« تجهيزات عرائس ' ليبيا ' لشهر محرم سنة1433هالجزء : 25»

مصراتية لشرقاوى;15811111:
هههههههه:lol::lol:...ويعطيك الهنى والسعد ..
تعرفى تخيلى نقعد انطقطق فى اسنونى من الصقع وبعدين يبدا فيها جوا بطاطيين يبقو يحطو فيهم علية ..وووووه :hysterical::hysterical:عليك حشمة الموضة بتركب الرماتيزيوم فية على هكى..وتخيلو معاش نقدر نقعد معاهم
نبى انروح وخلاص لحوشى

روزة اكرم;15810893:

[COLOR=Plum]جواب المخالفــــــة لحبيبة عصوم
ياعسولة انا صالة جوري قصر الهناء
وبالنسبة للوقت توة تشوفي بسرعة مايمشي ويفوت تلقي روحك خلاص قريب فلهدا واللهي نصيحة وديمة نقول فيها لصحباتى والمخطوبات جهزوا انا الحق لانى مخطوبة من شهر 5 مش اللي فات هاده لا اللي قبله فااتخيلي عمري مافكرت في ولا حاجة وقسمابالله ولا شريت حاجة الا توة لمه حددنا يعنى قبل 3 شهور اتخيلي حتى احوايج يعنى ينعدوا ع الصوابع الحاجات اللي اخديتها فتوة اتعبت هلبه نفسيا وجسديا بالدات لو كنتي ماعندكش اوخيات فلهدا ياعسولة زي ماقتلك خططي من توة وسجلي الحاجات اللي تسمعي بيها كلها وتعتبر احسن حاجات زي مزينات عناوينهم ارقام تليفوناتهم
والعشاء
زمزامات
شنو برنامجك الحفلة شن بديري وشن بتقدي
لو بديري عزومة في الحوش شن بتقدمى
سهرية لو بتجيبي منشطة هكي
اوكى انا نقولك ع برنامجي كله اوكى تستفيدي انت وباقي العرايس :087:
يوم الاحد عندي موعد مع رجاء مزين زهرة لبنان بندير شعري الحق شكروهالي هلبه ولمه امشيتلها عجبتنى لانها فهومة وكل شئ شرحتلي عليه ولو تبي رقمها نعطيهولك
وبندير حلوى وحناء يوم الاربعاء وعندي موعد الصبح بندير فتله عند فاطمة شعيب وبعدين بنجيب مراة " سودانية " اللي تبي اتحنينى هيا نفسها بديرلي حلوى طبعا المراة ابـــــــــــــــــــــــــــــــــــــــــــــــــــــــــــــــــــــــــــداع في الحناء فنانة رسامة :036:ووووووووووووه صقع :015:يعني عيطي واجري وانتي حفيانة :056:ههههههههههههههه
هيا صاحبتى نعتتنى ع المزين وقاتلي ماتنصدميش بس هههههههههههههههههههه انصعقت لمه خشيتله كلهم سودانيات:01: وزحمة مزين كله للحناء ومش حناء عادية حنة من الكوع للبوع هههه ع قولة صاحبتى انا بنديرها حناء كحلاء رجليا لركبيا او تحت شوية وايديا بنديرها زي الحنة العرايسية يعنى لكرايم اليد بس بنديرها كلها امزخرفة مش صادة صبة وحدة المهم فامشيت للمزين واخديت رقم وحدة من السودانيات اللي امقعمزات وروحت كلمتها براحتى لانه المزيــــــــــــن زحمة يادنيا زحمة واتفقت انا وياها تجينى للحوش وفيها زيادة فلوس بالنسبة للحناء قاتلي 50 ولو في حوش زيادة والحلوى 80 جسم كله قتلها اوكى
لو تبي رقمها نبعتهولك ع الخـــــــــــــــــــاص اوكى
وبعدين الخميس ادايرة عزومة رجالة وانساوين غداء مراة بنجيبها اطيب عندنا ماكلتها روعة اسمها راضية تسكن في الحي الاسلامي وحسيتها مش غالية هلبه ولو تبي رقم تليفونها نبعتهولك حاضـــــــــــــــــر وبندير وفي الليل بنجيب منشطة اسم المنظومة العيون السمراء مااشبحتهاش بس صاحبتى حاضرتلها سهرية قاتلي امروة وناشطة هلبه
وياحنة يوم الجمعة المفروض اني بنرتاح لانى مش امدايرة شئ والاكثر درته يوم راحة لانى نبي انساعد مامى في ردان حاجات العزومة لانى الحق بالي مشغول بمامى مانبيهاش تقعد تعاند بروحها وفي فاتحة العشية والصبح بنعت حوايجى وووووووه حسيت جسمى ناض شوك ههههههه خفت هههه المهم
والسبت حفلتى ماشية الصبح لفاطمة شعيب وبرنامج حفلتى عبارة
جايبة زمزامات لبعتلك رقمهم
واشريت شوكلاطة اللي حطيت صورتها مرة لو اشبحتيها وبعدين بنوزع عصير هافانا
وبعدين شاهى وكاكو وكيكات وحلويات حاطة صورتهم فوق
وبعدين العشاء من فاطمة اللبنانية حلوة ماكلتها روعة وكبيرة وتستر اخترت 4 حاجات واللهي انسيتهم وبندير لقطة سلايط في صونية بروحهم مقبلات
وبهدين لمه تجي طالعة البكلاوة والكونفيتى امصورة صورتهم فوق
وانسيت بندير لقطة مدكرة كبيرة ينعى لو تعرفيه ورق اسمه a3 لو تعرفيه يعنى زي مدكرة اللي يوقعوا فيها او سجل يوقعوا فيها المدرسات الحضور والغياب انا حاليا انوتى فيها لانى انا اندير فيها ولمه انكملها انصورهالك المهم بنديرها اثناء الفلة بنعطيها لبنت خالي ادور ع الطاولات لو في وحدة خاطرها بتكتب اهداء او دكري تقعدلي وطبعا في المدكرة بدايتها بنصور حاجات عرسي كلها باش تقعدلي دكري يعنى زي مثلا صورة للفيلو امتعي صورة لباكواتى صورة لبتاتى صورة التسريحة اللي خاطري اندير زيها هكي يعنى حلوة تقعدلي دكري ليا انا بعدين وفي نفس الوقت حلوة تقعد الاهداءات اللي كتبوهالي الناس بعدين انوريها لصغاري هههههههه لو ربي اعطانى العمر
وفي الاخير كيكة اخديتها من العالم بسيطة بس حلوة انسيت ماصورتهاش المهم هيا 4 ادوار وقتله عبيهالي ورد طبيعي لونهاحمر بالرغم انه الصالة موف لكن وقت قصتها حتكون اكيدة بعد الساعة 12 بالرغم انى اعطيت كلمة لروحى انى مش حندير اي حاجة حمراء لانه هاده كله بدعة وقلت نبدا حياتى بالصح بس جت في خاطري لقطة ورد احمر يعنى انا مش ناويتها ع خاطر الكرسمس بس ع خاطر لون الروج امتعي احمر ههههههههههههههههههههههههههههه هههههههه
وشن تانى امممممممم
ايوة شوفي كيف بتحطى احويجاتك فكريلهم من توة خودى لو تحصلي باكوات ههههههه امتع المحلات امتع الزت او المكرونة يعنى يكونوا كبار شوية وغارقات وامشي لجة جامع القبطان الدوغري قبل او سوق الوشير واشري تول او اقماش ولصقة مسدس وغليفهم هكى اتولي حاجتك صنع ايديا وحياة عينيا وماضيعتيش وقتك واطلعى بحاجة قصدي قلتهالك انا مرة الوقت يمر ياعسولة فااستفيدي منه وكلهم حايقولولك ايح مازال هو صح مازال بس من توة ابدي سجلي وفكري وخططي باش بادن الله مايجى وقت عرسك اتكونى مستريحة ومادة ايديك ورجلاك في ميه باردة ولو تبي حاجة تانية اساليني لاني انا هاده اللي متفكراته ويارب نكون افدتك ولو شوية
وسوري لو طولت عليكم وربي يهنيك ياحبوبة ويهنينا كلنا يارب العالميــــــــــــــــــــن
ادعـــــــــولي :060:بليزربي يهنينى ويسترني وييسرلي اموري لانى :06:خايفة ومتوترة جـــــــــــــــــــــداً جداً

