تجهيزات الولادة للبنات البحرين

Ɯα7śнтƞφ ŠώαŁƪϜЌ

شنو باقيلج انتي ؟؟

انا تقريبا خلصت و فكيت روحي من وقت .. فالسادس ريلي عطاني ألف .. و قلت عشان مالعب فيهم رحت و شريت أغراض البيبي .. و سويت لي فراشين .. و بعد يبيلي فراش زود ..

خبره من ولدي .. كان يبول على لفراش الله يعزج او يرجع او لما يوسخ ( عز الله السامع / القاري ) فكنت اتوهق .. اشوه مرت اخوي والدة قبلي بجم شهر و خذيت من عندها فراشات ولدها ..




عشق الحياه

حبيبي آدل المحل بس ماعرف رقم المحل !

جفتي مجمع الرفاع قبل ؟؟ و الحين صكوه .. ( سنتر بوينت )

الدوار مال مجمع الرفاع مشاهده لفة .. فيها محلات وايد .. يعني خلي المجمع وراج و المخبز يسارج

روحي سييييييييدة عالمحلات كلهم

بتييج لفة عاليمين .. اول اللفة بتلاقين المحل .. و يمه محل مال هدايا و حلويات ! برع حاط ليتات زينة شكثر .. خخخخخخ

ان شاء الله عرفتي تدلين

سوي كوبي حق الرد و سيفيه في تلفونج لين رحتي أقري عشان يصير سهل عليج

بنات سمعتوا عن "AsoolSweet"
انصحكم تتعاملون معاهم " عسول سويت " للتوزيعات والضيافة والتزين والكيك لجميع المناسبات

الرقم للاستفسار والواتس اب : 36464994-00973
الانستغرام : asoolsweet

من البحرين .. ويستقبلوا الطلبات حته من دول الخليج.

مخاوية الهم;16305061:
عشق الحياه

حبيبي آدل المحل بس ماعرف رقم المحل !

جفتي مجمع الرفاع قبل ؟؟ و الحين صكوه .. ( سنتر بوينت )

الدوار مال مجمع الرفاع مشاهده لفة .. فيها محلات وايد .. يعني خلي المجمع وراج و المخبز يسارج

روحي سييييييييدة عالمحلات كلهم

بتييج لفة عاليمين .. اول اللفة بتلاقين المحل .. و يمه محل مال هدايا و حلويات ! برع حاط ليتات زينة شكثر .. خخخخخخ

ان شاء الله عرفتي تدلين

سوي كوبي حق الرد و سيفيه في تلفونج لين رحتي أقري عشان يصير سهل عليج

شكرا ادل المنطقة هاي خبرج قبل كلة نروح مجمع الرفاع بس المحل ما كنت اعرف اي صوب يصير .. شكرا مرة ثانية

بنات انا بكرية وحدي ضايعة وفي نفس الوقت متحمسة في وحدة عندها ملف التجهيزات ؟
متى ابدا اجهز .. في السابع ؟ او السادس ؟



ادعولي بنات .. ان شاء الله اول زيارة لي للطبيبة تاريخ 30 اكتوبر 2012 .. بنات حد عندها فكرة عن دكتورة ستي صالح مستشفى رويال بحرين ؟

[QUOTE=مخاوية الهم;16305061]Ɯα7śнтƞφ ŠώαŁƪϜЌ

شنو باقيلج انتي ؟؟

انا تقريبا خلصت و فكيت روحي من وقت .. فالسادس ريلي عطاني ألف .. و قلت عشان مالعب فيهم رحت و شريت أغراض البيبي .. و سويت لي فراشين .. و بعد يبيلي فراش زود ..

خبره من ولدي .. كان يبول على لفراش الله يعزج او يرجع او لما يوسخ ( عز الله السامع / القاري ) فكنت اتوهق .. اشوه مرت اخوي والدة قبلي بجم شهر و خذيت من عندها فراشات ولدها ..



