نظمي وقتك برمضان معي (العزايم)

شكرا حبوباتي للردود الحلوة :)

خبروني كيف رمضان معاكم ؟؟ ان شاء الله تمام ... اصبروا علي شوي اخفف من كم الدراسة اللي علي عشان اكمل بشوية افكار :)) اذا اي وحدة عندها طلب معين خبروني

يعطيك العافية حبيبتي عنجد شغلك روعة و انا عملت نفس جدولك للعزايم و ان شاء الله التطبيق يكون سهل

الله يعطيك العافية مازلت متابعة لك كل مرة اشيك على موضوعك :)

الله يعطيك العافيه

موضوع رائع

الموضووووع روووعه ومفيد

الله يعطييك العافية على الموضوع

ونتريا الملف الاخضر

كل مرة اشيك على الموضوع اشوف المستجدات

ربي يوفقك في دراستك و يعطيكي الف عااافية

موضوعك أكثر من رائع

فى انتظارك

ما شاء الله تبارك الرحمن
جزاكي الله خيرا
و في موازين حسناتك ان شاء الله

ما شاء الله

جمييل الموضوع

منتظرة الباقي :))

السلام عليكم عرايس :) تسلمولي على الردود الحلوة و سامحوني على التأخير .. سبحان الله اليوم بيمضى بسرررررررعة مخيفة و زي ما بقولوا العمر بيخلص و الشغل مااااااا بيخلص هههه

ان شاء الله رح انزل تفاصيل الملف الأخضر بموضوع منفصل لانه جدااااااااا طويل و ما عم الاقي الوقت الكافي ... اهههههه من الدراسة يلي ماخدة كل وقتي :badly: امانة انكم تدعولي ربنا ييسر اموري ااامين F:

ان شاء الله يوم الاربعاء القادم عندي عزيمة و حبيت اورجيكم كيف برتب للعزيمة خطوة بخطوة...
معي 4 أيام للعزبمة و طبعا عندي شغل و دراسة لهيك بحاول اقسم الشغل و اسهله علي باكبر قدر ممكن

بسم الله بنبدأ بالمرحلة الأولى

اول اشي بجيب ملفي الأخضر و اي كتاب طبخ بتحبيه و دفتر الوصفات ( دفتر و صفاتي مقسم لثلاث أقسام : الاطباق الرئيسية. الاطباق الجانبية و الحلويات عشان الاقي الوصفات بسرعة و بدون حوسة)



متل ما حكيت ببداية الموضوع شوفي كم عدد الاشخاص.. و اذا في اي نوع اكل غير مرغوب

اكتبي الاكلات يلي بدك تحضريها... ملاحظاتي على الموضوع هاد هي كالتالي
اول اشي راعي التنوع بالأصناف يعني مثلا اذا عاملة مقلوبة بدجاج و فتة دجاج و فتوشيني هيك صار عندك كل الأطباق دجاج ... حاولي تخلي نوع لحمة و نوع دجاج و اذا في لحمة قطع الطبق التاني يكون لحمة مفرومة للتنويع احسن ما يكون الأكل زي بعضه ( طبعا هاد رأيي الشخصي و انت بتختاري يلي بناسبك)

تاني اشي راعي التنوع بالألوان.. السفرة يلي فيها الوان بتفتح النفس... يعني اذا عاملة لبن منسف و بشاميل و كفتا بالطحينة تخيلي كيف شكل الطاولة ابيض بأبيض بس اذا كان عندك احمر و اخضر و ابيض برأيي السفرة بتطلع كتير ارتب و أحلى و بتشهي

تالت اشي راعي يكون في نوع صلصلة أو مرقة

بعد كتابة الاطباق انا برسم الاكلات زي الصورة عشات اتخيل كيف شكل الأكل رح يكون و اذا في اي تعديل... لاحظوا انه كمان بحط اللون و اي اشي بالفرن بحط الوقت عنده عشان ارتب اموري...

عزايم رمضات تختلف عن باقي السنة لان الأكل لااازم يكون حاضر بوقت محدد و هو وقت الأفطار ... راعي الأكلات يلي بدها شوي بالفرن يعني فخدة اللحمة بدها على الأفل ساعتين ما بقدر اعمل معها مكمورة مثلا خصوصي اذا درجة حرارة الطبخ لكل وحدة بتختلف...



