تجهيزات الولادة للبنات البحرين

الف مبروك تتربى بعززززززكم

الف مبروووك وتتربى في عزكم يارببب

مشكورين خواتي والله يحفظ أعيالكم يارب

هلا مخاوية فديتج لا تحاتين للحين ماسكة نفسي :lol: ، بس كنت اسولف عن المحلات اللي بعدين ممكن اشتري منها


اي صاجة ابيك ثياب قاب يمدحونهم ، الله يسلمج تومي هلفيغر يصير يم ماسيمو دوتي في السيتي الطابق الاول واغراضهم حلوة خاصة اذا البيبي صار اربع شهور وطالع ، رالف انا بوصي عمتي لانها في امريكا وكولكشنهم هناك كللللش ماله علاقة باللي هني

حبي مخاويه وين يصير الرونق ،

و المفارش اللي عند فن الذوق حلوين ؟؟

يبيلي باجر افتر ، ماقدر اروح مكان بطني صاير مشدوود و يععورني و ظهري ذابحني
منهلكه .. رحت مذركير افتر على الاسره قلت باشتري عقب هونت ريلي قعد يقول عندج سريرين شتبين بالثالث ..

اخذيلج تلبيسه للسرير .. افتريت اطالع ماحسيتهم عجبوني ..
مع ان اسعارهم لا بأس على ٢٨/ ٢٩ شي هلون بس مادري جمن قطعه ..

ابي شي وردي وحلو ماحصلت شي يدخل المزاج

بنت اللوزي
مبروكم ماياكم و يتربى بعزكم ان شاء الله

مخمليات
اي يودي روحج و من تعرفين شنهو البيبي و تتأكدين وصي عمتج اتيبلج جم شي من هناك

وحشتني سواليفك
الرونق يصير جريب سترة
جفتي دوار رامز العود روحي سيدة بييج دوار ثاني و في الزاوية وكالة المستوبيشي لفي جنج بتروحين الوكالة اهوه يستوي في صفة الوكالة
يبين المحل على الشارع
ان شاء الله عاد دليتي

اما مفارش فن الذوق حلوين لكن من سنة سكتوا مانزلت شي يديد
بروح بجيك اليوم باجوف نزلت شي يديد

اي صح
وحشتني سواليفك حرام تشترين سرير و انتي عندج
انا عندي مال ولدي
سلتين موسى و ٣ أسرة كبار
واحد بالشقة و اثنين في بيتنا
واحد بغرفتي و واحد تحت بالصالة هههههههه
لأني اداوم فأودي ولدي بيتنا
وريلي شفتات فساعات نرقد في بيتنا
و سلة بحطها بشقتي حق فترة النفاس
و السلة الثانية في السيارة عشان لو بغيت اطلع
لأن الياهل النونو مايصير تحطينه في الكرسي من الحين


خخخخخخخ جفتي شلون موزعتهم
مريحة روحي

مشكورة حبيبتي مخاويه الهم

بنات وين احصل مكان او مكتبه تسوي استيكرات حق الgiveaways وعلب الماي؟

مشاعر بحرينية

نفس السؤال ومحد رد علي


بنات وييييينكم الموضوع راقد

صباح الخير

توني راده من الدختر ماخذين مني دم و ابوال الله يعزكم للمره الثانيه

امس رحت فن الذوق شفت فراش ويا شنطته لونه وردي ناعممم مسويه عليه تخفيض بعشرة الشنطه و المفرش

و خذيت من عندها جمن دشداشه حق النتفه حلوين
فستان و بساط ب دينارين ..