افتكيتي ،

انه خلصت ثياب النونو واغراضها و الادوات الصحيه ،
باقي اسوي لها مفرش تفصيل و اخذ اثنين بارزين
و باخذ فراش لسريرها

و عني انه باقي ابتدي في اغراضي

احسن شي من الحي تجهزين تفتكيييين عقب
خو بعدي يصير مالج بارض من الثقل

عشق الحياه;16305284:
شكرا ادل المنطقة هاي خبرج قبل كلة نروح مجمع الرفاع بس المحل ما كنت اعرف اي صوب يصير .. شكرا مرة ثانية

بنات انا بكرية وحدي ضايعة وفي نفس الوقت متحمسة في وحدة عندها ملف التجهيزات ؟
متى ابدا اجهز .. في السابع ؟ او السادس ؟



ادعولي بنات .. ان شاء الله اول زيارة لي للطبيبة تاريخ 30 اكتوبر 2012 .. بنات حد عندها فكرة عن دكتورة ستي صالح مستشفى رويال بحرين ؟

فديتج حاظرين .. !
توني مسوية فراش حق البيبي وديت له برنوص و طرز عليه .. صج صج صج شغله روعة و أسعاره بلااااااش .. !!

اما عن التجهيز نصيــــــــــحة لويه الله اذا عرفتي جنس البيبي و تأكدتي طبعاً .. كل ماتجوفين تخفيضات عدلة اخذي لج جم شي .. ولا تكثرين لأن بنزلون اشياء غير و عقب تتحسفين انج شريتي وايد ..
ولا تكثرين حق الياهل ترى نص ثياب ولدي عطيتهم ناس بدون ما يلبسهم لبسه وحدة ..

بسرعه بسرعه يكبرون اليهال

يعني اخذي لج المشبوك الكامل .. بو يد و ريل طويلة .. 4 شدات تقريبا نيو بورن + 0-3

و المشبوك الحفرة الداخلي 3 شدات نيوبورن+0-3

و يبيلج 3 فراشات اللي يشيلون فيهم الياهل او 4 .. مثل ما قلت لج يتلعوزون

برنوصين او 3

و لاتاخذين شناط وايد
سوي لج وحده طقم كامل مع لفراش ولمهاد و لبساط و البرنوص .. هاي اللي بتودينه معاج المستشفى طبعا
و شنطة ثانية اللي نايلون و هاي حدها مفيدة .. لان سهل تنظيفها .. حق الطلعات مجمعات و المشاوير هذي !

3 فوط كبار + 3 فوط صغار لأن ذيلين ما بتخسرينهم .. و دايماً يبيلج تغسلينهم لأن يتلعوزون بسرعة بعد .. يعني لو زيدتي مب خسارة .. لين ما يصير عمر الياهل 6 شهور تقدرين تستخدمينهم او اكثر حسب اهتمامج ..


في وايد ملفات حق تجهيزات بس بعضهم يبالغون بعدد القطع و بعضهم يقللون وايد !!

يعين افتري .. و جوفي الاشياء و لا تعتمدين على عدد القطع اخذي راي امج او خواتج ..

ولا تاخذين اشياء مالها معنى حرام ..

وحطي في بالج في طلعتج من لنفاس بتروحين تتسوقين لج و حق البيبي !!


عشان جي أقولج يودي روحج ولا تشترين اشياء ماتنفعج .. خلي لج ميزانية لبعد النفاس:$:



أما عن الدكتورة ستي .. جداً جداً ممتازة سمعت عنها مدح مو طبيعي و كنت افكر أولد عندها بس غيرت رايي و قلت بولد في ابن النفيس لأن بيطلع علي أرخص بـ200 دينار تقريبا لأني افضل الغرفة الكبيرة ..

