تجمع امهات شهر مآيو لشهر~رمضان~

تفاحه
هههههههههه الله يحفظها ماشاءالله عليها بنتك فطينه ماينقص عليها ,شوفي تبين الصدق خخخخ انا تهورت وجربت لجوجو ذوبت بسكوته ب 30 مل حليب ماعو كلللش تبقى نقط طريه مره ماتشرق فيهم ولا شي الحمدلله وااكلها اياهم شوي شوي ماشاءالله عليها تقبلته بس نصيييحه لا تاكليها على جوع مره لما تجووووع حدها اعطيها نص وجبتها المعتاده من الحليب عشان لا تشبع وتصير فل وكمليلها وشوفي كيف تتقبل ان شاءالله وربي يعينا ويكبرهم على خير
الحلوه
الله يعينك الاكزيما فيه وين؟ انا ولد اختي كانت ورا اذونه وقالها الدكتور خليها رطبه بعد الترويش على نظافه تحط له فازلين كانت والحمدلله صار ميه ميه وكمان نبهها ان كللل ملاابسه وحتى مفرش سريره ولحافه وكل شي لازم يكون قطن ميه بالميه عشان لاتزيد

احلى حلووة ,, انا ان شاء الله اذا صارت نص الرابع او على نهاياته بجرب معاها هالشي بس سؤاال عطيتيها بالملعقة يعني ؟؟ لو احطها بالمرضعه عادي ؟؟؟ ....

وعن الاكزيما لازم تكون نقط حمرا يعني ؟؟ لان خبري فيه انواع ,,, انا اشوف بنتي عندها مثل القشور مالت الولادة وكل ما امشطها تطلع ويطلع جلده راسها الطبيعيه ,, والحين اشوف مثل الجلد الميت المتقشر على حواجبها وصوب اذونها واحط لها زيت زيتون يخفون وبعد ماينشف يرد يطلع مااادري هاي اكزيما لوو بس جفاف ؟؟ لان خدودها كانوا قبل شهر جافين والحين الحمدلله صاروا فل الفل بعد الزيت ... الله يستر قمت اوسوس ..

رمضان مبارك عليكم وكل عام وانتو بالف خير

التفاحة مشكلتي نفس مشكلتك حمزة رافض المرضعة تمام ويسويلي نفس حركات بنتك ويضحك ....مشكلتي بداوم السبت وهو لسة ماكمل 3 شهور مااعرف شو الحل الله يعين

فجر المشارق ,, الله يعيييينك ! انجان انا بنتي بتكمل الاربع شهور حزة دوامي انتي حتى ماكمل الثلاثه !! يعني وين يمديك تعودينه على وجبة معينه مثل بسكوته لو شي !! بس مالك الا تسوين مثل احلى حلوة وتعطينه بسكوت في الحليب بتاعه بالملعقه !! و تشفطين له ... انا اليوم جربت اعطيها بالملعقة مرة ثانيه بس حست انه مو مني فزعت الدنيا !!! ترفيس وصراخ وحاالة كأني ذابحتها ضرب !

التفاحه
اي جبت لها ملعقه اول مره طبعا ماعرفت تاكل وحاست الدنيا كنت احطلها نتفه بالملعقه واخليها بفمها تمصها زي الرضاعه خخخخ بس لحد الحين جربت معاها 3 مرات خخخخ المره الثانيه والثالثه كانو اسهل بس هم بعد ماتعودت مره احس باقي بس شسوي مسكينه احس الحليب مايشبعها وانا قريت بالنت ان الطفل الي يرضع صناعي عادي تدخليله اكل من 4 شهور عكس الطفل الي يرضع طبيعي يفضل للست شهور
عالقشور هذا طبيعي اتوقع انا بنتي فيها نشفان وقشور شفتي مكان السجود بالجبهه هذا المكان عندها ناشف ويتقشر ويرد! وخدودها كانو ناشفين بس الحمدلله صارو كويسين عموما التقشير طبيعي اتوقع او مدري صراحه مالنا الا التطعيمه الجايه نشوف! انا اذكر الاكزيما عند ولد اختي كانت ورا اذونه وكانت المنطقه حمرااا مره مع نشفان وشوية قشور هيك
فجر
الله يعينك ويسهل عليك رجعتك للدوام بس عالاقل مابقى شي ع اجازة العيد خخخخ

