تجهيزات الولادة للبنات البحرين

مشكورين خواتي عيل بروح اليوم انشاء الله وبجوف :adore::

يسعدني اني اشارك معاكم في الموضوع

مت و انا آقرى ههههههههههه

وصلت لي صفحة 73

__


عموما ..

انا وحده يديدة معاكم بالتجمع ..

هاي ثاني بيبي لي .. اول واحد ولد و ان شاء الله الثاني قالوا لي بنت


انا حامل في الشهر السادس ,, عقب 3 ايام أدخل السابع ..

و ان شاء الله في الرد الياي باقولكم عن جم محل بفيدونكم ان شاء الله


اي صح ..

احب اشكر العضوة عيون + ابيك وما ابيهم + علايه

فادوني وايد ..

حياكم الله خواتي مس اجنر و مخاويه الهم

السلام عليكم ورحمة الله وبركاته

بنات بسئلكم

مذركير بسون تخفيضات او لا

السلام عليكم
شخباركم ...
نفس سؤال ام هيثم ..

هلا ومرحبااااا فيكم بنااااات
منوووريين

بالنسبه للنخفيضات ماذركير تووهم في نهايه شهر ٨ سوو تخفيضات ٥٠٪ يعني ما اعتقد بيسوون
اذا بيسون يمكن ٣٠٪

اممممم .. افتكيت .. طخطخت لي في التخفيضات ..

و تقريبا خلصت كل شي .. احم احم .. ادري ان باقيلي شهرين تقريبا عالولادة بس مابي اتوهق و افتر حزت الحزة و آخربط روحي ..

الثياب :

مذركير سنتر بوينت
مذركير الشايع
و جم محل في الستي اعرفهم بس موب حافظه اساميهم .. صوب محلات اليهال ..
الهرم بلازا ( السعودية )

طبعا باولد في الشتا و لقيت في الهرم اشياء شتوية تهبــــــــــــــــل .. بـ دينار و 200 ..

ادوات التنظيف :
( طقم الشامبو و الصابون + اسفنجة الحوض حق السبوح + الفوط )
مذركير سنتر بوينت + مذركير الشايع

جلابيات الآستقبال :
مرت عمي سوت لي 2 عند كوخ الأمومة في مجمع المدينة حدهم ناعمين و قطن .. خفاف عالجسم وايد
و خذت لي بجامات من مشوار و ماكس و ناوية آمر ماركس اند سبنسر حق الصداري و البجامات ..


باقي الاغراض :
خذيت صحون التقديم صراحة من رامز .. خذيت 3 صحون طقم واحد للموالح واحد للحلويات و الثالث احتياط اذا في شي !!
خذيت اكواب بعد من رامز حق الكوفي .. لأني بولد في الشتا
خذيت مخدة الرضاعة العجيبة خخخخخ من سنتر بوينت
رضاعات زجاج 2 وحده متوسطة و وحدة صغيرة .. من سنتر بوينت
قطن الصدر من سنتر بوينت
لحافات ( البرانيص ) من سنتر بوينت


طبعا ولدي عمره سنة يعني استفدت من وايد اشياء .. اهمها ( عنده 3 اسرة هههههه .. ) واحد اللي يستخدمه الحين و 2 خلاص ما يبيهم
ستاند السبوح و التبديل .. فظيييييييييييييع انصح كل وحده بتولد او عندها ياهل صغير تاخذه لأن بتستفيد منه فترة .. و مرييييييييح حدددددددددده .. ما بتحتاجين طشت .. لأن فيه .. !! من سنتر بوينت


طقم الياهل :
سويت طقم في محل يم جامعة المملكة .. ماتذكر اسمه .. روووووعة .. ( سويت فراش 20 دينار / مهاد 3 دينار /قبعة 3 دينار / ويه مخدة لي 10 دينار )
و سويت طقم ثاني في محل في جد علي اسمه بهاء او البهاء .. وايد زين بس الهندي سافر و عفسولي طقمي هئ هئ هئ ..
الطقم عبارة عن ( فراش + شنطة + مهاد + قبعة + وديت سرير الياهل يخيطون عليه ) طلع علي بـ 34 دينــــــار !!!!


توزيعاتي :
الحمدلله خلصتهم ههههههههههه ..

