DR.smsema;15862408:
الدكتور متوصي بيكى خااااااالص عليكى وعالسواااااااايل وفعلا اهم حاجة ان اسامة يرضع منك علشان دة بيحفز افراز اللبن وبعدين انتى عاجيك اوى النفخة اللى كنا فيها 8o|
انتى عارفة بعمل مغات بحليه بالعسل الاسود :D بس مج واحد بس في اليوم بس ييجى 5 معالق كبيرة عسل اسود :cool:
يعني كفاية مرة واحدة في اليوم يا دكتورة احطه على صدري كدة اهه حتى لو ما رضعش كويس اكمله بالبامب او بالصناعي المرة دي وبقية اليوم باللبن المشفوط والصناعي ... المرة دي كفيلة بالتحفيز ولا غلط برده
ماهو المشكلة انه مش بيعرف يمسك الحلمة لانها صغيرة اوي وصدري اصلا كمان صغير ومش بيكون فيه لبن كتير يادوب لما باعمله بالبامب بيكون يادوب اد رضعة واحدة بس ومش بتشبعه كويس يعني مش بيكون فيه اني سحب في المرة الواحدة كمية تكفيني رضعتين وارتاح شوية واوفر في الوقت
بالنسبة للعسل الاسود انا باخد معلقتين كل يوم الصبح كدة من البطرمان والحلبة بشرب تقريبا تلت كبايات في اليوم محلية بالسكر او العسل الابيض ... باكل تقريبا كمان اربع معالق حلاوة طحينة متوزعين على اليوم ممكن كبايتين مغات بالسكر ... بس الفطار والغدا والعشا باة عادي
DR.smsema;15862473:
جايز برضه
بس ماشاء الله زوجك مطاوعك عالنت انا اذا مكانك بصراحة اتكسف اقوله عايزة اللاب وكمان ادخل عالنت :| هو انا في ايه ولا ايه
دة بعد ما ولدت بساعتين كان عايز يخرجنى نروح بس قلتله لا خلينى نطمن اكتر حتى على كمية الدم ولما صبح الصبح الساعة 7 كان عندى ويقولى ياللا نروح :D مش مستحمل قعدة المستشفى ويطمن اكتر اذا كنا في البيت F:
ههههههههههههههه انا والدة يوم التلات وكان ممكن امشي من المستشفى في نفس اليوم باليل بس مشينا بالعافية يوم الخميس الصبح وكان عايز يقعدي يومين كمان
ههههه اصل الحكاية ان مامته جت المستشفى يوم التلات على الظهر كدة وطبعا انا كنت حاجزة جناح زي ما قلتلكم فكان اعد في الاوضة الخارجية الي فيها الانتريه بابا وعمي وكان معايا ماما وخالتي ولما هي جت طلعوا يرحبوا بيها وبنت خالتي وصاحبتي نزلوا يشتروا لمشمش بالونة هيليام وبوكيه ورد ووصلوا مع حماتي في نفس الوقت
هي بصتلي من بره من الاوضة الخارجية ومارضيتش تدخل عندي وصديقتي وبنت خالتي دخلوا عندي وهي تعمللي باي باي من بره شاورتلها تدخل بس مادخلتش برده ههههه وسامعاها من بره بتقول الاوكسجين يا جماعة الهوا وفتحت الشباك بتاع الاوضة الي فيها الانتريه فماما قالتلها لا كدة انا اخد برد انا ظهري بيوجعني ترد عليها وتشاورلها على كرسي بعيد وتقولها اقعدي هناك :woo:
خالتي بتقول ماشاء الله ولدت طبيعي ده فيه ستات بيولدوا طبيعي بيخرجوا في نفس اليوم
الست قالت لا نفس اليوم داايه لازم ترتاح شوية والا الدكتور بتاعي داخل يطمن عليا فقامت وقالتله بيقولوا يا دكتور انها هتروح في نفس اليوم لا يا دكتور لازم ترتاح شوية في المستشفى كام يوم الرعاية والعناية افضل طبعا هنا ... الدكتور رد عليها وقال فيه فعلا بيروحوا في نفس اليوم وهي كويسة وممكن تروح بس لو عايزة تقعد اهلا وسهلا
بعد ما الدكتور مشي خالتي قالت لها احنا ماقلناش انها هتروح في نفس اليوم احنا بنقول ان فيه ناس بيمشوا في نفس اليوم عامة يعني ما نقصدش انها هتخرج النهاردة
(ههههه تكونش حماتي فاكرة اني هاخرج واقعد عندها تخدمني :D)
خالتي ردت عليها كدة وخرجت بره الاوضة خاااالص ما طاقتش تقعد معاها ولا تبص في وشها وصاحبتي وبنت خالتي اختفوا من الاوضة خالص فاجئة اول ما دخلوا وهي بأة وهي ماشية بتبص عليا من بره فشاورتلها تدخل ففتحت الباب بكوعها مش طايقة تمسك الاوكرة ودخلت حتى ما شالتش اسامة ولا بصتله من بعيد كدة بس بصة على الطاير وحركات بإيدها كانها بتصلي عليه وهي مغمضة عنيها وسرحانة كانها فعلا واقفة في معبد يهودي هههههه
واعدت شوية تتكلم عن الاوكسجين والهاوا وان ماحدش يدخل الاوضة كتير وكلام فاضي من ده
ووهي ماشية فتحت الباب بتاع الاوضة الخارجية بمنديل كلينكس ههههه
ولما طلعت بره الوضة خالص شافت خالتي وبنتها وصاحبتي اعدين في الكافيتريا بره
تقولها ايه بأة ... الله هنا الشمس حلوة اوي والجو جميل (اصدها يعني خليكوا اعدين هنا وماتخشوش جوة)
تتصوروا انها ماجتش تشوف اسامة لحد النهاردة
فانا قلت يمكن جوزي كان مصمم اننا نقعد اكتر في المستشفى علشان خايف منها تديله الدرس في الرعاية والعناية في المستشفى فكان بيكفي نفسه شرها وشر دروسها الخصوصية :lol:
بس انا اصريت باة اني اروح خصوصا ان المستشفى لا فيها عناية ولا رعاية والممرضات اصلا ما بيدخلوش الا لو عايزين البقشيش ولما ياخدوه ماتشوفيش وشهم تاني الا لما يجوا ياخدوا تاني :thumbs_down:
وكمان انا كنت اتحسنت وبقدر اتحرك وكمان طول ماحنا اعدين في المستشفى العداد بيعد والحسابة بتحسب :worn_out: