تجهيزات عرائس ' مملكة البحرين ' لشهر صفر 1433 - 2011 م / الجزء : 85 »

حبوبات شخباركم
حبيت اسالكم شغلة
الحين إذا الخاطب ييه اول مرة يبي يخطب البنت ويجوفها ومعاه امه واخته هل العروس اللي بيجوفها تقعد بالحجاب ولا عادي يجوفها بدون حجاب
ردوا علي بليز

سلام بنااات شخبااااااركم :D
واايد وحشتوني حدي لهيت مع الشقه و التأثيث اللي مايكمل :hysterical:

شلون كل شي معاكم :D

عندي سؤال وين اقدر اسوي عباية حلوه تبين حق عروس و ماابي تطريزات تمللت منهم :hysterical:

شخبار عروسات البحرين الجميلات؟؟؟ F:
بنات تعرفون صالات تكفي حق تقريباً من 100 لي 150 شخص وما تكون وايد غالية؟؟ :|
وبعد مكان يسوي مسارح حلوة وناعمة ويكون السعر معقول؟؟ :|

والفحص الطبي لين بنسويه فالمركز شكثر يبي لها النتيجة عشان تطلع؟؟ :(
وأي أحسن المركز الصحي أو مستتشفى خاص؟؟ :p

وسامحوني إذا ثقلت عليكم أب أسألتي :o

السلام علييكم
شخباركم بنااات ان شاءالله بخيير

كلوووورة يعطيج العافيه
عجبني شغل بشرى رااااااقي

ايمان
الكوشة يبين عليها حلوووه الله يتمم لكم ع خيررر


حبيت افيدكم بهالقائمه ,, :L:


تجهيز العروس
(الملابس الداخليه)
ملابس مريحه للنوم شفافه وخفيفه
ملابس داخليه للطلعات والدوام
ملابس خاصه بالدوره الشهريه (كلوتات بلاستك من الصيدليه)تسويلك حمايه وتحافظ على ملابسك
أطقم سنتيانات للبيت (غير مبطنة)
أطقم سنتيانات سهرة

(ملابس النوم) :
طقمين ارواب.
قمصان طويلة بدون ارواب .
قمصان قصيرة.
بجايم حريري.
بجايم قطنيه.
كورساج + ستوكنغ
(اللي تجي فيها الشراريب و بعدين يشبكونها في الكورساج من فوق عرفتوها؟ )


(ملابس البيت)
أقمصة قطنية طويلة.
أقمصة قطنية قصيرة.
أطقم شورتات قطنية+جينز.
تنوره قصيره.
تي شيرت.
بناطيل.
فساتين قصيره.
توبات وبديات .

(ملابس الطلعات )
يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات

(الذهب )
لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر، لاتكثرين منه لأنو حلاته يوم الصباحيه اذا جيتي بتسلمين على اهله وبس، فاحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان :).





(العبايات)
فصلي عباتين راقيين يبيون لعروووس
وجم عبايه شغل ناعم واذا ماتلبسين عبايه ع طول
لاتكثرين لان الموديلات تتغير :thumbs_up:.



(الشناط)
اشتري شنطتين ماركة والماركات عديده
جوسي كوتور .. ديور .. لوي فيتون .. شانيل .. الخ
وشنط بالالوان اسود .. بني ..
ولاتكثرين اكييد بتطلعين السوق مع زوجج وبتتشرين .

