التجمع الثالث لامهات يناير2012.... شهر ربيع الثاني

هلاا بيكم

عن الابره الحمدلله اتبعت نصيحه الدكتور ان قبل نص ساعه من الأبره اعطيها بندول عشان ماتصخن
وعقب كل ٦ ساعات اذا ماصخنت وكل ٤ ساعات اذا في حراره

والحمدلله كانت خفيفه ابراتين وقطرات في الفم

غريبه ام حيدر شلون ثلاث ابر
احنا بس ثنتين
الله يعين
هالمره عطيها بندول قبل عن لاتصخن
وأول يوم دلكي مكان الابره بثلج كل اربع ساعات
ويوم ثاني بشي دافي

اني مادلكتها هههه

يلا طبقو الحجي ههه

والله ياقلبو انا بعد ما كمدت محل الابرة
يعني شقتي ثلج مااتصور افسخ بنتي وادلكها بثلج

يقولون لي لهالسبب عورتها وايد وصخنت عليها

أخباركم بنات
وااااااااااااايد ناايم التجمع
ام عبير وينش وحشيتيناااااااا

لا خيه اني مادلكتها لها بس شكله أنتو اثقل
او يد الممرضة ثقيله
واتبعي نصيحة دكتور بنتي قبل بنص ساعه تعطينها البندول لاتعطينها عقب

ابره بنتي الثانيه يوم الي تكمل اربعه اشهر بالضبط
تاريخ ٢٣/٤
متى ناوين توكلون اطفالكم
بتمشون على نصايحهم لازم سته اشهر

انه الدكتور قالي اعطيها عصير برتقال بسبه الامساك
واشوفها تمام
اعطيها شوي ويكون سكري مؤ الحامض وبشرط مشخول

الله يعينج ام حيدر

قلبوووو لاحقين بعدنه عن الأكل
شلونكم مع الرضاعة وكم مره تدخلون الصناعي

اكيد توكم لاحقين
الي اقوله متى تفكرون
بس يمكن بنتي اكبر عمرها شهرين ونص ما باقي شي عن الاربعه
عشان جدي اسأل الي عساهم كبار

انا نلويه بالثالث ابدي اعطيها
لحسة جحه او دبس تمر او خوخه

اما الاكل بالسادس



الرضاعه انا الحمد لله ماعطيتها صناعي كله طبيعي

هلا بنات شخباركم

التطعيم ولدي سخن عقبها قلبوو انتي من قالچ البندول قبل التطعيم دكتور المركز? وأي بندول الوردي أو تبع المركز لانه ماياب نتيجة اللي من المركز بس الحمدالله الوردي نفع

ولدي تطعيمه الياي 10 مايو يعني مؤ بيوم ولادته مادري ليش مستغربة
قلبوو العصير اي دكتور قالچ وچم مرة باليوم والكمية شكثر
وايد سالت بس لانه ام ريلي قالت لي ابتدئ معاه عصير برتقال شوي اخلطه مع ماي وكل اسبوع أقلل كمية الماي بس متخوفة

الام الحنون قصدچ چم مرة ادخل الطبيعي ههههههه مافيني حليب كلش من ولدت حاولت وجربت كلشي بدون فائدة واكره شي لين وحدة تسوي روحها كلش خائفة على ولدي اكثر مني انه ما رضعه طبيعي عبالهم متعمدة شسوي كنت اتمنى طبيعي بس الله ماكتب له

الأكل بمشي على نظام أمي وأم ريلي من الرابع ماعلي من الدكاترة ودراساتهم بنت عمي سمعت كلامهم وندمت ولدها كله مريض وما عنده مناعة اكا إحنا أكلونا ماصار فينا شي

بالنسبة لفحص عقب الولادة مارحت متخوفة منه واكثر اللي أعرفهم ماراحو واللي راحت ماكررتها هههه مادري شيسوون فيهم

::

شخباركم بنات ؟
وحده وحده @@ :)
جوووفان وانتين بعد لش وحشه

اممممم
التطعيم رحت ويا بتي تاريخ 6 .. و عورت قلبي وهي تصرخ .. قمت اصيح وياها خخخخخخخخخخخخخخخخخخ
ناوية اخرق ادونها وحدي خايفة تمرض علي .. اممم الحين هي جذي ودليعة و كل تصيح وتبي الايد .. عقب الخراق وش بتسوي ؟
المشكلة مجربة اخرق لي الثاني في اذوني .. وللحين اذكر الالم عشان جذي خايفة ..
وفي نفس الوقت مابي اطول .. وتكبر ويزيد الالم ..

عن العصير البرتقال ..
اعطيها طبيعي ؟ يعنى اني اسوية ؟
وكم الكمية ؟

هالايام بتي مجننتني سههههر من الساعة 2 الى 9 الصبح يالله تنام .. يبي لها ضرب هههههههههههههههه
والمشكلة كل تصيح وتبي ترضع .. او في الايد . يا ويلي اذا تحركيت من مكاني .. تفزع المكان من لصياح ..
حبسة :(

هلا بيرشيان
انه استخدم بندول الوردي وصفاه لي دكتور عبدالهادي
قبل رحتي له صح؟
واهو الي قالي ان قبل أعطيها بنص ساعه وتالي كل ست ساعات اذا مصخنه اربع ساعات

