جمعتنا السورية مع أحلى صحبة أردنية لشهر محرم ... اتفضلوا البيت بيتكم***

تفضلو هاي كرات التمر والجوز جنبو كاسة حليب

يسعد مساكم يارب
اهلين روح عامر تسلميلي ياااارب والله انا مو شاطرة كتيير بالطبخ يعني بس بحب اتفلسف لحيانا خخخخخ
وانا اول وحدة اجيت يعني كرات جوز الهند والحليب من نصيبي بشهوووو كتير باينين لذيذين تسلم الايادي يارب بس رلح خبيهم لوقت الافطار لاني وياللعجب اليوم صايمة ههههههه

وزنك70 ماشالله حلو كتير بس طولك اديش ؟؟؟ وبخصوص انك تنزلي وزنك والله ماعندي خبرة ابدا انا من الناس اللي عم بدوروا على وزن زائد الحمد لله
مافي شي عاجبنا

بس اكيد المشي الك كتييير منيح واذا مابتقدري تطلعي وتمشي جيبي ماشين سير او دراجة واشتغلي عليها بالبيت وان شالله توصلي للوزن اللي بتحبيه

صباح الخير
زهورة سلامتك ان شا الله خير
دمشقية شكرا الك عالوصفة اعملتا عطريقة حماتي بس انا هدا ما بعترف في الا المندي الاصلي تبع الحفرة هههه
روح عامر التمرات بشهو ابعتيلي وحدة .. بالنسبة لوزنك شو بالزبط عندك كرش ولا جسمك كامل ،، نا وزني 61 بس مو عاجبني بطني من الحمل ومنطقة الصدر بجي وقت تاني وبكتبلك الاشياء يلي عملتا بنتي مريضة بدي روح شوفا

ياريت يكون الكل جنبي لحتى اعطي للكل كرات التمر
بالنسبة لوزني انا كنت 55 قبل ما اتزوج وطولي 160 يعني لازم انزل
هلأ بطني انا لهلأ موجود كنت اتوجع من العملية ما لبست مشد
المشكلة الكبيرة انو عندي جهاز دراجة بس من وقت رجعت من سوريا ما عندي وقت
ان شاء الله اسبوع الجاية رح ابدا صوم والعب رياضة وان شاء الله ينزل وزني
بيقولو الرضاعة الها سبب لانو لعبت رياضة شهر ومانزل وزني
وان شاء الله خير

كيفكم ياحلويين
دمشقية الله يسعدك يارب يالله بإنتظاركم اليوم عنا نحنا رح نقمط راسنا خخخخخخ مزح بتنورونا
زهرة سلامتك ان شاء الله ماعلى قلبك شر

عروسة الميدان صحة وهنا عالمندي وسلامة بنوتك
شامية الله يسلم قلبك من كل شر وربي يفرجها عليكم عاجلا غير اجل
روح عامر وانتي ربي يخليلك اخواتك واهلك
بقيلي تمر ولا اكلتوهم كلهم 8o| هههههههههههههههه تسلم ايديك شي بيشهي والله مبارح زوجي طلع طريقة بسكوت وقلي قومي ساويلنا ياها قلته مالي خلق قام راح دخل المطبخ وعمله شوطلع بيجنن وانا بعدين دخلت المطبخ لقيته بيجنن اكتر من طعمة البسكوت
وبالنسبة لوزنك بدك تكتري سلطة وخضار وتلعبي رياضة انا يمكن وزني خمسين او 51 نفسي اسمن واربرب بس انا عصبية

شو سير الحب اليوم انا مبارح ساويت كبسة فاشلة وزاد منها طنجرة صغيرة ورح ساوي قدامها معكرنة بالصلصة
سلامي لكل البتان الغايبين يلي حارمينا طلتهم

انا راح ساوي باستا مع لحمة ويمكن ساوي سينابون ...

الرضاعة ما الا دخل انا برضع بالعكس اكتشفوا انو الرضاعة بتشد البطن والصدر ... بس اهم شي بعدي عن العشا وخففي شوي شوي لانو مرة واحدة ما بيزبط بترجعي بتنصحي وبديئ خلئك بعد فترة اسألي مجربة ... انا اخي كان ناصح كتير هلا وزنو بجنن .. امشي على لبن بخيار مع توم لمدة اسبوع فطور وغدا وعشا شوفي شلون بتصيري . اشربي كاستين مي دافية وكاسة تالتة مع معلقة عسل عالريق كتيييير منيحة ، امشي الصبح نص ساعة وبالليل نص ساعة بس مشان نا تزهئي دغري .. هلا موسم الجريت فروت بنحف كتيييير كتير اشربي الصبح كاسة والمسا كاسة كتير منيح . وكمان كيوي وأناناس بدوبوا الدهون . كتري شرب مي . احسن رجيم المي ، هاي الاشياء كلها مجربتا كتير منيحة

aيسلمو عروسة الميدان ان شاء الله رح جرب كل يلي قلتيتلي عليه وادعولي ارجع متل ما كنت
اما بالنسبة لسيرة الحب كمان عاملة معكرونة بس بالفطر والجبنة مين كمان عامل معكرونة هاتو لنشوف هههههههههه

يسعد هالمسا يارب للجميع

عروسةالميدان هنا وعوافي يااارب على المندي وبكل الطرق طيب وخفيف
وسلامتها بنتوتك خير شو فيها .... يالله هالجو عم يمرض الكل
وهنا وعوافي على المعكرونة شايفة الكل متفق عليها اليوم الا انا عملت كوسا محشي

