تجهيزات عرائس ' مملكة البحرين ' لشهر صفر 1433 - 2011 م / الجزء : 85 »

بنات بغيت اساكم بعد

عن تبيض الأسنان قط احد سوى؟

انا سويت فالملجه بجهاز الزوم 3 في عيادة الحقبل فالسعوديه و طبعا الحين رد مو جني مسويه فابي ارد اسوي

وقط احد جرب التبيض المنزلي؟ وعند من؟ و بجم؟ وو هل في مفعول

يعني يمديه خلال اسبوع يبيض وتصير نفس نتيجة الي فالعياده او لا؟

مخمليات
مشكوووووره فديتج
بكتبه عندي ولي زياره جريبه باذن الله


بنات تركت سؤال عن الحرار
ماتستخدمون كريم يودي الحرار اللي بعد الحفاف؟؟

رحت لولو هايبر
جفت البنجابي
والله عنده اشيه حلوه
لليله الحنه
ورحت للاكسسوارات
ماحبيتهم كلش ناعمين ويبين عليهم الكواليتي مو ذاك الزود



شي ثاني
للي عنده خبره ابي اخذ كاميرا بروفيشنال للاستخدام الشخصي والمناسبات والسفر
اي كام تنصحون بها
من خلال تجاربكم

مونز اي انا بعد والله كنت احس اني قاعده احتضر :-o

تميت اتشهد فقلبي قلت شكلي قاعده اموت


و بالضبط ماتموا غير جم شهر وردوا نفس قبل

بس ابيهم يردون بيض للعرس و الحنه و الاستقبال و السفر والخ

نصحوني بالتبيض المنزلي الي يكون مثل معجون نلبسه


شرايكم؟ له نتيجه وله مافي فايده

لأني في جميع الحالات ابي ابيض اسناني :o وايد استانست عليهم في الملجه :p لما جفت النتيجه نسيت الألم

تراجي جربي الـ simi profitional

حلوين و تصويرهم حلو شبه احترافيين و احلى شي فيهم انهم خفاف ;)

يعني اذا انتي مو محترفه توج مبتدأه بس تبين كيمره يكون تصويرها احسن من الديجتال انصحج بالسيمي بروفشنال من كانون

خذت لي اخر وحده من كانون للسفر G12

لحد الحين ماصورت فيها وايد لان مخليتها للسفر طلبتها بالنت و توها واصله

بس اكثر شي عجبني وزنها انها خفيفه مو وايد ثقيله يعني تصلح للسفر ماعور الرقبه


و اذا بتقارنين احدث واحسن وحده من الشبه احترافيه بأخس وحده من الاحترافيه بتكون الاحترافيه اغلى بس الصوره طبعا بتكون كجره

حتى لو احترافيه بس النوع مابيكون وايد زين فاكيد ايدد شي من الشبه احترافيه بتكون برايي احسن

لان الاحترافيه حساسيتها لليد و الصور اكثر بواي من الشبه احترافيه .. تذكري انه الي مصممين البروفشنال مصممينها ع اساس الي بيودها محترف تام ;)


بس حبيت افيدج و القرار يرجع لج

بشكل عام ف النت دايما ارخص اذا تحبين تطلبين سواء بروفشنال او سيمي بروفشنال او دجتال :)

السلام عليكم بنات وحشتوني وايد :(


February honeymooner استخدمي لصقات كرست معروفين وايد زينين حتى في عليهم فيديوهات ف يوتيوب بس عاد ما تحصلينهم الا اذا بتطلبينهم من النت او اذا عندج احد من كويت او السعودية اييب لج اياهم لان في تاجرات وايد يبيعونهم . انا بعد لازم لازم ابيضهم حق العرس :(