و رحت محل سيمبلي سويت فصلت مفرش و شنطه و و دشداشه و قحفيه و قماط ب ٤٨

قالت بتبرزهم شهر ١

و سألتها اذا اييب لها قحفيه و لحاف و افرول و جمن شباحه

قلت لها اذا ابيج اتحطين اسم الياهل او تطريز او شي هلون قالت من دينار ونص لدينارين

على هاليومين قلت بايمع اغراضها اللي لونهم ابيض و جمن لحاف باوديه لها اتسويهم لي

و عن سالفة التوزيعات ، رحت محل قلت باخذ ٣٠ قرآن قال لي بحسب لج ب ٢٨
و كلمت وحده قالت باغلفهم لج الحبه ب ٣٠٠ فلس تغليف مخمل لونين

و شفت وحده حاطه موضوع تبيع عطر ربع توله الدرزن دينار ونص قلت يمكن اخذ ٣ درزن

و بشوف بعد شسوي .. حدي محتاره

رفيجتي اتقول لي باروح وياج السعوديه باوديج جمن محل اتشوفين التوزيعات اتينييين

قلت لها صبري خل تتعدل حالتي مب قادره دمي مب راضي يرتفع و كله دوخه وحالتي حالتي ميهوده

رفيجتي اليوم تسألني قلت باسالكم يمكن اتعرفون او عندكم حل او دكتور زين :: وعليه والده في الهلال وولدها الحين من يصيح ينقلب ويهه ازرق و من يشرب الحليب يفطس . . جنه الا نقص اكسجين صايده .. و موصخ قبل تكرمون في بطن امه و شكله ماكل من الوصخ و تموا وياه بالمضادات ..

الحين مافي دكتور زين حق هالحاله من نقص الاكسجين وعليه يكسر الخاطر ويهه اذا يصير مزورق

وحشتني سواليفك عليج بالف عافية ويتهنى فيهم البيبي

بالنسبة لدكتور أطفال ممتاز وايد اسمع عن دكتور نادر ديواني ودائما مواعيده فل وعمتي عيالها اي مشكلة سيدة عنده ، حتى يوم ولدت بنتها كانت كله ترجع ودكتور الاطفال تبع المستشفى ما عرف لها ، ونادت نادر وعلى طول قالهم سووا لها تحاليل وفعلا طلع فيها نقص صوديوم ، حطوا لها اياه في السيلان والحمدلله ، ترخصت البنت عقب يومين

وحشتني سواليفك

عليج بألف عافية حبيبتي و سمله عليج و عن توزيعاتج حلوين
اذا فيج بنية هبين بالحمر وحنة الأظافر او اللابيلو المرطبىو انتي كيفج

اما عن رفيجتج
حبيبتي لا يكون عنده مشكلة في القلب فتحة لا سمح الله
لأن بنت عمتي توها والد و ولدها يزورق و مايقدر يتنفس عدل طلع فيه فتحة بالقلب
لازم فحص شامل اما عن الدكتور ان شاء الله يفيدونج البنات

بنات رحت اليوم فن الذوق على كلام اختنا وحشتني سواليفك
الضربة القاضية
الفراشات بعضهم 5 دينار و مابقى غير 3
اثنين تركواز و واحد بنفسجي
الشناط 3 دينار ببببببسسسسسسسسسس
المهادات ب3 دينار
مهاد + جلابية البيبي بعد ب3 دينار

صراحة وايد فن

انا خذيت 3 مهادات واحد منهممع جلابيته
و خذيت فراش
كلهم طلعوا علي ب14 دينار

يا بلاش صراحة

الظاهر بتنزل كولكش يديد مع المحل اليديد

لا تفوتوووووون يلي قاعدين تجهزون

اي. و في طقمين فراش مع الشنطة بعشرة دينار

انه خذت المهاد و الجلابيه بدينارين شله معطج ب ٣ دينار

شدراني فيهم العيايرة
بس يلا بعد زين

حتى اقول لها الحين لمهاد خالي و المهاد اللي معاه جلابية كلهم نفس السعر تقول اي

مرحبا بنات
الله يسهل عليكم ويرزق المنتظرين☺
أنا حامل في الشهر السابع ولحين ما أخذت مفارش ��
وحشتني سواليفك=شخبارش ��

وين يصير هاي المحل فن الذوق ؟

يصير في الرفاع بو كواره
تخلين المنتزه على يسارج و تاخذين الدوار يسار
اول لفه يمين بتلاقينه بالكورنرات يم معجناتيً

البنر ماله بالاسود