احلى حلوة ,,, بشوف بجرب بعد كم اسبوع معاها لان اشوفها تحب الملعقه يعني شوي تفهم لها لان الوالدة الله يخليها لما كنت عندها كانت تعطيها بالملعقة عشان تعودها ... يالله الله يساعدنه على هالسالفة ! انا قريت عن الاكلات اللي تقدرين تدخلينها بنهايات الشهر الرابع ومنها سيريلاك رز ومهلبية فأنا قلت بجرب وياها اول شي مهلبية و البسكوت وبعدها بشوف رده فعلها ...

عن القشرة امس اقول لاخووي قالي ان بنته كان فيها نفس الشي وهذا جفااف و قشرة الراس مال الولادة وانهم يروحوون برووحهم واللهم حطوا لها مرطب ...

يله امهاات قولوا لنا شنوو تطورات بيبياتكم هالشهر ؟؟؟

انا بنتي زادت عندها حالة الهذرة و طبعاا من تشوف اهلي او اهل زوجي بس تشوف وجووهم ما تصخ من الصياح ههههههه وعاد لما يحاول احد يمسكها لا تعليق تفشل !!! مادري شلون بتقعد مع امي بعدين !

انا صرت دايم احطها ع بطنها ابيها تقلب تحاول تفحط تفحط وترفس برجولها بعدين تمل وتجلس تصيح وتطالعني تكسر خاطري ههههههه
انا امس عمتي شالتها وخذتها تسلم على حمواتي ماشوف الا دقيقتين مرجعتها تقول مدري وش فيها ماده البرطم تمهد للصياح الاخت هههههه بس اذا انا معاها عادي يلعبوها ويشيلوها بس اذا انا او ابوها مو موجودين خلاص ماتهدا!
وعالملعقه زين مامتك عودتها شوي عليها انا عمتي من جيت هنا اذا جاتها جوجو حازوقه على قولتها تشربها ماي بغطى الرضاعه! خخخ احس كويس تقبلت تشرب منه كنه كاس ويروح على طول بعد بصير احاول اعودها بعدين عال7 شهور كذا ان شاءالله تشرب بكاسات او عالاقل بمزاز لان صراحه فيني عقده وحده من قريبات اهل زوجي بنتها ماشاءالله الشهر الي طاف كملت 3 سنوات وللحين تشرب رضاعه مع انها تاكل لحالها بالملعقه والشوكه بس ماتعرف تشرب الا بالرضاعه!!!! انا طبعا جاني الحين رعب من هالسالفه بقووووووووه الله يستر

على فكره سيريلاك ارز قالتلي الدكتوره ادخله نص الشهر الرابع يعني قبل تطعيمتها باسبوعين كذا قالتلي ابدا امهدلها

احلى حلووة ,, انا والله اخاف احطها على بطنها ! هههههه يوم وديتها للفحص الدكتورة ياماشاء الله رقيقة جدااا جداا لدرجة انها شووي وترميها على السرير !! اقولها دكتورة ترى بنتي تعبانه فيها ! ومنها اخاف احطها على بطنها احسها تتعذب ويصير وجهها احمر وحالة مسكينه قلت بخليها على راحتها وهي بروحها بتقلب ! ...

عن الهازوقة على قولة الأجداد انها تسمن البيبي شلون مادري ! بس يقولون اذا جاه هالشي خليه شووي وبعدها عطيه الماي وزين انها تتعلم على الكاس من الحين عشان تسهل عليك تعليمها بعدين واما سيريلاك الرز اختي قالت لي مثل كلامك بالضبط ابدي معاها بآخر اسبوعين عشان تتعود والبسكوت تقولي شوي ثقيل أجليه شووي عشان ماتتحسس ..

ياحلات الكتكوتات بالبرطووم يجنن ههههههههه احب اصورها وهي مبرطمة ...