بعد كتابة الاطباق بكتب ورقة المشتريات... هلأ بتفتحي على وصفة كل أكلة و خطوة خطوة شوفي المكونات و اكتبي الناقص

بعد ما كتبنا و خلصنا شوفي اللوازم التانية : محارم السفرة, ورق القصدير, الخ مش يوم العزيمة نتعجقي و ابو الشباب يشتغل على الخط ههههه



و اخر اشي رتبي امورك حسب الوقت المتوفر
مثلا انا عندي
الاحد - تنظيف ( بنفس اليوم عندي دراسة يعني براعي هاد الاشي )
الاثنين - تحضيرات خفيفة ( كمان نفس اليوم عندي شغل و برجع تعبانه ما في داعي تزيدي تعبك )
الثلاثاء - اي تحضيرات ممكن عملها هاد اليوم خلصييييييييييها و ريحي حالك ... ما تنسي حضري لبسك و لبس زوجك و ابنك (غرفة الضيوف و السفرة بدي اياها بتلمع :worn_out:)
الاربعاء- كملي الطبخ براحتك و لفة سريعة على البيت و ان شاء الله عزيمة ميسرة :)


بكرا عندي تنظيف ان شاء الله ... برجعلكم مع باقي الخطوات ان شاء الله لا تنسونا من الدعاء

الله يساعدك ويعطيك الصحة ،، ويوفقك في دراستك ويهنيك مع زوجك
الله يجزاك كل الخير على الافكار الحلوة اكيد الكل بيستفيد منها
وطبعا مثل كل مرة مازلنا ننتظر المزيد ولاطولين كثييير علينا

أم روجين;16191582:
الله يساعدك ويعطيك الصحة ،، ويوفقك في دراستك ويهنيك مع زوجك
الله يجزاك كل الخير على الافكار الحلوة اكيد الكل بيستفيد منها
وطبعا مثل كل مرة مازلنا ننتظر المزيد ولاطولين كثييير علينا

الله يخليك يا رب :o ان شاء الله ما بطول عليكم و بنزل اول بأول :)

تسلم ديااااااااااااااااااااااتك ياليتني جارتك

Nهتون السحابN;16192910:
تسلم ديااااااااااااااااااااااتك ياليتني جارتك

الله يسلمك حبيبتي و ربنا يرزقك الجارة الصالحة يلي تسر قلبك F:

السلام عليكم :) الحمد لله عملت العزيمة و كانت الحمد لله خفيفة لطيفة و انبسطنا كتير
اول اشي بننوي كل شغلنا يكون بنية افطار صائم و نحتسب الأجر لكل خطوة... ابدأي يومك بسبحان الله 33 و الحمد لله 33 و الله اكبر34 و ان شاء الله ربنا بيمدك بالطاقة و القوة

حبوباتي الواحد مع الوقت بيرتب اموره و بينظم حاله و اكيد بيصير يعرف شو هو الأفضل.. يعني اكيد اول عزيمة عملتها مو زي الان لاني تعلمت من نفسي كتير ... و اللي ساعدني اني دايما بكتب ملاحظات و بحتفظ فيها و برجعلها ... قد ما تقولي بتزكر مع الاشغال اليومية بتنسي كتير اشياء.... مثلا العزيمة الماضية استعملت عدد معين من كاسات الرز و كتير زاد عندي عشان هيك سجلت ملاحظة بالعدد المناسب للمرة القادمة

بديت ارتب اموري من يوم الأحد و عزيمتي كانت يوم الاربعاء... انا فيي طبع و هو اني بستغل العزايم عشان اضغط حالي و اخلص امور كانت علي ... كيف يعني؟؟ يعني ببالي البرادي بدهم غسيل و كوي و كل يوم بأجل بس اذا عملتهم و انا عندي عزيمة غصب عني لازم يكونوا خالصين و جاهزين الثلاثاء لانه مو معقول العالم تيجي و انا ما عندي برادي هههه و هيك بحاول اخلص بسرررررررعة اي اشي علي ...

