التجمع السابع للحوامل اللواتي سيلدن بمشيئة الله في ديسمبر 2011

أيوا كده الشغل يا أم مشمش :thumbs_up:

يلا مستنيين الرابط إن شاء الله

تسلموا يابنات إن شاء الله كل اللى باقيين فى القايمة يولدوا النهاردة وبكرة إن

شاء الله ويسهلها ربنا علينا

فلة اللى بيحصل معاكى ده بالظبط اللى بيحصل معايا بس السخونة بدأت

معايا من أمس بس

لكن قبل كده التحجير كان فعلا بيحصل شوية تحت وشوية فوق بس لان

البيبى عندى لسه ما نزل فى الحوض فالتحجير بأحسه فوق أعلى البطن

أمس بعد ما أخدت دش ساخن فرحت لما لقيت بطنى نزلت شوية قلت

خييييييييييير أهه كده أحس إنى فعلا فى ولادة

يادوب لبست هدومى وإلا الاقى بطنى رجعت لوضعها الأول:hysterical:

قلت مادام الدكتورة ما علقتش أمس يبقى هى شايفة إن ده مافيهوش

مشكلة وعلى أمل إن الرأس تنزل فى الحوض فى آخر لحظات

ربنا كريم

تعالوا كلوا معايا أناناس وأشربوا معايا مغلى قرفة وزنجبيل

ما كانش جاى لى نوم قلت اقوم أعملى شوية محفزات أستغل الوقت علشان

ما أطولش فى المستشفى وربنا يسهل والأمور تمشى بسرعة ويسر

بسمة فعلا وجود أحد جنبك وقت الطلق والولادة بيهون كتير

لكن نقول إيه بقى فى نظام بعض المستشفيات اللى مش بيرحم ومش

فاهمة إيه السبب

برضه لما ولدت سلمى فضلت بره المستشفى لحد ما التوسع زاد ووقتها كان

زوجى وأمى وخالتى معايا بيتناوبوا على المشى معايا وتصبيرى وقت الطلق

ولما دخلت جوة دخلوا أمى بس

وياليتهم دخلوها معايا فى الغرفة لا فضلت بره وانا عانيت شدة الطبق كلها

لوحدى ووقت الولادة برضه

بحرينية سكر طمنينا عملتى إيه فى العملية ؟؟

وبالنسبة للبنج الكلى اللى حصل مع ام مشمش

ده برضه حصل ما بنت خالة زوجى وقت خروج الرأس بتقول نمت ما حسيتش

بأى شىء أعطوها بنج كلى

يمكن يكون ده نظام بعض المستشفيات عندنا فى مصر

ويمكن يكون ده نظام مع بعض الحالات

بس أنا مش دكتورة علشان أعرف إمتى بيستخدموه

ممكن دكتورة سمسمة هى اللى تفيدنا فى النقطة دى

رونق حبيبتى ألف حمدا لله على سلامتك وسلامة زينب

ربنا يحفظها لك من كل سوء ويتمم نفاسك على خير :)

أم لوكاس تسلمى على شعورك الطيب ياقمر

ومعلش يا أم العيال

عندنا مقولة بيقولوها للتعبير عن حال الام المرهقة

ياعينى على الأم ...حالها يغم

لا خال ولا عم ...يشيلوا الهم

وده ضريبة الامومة

مافى راحة أبدااااااااااااا من يوم ما نفكر فى الحمل لغاية ما نخرج من الدنيا

بس ندعى ربنا إنه يسخر لنا أولادنا ويهديهم ويجعلهم ذرية صالحة طيبة

مصلحة فى الأرض

15/10/2011
ام جود91 {جود}

7/11/2011
بحرينية سكر {علاوي}

10/11/2011
أم الأيهم العسل (بنت)

12/11/2011
ملكت قلبك {حسن}

11/2011/...
توأم روح حبيبي {عبدالرحمن}

27/11/2011
مسقطية الهوى {نور}

1/12/2011
DR:SEMSEMA(إياد)

2/12/2011
كارولين (لوكاس)
fati (بنوتة)
ALJAWA (بنوتة)

3/12/2011
القمر يارا (بدر)

4/12/2011
أم احلى محمود(ماريا)
عيون محمد(ولد)

5/12/2011
ياسووووووو(ياسين)

6/12/2011
ام مشمش ( اسامه )

8/12/2011
ام ساجد ( سلسبيل)

9/12/2011
حور العين(محمد)
um 3looy(عباس)

13/12/2011
اسيرة الغربة (الاء)
ام مريومة (ملاك)
وردة محمدية (بنوتة)
بسمة الروح (نور )

15/12/2011
مفتاح الصبر(بنوتة)

17/12/2011
فاطمة(عبدالاله)

18/12/2011
نبراس الامل 2(خولة)

22/12/2011
رونق الحياة 2008 (زينب الحوراء)