جمعتنا السورية مع أحلى صحبة أردنية لشهر محرم ... اتفضلوا البيت بيتكم***

يسعدلي صباحكم اليوم دوامي متأخر شوي قلت بصبح عليكم سورة سلامة أعصابك تقبشيني الحمد لله على كل حال طمنيني شو أخبار امتحانات ولادكن أنت ودمشقية ولا لسا ما بلشت نحنا طلابنا بعد أسبوعين تقريبا بتبدا أمتحانات وسلامتها جودي ماعلى قلبها شر طمنينا كيف صارت اليوم أحسن؟

دمشقية كيف هيك صار ؟ الله يعوضك يارب وعسى خير أكيد كلو أجر وثواب عند رب العالمين
تسلم ايديك شو هالسفرة والله شي بيشهي ذكرتيني أيام ما كنت فاضية وراضية وطول النهار أتفنن أنا الفطاير لغيتها من لما أجيت على سوريا من قلة الفضا بتعرفي هالأكلة بدها وقت كتير بين عجينة وتحضير حشوة وتشكيل وخبز بس حضرتك وكالعادة شوقيتيني أعملها يالله بكرا عنا كم يوم عطلة الفحص بتسلى فيهن بالطبخ والفن

روح عامر الله يخليك الأمورة يارب ومنشان السيريلاك أكيد بتبلشي بسيريلاك الرز فترة بعدين القمح لأنو القمح تقيل على معدتها شوي وسلومة بخير وتمام السبت بيطبق السنة وشو عليه حركات وخفة دم حيطيرلنا عقلنا الحمد لله مشي وطلعلو 6 سنان 4 فوق و2 تحت والحمد لله صار ياكل كل شي

يسعدلي صباحك سوريا كيفك

اسورية الظاهر سكرتي أنا رح قلك شو سيرة الحب عندي اليوم ياستي طالعت كيس ملوخية من الفريزر بدي أعملها وجنبها رز أكيد

مرحبا صبايا كيفكون اشتقت لكون كتير
ان شاء الله لهلاء مانسيتوني :'(
شو اخباركون ؟؟؟ احكوا لي ؟؟
صبايا اعذروني مابفوت كتير عالمنتدى ... انا منيحه . . مشتاقه لكون كتييير
صبايا قبل شوي فتحت صفحه بالفيسبوك .. ماكتير بعرف له :badly: بس ان شاء الله معي معي بتعلم ..:D

السلام عليكم ورحمة الله وبركاته
كيفكن؟ شو أخباركن ؟
اهلا وسهلا يا شامية... شلونك؟ وين انتي من زمان؟ كيف الاوضاع ؟ الله يعينكن ويخفف عنكن..
كيفكن صبااااااااااااااايا اشتناقلكن انا لهلا عند اهلي من الجمعة. ... حماتي زعلانة مني .... أنا عارفة عن هالحياة

مرحبا للجميع كيفكون وشو اخباركون
واهلا ب شامية ان شاء الله ع طول تفضيلنا شوي وتخبرينا عنك
اهلا ب اميرة الامورة بعد زمان وين هالغطة انا كمان كنت ما اعرف بالبفيس بعدين تعلمت وصرت اوكي تمام التمام
اهلا ب عروسة نحن الحمد لله كتير منيحين ومشتاقين ليش حماتك زعلانة ؟؟؟؟؟

دمشقية اي والله نحن اهل الكبب وخاصة المسقسقة بالدهنة يا سلاااام
انا لما بنزل على سوريا مونتي هي الكبة يمي يمي
بس والله هلأ مشتهية ع محشي الملفوف بدي امي تعملي ياه:'( وينك يا امي
سورية الحمد لله على سلامة بنوتك والله يحميلك اولادك من كل شر
بالنسبة لسيرة الحب هلأ الساعة 12 عندي وسيرة الحب هلأ هو التخت طبعا النوم ثوم النوم ثم النوم
سلام للجميع

يسعد صباحكم ياارب

شامية اهلا وسهلا حبيبة قلبي وتسلمي نحنا من بعدكم يالله بالعافية على قلبك اعملي الفطاير بالعطلة وبتتسلي فيهم وخللي سالم يساعدك ههههه
اسم الله عليه الايام عم تركض بسرعة ... راح تعمليله حفلة ولا لاء حتى لو عالضيق بتبقى الها طعم ولا ماخرج ؟؟؟