الأحد و الأثنين نضفت البيت كتييير منيح ( بتضربي عصفورين بحجر واحد) بتخلصي التنضيف يلي عليك و الضيوف بيجوا و كل اشي جاهز ان شاء الله ....

الأحد شريت الاحتياجات .. و نصيحتي هي انك تشتري المكون الأساسي اول اشي و بعدين باقي المكونات لاي طبخة .. شو يعني ؟؟ انا كنت مخططة اعمل فخدة و رحت شريت الصلصات يلي بحتاجها و بس رحت محل اللحم الحلال ما كان عنده فخدة للأسف.. تعلمت للمرات الجاي المكون الأساسي اولا و بعدين المكونات التانية

عادة بالعزايم بختار اطباق حلو باردة ممكن تجهيزها من قبل ... كل الحلو جهزته الاثنين المساء
يوم الثلاثاء عملت كللللللل اشي ممكن عمله و تحضيره من قبل ... و طريقتي كالتالي .. بس اكتب المنيو بكتب الخطوات كالتالي :

مثلا لعمل فتة الدجاج
سلق الدجاج *
تحضير صلصلة الطحينة *
عمل الرز
تحميص الخبز
قلي الصنوبر/ فرم البقدونس
الخطوات يلي جنبهم علامة * هي الأشياء الممكن عملها قبل بيوم... كل ما اخلص خطوة بحط جنبها علامة صح

ممكن تشوفي الكتابة كتييييييرة بس صدقيني الموضوع ما بياخد من وقتك اشي و كتير بيوفر عليك تعب و عجقة

طيب البيت تمام و حضرنا الأكل الممكن تحضيره مسبقا ... طبعا لا تنسي الضيوف جايين لحتى يشوفوك و يقعدوا معك لهيك حاولي تخلصي امورك و تحضري قبل بوقت...



صينية الشاي ( مع الكاسات و السكر الخ )
صحون الحلو و ملاعق و شوك الحلو الخ
كاسات الماء و الأبريق
التمر
حضري طاولة السفرة بشكل كااامل ... اول اشي بتشوفي كيف الترتيب بيكون و حطي ملاعق السكب ... و الصحون و الشوك الخ ...و اكتبي ورقة صغيرة عليها اسم الطبق كمان بتساعدك بالتجهيز ان شاء الله



يوم العزيمة مع كللللللللل الترتيب و التخطيط اخر ساعة عجججقة .. لانه معظم الأكل لازم يبدأ طبخة بنفس الوقت ... يلا ورقة و قلم و اكتبي ... مثال من يومي
11- فرم السلطة (لا تخلطيها الا قبل التقديم)
12 – خلصي مسح البيت و الغبرة بسرعة
3- شوي الدجاج ( الدجاج و اللحوم احسبي على الاقل ربع ساعة زيادة بعد اخراجهم من الفرن حتى اللحم يرتاح)
4- وضع اللزانيا بالفرن
الخ
طبعا معظم الأمور خالصة و جاهزة من اول ... البسي و لبسي اولادك و رتبي امورك ... لا تخلي ايييييييييييي اشي يتكوم على المجلى لازم كله يكون نضيف .. و ان شاء الله امورك تمام التمام و عال العال و يعطينا العافية و لا تنسونا من صالح الدعاء

الله يعطيك الصحة ، وسفرة دايما ان شاء الله

واكيد مع الترتيب وتنظيم الوقت وكل الامور هذي راح تمشي امورنا

تسلم الايادي سوسو

أم روجين;16201388:
الله يعطيك الصحة ، وسفرة دايما ان شاء الله

واكيد مع الترتيب وتنظيم الوقت وكل الامور هذي راح تمشي امورنا

تسلم الايادي سوسو

الله يسلمك حبيبتي F:

يعطيكي العافية يا عسل

شكرا يا قمر

السلام عليكم يا حلويييييييييييين :)

الحمد لله رمضان مر على خير و سلامة و الان عيد الاضحى على الابواب... حبيت اضيف صور ديكورات للعيد و رمضان ( جمعتها من النت ) و ان شاء الله تستفيدوا من الافكار الموجودة