جمعتنا السورية مع أحلى صحبة أردنية لشهر محرم ... اتفضلوا البيت بيتكم***

سيرة الحب اليوم على ما اظن مجدرة هههههههههههه اتفضلوا

مسا الخير:badly:
راااااااااااااااسي رح ينفجر
كيفكم اليوم
اليوم عطلو الولاد عشان عيد الميلاد المسيحي وعم بدرس فيهم لانو بكرا بنبلش امتحانات :hysterical:بجوز انتو ما بتعطلو بهيك يوم وكمان على راس السنه في عطله بس شو الفايده رح يكون كلو تدريس :hysterical:

يسعد مساكم يارب

اهلين سورية عوافي على المجدرة اليوم عملت مقالي جمبري وواصابع سمك وصلطة وبطاطا
على العلم انو عندي بواقي فاصوليا حب وقبلها رز ببازيلا بس خفت احطهم الكل منفوخ خخخخخخخخخخ

الله يسلمك يارب وسلامته عبودي هلأ دورو ياعليي لحئي بالمضاد والدوا وسلامته يارب

************

اهلين زهرتنا سلااامة راسك خدي باندول وريحي راسك
يالله الله يعينكم يارب بس كمان خطية الاولاد بياخدوا بريك ههههه وسنة سعيدة على الجمييع يارب

سلامة راسك يازهورة والله الحق معك الله يكون بعونك وبعون هالاولاد ويفتح عليهم
دمشقية الله يسعدك وانتوا كمان صحة وهنا عالاكل والله شي بيحير
والاولاد الحمدلله احسن من الاول
وين الصبايا غاطين طلو

مراحب للجميع كيفكون وشو اخباركون
يسلمو ع الاقتراحات مشان الخلاط وهلأ جاري البحث عن نوع مالو صوت كتير
وسير الحب بتحير صحة وهنا سورية ودمشقية ع الاكلات الطيبة
وزهورة الله يعينك شو رح تعملي بكرا بتخلصي تدريس وبترتاحي ان شاء الله
سلامي للجميع

دمشقيه سوريه روح عامر الله يسلمكن ويسعدكن وينور حياتكن
الله يهونها علي وعليكن ان شاء الله
روح عامر مبارك الخلاط مقدما انا عندي خلاط مع عصارة فواكه سوا ماركة ناشيونال بس الصوت ما بتوقع رح يعجبك مع انها قويه كتير بس صوتها عالي والها طريقة امان ممتازه يعني ازا صار تقل عليها او علق فيها اشي بتطفي دغري لحالها انا اولها التمست قلت انحرقت ههههههههههه بس تركتها ثواني رجعت اشتغلت الحمد لله مواكن تانيه بنحرق الماتور فيها اي اشي بدو ديرت بال بعيش سنين اساليني
سوريه سلامة ولادك ما عليهم شر وصحه وهنا عالاكلات الطيبه
دمشقيه طعميهم الاكلات ووراها اعمليلهم مغلي كمون ههههههههههههه
والله كل اكلات الشتا بتعمل نفخه شو بدنا نساوي بكتر فيها الملفوف والحمص والفول والفاصوليا ههههههههه
بالنسبه لوجع راسي ما عاد ينفع فيه لا بندول ولا بطيخ والله جسمي شكلو مضاد للمسكنات وانا تعودت كل اسبوع يجيني وجع راس يومين بحكولي فتشي عالسبب بس عندي اسباب كتير ضعف عيون فيه وباخد حبوب منع الحمل واسناني عم بعالج فيهم شو فكركم في اسباب تانيه

سلامتك زهورة من وجع الراس بس اذا عرف السبب بطل العجب كل هدول الشغلات ولسا عم تسألي ليش عم يوجعك راسك
بس فيكي تعالجي ضعف العيون والاسنان وتوقفي شرب منع الحمل بيمشي الحال موهيك
الله يعافيكي يارب ويبعد عنك كل مكروه

كيفكم ياصبايا ان شاء الكل يكون بخير يارب
روح عامر على قلبك يارب والله يجمعك بخلاط رخيص وكويس وابن عالم وناس :lol:شو بلشتي صيام ولالسى ؟
اهلين زهورة صحة وهنا على قلبك وحلوة هالشغلة بخلاطك ماشاء الله وفعلا اي غرض بديري بالك عليه يعني لما تخلصي منه تنظفيه وتشيليه مكانه بيجلس مدة اطول
والف سلامة عليك والله لاتتركي حالك يعني شغلة ضعف النظر لحالها بتعمل وجع راس فما بالك اسنان كمان وضجة الاولاد الله يحميهم تعالجي قبل ماهالرجال ياخد التانية:rolleyes: ههههههههههههههههه لاسمح الله الله يخليكم لبعض
دمشقية وينك اليوم ماطليتي علينا خير ان شاء الله

