خخخخ تحبببببببب وتعشق ميني ماوس وميكي ماوس لووول
انا بنتي ذابحه ايدينها تمصمص وطبعا السعابيل تسبح نفسها فيهم وحاله! بس ماانتبهت اذا بدت تحاول تمسك الاشيا هذا يوم المنى هني لها العاب وخشاخيش بالدرزن خخخ خلها تنشغل شوي

التفاحه &الحلوه انا بنتي يا تسولفون معاي ياترضعوني ياتهزوني ياافج لكم حلجي صياح يعني مافي تقعد بروحها تناغي لا لازم حد عندها فديتها تعبتني

الحلووة ,, شوفيها انا شريت لها خراخيش باشكال والوان كان مكتوب عليها العمر يعني لأقل من 6 شهور واشوفها تحاول تمسكهم وبالفم مباشرة بس طبعا بطريقه مو منسقه لانها لللحين ماتقدر تتحكم عدل بيدها واما السعابيل حدث ولا حرج ههههههههه خصوصي عااد اذا قعدت تهدررر على بالها تسولف جد وماتزيد الهدرة الا اذا شافتنا انا وابوها نسولف خخخخخ ...

شهوودة ,, بنتي تقريبا نفس الحالة ! اتحجى بالتلفون لازم اطالعها ! وإلااااا ... والله شكلهم بيطلعون دلووعاات عدددل !!

تفاحه&شهد
انا بنتي اذا احد حملها ومالعب معها ياويييله خلااص تكرهه وتحقد عليه يعني يانخليها بمرجيحتها ولا طول الوقت واحنا شايلينها نلاعبها هههه بس بالها مو طويل عالمرجيحه يادوب تجلس نص ساعه وتتملل
انا احسها ماتمد يدها عشان تمسكهم مدري اليوم جربت ماش مستانسه فيهم امسكها اياهم تقفل ايدها عليهم مع اني جايبه مقاس صغير بس المسكه احسها دبيه خخخخ

انا السعابيل مازمتني مجننتني اغيرلها الف مره مع اني البسها البيب او الصدريه بس مافي فايده تسببببح عمرها يووووه ماتخيل تجلس كذا للسنه! بنجلط ههههههههه

الحلووة ,, لاتخافين هالسعابيل تزيد هالوقت خصوصي انها تحاول تقول بابا من الحين ليما توصل لسن ال6 شهور وتظهر سنونها ...

الاحظ ان شريط العمر يأخر جم يوم من العمر الاصلي !؟؟ يعني ريمي مفترض اليوم خلص دخلت في الرابع !...

يمكن لان جولاي كان 31 والحسبه ع هالاساس
احس زوجي بتجيه شبه جلطه لما تقول بابا ههههههههه بيوزع هدايا شكله بذاك اليوم خ خ خ خ

ههههههه الله يخليكم لها ان شاء الله وتستاهل جوجوو كل هالدلاال ...

ابغي اطلع السوووق لميمي عندي ألف شي براسي عشان آخذه لها و اكمل اغراض الشقة بس مشكلة بالليل! مادري اروح بعد العيد ؟! استغفر الله الحين الجوو كلش مايساعد عشان الطلعه بالعصر او الصباااح لانه الهواا سموووم يالله اجرنا من عذاب النار !!

باقي الامهات كلش مالهم طله !!!

حبيبتي ماالك الا تنتظرين تجيك الدوره وانطلقي ههههههههه
انا اليوم كنت عندكم وانهبببببلت على النفانيف الي لابستهم البنات تذكرت نفنوف كذا جابتلي اياه امي ابيض ومطرز بالذهبي كان حركاااات وكل من شافني لابسته يسئل من وين خخخ تمنيت القى لجوجو! بس مااعرف من وين صراحه
بعدين وش هذا كللل محلاتكم فيها تخفيضاااااات انتهزي الفرصه صراحه

يؤ يؤ يؤ ,, لاتحدييني يالحلووة !! هههههههه اخواني وخواتي جابوا لها ثياااب بعد حلوووين مرررة تهت شنوو البسها ... والله ياختي على الدورة شكلها مابتجيني لأن من جاتني بعد النفاس كانت كلش تلوع الجبد كأنها مو بخاطرها تجي !! ومن يومها لحد يومنا هذا ماجتني !! مع انه كان موعدها بتاريخ 16 جولاي ...

قرقعتوووا مع بيبياتكم ؟؟ انا خوالها عطوها قرقاعونها هههههه يجنن ...

والله تفاحه كنت ناويه اسويلها قرقيعان واسوي توزيعات وحركات بس عمتي تعبت وانحسنا فيها واخترب المزاج كلش! ربي يشفيها ويعافيها يارب

كل قرقيعان وانتوا سالمين اخباركم واخبار مشترياتكم للعيد وصلت الحمدلله اوردرات اللي طلبتهم للعيد خذيت لهنوده بدلتين من جوسي كوتيور وموناليزا يجننون وطبعا انا فصلت جلابيه كويتيه على شكل فستان لان جسمي كلش مومساعدني اترصرص :D

الحلووة ,, على عمري ربي يشافيها ويقومها بالسلامة ياااارب ويطول بعمرها بس الحين شلون على جوجو وين بتخلينها بدوامك ؟؟ وعلى القرقاعوون ان شاء الله السنة الجاية تكون جوجوو ترااكض وتوزع قررقاعونه بنفسها خخخخ ...

