تجهيزات عرائس ' مملكة البحرين ' لشهر صفر 1433 - 2011 م / الجزء : 85 »

اليوم رحنه بيت الخاله
نكتب باقي البطايق:celebrate:

وجفنه مشتريات العروس من المعرض الله يهنيها يارب ويبارك لها فيما رزقها

وكتبته شنو باقي لها تحتاجه

واتفقنه ان الاحد بتروح تسوي فيشل ومغربي في غصون عقب طلعتها من الدوام

الاثنين بتروح حفاف جسم وبديكير

الثلاثاء بتروح تحف حواجبها وتحنيهم

الاثنين باذن الله تعالى بنروح بيت الخاله نجهز الحنا ونعلبهم :adore:ونبرز باقي امور حناها وجلوتها

بنات امس في الحنا حاطين سماعه وفيها ال cd بس عليهم يتحكمون بالريموت تعرفون وين ذي ياجرونهم؟؟


بنات في جلايه يديده سنيه اسمها شريفه ووياها فرقه :L:يمدحون بها واااااااايد جلت بنت جيرانه من يومين من 8 لي 1 الفجر 350 دينار
اللي تبي الرقم حاضره اني اوفره لكم


وحبيت ابشركم اليوم رحت حق فستان الجلوه :oالصلاه ع النبي محمد رغم بساطته طلع شيييييك بس باقي تضبط المقاس لان وسيع علي
هم وانزاح ولله الحمد


بنت خالتي العروس تبي اكسسوار لشعرها من وين تنصحونها ؟؟
شفت بالمعرض اشيه حلوووه بس احتمال اهي ماتقدر تروح :hysterical:


سؤال اخير شاسوي شعري بالجلوه اخليه ستريتر او اسويه ويفي؟؟

تراجي
ما تشوفين شر ان شاء الله و تكونين احسن
الحين الناس ما ترحم و ما تخلي أحد بحاله
والله يبارك ليكم و يسعد العرسان


بسألكم عن ابتسام كمال غيرت رقمها ؟؟
انا عندي رقمها القديم تبع بتلكو

تراجي ام الزين كله;15924605:


سيده نفسي

شاقولج ياختي احنه اللي عوى يدنه الحنايه ماييون محرق غربال
وزينب محجوزه في تاريخ 1 هاي المشكله
وحلاه العروس في الجلوه بحناها
اهي يوم خطوبتها حنتها ام شهد عقب حفلتها الصلاه ع النبي صار غامج اما يوم حفلتها بني عادي
فان شاءلله يغمج ويتم

ههههههههه ترى كلنه بهالوى سوى
الامهات والعروس والبنات 31 بنتحنه

وبيني وبينج خلنه هلون
عشان يوم 2/2 اروح المعرض ههههههههه ماحاتي حنه ولاشي

بس صج على سالفه الحفاف مابيعوق بيطلع لها بس شالحل اذا هلون؟؟

قوة بنات


ابيكم تجوفون هالفستان شرايكم فيه .. كلور تروج باقي البنات ابي رايكم .. احس بيصير راقي لو لبست موديل جذي ف العرس بس قلت لو بسويه قصة الفستان من تحت ما بخليها جذي فش كت .. بخلي البف ارفع شوي يعني تحت الخصر مباشرة يبدا البف ويكون حجمة متوسط مو متين وايد ولا خفيف ما جنه فستان عروس . وتخيلوه عاد مع الطرحة الناعمة والتسريحة والحركات . ..

شرايكم يصلح ولا لا ؟؟

تراجي ام الزين كله;15924605:
بحرينيه

و والديج حبيبتي
ول ول ول قل اعوذ برب الفلق ياربي شهالأوادم :mad: استغفر الله العظيم الله يكفيج ويكفينا الشر ياربي
الحمدلله رب العالمين انتي فديتج تستاهلين كل الخير واهم شي خفت يدج الحين ونفسيتج شوي ارتاحت الحمدلله وانتي ياحبيبتي لا تخافين دامج ذاكرة ربج ومرطبة لسانج بذكره ان شاء الله ما عليج الا العافية واكيد ان شاء الله بتطلعين قمر

عن الصالة :o عرفت وين تصير قعدت اعاني وانا اشرح حق ريلي عنها لين قدر يستوعب مني السالفة خخخخخ وقال لي اي عرفتها بوديج لها بس مشكلتها انها بوسط بيوت :woo: قلت له معلي بنروح نجوفها عالاقل .. وبن دينة يختي ما يرضون طقطقة ولا شي يعني اخر مرة رحتها كانت حق استقبال بس بدون ازعاج وتطقطق .. والحين على ما قلتي الظاهر خلوها بس حق الرياييل لان الحريم الله يهديهم ما ينعطون ويه كلش ملش .
والشكر مثل ما قلتي حده مكانها غلط ياربي :'( عاد انا كان خاطري في صالة كانو الي ف مدينة حمد الدوار الثاني حلوة ويديدة و واسعه بس اختي تقول ما يرضون تطقطق وجذي .