امتحانات محمودي على الاسبوع الجاية ان شالله الله يفتح عليهم يارب

صحيح كيفك مع بيت حماكي ؟؟؟؟

بخصوص الاجهاض والله مابعرف على كل حال الحمد لله وانا حملي ضعيف غالبا وهي المرة التانية اللي بسقط فيها وان شالله الاخيرة ههههه
والله يعوضني خير يارب

اهلين اميرة نساكي الموت
طمنينا عنك انتي شو اخر اخبارك ؟؟؟؟
ضيفيني على الفيس اذا بتحبي اسمي هو غالية محمد

***********

اهلين رووح عامر كيفك طمنيني عنك وعن بنوتك

الحمد لله انا مابحب الدهنة ابداااااا وكبتنا لحمة هبرة يعني اذا جربتيها ابدا مابتقولي هي كبة هههههه

وبخصوص الملفوف كنتي عند امك وهربتي ههههههه شو ماحلك تشتااقي ولووووو بدنا ياكي اجمد من هيك

***********

اهلين عروسة الميدان تتهني باهلك يارب وخير من شو زعلانة حماااتك
خليكي متلي والله بمشي الحيط الحيط وبقول يارب الستر وبحسب الكلمة مليون مرة قبل مااحكيها
الله يكون بالعون قالوا عن الحماية لو كانت ولية لازم تهز براسها شوية

الله يسعدلي مساكم وكل اوقاتكم
اهلين شامية ان شاء الله دايما منورتينا والله يسلم قلبك من كل شر والله مرض الاولاد بيربط الايدين وكملت معي التوت رجل زوجي لما كان عم يلعب كرة قدم ولما بلشت تطيب رد وقع عليها بالشارع وهدى خانم عم مرشحة وعم تسعل الحمدلله على كل حال
وسامحيني ماشفتك انك موجودة وان شاء الله الف صحة وهنا عالملوخية انا ساويت رز ببازيلا
ودخيل قلبوا لسلومة الله يحميه وان شاء الله العمر كله تشوفيه شب وتفرحي فيه
اهلين روح عامر الله يسعدك ويسلم قلبك ويحميلك سنا من كل شر وسيرة الحب بتحير بقى احسن شي تنامي وماتفكري نوم العوافي
اهلين امورة طل القمر وين هالغيبة طمنينا عنك
عروسة الميدان الله يهنيك بأهلك ويخليلك ياهم وارضاء الحموات غاية لاتدرك ههههههههه
دمشقية تقبري قلبي سامحيني غلبتك معي بجودي وشغلتلك بالك بس مالي غيرك الله يخليلي ياكي ومايحرمني منك

بعيد الشر عن قلبك سورية الله يخليلك ولادك ويحفظهم ربي من كل مكروه

هو الكريب بس يدخل على البيت لازم يمر على واحد واحد كتري زهورات وفيتامين سي وماعلى قلبكم شر

*********

من غير شر وين الجميع اليوم غايبين وحشتووونا

صباح الفل والياسمين والمسك والعنبر
شو الاخبار ليش ما حدا عم يدخل عالشات كني عم يصير التجمع بالمزرعة لأن كل المزارع شغالة
سورية ودمشقية الله يخليكون لبعض والله ما في أحلى من الأخوة
عنجد لما نزلت ع سوريا عرفت معنى الأخت لما صار عندي بيت أحما وبنات أحما فهمتو قصدي
الله يحميكون ويخليكون لبعض وماتنحرمو من بعض طول العمر

صباحك نور وسرور يارب روح عامر كيفك طنينا عنك شو في مافي ,,,,,

تسلميلي يارب الله يسمع منك وانتي ربي يخليلك اخواتك واحبابك يارب اي والله الاخوات حناين ومافي شي بهالدنيا بعوض عنهم الله لا يحرمنامنهم

والله انا وسورية عم ندخل عالشات بس الباقي مشفول يمكن يارب يكونوا بخير

أنا هوووووووون :) كيفكن؟ اشتأتولي؟ اليوم اجيت عبيتي وعندي كتير شغل

بدي اطبخ مندي ... حدا يفيدني شلون تطبخوا؟؟؟؟؟؟؟؟؟؟؟

اهلين عروسة الميدان هلأ المندي بدو حفرة تحت الارض وجمر ومدري شو لينطبخ بس نحن منلف ومندور ومنعمله بطريقتنا هههه