عن البرتقال امي يوم احنا صغار قريب الشهرين تعطينا
ويوسف اكبر قال حقي
مع ان دكتور عبدالهادي مارضى بس طنشت لان نفع بنتي ومابي كل ادويه لها
اسوي لها برتقاله وحده
واذا سكري مجرد اشخله ومازيده ماي
واذا شوي حامض اذوب ونباته بماي دافي واصبه عليه
جيكيه قبل تعطينها
واذا تعود عليه بيشتاق له


عن الاكل ببدي فواكه او تمر منقوع في ماي وعصيرات
وببتدي لي صارعمرها ثلاثه اشهر ونص

خل تكبر كل نتفه اليهال كل امتن منها


ام عبير ترى الحال من بعضه. كل على الريول
اتشلخ ركبتي توز علي

بيرشيان على سالفه الطبيعي
الكل كان يلومني لدرجه ان اصيح من القهر

وزوجي متعلم حقي طبع جني مؤ امها يتدخل بكل شي
صاحت ليش تصيح
لاتسوين جذي
راسها
على عدال
لاعبيها
ودي اشق ثيابي مؤ جني امها وانه ربيت قبل بنت اختي اعرف كل شي بس مادري شفيه
جنه اهو الام

ام عبير انه خرقت بنتي عمرها شهرين و١٢ يوم
يوم الاربعه
عند ساهره تراكيها ذهب عيار ١٤
اخذتها ب ٢٥ دينار
انه سيده طلعت
تم ابوها
وماسمعتها تصيح
وابوها يقول بس وقت النغزه صرخت من خلص أسكتت

لحظووو ليش علمتيها على اليد بتاذيچ حاولي تلاعبينها مكانها او تحطينها في الكرسي الهزاز
السهر عندي وعندچ خير الظاهر كلهم چذي سهيرين

قلبوو رحت حق عبد الهادي مرة بجرب نصيحته المرة إلياية انشاءالله
عصير البرتقال من چذي سالتچ اي دكتور لانه بالعادة مايرضون نعطيهم غير الحليب حتى ماي ممنوع

الانتقادات أنا اطنش لانه الوحدة كفاية اللي فيها مؤ ناقصة بعد
ريلچ من خوفه قاعد يبالغ فهميه انه هالشي يضايقچ

::

وحشتوني بنات .. واجد واجد
اوهووو ههههه
طلعوا سهيرين .. لان كنا نسهر اهنى له ؟ هههههههههه
الله كريم .. اني هالايام صايرة عصبية بشكل مو طبيعي .. وياها ..
و صار لي جم يوم مريضة وهذه اللي زاد الطين بله :( .. ماادري وش اسوي ويا العصبية ..
:(
وعن الخراق هو يعور وقت النغزة .. ادري
بس اخاف اذا صار لها فترة ؟ ساعة او يوم من الخراق .. تتمرض من هالشي .

وعن سالفة ان العبها وهي مكانها .. شي مستحيل ..
ما تسكت خير شر .. لا الكرسي الهزاز ولا غيرة يفيد :( ..
اني اهزها على ارجولي العبها على ارجولي :( ..
اما وهي مكانها لا .. ومو معقولة بخليها تصرخ ..
كل ما تكبر .. اتعب اكثر ..
من صدق تعبانة :( :( :(

هلوو امهات شلونكم

عن الرضاعه الطبيعيه اففففف نفس احساسج برشونة لين اعطيها صناعي ايمللوني ويعاتبوني ليش ماتعطينها طبيعي وماعرف شنو وامهات اخر زمن وصجج صج ايضايق الحجي واهمه مايدرون شنو ظروف الوحدة بس مثل ماقلتوا اطنش وبالنهاية طبيعي والا صناعي بيكبرون وينسون الحليب هههههههه والله الحافظ

عن التطعيم انا يوم الاحد الجاي تطعيم بنتي وحدي خايفه وسالفة البندول مادري اذا اعطيها قبل التطعيم اولا؟ نصحوني

وعن فحص مابعد الولادة شنو رايكم اروح او اطنش يعني؟ من منكم راحت ومن ما راحت

الا بسألكم مكان الخياطة شخباره وياكم؟ انا احس شوي بألم خفيف لما اروح الحمام بس؟ عادي؟

انا مارحت لفحص مابعد الولادة


انا اعطي بنتي ماي امهاتنه يقولو انهم يعطشو والحليب يجيب الحومة

وحتى بالمشفى قالو لي اعطيها فيتامين الدال مع شوية ماي لانه حار

كلاسيكيه انه تكلمت عن التطعيم جيكي ردودي فيها نصيحه

وعن الماي لازم أعطيها ماي كل يوم
تحتاجه ماعليكم
كل حليب حالي شوي تحتاج ماي
واعطيها خلطه مرقدوش وحندبان وماي الحلوه واخففه بشوي ماي وساعات معاه نباته
وتموت عليه

اليوم شربتها ملعقه صغيرة عصير برتقال
عجبها الطعم الجديد فديتها ههههههههه

جم اوزان بيبياتكم

احين بخافون نحسدهم هههههه
وقت فحص الابره جم وزنهم
يالله بصلي على النبي
اللهم صل على محمد وال محمد

كل وحده تدخل تصل على النبي

انه كانت ٤.٨٠٠ وزنها شوي قاصر بس الحمدلله عادي
وطبعا كل واحد يختلف وزنه بحسب وقت ولادته
لأني يبتها شوي قاصره

اللهم صل على محمد وال محمد