التجمع الثالث لامهات يناير2012.... شهر ربيع الثاني

اخباااري
ماااكو جديد :(

مرحب بنات شخباركم

بسألكم عن الحفاضات - انا استخدم بامبرز الابيض بس مادري ليش احسه ايسرب وايد مادري منه او يمكن انا ماعرف اسكر الحفاضه عدل بس ماعتقد

المهم قلت بجرب نوع ثاني شنو تنصحوني؟؟ اي نوع اخذ؟

::

اني استخدم هجيز .. وااايد زين .
وعن التسرب ساعات اسرب اذا ما سكرتها عدل ..
يعنى لازم اضغط عليها عند الفخد .. بس مو الى درجة ان اضايقها .. او اسويها ضيقة
اممم
و الحجم الصغير كان بعد يسرب من فوق عند الظهر . اذا سوتها بم بم على قولت البنات .. هذه لما صار اصغار عليها .
الحين الحجم 2 . استخدم .. و مرتاحة له واجد

::

جووفان ؟
لش في الفيس بوك او لا ؟
يعنى تدخلين او ما تدخلين ؟

::

بنات بسالكم بعد ..
الجوو صار حار الحين ..
ومعظم الناس شغلوو الاياسي .. وناس البانكة .
بتي صارت تعرق اذا اقمطها ..
بس اخاف اشغل البانكة .. اخاف تزكم ..
حتى اطر انام واني حرانة ومااشغل شي ..
انتون وش رايكم ؟
عن خراق الاذن .. رحت الصيدلية اللي في مجمع كونري مول في بو صيبع .
قالو لي لازم 3 اشهر .. :(
اول مره اسمع .. وسيدة طلعت وما خرقت بتي .
كنت اقدر اروح صيدلية ثانية بس بما اني خايفة اجلت الموضوع الى بعدين خخخخ

اي انا بعد صرت ما اقمط بنتي لأنها واايد تعرق وماترتاح بالقماط في النومة وبعد نفسج انام بالحر عشانها اخاف افتح البانكة او المكيف بروحها هي مزكومة وتكح وحتى الثياب قمت البسها شوي خفيف خلاص قفضت مال الشتا

وعن خراق الاذون اعتقد عادي بعد الشهرين ماعليج منهم انا بنتي بعد بكرة تطعيمها باخلص وبروح اخرق اذونها اليوم اللي بعده على طوول

انزين بنات سؤال ماله خص - شنو بتاخذون حق عيد الام؟؟

حليب سيميلاك زين
وعن الحر شغلي المكيف بغرفة ثانيه وخلي الباب مفتوح

كلاسيكيه
اتفقي مع اخوانك وخواتك وجمعو فلوس الهدايا واشتروا قطعة ذهب لامكم شرايج؟

اااي انا بعد قلت ذهب احسن مع انه غالي هالايام بس تستاهل الماما

انزين عندي سؤال - الحين انا لما ارضع بنتي من صدري احيانا وايد تتحرك وهي تشرب الحليب وساعات تهد الحلمة وترد تبيها ماعرف يعني شنو هالتصرف والا عادي؟ مع ان صدري الحمدلله فيه حليب بس ماعرف ليش اتسوي جذي وهل انه مايشبعها يمكن؟

::

اممم
بشوف هالنوع بعد .. وان شاء الله يصلح لها .
عن الخراق .. ادري ان يخرقون . بس اني مااصرت ذاك الوقت .
يمكن لان خايفة عليها .
فقلت بروح يوم ثاني .
وعن سؤالش الثاني . اني بعد ملاحظة بتي بعد جذي ..
ساعات تسوي هالحركة ااذا شبعت من الحليب او اذا فيها نومة .
احس جذي ..

صباحوووووووو مااااااميز

الحمدلله اليوم خذيت عبادي حج التطعيم وكل شي زين والوزن ماشاء الله 5 كيلو

كلاسيكووو أنا أستخدم بامبرز رقم 1 وماااايسرب يمكن أنت ما تسكريه عدل،،،

بخصوص عيد الأم أنا مفكره آخذ لأمي خاتم ذهب،،،

لحظوو أنا أستخدم حليب ناان واااايد مرتاح عليه ولدي ومايسوي له إمساك

أنا حتى ماأقمطه إلا لما ينام وأشغل بانكه رقم 1 أو 2 بس مو كل يووووم

::

اهلين نبضات
اي اني استخدم نان .. وجداً ممتاز !
بس ماالاقية في كل مكان .. كانه منقرض :(
وموحابة ابدل لها بس شسوي .. ادورة من برادة الى برادة :(

هلا ام عبوره
بعد الواتس مااحد فاضي للفيس ولا المسن هههههه

تمبى اضيفش بالفيس؟؟

::

صادقة .. ^
ماادري على راحتش ..
متملله حدي حدي .

بما اني جربت نان
ونوفالاك
وسيميلاك
وابتاميل
افضل حليب اهو ابتاميل
افضل حتى من نان
ابتاميل كومفورت
سيميلاك ثقيل مؤ كل طفل يتقبله انه الي قتل بتي السيمي لاك ثقييييييييل سبب لها غازات وامساك
بس من استخدمت لها ابتاميل ريحها عدل انصحكم فيه وبقوه اهم شي كومفورت

ام عبير لاتاخذين غيره صج وايد زين

::

والله تحيرت .
اخذ هذه او اللي قالت عنه زوز ..
وتقولين خفيف .. بجربة .
وان شاء الله يناسبها ..
وارتاح
تشكرات

ام عبير ماقلتي تمبى اضيفش فيس لو لا >>بشرط توريني صوره عبوره

::

اي ضيفيني .. برسل لش الحين

::

او عطيني بضيفش ..
لان واجد عندي اضافات مال لعبة المزرعة ..
طرشي لي اسمش او الفايل في رساله

ارسلت لش ام عبير