« تجهيزات عرائس ' ليبيا ' لشهر محرم سنة1433هالجزء : 25»

رد مخالف لمصراتية لشرقاوى حبوبة نصيحة متاخديش كل بداليك شتويات حنى الشتى متعنا قصير يعنى شهر 4 ممكن معش تقدرى تلبسيهم لان بدى الجو يسخن وانتى تبدى قاعدة عروسة مش معقولة بتقولى لراجلك طلعنى بنشرى هههههه عيب عاد فلدالك خوديهم لو كان تبى تلت ارابع خفاف يلتبسوا صيف وشتى بالنسبة ليا خديتهم كلهم صيفيات لان العرس على اساس شهر 5 الى فات لكن حتى فى الشتى يمشى انركب فوقهم زى الجاكيت الفرووا يمشى الحال بس الشتويات يقعدوا فى الرقبة وحنى الشتى زى ما قتلك قصير واحتمال لا سمح الله ميصيرلكش هلبة طلعات الا بعد 4 او 5 شهور عرفتى حبيت انبهك يا عروسة باش معش اتزيدى شتويات

عيوون حبيبي;15811022:
السلام علي السهرانين.....
سؤال..... تشوفو في الدعاية الي في نهاية الصفحة من لوطا ....الي يبيعو في فساتين ويشحنوهم لك من الصين ؟؟؟....زعمة حق والا غير دوة فاضية ...الصور في الموقع يجننو والا سعار خياااااال...في حد منكم عنه فكرة علي الموضوع ؟؟؟؟

لالالا دوة فاضية كله كذب حتى انى كنت زيك انفكر نشرى من النت بس..فى وحدة معانا اسمها بيسة تقريبا كان ليها تجربة
قالتلى ردى بالك لانها شراته ووصل مش زى ماهوة فى الصورة بالذات الخامة قالت قريب مت وعطاته للصغار يلعبو بيه قالت قماشه زى قماش قفاطين البنبلينات ...فاردى بالك ...

نورت ايامى;15811073:
رد مخالف لمصراتية لشرقاوى حبوبة نصيحة متاخديش كل بداليك شتويات حنى الشتى متعنا قصير يعنى شهر 4 ممكن معش تقدرى تلبسيهم لان بدى الجو يسخن وانتى تبدى قاعدة عروسة مش معقولة بتقولى لراجلك طلعنى بنشرى هههههه عيب عاد فلدالك خوديهم لو كان تبى تلت ارابع خفاف يلتبسوا صيف وشتى بالنسبة ليا خديتهم كلهم صيفيات لان العرس على اساس شهر 5 الى فات لكن حتى فى الشتى يمشى انركب فوقهم زى الجاكيت الفرووا يمشى الحال بس الشتويات يقعدوا فى الرقبة وحنى الشتى زى ما قتلك قصير واحتمال لا سمح الله ميصيرلكش هلبة طلعات الا بعد 4 او 5 شهور عرفتى حبيت انبهك يا عروسة باش معش اتزيدى شتويات

ايه صح ...بس حتى اللى خديتها شتوية تلتبس امتاع يادوب الجو بارد يعنى مش غليطة .."قطنية تحسيها "
بس انى نبيهم بعد العرس على طول يعنى لو شهر 1 او 2 يعنى مازال الصقع ...
تعرفو انى خديت صيفية بس بعد ماشعرت هالايام بالصقع هذا لاش شريت غليظة بالحق قاعدة انفكر كيف نلبس صيفى والدنيا صقع ...هههههههه خايفة حتى الناس يضحكو علية الناس هما مدفين روحهم وانى سحتوتة هههههه بلبس الموضة نقتل روحى بالصقع..
معناها انزيد وحدة صيفية تانية ووحدة كم ثلات ارباع وثالتة شتوية يعنى ممكن بدلة بنطلون ..وبناخد عباية خليجية وقفطان قصير اسواريه لو يصير منه ...