*********

تسلمي روح عامر كاننا اكلنا والله وهنا وعافية على قلبكم التمر والمعكرونة

ماشالله نصائح عروسة الميدان جدا حلوة ومجربة بالفعل كتير كنت سمعت عن ناس جربوا نفس الطرق وخاصة الاناناس والكريب فروت
والرضاعة مو بس منيحة للبيبي كمان بترجع الرحم العفو منكم لوضعه قبل الولادة

**********

اهلين سوريتي شايفة يوم لك ويوم عليك خخخخخ الله يرحمها لذكرى شو فهمانة ههههه

جايبتلك كم قطعة منشان تدرزيلي ياهم بقى جهزي حالك هههه

مساا الخير صبايا
ما عندي حكي حبيت سلم عليكن ...

اهلين عروسة الميدان الله يسلمك من كل شر
شلون ماعندك حكي ؟؟!!!! سئلتك عن بنوتك خير شوفيها

وجمعة مباركة عليكي وعلى الجميييييييع

صباح الخير
كيفكم يا صبايا شفتوا شو صار بدمشق :'( حسبي الله ونعم الوكيل والله روحنا طلعت لما شفنا الخبر خصوصا انه الانفجارين قريبين من بيت اهلي والحمدلله الله سلمهم
والله يصبر اهالي يلي راحوا اشلاء ياعليي الله يفرجها من عنده يااااااااااااااااااااااااااارب

صباح الخيرات والليرات على البطاتF:
الله يسلمكم كلكم الحمد لله مع اني نحيفه بس طلع عندي مقاومه تاني يوم كنت عال العال :lol:
اما شو هالطبخات اللي عاملينها اشي بشهي يعطيكن العافيه كلكن :adore:
سوريه الله يفك هالازمه والحصار اللي صاير بسوريا والله احنا اكتر شي متأثرين بالموضوع وبنتمنى ينتهي الاشي على خير :(
دمشقيه الشطوره بلشت صيام يلا ضلي شاده حيلك :thumbs_up:
روح عامر وعروسة الميدان وام ناصر وكل الصبايا كيفكن F:

مراحب للجميع كيفكون وكيف احوالكون
اي والله يا سورية الله يخلصنا من هالأزمة على خير والحمد لله على سلامة اهلك
اهلا ب زهورة ما في احلى من النحافة واحد بيحس حالو واحد تاني المهم انا اليوم بلشت صيام ادعولي ورح حاول خفف اكل واعمول رياضة وان شاء الله خير

مراحب بنات
حابة اسألكون عن أفضل نوع خلاط كهربائي ومابيكون صوتو عالي كتير جبت واحد صوتو كتير عالي وناوية بدلو ممكن تفيدوني
واي احسن الخلاط العادي ولا يلي بينمسك بالايد (الميكسر )

اهلين زهورة الحمد لله على سلامتك وان شاء الله دايما تكوني عال العال وياستي الله يسمع منك وتخلص هالازمة على خير كيف كاتس وبنوتاتها والله وحشتنا
هلا روح عامر والله يسلم قلبك يارب ماالنا غير الدعاء الله يحمي اهلنا وبلادنا
وبرافوا عليك يالله شدي الهمة وان شاء الله بصير جسمك متل مابدك :thumbs_up:

شو سيرة الحب اليووووووووم انا ان شاء الله رح ساوي بامية وجنبها رز بشعيرية
وانتوا ؟

مسالخير يارب تكونوا جميع بخير

اه ياسورية الله يفرجها ويرحم ضعفنا وتخلص هالازمة على خير

وهنا وعاافية على البامية انا راح اعمل فاصوليا حب ورز بشعيرية


&&&&&&

اهلين زهرتنا الله يفرجها علينا وعليكم وتبقى بلدكم بلدامان يارب ويرجع الامان لبلدنا الله كريم
والله يحميكي ويبعد عنك الامراض انا مبارح واليوم ملتهب حلقي عدوني ولاد سورية ياعليي كلهم تعبانين ومسخنين الله يسلملها ياهم
والله صمت يوم الخميس بس ونلوية اكمل على اتنين وخميس لشوف شو ربك بيكتب

*********

اهلين روح عامر ان شالله انتو ونحنا والجميع بخير

بخصوص الخلاطات احسن خلاط هو المولينكس وبعده براون
هلأ المولنكس رااائع وممتاااز بيجي معه ابريق ومطحنتين تبع القهوة والبهارات ومابعرف اذا بيجي منه ميكسر

والبراون كمان راائع انا جبت محضر الطعام من براون كتير حلو وعملي بيعمل ماشالله كتير اشياء بس مابحسه بيغني عن الخلاط التقليدي ابو ابريق هههه

الله يسعد صباحكم
اهلين دمشقية الله كريم وقادر على كل شي وانتي صحة وعافية عالفاصوليا والف سلامة عليك هو هالجو كله امراض والله ولادي ماعم لحقلهم دوا للسخونة وللرشح وللسعلة الحمدلله
اهلين روح عامر فعلا المولينكس بيقولوا احسن شي انا يلي عندي مولينكس بس انكسر وجبلي زوجي محضرة الطعام ومبسوطة عليها بالنسبة الي استغنيت عن الخلاط