نظمي وقتك برمضان معي (العزايم)

شو حبوباتي كيف التحضيرات معكم ؟؟ خلصتوا تحضير اللحمة المفرومة؟؟ يالله ان شاء الله اليوم بنزل الصور لتحضيري :)

سوسوووووووو
ماشاء الله عليكي مبدعة جدااااااااااااا
دوبي اتعرف عليكي و على ابداعاتك

متابعتك استمري

مشكوره ياعسل وربي يسهل عليك

ماشاء الله عليك .. الله يسهل لك كل امورك والجميع ان شااء الله

ماشاء الله مبدعه
بصراحة الموضوع رووعه
وبيستاهل التقييم والتميز
بصراحه عمري ما عملت هيك اشي وعملت مخطط علشان هيك دائما كل وقتي مخربط
كان نفسي اني ابلش ارتب وانظم وقتي برمضان واعمل متل جدولك
بس للاسف داخله على رحيل ويمكن يجي رمضان وانا لساتي في الترحيل
بس ان شاء الله اول ما اخلص رح احاول انظم وقتى
واكيد متابعه معك
الله يوفئك ويجزيك كل خير

أحلى شي التنظيم كتييير بيسهل على ست البيت
يسلمووو حبيبتي عالموضوع المفيد

[SIZE="4"][COLOR="Purple"]السلام عليكم يا عروسات ... شكرا جزيلا حبيباتي على الردود الحلوة يلي بتشجع الواحد :o
كيف التجهيزات معاكم ؟؟

الحمد لله خلصت تجهيز اللحمة المفرومة و حبيت اشارككم يلي عملته.. طبعا اي نصائح او افكار شاركوني فيها عشان نستفيد ...
يالله بنلبس مريول المطبخ و نربط الشعرات و نحط بندانه بيكون افضل ...
بالاول الكميات انت تقدريها حسب عدد افراد الاسرة و الاستهلاك... بالنسبه لي احنا عيلة صغنونة انا و زوجي و ابني الله يخليهم
اول شي جبت اللحمة.. احتاج كميتين الكمية الاولى بستخدمها لخلطة الكفتا و الكمية الثانية بقلبها مع بصل و ثوم و شوية ملح (قليل جدا) و فلفل



خلطة اللحمة


خلطة الكفتا (بندورة و بقدونس و بصل و ثوم و البهارات ) طبعا في خلطات كتير بس انا بعمل الخلطة التقليدية و ممكن ازيد علها مكونات لو حبيت بعدين



بحط مكونات الخلطة بالفرامة من دون اللحمة (لزوم السرعة ) و بعدين بخلطها مع اللحمة




طبعا هاي الخلطة تنفع للاكلات التالية :
كفتا بالفرن
كفتا بالطحينية
كباب هندي
معكرونة بصلصة البندورة و كرات اللحم
حشوة للشيشبرك
زيدي عليها لبن و دبس رمان و صنوبر لاحلى صفيحة باللحمة

طيب بعد ما جهزناها صار وقت التفريز ( تحتاجي ميزان , اكياس بلاستيك و قلم)
وزعي اللحمة على طبخات ( مثلا كل كيس نصف كيلو) حسب استهلاك عائلتك لان اللحم اذا طلع من الفريزر خلاص لازم استخدامه و حرام يروح هدر




اكتبي على كل كيس
-التاريخ
-الوزن
-المحتوى (و انا اكتب اسم الطبخة على كل كيس مثلا كباب هندي بس مو شرط التزم طبعا بس عشان لما افتح الفريزر الاقي اسم الطبخة امامي و اريح راسي من التفكير خخخخ شفتوا اكسل من هيك )



طيب بنيجي للكمية التانية من اللحم ... قبل ما تبلشي بالكفتا افرمي بصلة و اهرسي سنين توم قلبيهم شوي مع شويييييييية زيت خفيف جدا (لزوم الدايت خخخخ) و بعدين قلبي اللحمة معهم (بالوقت يلي جهزتي فية الكفتا اللحمة بتكون استوت ان شاء الله)
طيب جهزنا اللحمة هلا بناخد قسم و بنضيفة على حبة فلفل حلو مقلبة بشوية زيت مع ملح و فلفل و بهارات ( هاي احلى حشوة سمبوسك صارت جاهزة)



