التجمع الثالث لامهات يناير2012.... شهر ربيع الثاني

اني استخدمت الي قالت عنه زوز
وقلت لش ان اهو ثقيل وعادي لو ماوكلتينها من وقت لان يغني
بس ذبح بنيتي من الغازات والامسااااااك

جربي ابتاميل كونفورت
على صوب مكتوب كومفورت رقم ١

كل طفل يناسبه شي
ولدي ارتاح عالسيميلاك

كلاسيكيه
هالحركه يسوونها اذا شبعانين
اواذا عدهم غازات

بناات ابي اسألكم عن عصير البرتقال

اي نوع اخذ حق بنتي وشكثر اقدر اعطيها؟

والدكتور بعد قال اقدر اعطيها بسكوتة فارليز مال اليهال مع الحليب اذوبها واعطيها .. في احد جرب هالشي؟

اني اعطيها عصير برتقال
خيه عصير برتقال انتين تسوينه بالبيت
تاخذين برتقاله وحده عصريها وخففيها بماي شوي
وبس
عقب جيكي هل صادها إسهال ولا شي
اذا ناسبها خلاص امشي عليه يوم وترك
ومن تشرب العصير غسيل بوزها لان في اطفال بشرتهم حساسه يطلع ليهم حرار منه


غريبه في دكتور يقول نعطي بسكوت
كلهم يمنعون شكله هالدكتور ماعجبها النظام اليديد

من صدقكم تشغلو ايسي الدنيا برد
افكر اخذ لامي ذهب سويرة مسكينة تعبت معاي بالنفاس

روحي وروحك اعتقد تعطي ولدها البسكويت ده

الأم الحنون العطوف;16012290:
من صدقكم تشغلو ايسي الدنيا برد
افكر اخذ لامي ذهب سويرة مسكينة تعبت معاي بالنفاس

الامهات طول حياتهم تعب
ويستاهلو الذهب واكثر

بس ولد روحوو صغير على البسكوووت
البسكوت المفروض تعطيه اياه لين بدت اكل
لان اذا بس بسكوت ينفخ الياهل على ولا شي
افضل شي البيبي اكل الفواكه والخضروات كل منزلي
لاتاخذون شي من بره
اذا بتاخذ ون البسكوت مع الاكل
يعني الريوق بسكوت والغدا شي والعشا شي
ماقولكم مافي ناس تسوي بس نصحتني بنت خالي دكتوره ان ادخله ويه الاكل ماخليه بروحه لان ينفخ ويمتن بلا فائده

والله مادري انا بعد اول مرة اسمع عن البسكوت ان عادي نعطي البيبي بعد الشهرين مع ان حددي استانست يوم قالي الدكتور ان اعطيها بسكوت بس محتارى الحين شكلي مابعطيها بنتظر عالاقل تدش الرابع بس عصير البرتقال ببتدي اعطيها هاليومين واليوم بعد جربت نقعت تمرة بالماي وعطيتها وحبته الحمدلله بعطيها يوم وترك شرايكم

وبعد بنات بقولكم - بنتي فيها كحة شنو استخدم لها اشياء طبيعية مابي اعطيها ادوية

::

كلاسيكية ..
جربي الحلوة .. هاي اللي لونها برتقالي ..كانه اسمها جذي ..
اني استخدمتها الى بتي من قبل .. وعقب جم يوم راحت الكحة ..
وحاولي تحملينها عدل وقت تبديل الحفاظة ,.
يمكن من جذي تعور صدرها .. او لفحها هواء .. ومن تدخلين الحمام تبدليها سكري الدريشه ..
عشان ما يدخل هواء ..
وما تشوف شر ..
طبعاُ الحلوة دوبيها في ماي ساخن وعقب خليه يبرد .. وعطيها .

هلا بنات شخباركم

كلما ابي ارد يوسف يشغلني

لحظووو

تحملي تبدلين الحليب دام مرتاحة عليه بنتچ بتتاذين عدل مؤ شرط يناسبها
نآن اجوفه دائماً في اللؤلؤ فرع الرفاع

ماعندي فيس بوك ولا ادخل المسنجر للأسف

كلاسيكية

كنت استخدم هجيز على طول يسرب في اليوم مرتين او ثلاث حتى البنات كانو يعانون بدلت لمبمبرز
الابيض ارتحت عليه اهم شي صكيها عدل لانه ماكتب اصكها عدل بعد تسرب مشكلتها الريحة
وتنتفخ بسرعة قلت بواصل عليها أخاف يتحسس لو بدلت
البسكويت فارليز يعطون البيبي ربع قطعة في الرابع كل اسبوع تزيدينها بس الدكاترة الحين
مايرضون الابعد 6 شهور
حركة الرضاعة نفس الشي كان يسوي فيني بس ماعرفت السبب

الام الحنون

نسيت عيدالام زين ذكرتيني مع انه ولا مرة نسيت

::

اهلييين ام يووسف ..
عاش من شافش ..