انا اهل زوجي من يشوفوها تبرطم وزوجي يقولون ابد نسخة برطومي انا ابرطم كذا ههههههههه اي صج تسمن البيبي لانها توسع معدته كذا قالتلي ماما فتساعده ياكل اكثر وكذا^_^
باركيلي شلتها من سلة موسى وحطيتها بسريرها ههههه مازمتني شوي بس شوي شوي تتعود ان شاءالله, وعلى الدكاتره انا كل مارحت لدكتور استهبلو النيرسات على اسمها ويجلسون يطالعون بشنطتها لان عليها اسمها ويلعبون فيها يضحكون هههههه ويشوفنها وش لابسه مو صاحيين هالنيرسات

مبروووك حبيبتي ههههههه واخيرا ,, انا تصدقين من اول ماجبتها لحد يومنا ماتبغي سلتها ! خسارة شراتها بس !! ياا تبغي صووبي اوو صوب امي لما كنت هناك وقلليل ان نحطها بسلتها ولما جيت بيتي ماتبغي الا ترضع مني بالليل وماتنام الا لما اكون جنبها وفوقها تبغي تفرش روحها كاااااامل بالنومة يعني الرجايل بصوب والايادي بصوب فخليتها صوبي على السرير ! فقلت باخذ لها السرير الكبيير بنص رمضان لانه عبر الطلب لانه مافيه شحن لهني فبشوف لي حد يجيبه عشان خلص تتعود بروحها وخصوصي انها قريب راح تنقلب ان شاء الله .... افكر اخذ لها غرفة كاامله بس امي تقوول بدري عليها تكون بروحها !

تفاحه
انا جوجو غرفتها جاهزه بس جبت لها السرير جنبي لان قريت ان اول 6 شهور في خطر الاختناق عالبيبي لان ممكن تنقلب على وجهها لاسمح الله وماتعرف ترجع تقلب على ظهرها خصوصا اول ماتبدا تتعلم! فقررت ان ان شاءالله عالسابع او كذا لما احسها انها تقلب عدل براحتها عالجهتين انقلها باذن الله غرفتها وطبعا هذا في حاله وحده لو صارت تنام الليل كله غير كذا لاااا ماني فاضيه امتر الشقه من غرفتي لغرفتها ههههههه
ياالله لما اذكر شكثر كنا نحاتي واحنا نجهز وندور سلة موسى ههههه ونقول هذي صغيره هذي مابتتحمل يوووه الايام ركضت سبحان الله

امهااات وينكم؟؟ طمنونا عنكم وعن بيبيهاتكم شدعووه ياحافظ نسيتونا^_^

اي والله صدقتي ! ههههههه وانا كنت اتشرط ابغي الااا جديدة وابغي نوعية جديدة ومادري شنو وبالاخير الاخت مانامت فيها !! انا بعد اقوول جي اهم شي تقدر تقلب براحتها اولاا و تنام طوول الليل ,, انا المشكلة خايفة توصل لهالعمر وللحين تصر بس على رضاعتها مني ! عاد بعدين جد جد بتغربل لان هالشي معناه مابتنام طول الليل وابوها مصر ان نحطها بغرفه لوحدها وعلى قولته بيشتري لها غرفه العاب ههههههه ...

باقي الامهاات محد يطل !! ... ما اشوف الا انا وانتي ياختي وانجان شهودة ! ..

السلام عليكم
شخباركم وشخبار البيبيات
القشرة كلش طبيعيه
أمي كله تقول أن الطفل تجيه فترة يبدي شعره يطيح وتطلع له قشرة
لاحظت أن ولدي شعره يطيح من أول ما طلعت من الاربعين بس كان بس الشعر الي قدام الي وراء أحس يحت أقل

ما شاء الله بيبياتكم شكلهم كملوا الثالث
انا ولدي باقي عليه بعد
ل20 رمضان يكمل
ومستعجله عليه على سالفة انه يقلب
الله يحفظهم ويخليهم

اجاصه
اهلا وسهلا انا شوي من الجوانب بنتي يطيح شعرها ومن ورا مكان النومه خخخخ كلنا مستعجلين انهم يقلبون ويبدون يتحركون ويلعبون اكثرررر
تفاحه
جربتي تحطيها بكرسي السياره ههههه حطيت جوجو الخميس استانست شوي وناااامت مثلي هالبنت من تركب سياره تنعس خ خ خخ خ خ