[/COLOR]

عروس البحر.;15811935:
سؤال مخالف
الكيرياتين لازم كل فتره تديريه ؟وهل لما يمشي مفعوله ترجع الشعره زي ماكانت ولا تتتعب اكثر ؟يعني انا شعرتي كويسه تنزل مع السشوار لكن مافيش مانع من التسبسيب هههه ياريت تفيدوني .

روزة اكرم;15790298:
[QUOTE=روح الوليد;15789156]


اسؤال المخالفة

شنو رايكم في التسريحات هادي انا بادن الله نبي نفس الجو هاده كله ملوي وعلي فوق ومع لقطة القصة مثنية ع برا زي الصورة الاولي

http://www.3roos.com/files/ups/2011/410596/11322601851.jpg

\

هادي نبي زيها

لقطة الوردة ع جنب وماتكونش عالية او واطية الوسط

وحتي هادي

حلوة الحق

كلهم حلوات ويشبهوا بعض يعني نفس الفكرة انا نبي تسريحتى شعري يكون مرخى شوية مش يابس املبد كله ع بعضه يعنى زي ماقلت شعري يكون ريلاكس هههه ويارب نكون حتى انا ريلاكس زي شعري :)
شن رايكم فيهم ؟؟؟؟؟؟؟؟

فيكي;15790505:
رد مخالفة
لو بشرتك قنينة ماتديري شي احسن..يعني ديري تنظيف بخار متاع الرؤوس السوداء بس..وهذا يديروا فيه كل المزينات وبخمسة وعشرين اخر مرة درته

\

مصراتية لشرقاوى;15796665:
جواب لعروسة :- خلاص شوفيلى البخور الليبي الحوقانى بقداش وكيف الكمية يعنى بعلبة او فى شنو ...؟؟؟
\ ...