اذا ناوية تولدين او تراجعين عندها روحي و انتي متطمنة !
و أي سؤال انا حاظرة حبيبتي ... :thumbs_up:

ان شاء الله أكون فاديتج ;)

Ɯα7śнтƞφ ŠώαŁƪϜЌ;16306007:
[QUOTE=مخاوية الهم;16305061]Ɯα7śнтƞφ ŠώαŁƪϜЌ



افتكيتي ،

انه خلصت ثياب النونو واغراضها و الادوات الصحيه ،
باقي اسوي لها مفرش تفصيل و اخذ اثنين بارزين
و باخذ فراش لسريرها

و عني انه باقي ابتدي في اغراضي

احسن شي من الحي تجهزين تفتكيييين عقب
خو بعدي يصير مالج بارض من الثقل

اي والله .. من الثقل ما تشتهين روحج و تبين تاخذين اي شي عشان تفتكين :confused:

اذا تبين مفارش حلوين روحي كوتون كورنر .. يم النادي الأهلي صفة جسميز .. عندهم اشياء وااااااااااااااااااااو .. انا باجر ان شاء الله يبرز فراش البيبي .. باحط لكم صورته اذا قدرت

و في جاهزين ..

اشراقة رضيع في جد علي يم مخبز دلمون بعد عنده اشياء حلوة
شكلي باخذ مفرش من عنده لأن حتى لكواليتي ماله تمام
و جريب مالي بارظ آتدعس

فن الذوق في بوكوارة .. لك اغراضهم روعة .. بس شوي اسعارهم فوق .. بس فراشات الياهل عندهم بـ 15 .. زين يعني


و فراش حق سريرها مع ان مابتحطينها في سرير عود من الحين .. بس بتحصلين اشياء حلوة و كواليتي مالهم زين في مذركير الأصلي و سنتر بوينت .. !!

اما لج انتي روحي مشوار حق البجامات او ماكس او ماركس سبنسر او دبنهامز ..

و جلابيات الاستقبال حق المستشفى في كوخ الأمومة مجمع مدينة عيسى .. خلقهم زين و سوي الموديل اللي يعجبج .. وعندهم بعد موديلات

اممممممم شنو بعد تبين ؟

و اهم شي حق التجهيز .. اخذي دفتر صغير في شنطتج .. اول صفحة كتبي الاغراض اللي تبينها حق البيبي ..

و صفحة الاغراض اللي تبينها لج

و صفحة الاغراض اللي تبينها حق المستشفى

و كل شي تاخذينه شخطي عليه ..

و اللي ناقص كتبيه

وايد وايد اريح عشان ما تتدودهين .. وتتخربطين شنو خذيت و شنو قاصر :I:

الفراشات لازم ٣ او ٤ صجصج بتتوهقين
الوط المتوسطين يبيلج ٣
فوط التسبح ٣
من مذركير الشايع اذا بتاخذين ثياب اخذي نيوبورن وبيتمون عندج لي ٣ شهور ويمكن زود
اذا من سنتر بوينت اخذي ٠ تو ٣ لان حجمهم صغار النيوبورين والياهل بسرعه بتكبر
الثياب لا تبالغين فيهم بس اشتري وايد المشبوك الي بويد وريل و انا افضل مال الشايع
لان مالين سنتر بوينت طلعو خيوووطهم واحس صارو قديمين وطار لونهم

الي بدون ريل لا تكثرين منهم لان الحين ببتغير الجو وبرد الايسي على البيبي

التجهيز من واول ماتعرفين جنس البيبي لان فالسابع بتكونين ثقيله ومالج مزاج واستغلي التخفيضات

في شغله بعد حبيت انبهدج فيها

روحي مشوار بتحصلين وايد من ثياب مذركير الشايع انا شريت ٣ مشابيك داخليه ب ١١ دينار
يوم رحت مشوار الا يبيع القطعه بدينار صج انقهررت ونفسه بالضبط ونفس الكواليتي حتى شعار مذركير هست داخل

عشق الحياه;16306441:

شكـــــــــرااا مخاوية الليل .. الله ايسر لج و يعطيج الي في بالج

شسمه نفس ماقالت مخاويه
انا قبل كاتبه كلشي في نوت في التلفزن وكلما اشتري شي امحيه من النوت حق ما اشتري زود

شكرا ابيك وما ابيهم ..