رد مخالف: اللللللللللللللللللله يبااااااااااااااارك فيك مصراتية لشرقاوي والله كنت نفكر نجرب ونشري .....
لاني نبي ندور من توا قفطان للمحضر وما نبيش جو الخياطة ...وهنا في طرابلس الاسعار لقفاطين يجو لمحضر يعني كبار ...غاليات هلبا الحق الي عجبوني من 3000 ...وهو حيكون كبير فمش حنلبسه بعدين الا مرة مثلا لو جاني عرس طول ..وعارفين الصيف حيكون فيه رمضان .....فمش عارفة !!
شن تنصحوني ؟؟؟؟؟؟......وين نلقى حاجة حلوة واسعارها معقولة ؟؟؟...مش لدرجة الالالالافااات ؟؟

رد مخالف مصراتيه ههههههه والله عندك حق سحتوتة فى جرت الموضة لكن ماهو قتلك على الجاكيت الفروا هههههههههههه ضحكتينى يا عطيك الهناء اوكى ترتبك حلوا لان متشوفيش للشهور الاولى بس مرات متطلعيش يادوبك كم طلعة الا بعد مدة وبعدها تقعدى اتخممى بس هكى تمام ربى يهنيك ياحلوة

[QUOTE=عيوون حبيبي;15811090]اللللللللللللللللللله يبااااااااااااااارك فيك مصراتية لشرقاوي والله كنت نفكر نجرب ونشري .....
لاني نبي ندور من توا قفطان للمحضر وما نبيش جو الخياطة ...وهنا في طرابلس الاسعار لقفاطين يجو لمحضر يعني كبار ...غاليات هلبا الحق الي عجبوني من 3000 ...وهو حيكون كبير فمش حنلبسه بعدين الا مرة مثلا لو جاني عرس طول ..وعارفين الصيف حيكون فيه رمضان .....فمش عارفة !!
شن تنصحوني ؟؟؟؟؟؟......وين نلقى حاجة حلوة واسعارها معقولة ؟؟؟...مش لدرجة الالالالافااات ؟؟[/QUOTE
شوفى الكايخ الى فى بن عاشور حبوبة فيه قفاطين كبار يعنى جو 1000 او 1400وحلوات لكن بصراحةيبى وحدة تفتح عيونها كويس لان مش كل قفاطينهم حلوات هلبة انى شفته فى بداية التورة توا مش عارفة لان تقريبا المحل هدا وشارع 17 فيبراير فى محلات لو ادورى كويس تلقى بس اكيد توا ضاربين الاسعار اضعاف مضاعفة

رد لمصراتية ....
والله حتى لو كانت البدلة خفيفة عادي...المهم حاجة حلوة ونازكة ..وبالعكس تقدري تستفيدي بيها في الصيف والشتاء ...اولا لانها كمها تلات ارباع .يعني مش عريانة ....وتانيا لانك اكيد ماشية بيها لمكان مسكر يعني عازمينك ناس في حوش والدنيا دافية الداخل بتكييف والا دفاية ..مش تبدي لابسة وغامة روحك بالغليظ لين تولي حمرا من النو ...وتالتا لانك لما بتطلعي من حوشك لحوش الناس والعكس حتكوني لابسة فوقها حاجة ...عباية والا كبوط نازك...فمش حتحسي الصقع
يعني من الاخير لو عجباتك حاجة ما تقيديش روحك في لبس المناسبات بموسم معين ...خاصة وانك شريتي حاجة شتوية ...خلي الباقي قماش متوسط يجي هكي ويجي هكي ...ماتعرفيش الظروف وامتى تجيك طلعتك !!

رد مخالف يا بنات شن هو الكيراتين الى تتكلم عليه هايلة ياريت حد يجاوبنى لانى اول مرة نسمع بيه :o

نورت ايامي ...صحيتي حبيبة ...والله هدا الي قلت عليه ...توا الاسعار بالضعف ومش عارفة شن يصير ...نطلع ناخد من توا والا نصبر ؟؟؟..يقولو مزال الاسعار تنزل شوسة بداية السنة ...نخاف نصبر ويفوت الوقت وما يتغير شي ....
سؤال تاني .....شن رايكم كان في المحضر اجرت فيلو الي لونه علي الذهبي ......وخاصة انه حنلبسه مرة واحدة ومش حنستفيد منه ؟...ويبدا فيه شغل نازك علي العسلي والدهبي ...هو فيلو يأجرو فيه هكي لكن انا مش مقتنعة بيه انه فيلو ....نحسه يمشي قفطان كبير اكتر....حلاوة العروسة بالابيض...فانا فكرت لو نلبسه علي اساس قفطان كبير خاصة لو كان نازك ومش جو الفرافير والدنيا المكشكشة .......والا فكرة عبيطة؟؟؟؟..