والباقة الله يسلمج انا سويتها ف شهر 9 حق خطوبتي اي ترى دان هذي الباقة الي يتميز فيها محلهم مافي شي يديد .. عاد انا الله يسلمج صار لي افلام هندية يوم خطوبتي كتبته هني من زمان .. خو يوم خطوبتي كان الاكشن ف الديرة عالآخر والعمال مال دان رايحين برستيج يركبون مسرح بعد حق وحدة من الاهل مسكينة مسوية خطوبتها هناك .. وكانو الشرطة سادين الشارع والحالة لله وخلوهم واقفين 3 ساعات مو سامحين لهم يدشون لان المنطقة مب امان كلش .. المهم عقب ما سمحوا لهم يمرون دشو ركبو المسرح وعابلو فيه وما خلصو الا 8 الا شي . انزيييييين الحين مسكتي انا نسوها محد سواها لي :'( . انا متفقة معاهم ان 8 بستلم المسكة. اخوي 8 الا 5 دقايق هو هناك .. قالو له ما عندها اوردر حق مسكة اليوم :'( وتقب الهوشة زين سوى فيهم برد قلبي فديته :'(واتصلو حق راعية المحل وياتهم وزفتهم زف وسكروا المحل وقالت لهم الحين الحين تسوون المسكة تقطون الي ف يدكم بسررررررعة . وبس يختي ساعة الا ربع والمسكة جاهزة الحمدلله . ويابها اخوي لي فررررررررررش . يعني لو كانو مسويينها من قبل جان يابها لي وهي ذبلانه لانها ما تعوق تذبل .. بس شكلها حلو وايد


وعن صفاء الرفاعي ميكبها حلو . يعني مو وااااااااااو وروعة وجذي بس حلو ناعم ميكبها وحتى اذا حطت الوان غامجة بعد تحافظ على نعومة ميكبها .. ومعاها وحدة بعد مادري شسمها ميكبها اينن وايد حلو جم مرة اجوف بنات متمكيجين عندها وصج روعة .
اختي دايما تتمكيج عند صفاء وناااعم واسعارها قبل كانت ب15 والحين ب20 دينار .. اممممم اعطيها 6 ونص من 10 خخخ اهم شي النص .. لان اجوف ان الستايل هذا هو ما يتغير بس للأمانة في خطوبتي حطت ميك اب حق بنت خالتي وكان وايد وايد وااايد حلو عجبني حتى قلت حق بنت خالتي متأكدة صفاء الي مكيجتج قالت اي صفاء مو الثانية . وهي وايد حبوبة ترى اتينن ونفسها حلوة الله يوفقها ان شاء الله


عرسي ياطويلة العمر ان شاء الله في شهر 7 اذا الله كتب .. ااااي انا قلت خلاص ما في الا نورية لان مافي احد عدل يسوي شعر والرونق مستحيل اروحه لو اروح بكشتي العرس خخخخ بس هذي تي جي اول مرة اسمع عنها منج :o يعني هي فنانة لهلدرجة ؟ شأصلها ؟ وبجم تسوي تسريحة العروس ؟؟
حبيبة قلبي تروج فديتج والله ما تقصرين اصيلة حبيبتي امبيه كلش مب حلوة ارز ويهي :o ام الفشلة :'( .. ياربي تطلعين احلى من ما انتي تتوقعين وتفرحين بكشختج واهم شي لاااااااااااا تنسون ترقون نفسكم انتي والبنات ولزمي على العروس تقرى على روحها

وووي شهالحالة يختي انا انسى هالملف وعلية كلور مطرشته لي من زماان الحين بجيكه

مشكورة فديتج ما قصرتي وعسى الله يبارك لكم ويجعل ايامكم كلها افراح يارب والفال لج ان شاء الله يتعبون اهلج في عرسج ياربي .