الله يخلي لج عواشة وعقبال ما اتييبين لها الاخوو <<< فال حلو لاتقولين لا

العفو حبيبتي والله يسمع منج

abeek o ma2behum;16306548:
الفراشات لازم &#1635; او &#1636; صجصج بتتوهقين
الفوط المتوسطين يبيلج &#1635;
فوط التسبح &#1635;

التجهيز من اول ماتعرفين جنس البيبي لان فالسابع بتكونين ثقيله ومالج مزاج واستغلي التخفيضات

في شغله بعد حبيت انبهج فيها

روحي مشوار بتحصلين وايد من ثياب مذركير الشايع انا شريت &#1635; مشابيك داخليه ب &#1633;&#1633; دينار
يوم رحت مشوار الا يبيع القطعه بدينار صج انقهررت ونفسه بالضبط ونفس الكواليتي حتى شعار مذركير هست داخل

بخصوص الفراشات .. كل ما اقول حق وحده اخذي لج 3 او 4 يقولون لا وايد .. عقب ما تولد و تتوهق تتحسف ان ماخذت - و تكون نفاس ماتقدر تطلع وتهد الياهل ..

و انا بعد كله اقول من تتأكدين من جنس البيبي ابتدي شوي شوي .. والله ما توصلين السابع الا مخلصة كل شي ..
بتكونين ثقيلة ومالج مزاج .. واستغلي فترة التخفيضات أهم شي .. ولا تاخذون ثياب وايد نصهم ينقطون خصوصا اذا الياهل ياج شوي متكتك !!


و عن سالفة مشوار رحت و انصدمت .. جم مشبوك ماخذتهم حق ولدي من مذركير و حصلتهم هناك بـ دينار .. شييييييت انصدمت و طنقرت :mad:^o) هههههههههه

خذيت له بعد سايز صغير ولدي عمره سنة و خذيت له من 6-9 .. اقول بصير قده .. و يوم لبسته صغار بس قلت باخليهم حق اخته اليايه ان شاء الله .. :thumbs_up::rolleyes:

عشق الحياة

خخخخخخخخخخخخخ

من جذي اقولج روحي

قوة

شخباركم مع تجهيزات العيد
كلكم مشغولين ههههه.

عيدكم مبارك مقدما

و صوما مقبولا

اي والله صج ترىى دوم انا اشتري بجامات من عنده وكله لاسنزا ديزني ومراااات اجووف ثياب
ماركسسبنسر ونكست

ولا احد بيدري اصلا ان شاريته من ميشوو :p

اوفر لج وحلوين ومردهم بيتوصخوووووون

مرحباااا

شخباركم شمسووين

انه للحين لهيت ويا العيد ومارحت اخذلي ولا اخذ للياهله شي

عاجبيني طقم الدلال مال علآيه
ابي اشتريلي هلون حق ولادتي في احد يعرف وين يبيعون جذي

اي الظاهر البضاعة اللي اتم عندهم و ما تنباع يودونها للمحلات اللي هلون يمشونها ..
و احنا المستفيدين اللي انتعسعس و ندور خخخخخخ


وحشتني سواليفك .. روووووحي لي امتى بعد ؟؟
اخذي لج الاشياء اللي تبينها و الظروريات
و عن لدلال سأليها او طرشي لها رسالة خاصة و ان شاء الله تحصلينهم

عجبتني السوالف عن مشوار

عاد وين فروعه اللي تييب اغراض زينة؟؟؟

دلووووني

اعرف مال محرق و ما قط دشيته... اييب اشياء او لا؟

السلام عليكم
شخباركم جميعا ...


سالفة مشوار انا بعد قبل جذي صادني مشترية افرولات لولدي من المذركير 3ب14دينار ولقيتهم بدينار ...والحين بين فترة والثانية اروح اشتري بجايم وشباحات لولدي من هناك

المفارش 3اوكي انا اخذت 3مفارش لان البيبي يوسخ وااايد ...