جمعتنا السورية مع أحلى صحبة أردنية لشهر محرم ... اتفضلوا البيت بيتكم***

اهلين زهورة يعني مو لحالي بهالمعاناة ههههههههه بس لما يجي زوجي من الشغل بيقلهم خلص دوركم وصار دوري انا عشان يحلو عني ويبطلوا نق بحطلهم اطفال وطيور جنة وبردوا مو مخلصة لأنه جودي بتحب افلام الكرتون وعبودي بيجب طيور الجنة وهاتي على خناق و مقاتلة
وتكرم عيونك ادعيلي يزبط هالفستان وبحطلكم صورته لأنه عقدني
اهلين دمشقية الحلوة :D على قلبك يارب واكيد منعاد المنسف لكننننننننن
وياستي والله مابعرف رح نجي للسوق ولا لأ لأنه يمكن يجي رفيق زوجي يشوف الكنب عشان ينجدوا وزوجي ناسي انه اليوم بدنا نروح بقى بشوف شو بصير :(

اهلين عروسة الميدان والله انا عكسك انابحب طيور الجنة اكتر بحس اناشيدها معبرة ومعلمة للاطفال اكتر وفيها الاذكار والاحاديث بطريقة يفهمها الطفل
وبالنسبة للخياطة انا بحبها بس مالي خلق يعني بالي مو طويل والله حماتي الله يرحمها حاولت تعلمني ومارضيت نصيبي بقى وياخسارة انا مابفهم بالباترون ابدا وماعم افهم من النت مخي سميك :thumbs_down: بدي خياطة تكون قدامي وتشرحلي واهريها اسئلة هههههههههه

عروسة ابراهيم بكرة السفر بكرة طمنيني جهزتي حالك عالاخر ;) ان شاء الله بتوصلي بالسلامة
زهورة شو هالابداع ماشاء الله عليكي شهيتينا

هلا عروسة الميدان صباح النور ايه يالله بما انه الجو حلو لاتضيعوه روحوا
والله يخليلك اولادك وانا اولادي كل شوي بيتقاتلوا وبيرجعوا بيلعبوا مع بعض مالهم غير بعض
ومبروكين الملابس للصغار يهروهم بالهنا يارب

لولية وحشتنا والله ان شاء الله تكون بخير يارب

صباح الانوار للجميع الحاضر والغايب

سوريه هاد الطوش على المحطات لا بد عنو اللي بدو طيور الجنه واللي بدو ام بي سي 3 وفي كمان محطة كرتون نت ورك بالعربي وحلي عاد
بالنسبه لطيور الجنه انا متلك بحبها اكتر من كراميش مفيده اكتر واركز اناشيدها
حموده بحب طق طق وجدو وتيتا بتيجي على طيور الجنه 2
بالنسبه للخياطه والله شطوره انك بتحاولي اصلا انا متلا عمري ما فكرت اعمل اشي دغري ببعت للخياطه يعطيكي العافيه

دمشقيه وينها اليوم ان شاء الله الحمل مو مغلبها

صباح الخير يا بنوتات.
كيف زهرة؟ باينتك من الاردن وين ساكنة؟ عمان ارب .... الخ.
انا كنت زمان عطيور الجنة وحولت على كراميش لقيتا احلى وفي صغار اكتر وبنتي عمرا سنتين بتحب تتفرج على الرقصات والبنوتات الصغار .

يسعد مساكم ياحلوات

انا هنا والحمد لله بخير بس والله هالحمل شكله مو ثابت يعني العفو منكم عم شوف دم خفيف كل مابعمل جهد ولو كان خفيييف بشوف دم تاني يوم عدا عن المغص
ووجع الضهر ... بقى مابعرف يابيبقى ياما بينزل والحمد لله بكل الاحوال

&&&&&&&&&

زهورةتسلميلي يارب ويخليلك ولادك وتشوفيهم باعلى المراتب
والله طنشي بخصوص الحمل وطووولي كمان اي والله مابتكمل التسع شهور الا لتطلع عيونا وبعدها عدي سهر وترباية بقى طنشششششي ههههه

ويسلموا بخصوص الملوخية اهم شي الشهئة ههههه اي متل طريقتي بس الاختلاف اني مابحمر الدجاج بس المرة الجاية راح احمره ان شالله
وكمان نقطة انا بالبداية بحمس توم وكزبة مدقوقين مع بعض بعدين بحط الملوخية .... في اختلاف ههههه ولا لاء؟

وانا ولادي كبروا على طيور الجنة وكراميش يعني مابحبوهم ابدا بس علقانين كرتون نت ورك يبعتلك لعية هنن وهالقناة وان شالله بتنخفى متل ماراحت قناة
نكلوديان .... ناقص غباء لان هالجيل ....

اهلين سورية يالله اجيتي وتسلينا مع ان الوقت مرء بسرعة
ويالله عم استناكي اليوم لا تتاخروا

***********

عروسة الميدان اهلين فيكي والله انا مالي وحام يعني الحمد لله لا بشتهي شي ولا بتوحم على شي وكل شي باكله الحمد لله
وحتى انا لما جبت محمود وشام كنت لحالي بالغربة ماكان حدا عندي بس كنت اجيب شغالة شهر واحد لان حملي مابكون ثابت ولازم اخد مثبتات

وهالحمل شكله متل اللي قبله والله يكتبلي الخير يارب

شاميةطللي علينا والله اشتقنالك ووحشتنا اخبارك انت وسلومة
لولية ست الكل وين هالغيبة وحشتييييييييينا والله
وباقي الصبايا طلو وحشتووووونا

مرحبا للجميع كيفكون وشو اخباركون
انا من هلأ علاقانة بالتلفزيون وومحطات الاطفال
سنا من الشهر التالت كنت حطلا ع طيور الجنة لانها قناتي المفضلة وقت كنت حامل ع طول حاطة عليها
بس بعدين سمعت بقناة براعم وصرت حطلا عليها هلأ سنا بتنام عليها ومتابعتا وبتتفاعل معون كمان
وانا حفظت كل البرامج فيها

دمشقية سلامتك يارب حاولي ما تشتغلي ولاتعملي جهد لبين ما يستقر وضعك كتيرين هيك بيصير معون وولادون هلأ ما شاء الله عليهون
الله يهون حملك وان شاء الله ما بتحسي الا ابنك او ابنتك جنبك

سلامي للجميع

اختي هيك كانت بحملاعطول دم بس بيمشي حملا وما بينزل .. انتي ان شا الله تكوني هيك وما تنزلي دير بالك على حالك ولا تحملي شي تقيل

عروسة الميدان مسا الخيرات والليرات شلونك
اي نعم اردنيه وساكنه بعمان الشرقيه
بنتشرف بمعرفتك

دمشقيه شو بتحكي ان شاء الله خير وسلامتك الف سلامه ما تشتغلي اشي حاليا لحسن اجي انتف شعراتك
روحي عالدكتور اتطمني بركي الشغله خارجيه وما في منها خوف وربك اللي بستر
انا بحموده اكتر ما نزل قطع من المشيمه بالشهر السابع والله متت من الخوف وهيو الحمد لله اجا غصب عن كل الدكاتره بأرادة ربنا انا من اشي قليل رافضه الحمل حاليا

بالنسبه للملوخيه صحتييييييييييييين والف عافيه المهم بتطلع بتشهي من تحت ايديكي
ويا ستي خليهم ملتهيين بالبرامج بدل ما يجننونا احنا هههههههههههه

روح عامر شلونك يا عسل
شو اخبار الزغنونه

روح عامر اهلين فيكي ياقمر اخبارنا الحمد لله
وتسلميلي يارب الله يسمع منك واللي بيجي من الله حياه الله .. كيف صارت بنوتك ان شالله تحسنت ولا لسى عم تعاني من تغير الجو مسكينة

&&&&&&&&&&&&

عروسة الميدان تسلميلي يارب
والله عم انتبه على حالي بس هو حملي هيك دائما بمحمود وشام وقبل شام كمان كنت اخد مثبتات واشوف دم
الله سلملي محمود وشام وراح طرح قبل شام ... وهلأ مابعرف شو ربك بيكتب
دعولي انتو ماانحرم منكم

&&&&&&&&&&

اهلين زهوررتي والله بتموني على الشعرات وكل شي ههههه
شو اعمل والله عم اشتغل الشي الضروري الضروري بس متل ماحكيت حملي شوي صعب بالبداية
بس انتي والله ربك سلمك يعني سبحان الله اللي اله عمر مابتهينه شدة

كيفها كاتي وحشتنا والله؟ سلميلنا عليها

مراحب للجميع
اختي دمشقية ان شاء الله خير والله يسر امور حملك ويبعد عنك كل الشر
سنا عمري الحمد لله منيحة الجو ما أثر عليها بس ضاجت معي لانو كان هونيك من ايد لايد هون ما في حدا غيري الله بيعينا
وهلأ حاسة حليبي كتير خافف ما عم اعرف شو اعمل عطوني طريقة كتر الحليب فيها
زهرة المنارة والله انا وبنوتي بخير ومنسلم بس هلأ ببنوتي في علامات سوريا بوجها قارصينا برغشات تقولي معا جدري من كتر القرص والمشكلة عند بيت حماي عندون حبة حلب كنت خايفة يكونو منون بس الحمد لله ما طلعو منون لانو بلشو يروحو كيفك انتي وشو اخبارك
وسلامي لكل الغايبين

اهلا وسهلا اخت ام ناصر كل ما كبرت الجمعة كل ما حلت اكتر الله يقومك بالسلامة يارب وتجيبي بخير وسلامة

صباح الخيرات جمعه مباركه للصبايا
دمشقيه ان شاء الله تكملي على خير وسلامه وما اتضلي تفكري بالموضوع ووكلي امورك لربك
كاتي مش فاضيه تحك شعراتها ههههههههههه تقولي وراها 15 نفر ههههههههوصل سلامك الله يسلمك

روح عامر الحمد لله الكل بخير وسلامه وسلامتها لبنوتك بدك ما يصيبها حشرات دهنيها بشوية زيت زيتون ما بقرب عليها اشي بأذن الله

ام ناصرررررررر هلا هلا نورك ولا ضو الكهربا انا عن كل السوريات الطيبات اهلا وسهلا فيكي
انا ما بعرف انهم سكرو التجمع لاني غبت فتره ورجعت الي كم يوم بس
والف الف مبارك الحمل ان شاء الله على تمام الخير