(اغراض الحمام)
طقم روب
عدد من الفوط
شامبوهاتك وصوابينك المفضله
كريم حمام زيت
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال.
رغوه حلاقه فيه رغوه حلاقه بالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده بالصيدليات
شاور جل والماركات عديده .. بودي شوب ,,باث اند بادي ووركس .. فكتوريا .. بوتس .. زهور الريف .. سيفورا ..الخ

برضه ممكن تستعملين رغوه نونو الخاصه بالأطفال تخلي جسمك ناعم جدا
حلاوه لأزاله شعر الجسم.
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه بالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه :تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فوط صحيه
فازلين

(علاجات)
بندول
نصيحه(بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصارو يعالجون منها)


(الاحذية)
شباشب أنيقه للبيت
كعب مع فساتينك مشكوكه وناعمه
شباشب مشغوله
صنادل للطلعه مع زوجك يعني عمليه
وشباشب للحمام
نعالات
صنادل
فلاتات
نعالات كعب
حلوو التنوييع :thumbs_up:


(العطور)
هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا
chance chancel
coco chanel
fendi
212vip
والقائمه تطول والاذواق تختلف
فيعني روحي شمي واختاري الي يعجبج :thumbs_up:
----
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر بالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب

(المفارش)
اختاري أثنين فقط
واحد أبيض واحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش، وممكن تضيفين عدد من المخدات المربعه للمفرش يوجد مخدات مفرده بالوان متعدده تعطي منظر جذاب للسرير وتزيد من فخامه المفرش



(مكياج)
مكياج الصباح.
اختاري كريم اساس خفيف تلقينه عند ماكس فاكتور وبودي شوب .. بورجوا .. gosh .الخ
اما الأرواج والجلوسات اللي تناسب النهار.
مكياج الليل.
مكياج الليل لازم يكون اكثف من النهار.
كونسيلر(فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع والأصفرعلى جسر الأنف والبني على جوانب الأنف.
كريم اضاءه(ريفلون..ماك..كريولان).
بودره اضاءه(ماك..بودي شوب).
بودره بلمعه مافيه زي ريفلون خذي كل الثنتين البيضاء والبرونزيه.
الكحل كريولان لانكوم وكحل القلم الجاف من جفنشي خطير.
الشدو(كريولان ..فور ايفر ..ماك) وخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل.
(IsaDora )البلاشر(روحي لمكياجي تلقين عندهم ماركةالوان البلاشر حقتهم روعه ).
مثبت الماكياج(بخاخ من جفنشي.أو فور ايفر).
المناكير خذي هذه الالوان(بصلي..وردي..احمر..عنابي).
الماسكارا(هيلينا روبنشتاين ..بروجو..نيفيا).
مزيل ماكياج -بيوديرما- ... جونسون ..بودي شوب
ميلك للبشره.
كريم مرطب للبشره.
غسول للبشره(كلين آند كلير...شيسدو .. ديور .. كلارينكس .. الخ الافضل تروحين السوق والموظفات يخبرونج بالانسب لبشرتج .

(اكسسوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه(لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير)
بعض البكل الجميله

(الأجهزه)
استشوار.. ستريتر
فير لتلفيف الشعر

.



(متفرقات)
كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير
بطاقه اتصال للضروره يمكن البيت مافيه صفر وتحتاجين امك وقت الطبخ والزنقات
زيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين رحلتكم في شهر العسل
لبان فيه لبان ايراني ممتاز عند محلات البخور جواه عسل وفيه نكهات متنوعه ملاحظه العلكه تشوه منظر العروس لاتعلكين قدامه

(نصائح)
اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم اول الزواج علشان يتعود عليك ويصير مايستغني عنك
لاتكثرين رسائل الجوال تصيرين لزقه
اذا بغيتي أي شي من السوق لاتستحين ترى حياك ماراح ينفعك
وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها
وطبعا مو كلهم كذا لكن اضمن لك انك من البدايه تبتدين ماتستحين من الطلب
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك بالمره يعني خلك بين طلباتك ومستلزماته وراح يتعود على المصاريف الله يعينه ويوفقه
لاتجيبين سيره الأنترنت له وانك كنتي تقضين اغلب وقتك عند الجهاز لأنو بيتضايق ويفهمك غلط .