مرحبتين صبايا شو اخباركوووون والله لعوزتني هالدوره اللي مب عارفه شسالفتها هي دوره والا استحاضه من بعد الاربعين نزلت خيوط بنيه كلش خفيفه ونظفت قبل رمضان بيوم ردت انزلتلي اليوم ماعرف شقصتها

اجااصة ,, ولكموووووو حبيبتي شخباار العسل اللي عندش ؟؟ .. اييي اخوي يقولي عادي بنته بعد جيي والاحظ مثل الحلوة بنتي من جانب اليسار قاعد يحت شووي ... اممم انا بنوتتي يوم الاربعاء ان شاء الله تخلص الثالث ... اما عن القلااب اناا انتظر هالشي بفاارغ الصبررر واتمنى انها بسرعه تثبت راسها عشان اقدر احطها بكرسيها واشتغل براحتي !! هههههه والحين صايرة الاخت ماتبغي الا ابوها ينيمها خصوصي حزة رجعته من الشغل ماشاء الله عليها تنتظره ليمن يجي ويشتغل انذار الاطفائية خخخخخ ..

الحلوووة ,, ايي حطيتها اليووم بكرسي اللي ينحط بالبيت و خليته على هيئة الجلوس وحطيتها والله تشققت ههههههه اول مرة تشوفنا فيس توو فيس في حدود النظر عاد قلت كل يوم بحطها وبخليها قدام التلفزيون لان اشوفها من متابعيه ..

شهوودة ,,, اي والله كرييييه النفاس واللي بعده ! انا جتني بعد النفاس مرة ولوعت جبدي و من بعدها ماجتني ... هو دايماا تاخذ لها جم شهر على ماترجع مثل قبل ... بس احسن انها تنزل عشان تضمنين انه مو حامل !! ..

التفاحة الجناوية;16189603:

فجر المشارق ,, الله يعيييينك ! انجان انا بنتي بتكمل الاربع شهور حزة دوامي انتي حتى ماكمل الثلاثه !! يعني وين يمديك تعودينه على وجبة معينه مثل بسكوته لو شي !! بس مالك الا تسوين مثل احلى حلوة وتعطينه بسكوت في الحليب بتاعه بالملعقه !! و تشفطين له ... انا اليوم جربت اعطيها بالملعقة مرة ثانيه بس حست انه مو مني فزعت الدنيا !!! ترفيس وصراخ وحاالة كأني ذابحتها ضرب !

احس لسة بدري ع البسكويت ..الحمدلله صار يتقبل الحليب شوية والحمدلله انه دوامي قصير برمضان بياخد رضعة واحدة وبكون رجعت ....جبت الشفاط وان شاءالله اشفضلة وبعد غيرت حلمات البيبرونة ...

التفاحه
انا جايبتلها مرجيحه ههه تتعدل تنسدح وتتجلس وفي شي يتركبها عشان اذا بحطلها اكل قدامها خخخخ الا تعالي كنت بسئلك متى تفتح المحلات اللي بالمجمعات عندكم؟ يكونون فاتحين العصر وكذا! لان ودي اجي الخميس اشتري لجوجو اشيا وادور لبسة العيد الي محيرتني للحين بس مو حابه اطول يدوب نفطر ونرجع هنا
شهد
مافكرتي تاخذين حبوب او شي عشان تضبطين الدوره؟
فجر المشارق
الله يعينك رجعة الدوام مره قلق بس تهون

الحلووة ,, المجمعات تفتح من الساعه 9 الصباح الى 1 الفجر ... انا ابغي اطلع بس ماشوف فيه وقت واحس نفسي مرررهقه مررة من ريمي تعلمت لي على ابوها انه يشيلها ويمشي فيها عشان تنام والحين مطلعه عيني على النوومة !! فعلاا الله يساعد امهاتنه علينه وما ربوا واحد او اثنين الا ثلاث واربع !...

امهات بدووا كتاكيتكم يحاولون ياخذون االاشيااا بيدهم ويحطونها بالفم ؟؟