و قسم تاني بنضيفه على خضار مشكلة مع بهارات على زوقك ... بس تبرد الخلطة تماااااما بضيف عليها جبنة( كمان هاي احلى حشوة لكبة البطاطا و السمبوسك كمان و ممكن تستخدميها مع وصفة الرز بالباشميل بتطلع بتشهي )



اخر قسم وزعية على كميات لاستخدامات مختلفة لان ما في غنى عن اللحم المفروم

طيب اخر اشي هو الشيشبرك ...
طريقة العجين
1 كوب طحين اسمر
نصف كوب طحين ابيص
رشة ملح
ماء

بتعملى العجين و لازم تشكلية على طول (مش لازم يتخمر- طبعا في طرق مختلفة بس هاي طريقتي يلي بتبعها)
ان شاء الله الصور بتوضح طريقه تشكيل العجين (هي نفس طريقة عمل معكرونة الرافيولي)








بتحطي الشيشبرك بالفريزر وهو بالصينية و بس يجمد بتحطية باكياس

و هيك الحمد لله خلصت اللحمه المفرومة ..كل العلب بحطها بسلة و على الفريزر .. ان شاء الله اكون افدتكم و لا تنسونا من دعواتكم الحلوة



لسا يا حلوين ما خلصنا ممنوووووووووووووووووووووع نطلع من المطبخ قبل يكون كلللللللللللللللللل اشي يلمع لمع ,, على السريع نضفي المجلى و عقمي الكاونتر خصوصي بعد استخدام لحم نيء... و الارض مسح على السريع ... هلأ بتقدري تروحي ترتاحي و يعطيك العافية :p
لا احلل نقل هذا الموضوع او نسخ الصور... كل محتويات الموضوع من جهدي و تعبي[/COLOR][/SIZE][/COLOR][/SIZE]

مغتربة سدني;16167742:
سوسوووووووو
ماشاء الله عليكي مبدعة جدااااااااااااا
دوبي اتعرف عليكي و على ابداعاتك

متابعتك استمري

تسلمي غروبة:o ... الملف عليه تعديلات جديدة السنة لزوم الدايت خخخخخ

اكليل الورد85;16168111:
ماشاء الله مبدعه
بصراحة الموضوع رووعه
وبيستاهل التقييم والتميز
بصراحه عمري ما عملت هيك اشي وعملت مخطط علشان هيك دائما كل وقتي مخربط
كان نفسي اني ابلش ارتب وانظم وقتي برمضان واعمل متل جدولك
بس للاسف داخله على رحيل ويمكن يجي رمضان وانا لساتي في الترحيل
بس ان شاء الله اول ما اخلص رح احاول انظم وقتى
واكيد متابعه معك
الله يوفئك ويجزيك كل خير

يعطيك العافية حبيبتي و ان شاء الله رحيلك بكون سهل و ميسر... و شكرا على مرورك اللطيف F:

مشكوورهـ يعطيك العافيه .

افكار حلوة يعطيكي الف عافية

موضوعك اكتر من رائع
متل تجهيزاتي تقريبا يوفر وقت كتير
الله يعطيكي الصحه والعافيه ويسعدك يا رب
كل عام وانتي بالف خير

السلام عليكم يا عرايس :) كيف الاستعدادات ؟؟ بلشنا تنظيف و تحضير ؟؟F:

شو اخبار غرفة الضيوف ؟؟ ان شاء الله نكون نضفناها كتير منيح ؟ ما ضل وقت كتير ... لازم تكون تلمع عشان تزينيها بزوقك الحلو... بالنسبة الي شوية حركات بسيطة مش اكتر .. و لاني ببلد اجنبي مش بسهولة بلاقي يلي بدي اياه (الصور جاي على الطريق ان شاء الله بس لسا عندي اللمسات الاخيرة:rolleyes:)

طيب موضوعي اليوم عن المطبخ ... قبل رمضان بتاكد انه عندي الحاجات التالية : (زي ما حكينا انا مشغووووووووووووووووولة و البلد اللي انا فيها السوق بيسكر على الساعة خمسة المسا... يعني اذا بيوم العزيمة ما لقيت غرض بتكون راحت علي هيهيهيهي):thumbs_down:



-اهم اشي يكون عندي اوعية حفظ الاكل سواء كانت بلاستيك (النوع يلي اله غطاء ) او زجاج و الزجاج صحي اكتر...اتاكد ان عندي كفاية من اوعية الحفظ لانه بعد الافطار ما بحب الاكل يضل بالصحون الكبيرة .. لانها بتاخد حيز كبير بس العلب البلاستيك بتقدري ترتبيهم بالتلاجة براحتك و ما بياخدوا اي حيز... و بكل الاحوال صحون التقديم انت بتحتاجيها و ما تحكي رح نرجع ناكل نفس الاكل بكرا لانه مو معقول تقدمي صحن نصه ماكول.. طبعا لازم ترتبي الاكل من اول و جديد يعني بكل الاحوال الاكل لازم يتفرغ و الصحن لازم ينجلى. و ما تنسي حطي التاريخ على العلبة افضل و اضمن



- محارم سفرة



- صحون الفرن يلي للاستعمال الواحد (متل الصورة) و هاي بتلاقوها باحجام و اشكال مختلفة ... كتيييييييير مهمة الي.. للاسباب التالية :

- بستخدمها لما اطبخ فخدة مشوية او دجاج مشوي .. لانه بتوفر علي الدعك و الجلي :thumbs_up:

- بستخدمها لما اكون معزومه .. عادة باخد معي طبق حلو .. بالاول كنت اخدة بصحن عادي بس الصحن ذهب و لم يعد ههههه و عاداتنا انه اذا شخص بعتلك صحن اكل عيب ترجعيه فاضي فعشان ما اكلف او اغلب حدا ببعت بهاي الصحون و هيك ما بيرجعوهم

- كمان ممتازه لاصحاب زوجي العزابية لانه عادة ببعتلهم اكل برمضان و هيك بياخدوا الصحون و انا ما بجنن زوجي و انا اسال عنه هههههه و الله كتير صحون عندي راحت و الطقم مو حلو ناقص

o و كمابستخدمهم للاكل بعد العزيمة لما ابعت مع المعازيم... انا من طبعي انه بعد العزيمة ببعت اكل مع المعازيم (طبعا العادات تختلف و كل شخص حسب عاداته) يعني لو صاحبتي عندي ببعت معها اكل لاهلها,, او حبت اشي معين ببعت معها بتاكله بعدين... و ما تنسوا تشاركوا الجيران مو معقول يشموا الروائح و ما ياكلوا ...

o كتري طبختك و ابعتي للمسجد و الك الاجر ان شاء الله F:



o اذا معازيمك معهم اطفال خلي عندك مجموعة صحون و كاسات بلاستيك ملونين بلاش التكسير و تكوني حاطه ايدك على قلبك خصوصي وقت العزايم بتستخدمي طقم السفرة المرتب ( اختاري نوع عصير ماااااااااااااااا يكون لونه احمر لانه اذا وقع على السجادة خلااااااااااص راحت عليك .. صارت معي و الله كنت رح ابكي هههه بس بعد الدعك و الفرك و مع فانش مشيت الامور)




o اغطية الطاولة البلاستيك .. بالنسبة لي بحط شرشف مرتب و فوقه شرشف بلاستيك شفاف



o طبعا ليف الجلي و فوط المطبخ ما بعرف ليه برمضان بحسها بتطيييييييييييييير هههه
- و هادي بعض التجهيزات الرمضانية ان شاء الله راجعتلكم بالمزيد ... لا تنسونا من الدعاء
الموضوع خاص بمنتدى عروس و هو من تعبي الشخصي لا احلل نقله ابدا

يعطيك الف عافية

ما شاء الله شغلك مرتب و حلو .. و ان شاء الله اتعلم منك و اصير منظمة ...

موضووع رائع


فعلا لازم التنظيم في كل شي


تم تقييمك

هلا سوسو عن جد انتي رائعة أعجبتني طريقتك ماشاء الله عليك منظمة الله يخليك لنفسك وابنك وزوجك وكل أحبابك
ويسهل أمورك في الغربة ويوفقك في دراستك .

ما شاء الله عليكى

مجهود رائع تسلم إيديك وتم التقييم :adore:

بجد أفدتينى كتير وإن شاء الله أتعلم منك

متااااااااابعة للموضوع