وبس بنااات
طبعاً منقوله من احد البنات الله يجزيها كل الخير
وعدلت عليها شوي

بالتوفيق يارب :L:

عندي تقرير صغيرون على قدي

اتصلت في صالون جوز

جان يرد علي ريال :woo: :-o


قلت له هاي مو صالون نسوان قال امبلا عندنا نسوان وعندنا رياييل

قلت له يعني مو "ليديز اونلي" قال لا

شكله حس ان ماعجبتني السالفه قال لي انه عندهم قسم حق البنات بروحهم :-#


بس مادري ما ارتحت حق السالفه :p فكنسلته



عقبها اتصلت في ديسانج قلت لها اني عروس و ذي شنو تنصحيني

قالت عندنا بكجات اسعارها من 70-120 اذا انا مو غلطانه

وفيهم وايد اشيا منكير و بدكير و فيشل و مساج و هير دراي و بدي تريتمنت و هير تريتمنت و ستين شي نسيتهم يعني :worn_out:

قلت لها انا ماا احتاج وايد اشيا من البكج يصير اصغره:D؟

قالت لي لا يصير تسوين له ابقريد>>تكبرينه بس مايصير تصغرينه

ونصحتني اخذ كل شي بروحه


قلت لها انه المسلمين مايصير يتكشفون من السره لي الركبه جدام احد من البدايه عشان ما تقول لي شي ماقدر اسويه :p



قالت تقدرين تسوين فول بدي مساج بس اذا ماتحبين احد يجوفج و ايودج على قولتج ;) تقدرين تاخذين باك مساج يعني حسب الي فهمته الجتف والرقبه و اظنتي الظهر وبيكون سعره 20 دينار

قلت لها شنو شي زود ممكن تنصحيني فيه؟

قالت الحمام مغربي وايد حلو

قلت لها انزين مابي اتكشف وتجوفني قالت تقدرين تلبسين ثيابج مال السباحه ;) واهيه تسوي حق يدج و ريلج

قلت لها انزين شرايج اهيه تسوي لي والاماكن الي مابيها تجوفني اسوي حق روحي بروحي :biggrin: قالت اي على راحتج ممكن


نصحتني بعد بـ حمام الحليب قالت حق العروس حلو بعد و نفس الشي تقدر تسوي لج والمحل الي ماتبينها تجوفج فيه انتي تسوين حق روحج;)


بيطلع كامل :

باك مساج نص ساعه -- 20 دينار
حمام مغربي -- 14 دينار
حمام بالحليب -- 15 دينار
المفراكه مالت الحمام مغربي يصير ايبها معاي ويصير اشتريها من عندهم ب 5 دينار

يعني كامل يصير فحدود 50-55 دينار

حسيت اسعارهم معقوله يعني اوكي يمكن شوي اعلى من غيرهم بس مو لي الدرجه الي الناس صوروها لي :worn_out:

فكرت اخذ من عندهم بطاقه هديه اقدر اعبيها بأي مبلغ ابيه

فكرت اعطيها كهديه رمزيه ويا بطاقه حق امي قلت خل تريح وياي قبل العرس وايد تعبتها معاي :o ما اثق براي احد غيرها واستحي اطلب شي من احد غيرها

كنت مفكره احج لها باك مساج معاي بس خفت ماتحب و تسوي بس عشاني لانها كله تقول يبي لي مساج بس ماشتهي وحده تقعد تيودني :p فقررت امليها لها بمبلغ يكفي الباك مساج و اذا ماحبت تسوي باك مساج ممكن تسوي حمام مغربي وله منكير بدكير وله اي شي تحبه



باسألكم بنات اذا في احد جرب هالأشيا عندهم قبل ما اتصل أأكد الحجز اذا اوكيه او لا

و الليفه تهقون اخذ من عندهم او اشتري من بدي شوب او زهور الريف؟

و عادي يستعملون لي نفس الليفه حق الحمام مغربي و بعد حمام الحليب؟

هاي تقرير لقيته في منتدى ثاني كاتبته عضوة اسمها الماسه السوداء قلت بنقله لكم عشان الكل يستفيد :biggrin:


جاك ديسانج عباره عن صالون وسبا بالاضافه الي صاله رياضية معده بجميع الاجهزه الرياضيه
وحصص ايروبكس وسبننق وغيرها الكثير
(للنساء فقط)
طبعا جاك ديسانج معروف عالميا وله شهره وفروع في عده دول.. والمكان راقي ونظيف ويعاملونك معامله طيبه عندهم.
وموقعه يصير قريب من العدليه (اذا كنت جاي من فندق الخليج تخلي شارع العدليه على يسارك وتروح سيده بشوي تلقى المبنى على يدك اليسار...واهو يطل على قصر الضيافة)


بالنسبه للاشتراك في الجم لمده سنه واحد 400 دينار يقدر الواحد يستخدم الصاله الرياضيه والاجهزه ويقدر يسجل في حصص الايروبكس وبعض الحصص الثانيه
اما حصص اليوغا والبلي دانس وغيره يكون حسابه غير الاشتراك
واذا بغيت مدربة خاصه لمتابعتك بعد يوفرون لك وكل شي بحسابة
الاشتراك في الجم يسمح لك باستخدام السونا والجاكوزي وحمام البخار

بالنسبة للصالون هم شغلهم راقي ومرتب واسعارهم طبعا اغلى من الصالونات العادية
تقريبا اسعارهم مثل اسعار صالونات الفنادق
ولازم حجز

خدمات الليزر متوفره عندهم مع دكتوره

انيي لاهم شي واهو السبا
الفيشل عندهم روووووووووعه خصوصا الفيشل الي يكون لاعاده حيويه البشره ولمقاومه الشيخوخه
وطبعا الفيشل انواع والعامله الي تقوم بهالشي تخبرك بالي يناسب بشرتك وتنصحك فيه
والمساج بعد انواع ويريح لاخر درجه وانصح فيه وبقوه
طبعا لستت السبا طويله بس راح اتكلم عن تجربتي الشخصيه فيه

اول ماتدخل المبنى تلقى الرسبشن مع ترحيب من قبل العاملات
طبعا لازم يكون عندك حجز واول مايتاكدون من حجزك ياخذونك على غرفه اللوكرات حق تخلي اغراضك الشخصيه باللوكر ويكون المفتاح معاك
وطبعا يكون باللوكر روب وشبشب وفوط مع قبعه للشعر

من غرفة اللوكرات تنزلون على الحمامات وغرف التبديل








بعد ماتهيئ نفسك تتوجه لقسم السبا





طاوله الرسبشن بالسبا وتكون العامله الي حاجزينها لك بانتظارك

الغرفه الي يتم فيها تدليعك وتدليلك ...للفيشل والمساج
طبعا المكان كله على السبوت لايت والشموع بس الفلاش بالكاميرا مخلي المكان مسفر ووالع

مع ساعتين من الاسترخاء والشخير

ياخذونك على غرفه تسترخي فيها

ويقدمون لك شراب بارد ومنعش حق تصحصح

هذي الجاكوزي عباره عن حوضين
حوض ماي حاااااااااار وحوض ماي بااااااااااااارد وبالاخص مثلج

غرفة السونا

حمام البخار

واخيرا

ترجع لتبديل ملابسك واخذ اغراضك الشحصيه

نعيما.....



ملاحظه للرجال
المركز يقدم كوبونات هدايا او الفوجر قفت
يعني لو تبي تهدي زوجتك هديه عباره عن مساج او فيشل تقدر تدفع لهم المبلغ ويعطونك الكوبون تقدمه كهديه
اسعار الفيشل يتراوح من 25 دينار وفوق
والمساج 20 وفوق
وفي كوبونات خاصه لاعياد الميلاد اتوقع سعرها 15 دينار تشمل بديكير او منيكير مع كذا خدمه
تقدرون تستفسرون من خلال الاتصال فيهم

[CENTER][B][FONT=Arial][SIZE=4][COLOR=purple]مبين عليها مرتبة ما شالله
في وين سويتيها ما عليج أمر؟؟