ميمى جوجو;15805174:

رد مخالف
كوين حبيبتي شن هوا التان بالله اعليك اشرحيلي لان نحب حاجات البرنزوخديت بخاخ الارجل من هايله وخاطري اندير حاجه تقعد اطول ولو سمحتى لو تعرفي اي شيء بخصوص هدا الموضوع فيديدني بالله اعليك وسامحينى دويت هلبه

Hayela;15810356:

السلام عليكم ,,

=====

الخبر التاني ههه



يعلن مركز هيمان للمونتاج عن فتح خدماته لمونتاج الافراح ,, طبعا الخدمة نسائية ,, والاسعار خيالية ,,

مونتاج الفرح الى بنعرض فى العرس ب 180 ,, ومونتاج اللى بعد العرس يعني لقطات العرس فى فيديو كليب ب 100 دينار

للاستفسار عالخاص ايضا

====

روزة اكرم;15810605:

مساكم ياعرايس ياعسولات
بنوريكم صور حلويات والكيكة اللي بنحطهم طبعا انا

وانا درت لقطة الربطة موف لانه ديكور الصالة ع الموف

فنـــــــصيــــــــــحة لااي بنوته عرسها مزال انها اتوتى افكارها وتعرف امكانات كل شئ باش بعدين ماتتعبش في التدوير لانى اتعبت ومعادش عندي اخلوق حتى نقطة في الميه وربي يهنينا كلنا يــــــــــــــــــــــــــــــــارب

سؤال مخالفة لـــــــــ .وحدة صيفى ماركة نومينال



وهذه عروض من الموقع ...


" ماركة life flowers

زى هالموديل وبنفس الطول بس البطم صفة وحدة



. ...

عروسة ليبيا;15810904:

التيورات غالبا
رسميات بتاع تمشي بيهن عشيات لعربك وانتي عريسه
بعد العرس وتستقبلي الناس الي تبارك
وتباني فيهن عروسة لمن تلبسيهن نايرات الالوناهم

مصراتية لشرقاوى;15812340:
جواب لروح الوليد ...
بخور سبها لا بالعكس ممكن تقصدى المناطق "مرزق واوبارى " وليه ريحة تانية غير اللى انى انحبه ...وبس سبها كلها امتاع عايدين على الاغلب "تشاديين " الحق ..الا فى ناس ليبيين ممكن ايديروه لمعارفهم بس انى الحق مانسئلش لانه مانحبش ريحته انحسه حطب حطب ..شبحت فى كم محل ايقولى بخور اصلى ولما سالته من صاحبته قالى اشريدية عايدة ...هههههه كيف من امتى ؟؟؟نعرف البخور الحوقانى عند الشرق بالذات انى حناى شرقاوية وكانت ادير فيه الله يرحمها ...يهبل ولعند توة ماشميته عند حد ...وفى الاخير الناس اذواق وكل واحد يشم شكل ...

روح الوليد;15813029:
صح يا قهيوة انا مش قصدي تاخد من محل لالالا احنا نوصوا ديما عليه مدامات يخدموا فيه في حياشهم ..............وعندنا مخلط اماراتى نزيدوا نخلطوا فيه معاه يطلع بدععععععععععععععة . ومرات يجي عواد طوال ومعسلات شويةفي فازو زيتون هداكا ريحته تقتتتتتتتتتتتتتتل ........و ولعند امس بس وحدة تحكى عليه قدامى قالت بتجيبه من وحدة تبيع فيه في شبها قريبتها او حاجة زى هكى . قلتلها بالله جيبيلنا خل نشموه و لو بتبيعيه وعجبنا اكيد حناخدوا منك ......



..............

عروسة ليبيا;15812457:

رد لروح الوليد

تسلمي ع كلامك الحلو عروسة

بخصوص اللبس العروس اول ايام مايخلوش فيها تمس شي يعني اول 10 ايام كثر خيرك كان قمتي صفرة

وبعدين اسلافك الفتره هاديكا ماعندهمش كثره دخول للحوش وهوا مليان نساوين

والتيورات العرايسيه لا غناء عنهم ف لمات والمناسبات والجياب والعزايم لما احمواتك واسلافك يعزموكم

او خواله ولا عمامه

وعدد 4 كويسااااااااات يكون بينهم لون الاساسي لكل عروس يا اما تيور ابيضاني علا فضي خدمته يا اوف وايت ع عسلي او قولد او بيج

المهم اللون العرايسي هاادا اساسي

وغالبا تكون ف وحده سودا فيها كرستال او دانتيل فيها شوي لمعه يعني

وال 2 تانيات بهواك كيف ماتبي الالوانهم تاخذي حبذا الالوان قويه

زي فوشي احمر موف بترولي تركواز يعني المهم مختلفات عن بعض وقياسهم
عليك وع جسمك حلوين

ماتشروش حاجه يدوب تخش فيكم لان اجسامكم ح تتفنخ وتنحل وخوذن الحاجه فيها الراحه شوي ف القياس باش تلبسكم اول 4 او 5 شهور

وبس