برب

باك


بنات الف مبروك للعرايس اليدد والله يرزق البنوتات بالازواج الصالحين يارب


بالنسبة لي تحدد عرسي الحمدلله وبيكون قبل رمضان ان شاء الله .. قررنا نسويه في قاعة طيران الخليج و وبنغطي القاعة كلها .. بالنسبة للفنادق فرررق كبيييير مع ان قاعة طيران لخليج عقب التغطية والتعديل تصير احلى من قاعة فندق .. ف انصح الي تبي تقتصد في مصاريف الزواج وتخلي الفلوس للسفر احسن تختار هالقاعه لانها واسعه وتشيل 600 شخص ومع التغطية تصير روعة .
والحين قاعدة ادور على صالة للحنة .. للحين ما لقيت .. بس ابي اسويها الستايل البحريني القديم مابي ستايل عجم او هنود ولا ستايل مغربي .. خبركم حزة الحفلة ولا المناسبة كلللللللل الناس يصير عندهم ذوق ويبونج تاخذين برايهم :( بس بسويه ستايلنا البحريني القديم ان شاء الله حتى البنوتات الصغار بنلبسهم البخانق هههههه... احس بيصير شي روووعة وبسيط وبدون تفنتك عالفاضي ولا شرايكم


بنات وانا اقرى الصفحات الاخيرة سولفتوا عن بكج العروس لمدة شهر بس ما استوعبت اي صالون .. صالون ألور ؟؟ انا بشرتي حالتها صعبة تعبانة وايد وايد وما اسوي فيشل لاني اخاف لان مليون بالمية بيطلع لي حرار بروحها حساسة وايد .. وظهري فيه اثار شوي ابي اتخلص من كل ذي حق العرس عندي جانس جم شهر ... شرايكم بستفيد من بكج العروس الي قلتو عنه ؟ ابي ماسكات للجسم وحمام مغربي . وهالسوالف يعني .


بنات من خبرتكم عشان الحمام المغربي يأثر فيني عدل تهقون ابتدي قبل العرس بشهر اسويه كل اسبوع ولا وايد جذي او اواظب عليه كل شهر من الحين للعرس وبينفعني ؟؟

بنات باسئلكم صاله ملح وفلفل بجم
وحق شكثر معازيم
واذا في تفاصيل زود ياريت تساعدوني

بنات لا تقولون عني غبيه او شي بس عندي سوال احسه غبي احين الوحده اذا ملجو عليها تسوي حفله صح عشان تلبس الشبكه وجذي وبعدين لازم بعد تسوي حفله والا بس خلاص تنطر فتره وتسوي عرس ابي احد يفهمني كل شي بالضبط

بنت نفسي;15913279:
بنات لا تقولون عني غبيه او شي بس عندي سوال احسه غبي احين الوحده اذا ملجو عليها تسوي حفله صح عشان تلبس الشبكه وجذي وبعدين لازم بعد تسوي حفله والا بس خلاص تنطر فتره وتسوي عرس ابي احد يفهمني كل شي بالضبط

محشومة عن الغباء لا تقولين عن نفسج جذي .. محد فينا ظهر من بطن امه وهو يعرف كل شي ;)

انيي لسؤالج .. جوفي هو يعتمد على ظروف الطرفين و وضعهم . يعني بعطيج مثال .. انا مثلا ملجت في رمضان ف ما سويت حفلة ملجة ولا شي .. بس تعدلت وخذت لي فستان ناعم وصارت يمعة في بيت الاهل وطلبنا بوفيه وجذي .. وهو لبسني طقم هدية .. كنت للحين ما مداني اخذ شبكة .. . عقبها بفترة سويت لي حفلة خطوبة بسيطة في صالة وعزمنا الاهل والمعارف الجراب .. هني هو لبسني الشبكة . عرفتي شلون . وفي العرس ان شاء الله بدش وبكون لابستها .


انيي حقج . اذا بتسوين حفلة ملجة وخطوبة في نفس الوقت هني يلبسج الشبكة والدبل يعني يعتمد عليكم انتوا شنو مرتبين له . في ناس تلبس الشبكة في حفلة الملجة .. ناس في حفلة الخطوبة .. والي ما يسوي الاثنين يلبسونها في العرس. ف جوفي انتي شنو بتسوين والي يناسبج


وعن الحفلات .. مثل ما قلت لج على ظروفكم .. تقدرين تسوين خطوبة وعرس وبينهم الفترة الي انتوا متفقين عليها .. او تقدرين تسوين حفلة ملجة بسيطة وعائلية و عقبها تسوين العرس بعد الفترة الي انتوا اتفقتوا عليها . او تقدرين تسوين حفلة خطوبة عدلة وتعزمين معازيمج الي تبين وما تسوين غرس .