طريقتي سهلة كتير بحمس بصلة صغيرة ومعها سن واحد توم مدقوق ومنضيف مرقة اما الدجاج او اللحمة ومنبهرهم ببهارات خاصة اسمها بهارات المندي واذا ماعندك
حطي بهارات عادية بس من غير فلفل اسود لان بغير لون الرز للغامق ورز المندي ابيض متل مابتعرفي

وبعدين بتحطي الرز وبتهديه تمام وبس يستوي بتعملي تلات حفرات صغيرة على جوانب الرز وبتحطي فيههم اما منقوع الزعفران او صبغة المندي المذابة بقليل من المي
وكمان بتكوني مجمرة كم فحمة على النار وبتعملي حفرة صغيرة بقلب الرز وبتحطي بهالحفرة زبدية يكون فيها زيت اي زيت
انتبهي بس من ان الزبدية تكون بلاستيك حتى ماتسيح
وعلى طول بتحطي هالجمرات بقلب هالزبدية اللي فيها الزيت وبتغطي الطنجرة منييييح حتى ياخد الرز طعم الفحم ونكهة الفحم وبعد شوي بتشيلي الغطا وبتقلبي الرز بخفة حتى يختلط اللون ويصير المندي لونين ابيض ولون اصفر

الدجاج انا بحبه محمر يعني بعد مااسلقه ببهره وبدهنه كمان صبغة الزعفران وسمنة وبحمره بالفرن وممكن بعد ماتحمريه تحطيه فوق الرز على الجوانب وتبخريهم كلهم
مع بعض وهيك الرز والدجاج او اللحم بياخدو نكهة الفحم

وهنا وعوااافي
ولا تنسي صلصة المندي بدونها المندي ماله طعم
كم حبة بندورة بالخلاط وكم حبة فلفل اخضر من الحرييين (( الحدين )) وسنين توم ورشة ملح وشوية حمض ليمون وكلهم بالخلط وهي الصلصة بتتقدم جنب المندي
لها طعم خيااال ... وممكن ماتحطي فلفل اخضر براحتك

مسا الخيرات يا حلوات
شو اخباركم طمنوني عنكم
اليوم كنت مريضه وعملت مجدره هههههه

مرحبا يا بنات كيفكم عم حاكيكم على ضوء الشموع لأنوشكلنا رح نقضي بقية حياتنا عالعتمة أووووووف شي بيملل

عروسة الميدان;15844702:
السلام عليكم ورحمة الله وبركاته
كيفكن؟ شو أخباركن ؟
اهلا وسهلا يا شامية... شلونك؟ وين انتي من زمان؟ كيف الاوضاع ؟ الله يعينكن ويخفف عنكن..
كيفكن صبااااااااااااااايا اشتناقلكن انا لهلا عند اهلي من الجمعة. ... حماتي زعلانة مني .... أنا عارفة عن هالحياة

عروسة كيفك ويني من زمان والله النت عنا بيروح وبيجي حسب صوفتنا عندن حمرا ولا شقرا صحيح هي على طول حمرا بس أوقات بيحنو علينا شوي الأوضاع الحمد لله متل ماعم تشوفي بهالتلفزيون والحمد لله بالنسبة لأخباري أنا الحمد لله منيحة وابني بألف خير من الله

روح عامر;15844725:
مرحبا للجميع كيفكون وشو اخباركون
واهلا ب شامية ان شاء الله ع طول تفضيلنا شوي وتخبرينا عنك
اهلا ب اميرة الامورة بعد زمان وين هالغطة انا كمان كنت ما اعرف بالبفيس بعدين تعلمت وصرت اوكي تمام التمام
اهلا ب عروسة نحن الحمد لله كتير منيحين ومشتاقين ليش حماتك زعلانة ؟؟؟؟؟

هلا فيك وان شالله رح حاول باذن الله

روح عامر;15844745:
دمشقية اي والله نحن اهل الكبب وخاصة المسقسقة بالدهنة يا سلاااام
انا لما بنزل على سوريا مونتي هي الكبة يمي يمي
بس والله هلأ مشتهية ع محشي الملفوف بدي امي تعملي ياه:'( وينك يا امي
سورية الحمد لله على سلامة بنوتك والله يحميلك اولادك من كل شر
بالنسبة لسيرة الحب هلأ الساعة 12 عندي وسيرة الحب هلأ هو التخت طبعا النوم ثوم النوم ثم النوم
سلام للجميع

الله الله الله ياستي في شيف حلبي على فتافيت بيطلع صحيح معظم أكلاتو لية ودهنة وشحمة وهبرة وزبدة ودسم بس ياستي شي بيشهي نفسي دوق أكلاتو لهالزلمة

الدمشقية;15845405:
يسعد صباحكم ياارب

شامية اهلا وسهلا حبيبة قلبي وتسلمي نحنا من بعدكم يالله بالعافية على قلبك اعملي الفطاير بالعطلة وبتتسلي فيهم وخللي سالم يساعدك ههههه
اسم الله عليه الايام عم تركض بسرعة ... راح تعمليله حفلة ولا لاء حتى لو عالضيق بتبقى الها طعم ولا ماخرج ؟؟؟

امتحانات محمودي على الاسبوع الجاية ان شالله الله يفتح عليهم يارب

صحيح كيفك مع بيت حماكي ؟؟؟؟

بخصوص الاجهاض والله مابعرف على كل حال الحمد لله وانا حملي ضعيف غالبا وهي المرة التانية اللي بسقط فيها وان شالله الاخيرة ههههه
والله يعوضني خير يارب

اهلين فيكي والله حاليا مافي وقت للفن بس منتفرج على فتافيت وعلى أكلات المنتدى ومنتشهون بالنسبة لسالم أكيد حيساعد ولو هالكني بالكوكشة والأذى وبالنسبة لبيت حمايي مافي جديد لساتني ماعم روح لعندن بس زوجي وسالم بيروحو بس على عيد ميلادو لسلوم يمكن أعمل الأكل وروح نحتفل عندن لشوف بتعرفي نحنا منتحركش بالحمة لتجينا البردية خخخخخخخخخ

سورية وبفتخر;15847573:
الله يسعدلي مساكم وكل اوقاتكم
اهلين شامية ان شاء الله دايما منورتينا والله يسلم قلبك من كل شر والله مرض الاولاد بيربط الايدين وكملت معي التوت رجل زوجي لما كان عم يلعب كرة قدم ولما بلشت تطيب رد وقع عليها بالشارع وهدى خانم عم مرشحة وعم تسعل الحمدلله على كل حال
وسامحيني ماشفتك انك موجودة وان شاء الله الف صحة وهنا عالملوخية انا ساويت رز ببازيلا
ودخيل قلبوا لسلومة الله يحميه وان شاء الله العمر كله تشوفيه شب وتفرحي فيه
اهلين روح عامر الله يسعدك ويسلم قلبك ويحميلك سنا من كل شر وسيرة الحب بتحير بقى احسن شي تنامي وماتفكري نوم العوافي
اهلين امورة طل القمر وين هالغيبة طمنينا عنك
عروسة الميدان الله يهنيك بأهلك ويخليلك ياهم وارضاء الحموات غاية لاتدرك ههههههههه
دمشقية تقبري قلبي سامحيني غلبتك معي بجودي وشغلتلك بالك بس مالي غيرك الله يخليلي ياكي ومايحرمني منك

خير ان شالله ماعلى قلبن شر ان شالله

صباحو كيفكم ياحلوات

سلامة قلبك زهورة خير شو فيكي ؟؟ وشو مالها المجدة اكلة طيبة ومقدرة ههههه
عواافي ان شالله
انا عملت رز ببازيلا وسلطة لبن

*********

اهلين شامية حبيبة قلبي لكن قلتيلي منتحركش بالحمة خخخخخخخخخخ يبعتلك الهنا يالله شو بدك تعملي كلله مع الله
وان شالله العمر الطويل لسالم ربي يحفظه ويبقى سالم غانم
والله يكون بالعون وربي يفرجها عليكم ان شالله

مراحب كيفكون وكيف الصحة
دخيلو طباخ اللمة انا اهلين بالحلوة دمشقية جودي علينا جودي بطبخاتك الحلوة والطيبة
عروسة الميدان الحمد لله على سلامتك والله يعطيكي العافية فرجينا شلون رح يصير معك المندي
زهورة سلامتك وصحة وهنا على المجدرة
اي والله ياشامية اناكمان بحب اتفرج على الحلبي يلي ب فتافيت
بس هلأ صايرة عم خفف من الفرجة مشان ما جوع لأنو لازم اعمل نظام معين للأكل حتى انحف واذا حدا عندو طريقة لا يبخل علي لأنو ست شهور وما نزلت نص كيلو ع حالي 70 كيلو قولولي شو اعمل