عاد اشوله الاحراج :o:o

ما ادل الخياط عدل ولا حتى رفيجتي :lol: بس يعني نعرف منطقته رحته معاها مرتين وقعدنا نتغوى مني ومناك الين ما نحصله :lol::lol::lol: اهوه صالون وخياط ..وإحنا الله يسلمج وين برادة النور و 24 ساعة نخليها على يمينا ونلف يسار وبعدين نحوس الين ما نحصله ..عندي رقمهم..اطرشه لج؟؟؟
وعن تقريرج صج صج خسارة ..حسبي الله ونعم الوكيل حرتها والمخاسير اللي خسرتها في ذمة اللي كان السبب
الله يعوضها خير إن شالله
وتبين نصيحتنا عن المكياج ولا الكوافيرة؟؟ ولا الاثنين؟؟ وذكرينا بذوقج ما عليج أمر عشان نذكر لج

:-o :lol: وه وه قولي والله حتى رفيجتج ما تدل ههههههههه :lol: يحليلكم والله عرفت البرادة بس بعدين ضيعت خخخخخخ.. اي والله اذا ما عليج كلافة تعطيني رقمهم يبي لي اطل عليهم طلة نزورهم :D
وعن البنية وعليااااااا.. صدقتي والله خسرت الخساير دفعت حق صالة ومسرح وفرقة وميك اب وشعر وشنيول وتوزيعات وعلياااا واخرتها تخترب حفلتها فقيرة والله الناس كانت مختنقة اصلا ما كان في الا الاهل ما كان في اغراب الا يمكن طاولتين .. الصالة فاضية :'( وعليه الله يعلم بنفسيتها ذاك اليوم حسبنا الله ونعم الوكيل عسى الله لا يحلل الي كانوا السبب وينتقم منهم شر انتقام :mad: هو يوم وما بينعاد وعليه عليها .. اذا انا في خطوبتي والي كانت يزعم بسيطة وعائلية اذيت اختي كل شوي اتصل احلفها اذا صج الاوادم ياو ولا لا عبالي محد يه هذي وانا خطوبة مو عرس والتوتر والقلق لعبوا فيني خخخخخخ لان حتى ف يوم خطوبتي كان الاكشن شغال يا مال الضعفه .. بس الحمدلله ان الصالة انترست ف خطوبتي


يختي عن الميك اب والشعر انا ضايعه مادري وين الله قاطني . اييني شور يقول لي بس روحي حق صفاء حتى لو ما ضبطتج ف الخطوبة, ف العرس يمكن اذا قلت لها سوي الي تبين بتبدع اكثر لان انا ف الخطوبة قلت لها ابي ناعم مابي دفاشة وسوت لي كلش عادي مو جنه ميك اب عروس بس بعد شكلي ككل كان الحمدلله حلو بشهادة الكل بس خبرج العروس لازم تدقق ف التفاصيل وانا ذوقي وسط لا ناعم حده ولا دفش اهم شي ابي ميك اب يطلعني عدل .. بس للحين مادري قلت بجوف احسن الماكيرات الي تقترحونهم علي وبجوفهم متى عندهم عرايس وبروح اطب عليهم اجوف .
وعن الشعر يالغالية اقول لج عن نورية كنت حاطتها في بالي بس انا يختي نفسيتي مب مرتاحة مابيها تسوي لي مع ان ادري انها فنانة بس كلش مب حابتها .. الحين اجوف تروج تقول لي عن تي جي يبي لي اجوف شغلها بعد بس مادري يختي اذا اصطكت علي شكلي بروح حق نورية . انطر ارائكم مالي غنى عنها :adore:.

تروج اذا تقصدين ام شهد من مدينة عيسى الي اسمها شامية ..ترى هذي الي حنتني في خطوبتي وكان وايد وايد حلو الحمدلله بس وااااااااايد فاجة وباردة يعني الله يعينكم على البرودة يبي لكم الدفايات تبرزونها

تراجي ام الزين كله;15925559:
اليوم رحنه بيت الخاله
نكتب باقي البطايق:celebrate:

وجفنه مشتريات العروس من المعرض الله يهنيها يارب ويبارك لها فيما رزقها

وكتبته شنو باقي لها تحتاجه

واتفقنه ان الاحد بتروح تسوي فيشل ومغربي في غصون عقب طلعتها من الدوام

الاثنين بتروح حفاف جسم وبديكير

الثلاثاء بتروح تحف حواجبها وتحنيهم

الاثنين باذن الله تعالى بنروح بيت الخاله نجهز الحنا ونعلبهم :adore:ونبرز باقي امور حناها وجلوتها