اتمنى اكون افدتج

والف مبروك حبوبة الله يهنيكم

قهوة سادة

قصدج عروس ولا عادية ؟؟ اذا عروس ما قط مر علي الا اذا مسويين ثيم الحفلة هندي وبعد الاغلب يكون هالشي حق حنة مو خطوبة . اما اذا عادية يصير تلبس الستايل الي تبيه . مو شرط حنة. بس حلاته والمعروف ان الهندي اغلب شي للحنة .

مونزي

حبيبتي انتي تسلمين باروح اسئل عنه
والله كريه جي انه ماحف يدي كامله بس لظروف الاعراس حفيت وابتلشت الحين:(

الكاميرا الكل نصحني بها وامس لما كنت بلولو جفتها بعد محتاره بينها وبين كانون d60


عروس فبراير
المشكله لو بافكر بالشبه الاحترافيه
كلها جم شهر وبتنقط وباخذ احترافيه
بتصير خساير من الصوبين انه ابي اخذ كاميرا بروفشنال وانزل دورات تصوير ومني ومني بنتعلم وايد فيديوهات تعليميه باليوتيوب انصحج بها

بخصوص لصقات الاسنان جفت وحده بمنتدى ثاني توفرهم جنه ب 22 دينار



بحرينيه
اللهم امين ياقلبي
الله يسر اموركم ويتمم لكم على خير
طيران الخليج حلووه عقب ماجددوها
بس نفس ماقلتي يبي لها تغليف كامل
خصوصا الستاره اللي ع المسرح اهي اللي تبط الجبد لان لونها لو ابيض تحسينه اوكي بس الكحلي ماساه
بس ككل القاعه روووعه وواسعه

انتي محرقيه؟؟
اذا محرقيه بنصحج بقاعه يديده في عراد يم صالون صباح عراد القديمه
صاله صغنونه ولابقه ويديده


قهوه ساده
جوفي حبيبتي انه عندي قناعه في شي
البس مايعجبني مو اللي يعجب الناس
ترى الستايل الهندي مو بس معناه تنوره وشال وقميص!!
تقدرين حبوبه هالخام كامل تسوينه فستان كامل يعني 2*1
اهو خام هندي وبنفس الوقت فستان ستايل اللي خاطرج فيه

شوري لج اذا خاطرج بهالستايل لاتخلينه بخاطرج


بنت نفسي
حبوبه الله يوفقج يارب
ومحشوومه يابعدهم

جوفي ابوي كل عايله وظروفها يعني بالاول والاخير البنت تتشاور ويا خطيبها تشوف مقدوره شيقدر يسوي لها

في ناس يملجون ايي بس البيت يلبسها دبلتها ومع قعده الاهل وعشى ويتوكلون
وعقب فتره سبوع جي يسوون خطوبه
عاد الحين اغلب البنات يلبسون بالخطوبه الابيض
عشان وقت العرس
بس تسوي جلوه او حنه وتسافر

وهالشي كلش مافضله لان مو حلو العروس تلبس ابيض وبالاخير بترجع بيت ابوها!!
مومعناه اني لو انحطيت بهالظرف بارفض بس مافضلها حلاته كلشي له شي
اللي بيقدر يسوي خطوبه وعقب بيسفرها
قادرين ياجلون سالفه الخطوبه لحفله العرس ويسافرون!!

شي غير
ناس بيوم الملجه تكون حفله بقاعه

وعقب تسوي حنه وتسافر

وناس لا تسوي ملجه بسيطه عائليه وعقب تسوي حفله عرس سواء حبت تسافر ماتسافر براحتها

اللي ابي اوصله حبوبه
ظروف الريال اهي اللي تحتم وثاني شي رغبتج انتي وياه وترتيباتكم اهي اللي بتساعدكم
وتحملي ياحبيبتي تسوين شي عشان خاطر ناس او تحاتين اذا ماسويت شبيقولون هالناس

مووووفقه وعلى قوله مخمليات دربج خضر

ام حلا البحرينية;15911796:
بنات ،، بغيت مساعدتكم ،،

حكاية غرام وباقي البنات اللي تعرف الاجابه ،،،

البيس من كليرنس ،، هذا نحطه قبل البودره ؟؟؟ وهل يصير استخدمه استخدام يومي ؟؟؟ حق روحتي الدوام ؟؟

حاليا استخدم كريم بوندز كريم النهار ،، وعقب احط عليه بودره Make up for ever _ Due mat،

هل الاحسن احط البيس عقب البودره ؟؟

او شنو خيار ثاني احطه قبل البودره ،،


واحب اشكركم على شغله مهمه جداااااا،، قبل كنت متحيره وين اصبغ واقص شعري ،، ومن خلالكم عرفت صالون ايفا >> ورحت وكنت خايفه ومتردده ،، بس بصرااااااااااااحه النتيجه ولا اروع ،، صبغت بني وقصيت شعري مقطع ،، صار يجنن والاهم ان شعري ما تغير عقب الصبغ ،، يعني ما صار يابس ،، بالعكس حلووو ،، وطبعا اسعارها بعد واااجد حلووه،،

حبيت افيدكم مثل ما فدتوني ،، وانطر ردكم عن البيس ،،

هلا اختي البيس اول شي وبعدين البوودرة وتقدرين تستخدمينه بروحه

بنااااااااااااااااات نقذووووووووووني

الحين قاعدين نجوف شنو ناقصنه

لبست الاكسسوار الهندي
الا اجوف
الترجيه وحده مافيها ذي السن اللي يدش الاذون!!
وين اوديها يركبون لي ؟؟


واختي طقمها في حلقه صغنونه طايحه فمتبطل الطقم هم وين نوديه ؟؟

والاسواره وسيعه لان مالتي اهي تبي تقص منها

فشوووروا علي بامكان يعدلون هالسوالف

بنات محد جاوبني عن أماكن حلوه للباقات

Bent Alm7roos;15913679:
بنات محد جاوبني عن أماكن حلوه للباقات

عندج محل في سوق واقف اسمه فلوريدا احنا على طول نتعامل معاه من حيث الباقات العروس او باقات عادية

يسوي باقات عروس وباقات عادية وقلايد وتعديل سيارات

مرحبا جماعة

شلونكم عروسات

ابي اقتراحاتكم

انا ماسويت حفلة خطوبة بس ملجة في البيت

فمالبست الطقم

الحين في العرس بلبس فستان ابيض وعادة مع الفستان الابيض اكسسوار فضي

احس الذهب على الفستان الابيض مو كلش حلو ؟؟

فشنو تشورون علي

او البس فستان اوف وايت

نقطة ثانية انا حاجزة عند سكوب الحين اجيك السعر اله يقولون لي المجزين ب280 والمشكلة بدون بوكس او شنطة ؟؟

شسوي ؟؟

smilly;15914119:
مرحبا جماعة

شلونكم عروسات

ابي اقتراحاتكم

انا ماسويت حفلة خطوبة بس ملجة في البيت

فمالبست الطقم

الحين في العرس بلبس فستان ابيض وعادة مع الفستان الابيض اكسسوار فضي

احس الذهب على الفستان الابيض مو كلش حلو ؟؟

فشنو تشورون علي

او البس فستان اوف وايت

نقطة ثانية انا حاجزة عند سكوب الحين اجيك السعر اله يقولون لي المجزين ب280 والمشكلة بدون بوكس او شنطة ؟؟

شسوي ؟؟

البسي الاكسوارات البيضان وصوري فيهم كامل وبعدين قدام الناس خله يلبسش الطقم هي الي نسوية وية عرايسنا الي نصورهم بس قدام الناس يلبسها المعرس الطقم وخله يصورونش شوية بالطقم الدهب كدكرى