شهوودة ,, عليش وعلى هنوووودة ألف ألف عااااافية وملبوس الهنا والعافية ان شاء الله واكيد هنوودة تستاهل احلى فساااتين ...

بدووا كتاكيتكم يثبتون راسهم شووي ويضحكون بصوت ؟؟ انا ميمي ضحكت جم مرة بصوت عااد هالضحكة تدوم ثواني وتختفي وكل مانحاول نخليها تضحك مرة ثانيه ماتسويها !! ياحلوووهم اذا ضحكوا او ابتسموا الوحده تنسى كل تعبها ربي يخليهم ويحميهم ياارب ..

الله يعافيج ويسلمج يالتفاحه والله يالتفاحه الحين مب سالفه ثبات راس وضحك بس الحين طالعه لنا بفن جديد قعدوني خلوني اشوف اللي رايح واللي راد ياويلكم لا تسدحتوني

انا لها فتره تضحك بصوت وصراخ ماشاءالله عليها وبرضو ماتحب احد يسدحها تصيح كأن احد طاقها! الاخت عبالها السدحه بس للنوم جننت اهلي حتى الرضاعه تبي ترضعها شبه جالسه اخاف تشرق فيها تجنني بس ماشاءالله احس ان راسها ثابت وامس انقلبت القلبه اليتيمه بالصدفه هههههههه بغيت اطير من الفرحه
تفاحه
جوجو يوديها زوجي لامي الصباح اكون انا رحت دوامي لان هو دوامه يبدا بعدي يحطها بكرسي السياره ويوديها مع عفشها خخخخ
ترا جربي الحين بدو يتدغدغون شوي هههه جربي معاها
شهد
انا تحسسسفففففت قلت بروح جوسي كوتور الي بالبحرين طلع مافي للاطفال انقهررت كنت معتمده عليه وقلت مابطلب من النت لجوجو بس يلا احسن لان احس مقاسها محاير! بتصير 3 ونص اخاف اخذلها من 0-3 يطلع صغير ومن 3-6 يطلع كبير ! والمشكله اغلب الي عجبوني كباار هههه يلا بعيد الاضحى ان شااء الله يارب

شهوودة ,,, هههههههه ياعمري علييها صار خاطري ابووووس خدودها لأن اعرف من اول ماينحطون بالجالوسية يصير وجهووهم تجنن ربي يخليييهم ويطول بعمررهم ان شاء الله ... انا اليوم كنت اوزع فطور وجننتي ماشوف الا ابوها يقولي دواها عندي وحطاها بالجالوسية و كأن احد موديها الملاهي ههههههههه اقول شوف العيارة بس !! اللي الاحظه بنتي تحب شيله الكتف كثيير يعني شيلوني وتمشوا فيني بكل البيت وان وقفتوا ياويلكم خخخخ ..

الحلوة ,, اللهم صلي على محمد والحمدلله انها جذي ... امممم ميمي بدت بنص الثاني تروح يميين يساار حتى مرة نامت وهي على جنب بروحها حتى خفت انها يمكن تنقلب اماا الحين اشوفها خايبة اللهم اذا تشوفني شوي بعيدة عنها وتبغيني تقووم تدور نفسها على جنب ...

عن الثياب اشتري لها من 3-6 هذا انسب شي و يفرق من ماركة لماركة يعني انا شريت لها لبس كامل للنوم من 3-6 وناسبها قبل ماتكمل ال3 شهور يعني يعتمد على نظرك تعرفينه يناسب لو لا ...

اي هذي مشكلة الطلب من النت! اخاف اتوهق فيه ويطيح بكبدي خصوصا ان لو طلبت بيوصل عالوقت قبل العيد بكم يوم خخخخ الله يحفظهم
متحمسه ابدا معاها اكل انتظر رمضان يخلص ع احررر من الجمر هههههه احس ببالي واااجد اشيا^_^

انا ان شاء الله ببتدي معاها نهاية الاسبوع الجاااي بيكون قرريب تخلص الاربع شهور مع اني مابغي ابتدي معاها مبجر جيي بس شسوي مضطرة !! بس اذا شفتها مو قادرة تتقبل ماراح اداوم وقلت لهم هالشي بعد الجاهلة بشنو تسد جوعها اذا هي ماترضع الا مني !؟؟ ... ربي يعيين بس ...

لا ان شاءالله تتقبل بسرعه وانتي نوعيلها اعطيها شوي البسكوت مع الحليب بالاول بعدين ابدي بسيريلاك الرز وباذن الله تتقبله وتصير امورها عال اعال

اللهم آميييين يالحلوووة من بووئك لباب السماا ان شاء الله ... شخبارها جوجو ؟؟ وعمتك شحالتها ان شاء الله صارت أحسن ؟؟؟

والله عمتي تحسن بسيط جداا مسكينه كاسره خاطري لان فجاه كذا قامت من النوم الجهه اليمين من وجها مرتخيه! وماتتحرك بس عينها مفتوحه عادي وللحين علاج فيزيائي وادويه وموكلين امرنا لله! وش بيدنا
اما جوجو احس رجعت شهرين ورا! رجعت تقوم واجد باليل مع اني زدت لها كمية الحليب شكلو لازم ابدا لها بالاكل