بنات امس في الحنا حاطين سماعه وفيها ال cd بس عليهم يتحكمون بالريموت تعرفون وين ذي ياجرونهم؟؟


بنات في جلايه يديده سنيه اسمها شريفه ووياها فرقه :L:يمدحون بها واااااااايد جلت بنت جيرانه من يومين من 8 لي 1 الفجر 350 دينار
اللي تبي الرقم حاضره اني اوفره لكم


وحبيت ابشركم اليوم رحت حق فستان الجلوه :oالصلاه ع النبي محمد رغم بساطته طلع شيييييك بس باقي تضبط المقاس لان وسيع علي
هم وانزاح ولله الحمد


بنت خالتي العروس تبي اكسسوار لشعرها من وين تنصحونها ؟؟
شفت بالمعرض اشيه حلوووه بس احتمال اهي ماتقدر تروح :hysterical:


سؤال اخير شاسوي شعري بالجلوه اخليه ستريتر او اسويه ويفي؟؟

هلا اختي تراجي كتبو رقمها في ملف التجهيزات علشان محد يتوهق بعدين ويدور الرقم مشكوره و ماقصرتي

**بحرينيهـ**;15926192:
قوة بنات


ابيكم تجوفون هالفستان شرايكم فيه .. كلور تروج باقي البنات ابي رايكم .. احس بيصير راقي لو لبست موديل جذي ف العرس بس قلت لو بسويه قصة الفستان من تحت ما بخليها جذي فش كت .. بخلي البف ارفع شوي يعني تحت الخصر مباشرة يبدا البف ويكون حجمة متوسط مو متين وايد ولا خفيف ما جنه فستان عروس . وتخيلوه عاد مع الطرحة الناعمة والتسريحة والحركات . ..

شرايكم يصلح ولا لا ؟؟

مرحبا .. الفستان راقي جدا .. وانا في بالي موديل مشابه لهذا الموديل .. فبليز اذا حصلتي خياط عنده متيريال يصلح خبريني .. لان انا رحت معظم الاماكن في البحرين وقالوا لي انه ما عندهم الدانتيل ولازم انا اجيب الدانتيل ...

بعد حبيت اخبرج للاستفاده انه روزا كلارا مسوي تخفيض 50 %على 2011 كلوكشن و 25 % على 2012 كولكشن .. بس المشكله انا وايد ضعيفة ومو محصله سايزي ولما جربت الفستان احسه بيخترب مع التضييج ...
تقريبا اسعار الفساتين هناك تتراوح بين 480 الى 600 الي عليهم تخفيض .. لان انا الفستان الي عجبني كان ب 475 دينار ...

سلام عليييييكم
شلونكم بنات شخباركم
تروجه ومخمليات وكلورة اخت القمر بحرينية عس عس شخباركم شخبار أموركم
السموحه اذا نسيت أحد

ابي وصلة موضوع معرض الخريف لو سمحتون

**بحرينيهـ**;15926252:
و والديج حبيبتي

الحمدلله رب العالمين ويبعد عن كل مسلم شر كل عين حاسد يارب العالمين متوكله على الله سبحانه باذن الله


عن الصالة :o
ههههه فديتج والله جان قلتي لي بدليج لي توصلين لها حاضره لج اهي صح بوسط بيوت بس مو مدعوسه دليلج المسيد بس والكل يعرفه

وبن دينة
اييييي هذهووو والا هالقاعه حليووه بغيناها لجلوه بنت خالتي بس الله ماكتب معنجج صاحبها

والشكر
اووووف ياختي الشكر حليوه وومناسبه لهالسوالف بس بارك مافي اقول حق امي ع الاقل صاحب القاعه يوم اللي في حفله يحجز هالجم بارك:hysterical:
قلت لهم من 7 بوديكم القاعه ولا غربالنه اهو نقدر نروح لها مشي من البيت بس تعب خصوصا فساتين وشعر وحاله ماساه بيكون




والباقة الله يسلمج انا سويتها ف شهر 9
ويييييييييي اكره حركه تستوي والله ندعي الليل والنهار ان مايستوي شي يوم عرس بنت خالتي ويتم كلشي على خير
جربتي شغل الزنبقه؟؟
او عليا فلاورز هاي احبه وايد خصوصا انواع الورد ودرجات الالوان رووووعه اللي عنده:L:


وعن صفاء الرفاعي
ايييييي هلون انه قريت عنها بمنتدى ثاني وماجفته للامانه هههههه تعيش النص اهي المهم انه مشكلتي ماعندي حفلات بالعايله ومرتين جاكمت مره بخطوبه بنت خالتي وانضربت بالطبيعه حلوو وبالصور ماساه :worn_out:وبعرس بنت عمي عند نوال حبيته وقيمته تقريبا 7 من 10
بس الحين قلت اروح حق صفاء لان جايفه جم مره لها وعشان ماحاتي واتوهق


عرسي ياطويلة العمر ان شاء الله في شهر 7 اذا الله كتب الله يتمم لج على خير ويجمع من بينكم
تي جي انه بعد مالي تجربه سابقه وياها الله يجزيها خير دهن العود راوتني شعر اختها الصلاه ع النبي محمد افتكرت ان تسريحه عروس وخبرت بنت خالتي عنها للخطوبه وتعدلت عندها وكانت حلوووه التسريحه وبس واعتمدتها للعرس وكلنه حجزنه وياها :lol:
اهي اثيوبيه

مشكورة فديتج ما قصرتي وعسى الله يبارك لكم ويجعل ايامكم كلها افراح يارب والفال لج ان شاء الله يتعبون اهلج في عرسج ياربي .

حاضرين افا عليج شدعووووه والله حياج الله نفس ماقلت لج لو دقيقتين خصوصا ان احنه 5 بنات وعروس فبتجوفين ستايل كل وحده وميكب كل وحده فينه
انطرج ترى واذا تبين بطرش لج رقمي
ان شاءلله ياربي باذن الله تعالى
لاتفوتين الملف ترى وايد بتستفيدين منه وان استفدتي لاتنسيني بدعوه بظهر الغيب F:


بخصوص الفستان انه مو ستايلي بس اعشق شي اسمه دانتيل ورحنه هني كذا محل ماجفنه شي بمستواه يعني اذا فكرتي مالج الا السعوديه:thumbs_up:
رفيجتي تبي نفس هالستايل بس يكون من تحت تفته مو كامل دانتيل
باندا قالت لها بتخيطه ب 80د من غير الخلق

وبنصحج تجيكي رزان لان تقريبا فستان رفيجتي جي بس من غير دانتيل اليد يمكن تلقين عندهم هالستايل

ربي يوفقج ويسر امورج



يارب يسر الامور
ان شاءلله حبوبه باخبر كلووووره عشان تضيفهF:

سيده نفسي


باخبرها باذن الله معنه اخاف عليها من قوه الحنه والحفاف تبقع عافيتها


ايمانوو
هلا وغلا بالزين
احنه بخير انتي شلونجابوي عسى امورج طيبه

*بنين*;15925543:
كل ماااتصل يطلع لي لايمكن ,, اذا عندهاا رقم غير هالرقم ؟؟

؟؟؟؟ محد جااوب على السؤال .احد عندها رقم أم سجاد غير الرقم الموجود في الملف ؟؟

بنين

رقم من اللي تبينه؟؟

ام سجاد ماعرف الا اللي بالملف

http://forums.3roos.com/showthread.php?t=647439

ضروري رايكم في ذي الرابط وكل بنات البحرين

اختي ام سجاد مسكره تلفونها ماتحني الحين

انا اتصلت فيني قالت لي اخذي العربون مااحني

.. الفستان راقي جدا .. وانا في بالي موديل مشابه لهذا الموديل .. فبليز اذا حصلتي خياط عنده متيريال يصلح خبريني .. لان انا رحت معظم الاماكن في البحرين وقالوا لي انه ما عندهم الدانتيل ولازم انا اجيب الدانتيل ...

بعد حبيت اخبرج للاستفاده انه روزا كلارا مسوي تخفيض 50 %على 2011 كلوكشن و 25 % على 2012 كولكشن .. بس المشكله انا وايد ضعيفة ومو محصله سايزي ولما جربت الفستان احسه بيخترب مع التضييج ...
تقريبا اسعار الفساتين هناك تتراوح بين 480 الى 600 الي عليهم تخفيض .. لان انا الفستان الي عجبني كان ب 475 دينار ...

هاي فوين اختي المحل روزا كلارا بالضبط ؟؟

شكرا حبايبي على الجواب