التجمع السابع للحوامل اللواتي سيلدن بمشيئة الله في ديسمبر 2011

السلام عليكم يابنات

الحمد لله ولدت النهاردة الساعة 12:17بعد الظهر:)

طبعا أول ما دخلت غرفة الولادة طلعت اللاب علشان أدخل أذيع البث المباشر

بس للأسف النت كان له باسوورد سكرت خاصة بالعاملين فقط :thumbs_down:

وحاولت أدخل لكم من موبايل زوجى وبرضه قدر الله إن السيرفر بتاع الصفحة

يحصل فيه إيرور والصفحة هنجت

على ما اخدت الحقنة الشرجية وعلقوا لى محاليل

وجات الدكتورة وكشفت عليا لقتنى مفتوحة 6سم لكن الطلق كان بارد

فعلقوا لى طلق صناعى علشان الطلق يحمى

بدأ الطلق يزيد عليا وقلت الحمد لله لغاية دلوقتى مافيش شىء زيادة فى

الطلق الصناعى عن طلقى الطبيعى فى سلمى

جات الدكتورة وكشفت بعدها بوقت لقتنى متوسعة 8سم

شوية وبعيد عن السامعين الطلق بقى نار وبقيت تقريبا مش باكمل دقيقة إلا

وتيجى طلقة شديدة تخلينى أخبط على راسى بكل قوة من الألم

تقريبا خلال ربع ساعة كنت خلاص هأموت

والغريب فى الامر بقى إن أستاذ عمار مانزلش فى الحوض لغاية آآآآآآآآآآآآآآآخر

لحظة يعنى لما نزل نزل مباشرة خااالص يعنى خروج الرأس من المهبل

المهم بقى الدكتورة خيرتنى تعملى توسيع ولا لا

وأنا رفضت قلت علشان أرتاح من الجرح وبهدلته

بس المفاجأة إن حجم عمار ماشاء الله اللهم بارك كان كبير

فكانت النتيجة إنه حصل لى تمزق فى منطقة خروج الرأس

وبرضه اتخيطت

الحمد لله طلبت منهم إنهم يحضروا لى عمار على طول علشان ارضعه

فقالوا لى بس دكتور الأطفال يعمل له شوية فحوصات وهيجيبوه على طول

والحمد لله رضعته وبعدين نقلونى غرفتى

وادينى دلوقتى بأكلمكم من على سريرى

عايزة بس أشم نفسى شوية وأقوم علشان آخد شاور وأغير ملابسى

عقبال ما ربنا يكرم بقية البنات الباقيين بولادة سهلة

طبعا ما نسيتش إم واى وجوفان فى الدعاء :)

دعواتكم بقى إن ربنا يتمم نفاسى على خير

الحمدالله على سلامتج ام سلمى

انشاءالله ربي يكرمنا بولادة سهلة ميسرة

قائمـــــــــة الولادات

15/10/2011
ام جود91 {جود}

7/11/2011
بحرينية سكر {علاوي}

10/11/2011
أم الأيهم العسل (بنت)

12/11/2011
ملكت قلبك {حسن}

11/2011/...
توأم روح حبيبي {عبدالرحمن}

27/11/2011
مسقطية الهوى {نور}

1/12/2011
DR:SEMSEMA(إياد)

2/12/2011
كارولين (لوكاس)
fati (بنوتة)
ALJAWA (بنوتة)

3/12/2011
القمر يارا (بدر)

4/12/2011
أم احلى محمود(ماريا)
عيون محمد(ولد)

5/12/2011
ياسووووووو(ياسين)

6/12/2011
ام مشمش ( اسامه )

8/12/2011
ام ساجد ( سلسبيل)

9/12/2011
حور العين(محمد)
um 3looy(عباس)

13/12/2011
اسيرة الغربة (الاء)
ام مريومة (ملاك)
وردة محمدية (بنوتة)
بسمة الروح (نور )

15/12/2011
مفتاح الصبر(بنوتة)

17/12/2011
فاطمة(عبدالاله)

18/12/2011
نبراس الامل 2(خولة)

22/12/2011
رونق الحياة 2008 (زينب الحوراء)



25/12/2011
ام سلمى (عمار)

ام سلمى حمدالله عالسلامة والله كنتى في بالى النهاردة
ربنا يجعل عمار الابن البار الصالح