نورت ايامى;15811091:
رد مخالف مصراتيه ههههههه والله عندك حق سحتوتة فى جرت الموضة لكن ماهو قتلك على الجاكيت الفروا هههههههههههه ضحكتينى يا عطيك الهناء اوكى ترتبك حلوا لان متشوفيش للشهور الاولى بس مرات متطلعيش يادوبك كم طلعة الا بعد مدة وبعدها تقعدى اتخممى بس هكى تمام ربى يهنيك ياحلوة

هههههههه:lol::lol:...ويعطيك الهنى والسعد ..
تعرفى تخيلى نقعد انطقطق فى اسنونى من الصقع وبعدين يبدا فيها جوا بطاطيين يبقو يحطو فيهم علية ..وووووه :hysterical::hysterical:عليك حشمة الموضة بتركب الرماتيزيوم فية على هكى..وتخيلو معاش نقدر نقعد معاهم
نبى انروح وخلاص لحوشى

نورت ايامي
الكيراتين هدا علاج للشعر ...نتيجته زي الفرد يخلي الشعر مسبسب ويلمع ....ويقعد لمدة طويلة مرات لاربعة شهور ....

رد مخالف لعيون حبيبى كتبتلك رد طويل وامتسح عييت هههههه المهم قتلك انتى هكى والا هكى تبيه القفطان الكبير لان السنة الاولى كلها انتى عروسة ان شاء الله ولازم اتكون طلتك مختلفة ومتع عروسة جديدة لكن لو معندكش امكانية حتى الراى متعك حلوا بس يبى تركككككككككككيز لازم تاخديه مختلف هلبة على الفيلوا وانتى ورايك حبوبة انتى كان فيها كيف برى للكايخ اليومين وشوفيهم لان زى ما قلتى مرات يعطلوا باش ينزلوا بضاعة بس اضنى انتى عرسك فى شهر 5 متستعجليش تعرفى انى لما اتحدد عرسى شهر 5 الى فات من شهر 2 حجزت الفيلوا واهوا توا نادمة عليه لان شفت فيلوات احلى فى النت لدرجة كرهت اليلوا متعى باهى الى حطيت عربون 50 دينار بس والله صاحبتى قتلى متستعجليش لكن يلا فيها خيره فحتى انتى بشوية عليك متاخديش باستعجال وتندمى لان مزال عندك وقت متخافيش المهم حطى فلوسه على جنب وبشوية عليك تو تنزل بضاعة جديدة لانى ليبيا بكل عاد معش فيها بضاعة ربى يهنيك يا حلوة لو تبى اى سوال اتفضلى

رد مخالف لعيون حبيبى
نصيحيحة لو خديتى توا متاخديش الا الى عاجبك مليون فى المية لان تنزل موديلات جديدة باش متندميش بحكم انه عاجبك يعنى لو ملقيتيش حاجة اقتنعتى بيها توا اصبرى لن تنزل بضاعة

عيوون حبيبي;15811022:
السلام علي السهرانين.....
سؤال..... تشوفو في الدعاية الي في نهاية الصفحة من لوطا ....الي يبيعو في فساتين ويشحنوهم لك من الصين ؟؟؟....زعمة حق والا غير دوة فاضية ...الصور في الموقع يجننو والا سعار خياااااال...في حد منكم عنه فكرة علي الموضوع ؟؟؟؟

رد مخالفة
اني متعاملة معاهم قداش مرة..واني وحظك هما خياطين راهو..تتختاري الموديل وتعتبي القياس..ويبعتلك القفطان..اني خديت منهم لنساوين في عيلتنا..وفيه اللي طلعو طبق الاصل ويهبلو ورخاص هلبة طبعا..وفيه اللي خياطتهم مش حلوة..
واتعلمت حتي مع نيويورك كامباني..والصراحة حلو هلبة القفطان رافي ويوصلك زي ماهوا..للاسف مش كل القفاطين يوصلو لليبيا ..