سويت حصن المسلم بتغليف شامواه .. وعليه اسم البنوتة .. سويت 30 حبة بـ 30 دينار بــــس !!!!!!

سويته في الأفكار الذهبية في السعودية
و سويت عندهم لستاند اللي تنحط عليه صينية التوزيعات بـ 7 دينار ..

و سويت عطورات لصغار 50 حبة ( مثل سكادا و قوتشي و ديور )

و خذيت اجياس كيوت بلون بيج و فوشي و وردي فاتح .. لأني اخترت فالألوان في اغلب اغراضي و اغراض البيبي !!

و الأجياس من الأفكار الذهبية ..

و توزيعات اليهال :

باوزع حلويات .. لولي بوب و الحلاوة الحامض ماعرف اسمه


الضيافة :

حاطه في بالي ..

المعجنات باسوي من ليلو على مدحكم !! لأن كل مرة آسوي عند ملكة المنصوري .. شغلها لذيذ بس تمللنا منه في كل مناسبة
الحلويات باخذ من باتشي .. راقي و لذيذ ..
و باسوي باقة الفواكة من لبديع .. عجبتني الفكرة




____

محلات ممكن تفيدكم :

المفارش : فن الذوق .. غـــــــــــــــــــــالي .. بس حلوين و روعة كل وحدة و ميزانيتها
هوم سنتر في الستي مسويين تخفيضات لي 70% تقدرون تاخذون من هناك بعد و تستفيدون منه حق عقب بعد
انا عن نفسي ناسويت حق روحي فراش للمستشفى .. كلش ماله داعي .. سويت لي ويه مخدة تطريزها طقم مع اغراض بنتي .. و خذيت لي لحاف خفيف وردي سادة من هوم سنتر ..

محل توزيعات .. في محل في مجمع الرملي في الطابق اللي تحت كلش .. يسوي اشياء وايد حلوة عجبتني

________

صراحة هاي اللي في بالي و اكيد بكون بينا تواصل و اي استفسار انا حاظرة ..

زين سويتي وجهزتي ماتدرين الله لا يقول اتصير ولاده مبكره جود امخلصصه كلشي
بالنسبه لفن الذوق اعجبوني بس احسهم مو عمليين اكثرهم صايرين نفس المخمل او الشلمواه
احس القطن احسسسن

فكره حصن المسلم مغلف بالشامواه كانت في بالي بس ريلي ما عجبته الفكره
بس زين سويتي

الله يسهل عليج وتولدين بالسلامه حبيبتي

بنات

توهقت

رحت اليوم فن الحروف اللي بالريم سنتر

درت لين دار راسي

ما جفت محل في الريم سنتر بهالأشم او يسوي اشياء جذي

بنات ظروري اللي تعرف فن الحروف وين بالضبط تخبرني

ابيك و ما ابيهم


فديتج ماتقصرين حبي

حبايبي اللي تبي تسوي توزيعات و هالسوالف

في وحدة تسوي اشياء رووووووووعة ..

كلمتها عشان تسويلي كروت و غراش الماي قالت ماتسويهم بروحهم لأن متعب بدون فايدة

Unique Favors | Facebook

هاي الفيسبوك مالها جوفوهم واخذوا افكار مع ان حرام مسكينه تعبت ههههههه

الله يرزقها ..

فن الحروف صار في الرفاع الغربي

جنه عقي دوار رفاع مول تخلين بنك اثمار ع يمينك و تكميلك سيده (الشارع الي فيه استديو و متعرف شنو)

وو تمسين سيده وايد بتحصلين محل العاب اهوه في لفته يبين بس انتبهي له


سوري ماعرف ادلي عدل لان من فتره رايحه و نسيت شكل الطريج م أنا كنت اسوق هههههه

كلميهم اذا تبين يدلونج أنا كلمتهم دلوني

اذا تقدرين عطيني رقم تلفونهم عشان اكلمهم

في حد عندها رقم الفليبينيات تبع الضيافة ؟

دزيت لكم الرقم بنات

وووووينكم ليش سهده ؟

شكرا ابيك وماابيهم

بنات ابي رقم فن الحروف اذا ممكن

مرحباا

انه خلصت اغراض النونو تقريباً بس باقي المفارش و شوية تناتيش

و اغراضي بعد