جمعتنا السورية مع أحلى صحبة أردنية لشهر محرم ... اتفضلوا البيت بيتكم***

يسعد صباحكم يارب

روح عامر الله يخليلك سنا يارب ويالله هلأ بتكني عليها وبترجع لهدوئها وطبيعتها بسوريا ولادنا بضوجو شوي من كتر الوجوه اللي بشوفوها
اي اذا نحنا منضووووج هههه كيف هنن

********

ام ناصر مية اهلا وسهلا فيكي واصلا انتي اكيد راح تكوني من ضمن عنوان هالشات اللي هو احلى صحبة اردنية
وربي يتمم حملك على خير ويخليلك ناصر يارب

*********

زهورتي تسلميلي يارب والحمد لله موكلة اموري لله ومالي زعلانة ابداااااا

لان والله يابنات مبارح طوول الليل عم انزف والحمد لله على كل حال نزل الحمل ونزل وجعي وهمي معه
والله يعوضنا خير .... مالي زعلانة الله جاب والله خد وعليه العوض هههههه

يادمشقية يا حلوة الله بيعوضك بحمل تاني ان شاء الله المهم لاتزعلي مشان ما يأثر عليكي شي وان شاء الله الشهر الجاي بترجعي بتحملي وبتوم كمان

يسعدلي مساكم يارب
كيفكم ياحلويين وحشتوني كتير
دمشقية العوض بسلامتك والحمدلله يلي نزل وانتي لسى بالشهر بالاول وان شاء الله ربي بيعوضك بحمل تاني سليم
كيفك زهورة وكيف اولادك الله يخليلك ياهم وبالنسبة للخياطة بقعد بتسلى لأنه مافي شي يشغلنا
روح عامر كيفك اكيد انتي مابتاكلي منيح لحتى حليبك بيخف اشربي كل يوم حليب واشربي مرقة الدجاج واللحم وكتري من البقدونس بوسة كبيرة لسنا الحلوة

عروسة الميدان كيفك ماشاء الله عندك بنت عمرها سنتين الله يحميها وشو عندك كمان ولاد ؟
عروسة ابراهيم اكيد صرتي عند زوجك الله يخليكم لبعض يارب
سلامي لكاتس وشامية ولولية وبنوتة

اهلا وسهلا فيكي ام ناصر نورتينا وتشرفنا بمعرفتك الله يخليلك ناصر ويقيمك بسلامة

يسعدلي صباحكم يارب

روح عامر تسلميلي يارب والله يعوضني خير يارب ... زعلت بالبداية بس بعدين خلاص عااادي والحمد لله على كل حاااال

&&&&&&&&&&&

دمشقية الله يسعدك يارب والله يسمع منك وعلى قولتك منيح اللي هلأ مو بعدين

&&&&&&&&

اهلين ام ناصر الله يسعدك يارب ومشكووورة على كلامك
واكيد راح تكوني اخت عزيزة وغالية ان شالله
هنا وعواااافي على الاكلات الطيبة والله الاكل بحير .... انا ان شالله ناوية اليوم امممممم يالله والله مابعرف بدي لاقي شي خفيف نضيف وما بغلب ههههه
مابعرف من هون للضهر بفكر وبقلكم

سلامته ابنك ماعلى قلبه شر خير فيه شي ...؟

مراحب لكل الحلوين
اهلا وسهلا ب لولية اشتقنالك وان شاء الله بتتعافا ستك وترجع بصحة وتصير كل امورا تمام

دمشقيه يا نواره الله يعوضك خير وان شاء الله شهر زمان بيجي الاحسن منو

روح عامر كيفك اليوم وكيف الدنيا معك

سوريه هلا فيكي نورتي


لوليه نورتي والله شو اخبارك واخبار بناتك مين تجوزت ومين حملت هههه

ام ناصر هلا فيكي يا حلوه وانا دورت على التجمع اسلم عالبنات ما لقيتو فكرت مش فاضيين يفتحو واحد جديد يلا كلنا هون واحد
ابعتيلي ايميلك مش غلط وبنتسلى سوا وصحتين وعافيه عالاكل الطيب
شو خبرينا عن ناصر خير مالو

اهلا ب زهرة المنارة الحلوة انا كتير منيحة والحمد لله على كل حال
شو كني ما لك مزارعة متلنا والله ىالفيس بوك كتير حلو بالمزرعة اذا مالك مجربتيا جربيا
عروسة الميدان وينك ما عم نسمع صوتك:D يعني نشوف كتابتك طمنينا عنك

يسعد اوقاتكم يارب

لولية اهلين فيكي وربي يسلمك وتسلمي الله يعوض على الجميييع
والف سلامة لستك الله يشفيلكم ياها ويخليها يااارب.... وانتي ام الواجب والله ماننحرم هالطلة والمهم انك بخير يارب دووووم