سؤال مخالفة

هيولة ياريت تبعتيلي رقم المراة متاع الكيراتين على الخاص..والسعر هذا سعر الكيراتين وخدمة ايدها ولا خدمة ايدها بس؟ لاني نتفكر انه كان في حدود 500 جنيه قبل الثورة

وروزة اكرم ياريت تبعتيلي رقم المراة متاع الحلوة والحنة

نورت ايامي.........شكرا علي الرد........تصدقي بعد ما كتبتها الفكرة حسيتها مش حلوة بجديات..لانها توا كيف خطرت علي بالي وقلت ناخد رايكم.
ههه باهي الي درتها من توا وعرفتها مش راي !!
سؤال ..امتى نطلع ونختار الفيلو؟؟؟؟ قبل العرس بكم ؟؟؟؟.....حتى انا مانبيش نختار وبعدين تطلع حاجة تانية وتعجبني ونندم......قبل العرس بشهر والا شهر ونص كويس هكي؟؟؟؟

عيوون حبيبي;15811090:
اللللللللللللللللللله يبااااااااااااااارك فيك مصراتية لشرقاوي والله كنت نفكر نجرب ونشري .....
لاني نبي ندور من توا قفطان للمحضر وما نبيش جو الخياطة ...وهنا في طرابلس الاسعار لقفاطين يجو لمحضر يعني كبار ...غاليات هلبا الحق الي عجبوني من 3000 ...وهو حيكون كبير فمش حنلبسه بعدين الا مرة مثلا لو جاني عرس طول ..وعارفين الصيف حيكون فيه رمضان .....فمش عارفة !!
شن تنصحوني ؟؟؟؟؟؟......وين نلقى حاجة حلوة واسعارها معقولة ؟؟؟...مش لدرجة الالالالافااات ؟؟

رد مخالفة

كان مازال عندك وقت خيطي..لان الخياطة بتختاري بروحك القماش وتطلعلك حاجة مميزة..المهم تختاري خياطة كويسة

رد مخالف ايه متع شهر سهرين كويس لان اقل من شهر اتخافى متحصليش لكن مش قبل لانى حنى البنات ميعبى عيونه شى ههههههههه

بسم الله الرحمن الرحيم

اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ

صدق الله العظيم

رد مخالف لغالية مصراتية :

انا شريت بدلتين من محل في شارع دبي اسمه ذات الرمال

بس قبل الثورة وحده صيفية انجليزية 270

ووحده شتوية لبنانية ب 370 بس من قبل الثورة مانعرفيش شيء عليه

وعروسة كفت ووفت بس عشان هذا الي خشيتله بس ماعنديش فكرة ع باقي

Hayela;15810356:

السلام عليكم ,,

للبنات اللى يبو يديروا كيراتين ,, فى وحدة اديريه فى الحوش ماااااشااااء الله عليها وعلى يدياتها والله مش عادية واسعارها خيالية مع انها تستخدم فى احسن نوع كيراتين واني شوفتها بعيوني وضامنتها بنفسي ,, اسعارها ممكن من 150 او اقل ,, والله العظيم احسن حتا من المزينات ,, اللى تبي رقمها عالخاص تتفضل

=====

تعتبر رخيصه تعرفي اني درت الكيراتين عند فاطمه شعيب ب400 في عرسي شغلها حتى هيا كويس ارتهولي عامله عندهم تونسيه اسمها نانا ماشاءالله علي ايياتها في الكيراتين والمش لكن غالي

سؤال مخالف:

عندي استفسار هيوله الكيراتين اللي تستعمل فيه اسمه قلوبال
اني نبي ندير كيراتين المده الجايه ان شاءالله مادامها كويسه البنت اللي ادير فيه ابعتيلي رقمها ياحبوبه