والله يا حبيبتي .. اذا قرب يخلص الحليب يطر زوجي يدورة من مكان لمكان ..
حتى هوو تملل .. مع اذا لقيناه ناخذ كمية .. بس ارجع ادورة ..
وخلاص اني شريت لها ايتاميل .. واشوف ك بداية اوكى ..
ان شاء الله مااشوف مشاكل منه .. مع انه اغلى من نان خخخخخخخخخخخخ ب دينار :lol::lol::lol:
بس اذا ارتاحة عليه .. ولقيته في كل مكان بظل على ابتاميل ..

هجيز ..
ما تسرب عندي الا اذا ما سكرتها عدل .. و نفس ما قلت الحجم لما صغر عليها ..
و لما شريت رقم 2 .. الحمدلله .. مرتاحة عليه .. وترى هذه بعد مشكلة .. مو في كل مكان يبيعونه خخخخخ
بس اهوون من الحليب .!

::

امممممممم
عيد الام ..
يعنى المفرووض بتي تجيب لي هدية ؟ مووو ؟
مو اني امها .. يعنى خلاص لازم تجيب لي هدية .. على الاقل يمكن ارضى عليها على سهر كل ليلة الى الساعة 8 او 9 الصبح :lol::lol::lol:
والله وش رايكم ؟

كل عام وانتوو بخير يا امهات ..

::

بنات بقول لكم شي :( ..
اني للحين ما وقف علي الدم :( .. من ولديت للحين :( ..
وقف فترة وكان ينزل بس شوي .. على اساس خلاص .. وعقب وقت يومين ونزل بس ابيض :( .. وقلت خلاص .. خلصت
بس يومين و رجع ينزل كانه جتني الدورة .. و كان واجد ..
والحين هون ..
حتى قلت الى خواتي .. قالوا لازم اروح المستشفى .. بس مالي خلق .. مااحب .. وخاص اذا قالو بيكشفون تحت .. :(
وموعدي مال الفحص شهر 4 ..
وما كنت ناوية اروح ..
تشوفون هذه الشي عادي ؟ والله فيه مشكلة ؟

لحظه ليش علمتيها عالسهر

بعدين لاحقه عالهدايا ان شاء الله
لاتستعجلين ههههه

::

بعد هي من كبرت ..
صارت تغار .. تشوفني اني وابوها سهرانين .. غارت خخخخخخخخخخخخ :lol:
لا والله .. هي ما تنام .. احاول احاول .. واتعب .! وهي ما تتعب خخخ
فاخليها .. اوردي اني سهرانة .. وما ننام الا عقب الصلاة .. لكن لاخت .! قامت اطول اكثر خخ :( ..
يالله شنسوي !

لحظة جنون انا وقف علي دم النفاس قبل ما اخلص الاربعين باسبوع او اكثر بس ياتني الدورة بعد ماخلصت الاربعين باسبوع تقريبا وللحين ماوقف الدم مع ان ماينزل وايد يعني حده شوية اللي ينزل وساعات ماينزل انا بعد ماعرف شنو يعني هاي حتى موعد فحصي بكرة بس أجلته لأن للحين فيني الدورة ومادري متى بتروح عني

ياريت اتفيدوني

هلا لحوظة عاشت ايامچ

الهجيز لولو الرفاع قامو يوفرونه على طول بعد مازفهم أبوي ههههههه

والله المفروض هديتنا وصلت من زمان كل يوم يسهرونا بعد شتبين
لا صج ولدي سهير بشكل يقولون لي لانه ولدته بالليل احس ماله علاقة

سالفة الدورة وقف عني الدم عقب 37 يوم وبعد اسبوع يأتني الدورة بس كانت وااااايد خفيفة ومتقطعة كانها غشمرة
والحين ناطرتها فيني أعراضها بس مايات الله يستر خخخخخ

كلاسيكية

أنا مارحت الفحص بس اذا تحسين في شي مؤ طبيعي ضروري تروحين

اني عني ماافكر اعطيه اي شي الا لما يدخل الرابع ومو كل شي تمره بماي وشويه عصير برتقال يعني كله سوائل ديروا بالكم معدتهم ماتتحمل

لحوظة حاولي تشربي اشياء تنزل الدم الفاسد كالدارسين وقشر القهوة