روح عامر مسا الخيرات يا عسل اي والله انو بكفيني هيك اسباب ههههههههههه بس انا بموت من اشي اسمو دكاتره وفحوصات وافوت بدوامه ما اطلع منها
بس اوقف الحبوب ما اتوقع بهاي الفتره

سوريه مسا الورد يا بطه اه والله حتى لو شريتي شي مو كتير غالي ودرتي بالك عليه بدوم باذن الله
انا مفصله نضاره بس ما بلبسها الا للتلفزيون مش قادره اتعود عليها
وينو الرجال اللي بدو ياخد التانيه فرجيني اياه8o|

دمشقيه زعلانه مني هههههههههه
طلبت مني طلبين بالمزرعه وما قدرت اعطيها اياهم لانو لسا مقفل عندي طلباتها هههههههههههههه:rolleyes:

يسعدلي اوقاتكم يارب

اهلين سورية انا هنا بس مزكمة متل مابتعرفي وكنت صايمة اليوم الحمد لله راحو يومين وباقي 5 ههههه اذا ربي اراد
بتعرفي لازم مانقطع الحمضيات والاشياء السخنة بتحمينا بدل ماننطرح هيك كل واحد ببيته ... الحمد لله

&&&&&&&&&

اهلين روح عامر طمنينا عنك وعن بنوتك
وعلى قلبك ياقمر شو طبختي انتي اليوم

**********8

اهلين زهووورة الامورة لاااء شو ازعل ماازعل منك لك انتي غاااالية والله و تضرب المزرعة كلها ههههههههههه ...
الله وكيل بخلص من طلبات بتطلعلي طلبات وشغلة مابتخلص شايفة طفشونا خخخخ

والله هنن رافضين الاساس يعني مارح تمشي عليهم مغلي الكمون ههههه وانا غلطي شكلي كترت مع اني والله ماكترت (( حليها بقى ههه)) بس نحنا ابدااا مالنا اكيللة
فاليوم عملتلهم مسئعة باتنجان وكمان زاااد ياااربي

يازهرتنا لازم تلبسيها النضارة لان والله وجع الراس مافي اصعب منه الله يقويكي ويقوينا يارب
وانا بضم صوتي لصوتك وييينهم الرجال اللي بدهم يتزوجوا قال زواج قال هههههههههههههههههههه
ان شالله منبقى كلياتنا مستتين ومعبين عين زواجنا ومايشوفوا غيرنا حريم ايوااااا

هلا زهورة والله لازم تحاولي تلبسي النضارة عشان نضرك مايضعف بزيادة لاسمح الله
وبالنسبة للرجال مع هالروزة مابظن ابدا يفكر فيها للتانية خخخخخخخخ
اهلين دمشقية ياربي سلامتك والله يتقبل منك يارب شطورة يالله همي عليهم مابتلاقي حالك الا خلصتي انا ماعليي صلاة بس اخلص ان شاء بهم عليهم
والله يعين هالرجال نحنا شريرات خخخخخخخخ

مسا الخيرات حلوات
يوه يوه يوه ليه هيك التجمع بالصفحه التانيه
دمشقيه يجعلو صحه وهنا يا رب الاكل قد ما تخففي ايدك الا يزيد ما في فايده بس انا اخيرا عرفت عيار رزاتنا ههههههههه
وازا زاد ما عنا مانع بنوكلو تاني يوم الحمد لله على النعمه انا ناويه على ملوخيه بس بجوز اغير رأيي هههههههه
المزرعه تاعتك بتجنن ما شاء الله ان شاء الله عن حقيقي تكون الك هههههههههه بس بمزح معك عن الطلبات وانا شريت ماكنة القهوه وندمت بدها مية شغله ودوبني اشغل ماكنة الكعك
واي معك حق ما في عاقل متجوز بعيد الكره ههههههههههههههه

سوريه مسا الانوار
حاضر رح احاول اضل لابستها بس عشانكم
في متل عن الزواج بحكي اول بختك كرسي تحتك تاني بختك داري وقتك تالت بختك لا فوقك ولا تحتك ههههههههههه يعني اللي بفهم ما بيعيدها ههههههههههه

مراحب بنوتات كيف الحال ان شاء الله بخير
وينك يا دمشقية يا قمر فتحيلنا شات للشهر يلي نحن فيه عم نستنا فنجان قهوة ب حليب
بالنسبة لسيرة الحب شي بحير اليوم رح اعمل صينية كبابة بالصينية تفضلو
زهورة اسأليني انا عن ماكينة القهوة صرلا شهرين بالمزرعة ولهلأ لازما مية شغلة
والله هالمزرعة قصتا قصة