************

اهلين روح عامر يالله شدي حيلك بالمزرعة فاتك كتييييير ههههه

&&&&&&&&&7

زهورة تسلميلي يااارب وربي يسلمك من كل شر
الحمد لله على كل حااال والله كريم ... شو اخر طبخاتك قليلنا وذكرينا


*******

ام ناصر ربي يسعد اوقاتك
والف لا باس على ناصر اسأل الله العظيم رب العرش العظيم ان يشفيه وبعافيه والله على كل شيئ قدير

انتي سئلتي عن سبل العلاج وكيفيتها ؟؟
بقصد خليكي وراه ولا تخلي حكيم الا وروحي وربك كريم وبرايي دخليه مدرسة لذوي الاحتياجات الخاصة والله بيستفاد كتير وبتتحسن قدراته باذن الله

الله يسعد اوقاتكم يارب ان شاء الله الجميع بخير وصحة وعافية
دمشقية تقبري قلبي لاتزعلي ولاشي وروحي اليوم عالدكتورة واطمني وطمنينا
لولية اهلين بست الكل والف سلامة لستك ربي يشفيها
ام ناصر ربي يشفيلك ابنك ويعافيه ويبريه من كل مرض ربك قادر على كل شئ
والف صحة وعافية عالاكل الطيب انا اليوم ساويت كوسا وبيتنجان محشي لسى ما اكلنا عم نستنى زوجي اتفضلوا يابنات

باركولي يابنات صرت عضوة متميزة وعطوني وسام خخخخخخ

روح عامر تعرفي من كم شي اسبوع سجلت فيس عشان اجربها من كتر ما بتلعبها كاتي ههههههههههههههه
بس سرت شطوره فيها ووصلت المرحله 6 وفرصه نتعرف على مزارعكم

ام ناصر الله يشفيلك ناصر ويفرحك فيه وما تفقدي الامل وان شاء الله بقدرتو بعوضك خير
اهم اشي انو نموو طبيعي وضلي احكي الحمد لله رب العالمين بكل وقت حسبي الله ونعم الوكيل على الدكاتره اللي ما بشتغلو بضمير
ووصل الايميل نورتي

دمشقيه مسا الانوار يا عسل بدنا همه عاليه على طول متل هيك ها
يا ستي اليوم عملت طبيخ بازيلا وجزر وفلفلت رز جنبو ومبارح عند امي قدرة حمص وقبلو ورق عنب وكوسا وبكرا الله اعلم هههههه

سوريه مسا الخير مبارك التميز من عالي لاعلى وصحه عالاكل انا كنت صايمه عم بقضي الحمد لله واكلت لحالي لانو جوزي اتاخر

مساء الياسمين:025: والله ذكرت ياسمينتنا إن شالله تكون هي وانها بخير
سورية مبروك ...
دمشقية الله لطف فيكي وإن شالله أجر وعافية ..
أم ناصر اهلأ وسهلا فيكي ذكرتيني بمونو إن شالله بتكون بخير ... الله يشفي ابنك إن شالله وعافية بس عندي سؤال انت ولدتي طبيعي ولا قيصري أخ مسكينه مرة أخي ولدت من شهرين وصدمتها وقت الولادة أنه في وحمه بوجه الولد وجايه ع عينه وصاير فيها مياه زرقاء وبئبئها اكبر من الثانية الله يشفيه إن شالله
لوليتي سلامة ستك
شامية وزهوره وكاتس وروح عامر وعروساتنا:087:

أما عن اخباري تلفوني اي فون انحرق وبده عشرين يوم ليتصلح:01:

مرحبا بنوتات كيفكون
ام ناصر الله يشافيلك ابنك ويعافيه ويبعد عنه كل مكروه
مبروك سورية انتي بتستاهلي اكتر
دمشقية كيف صرتي ان شاء الله احسن
زهورة انا اسمي عالفيس ramosh amore عم استنى اضافتك مشان نتساعد بالزراعة
بنت الشام له له شلون حرقتي الاي فون وان شاء الله بيتصلح وبيرجع احسن من قبل
يا عيني عالاكل وع الطبخ مممممممم اكيد كلكون طبخاتكون طيبة ياريتكون جيراني وتسكبولي من طبخاتكون
صحة وعوافية للكل

صباح الخير يااميرااااااااااااااااااااااااااات
الله يبارك فيكم كلكم والله انا مستغربة من التميز ههههههههههه على شو
زهورة والله برافوا عليكي الله يتقبلهم منك كم يوم عليكي دين ؟
بنوتة اهلا وسهلا والله يبارك فيك كيف ابنك الله يحميه والله يشفي ابن اخوكي ويعافيه ويعافي جميع المرضى والف سلامة لأي فونك ههههههه
روح عامر الله يبارك فيكي وانتي بتستاهلي كل خير وشايفة ياريت كنا جيران كنا اكلنا اكل حلبي وشامي واردني وماخلينا بنفسنا شي هههههههههههههههه