شات حوامل مصر لشهر ذي الحجه .. كل عام وانتم بخير

انا جيت انا جيت انا جيت

ساسو ,,,,,,الف سلامة عليكي يا جميل , والتامن دا كان شهر عادي جدا وعدى بسرعة عليا بس التاسع هو اللي حسيته طويييييييييييييييل


ايمو ...........حمدالله على سلامتك وفي انتظار باقي القصة بتاعة الولاده , ويارب الحقها قبل ما اولد :)


ميجو ............. اهو الرهان جه على فاشوش ياختي هههههههههه لا عرفت الواد نزل الحوض ولا عرفت الحوض ضيق ههههههههههه, مش فارقة خلاص انا اخر معاد ليا يوم الاتنين وهخلص ان شاء الله



واليكم هذا الموجز عن اليوم النهارده ههههههههههه


التخطيط اللي عملته امبارح نتيجته كانت كويسة , وبعدين رحت النهارده للدكتور عملي تخطيط تاني , وبعدين قالولي اجهزي عشان هتاخدي الجرعة الاولى من الطلق !!!!!!!!!!!!

قلتلهم هو مفيش كشف نسا ؟ قالولي مالوش فايدة , وان الدكاترة بيعملوه عشان ينصبو على العيانين ويولدوهم قيصري
قلتله افرض الحوض ضيق ؟ قالي منقدرش نعرف الحوض ضيق ولا لأ الا ساعة الولاده !!!!!!!!!!!

المهم حاسة ان كل اللي كنت اعرفه اتلخبط في دماغي , بس بصراحة مش فارق معايا خالص , انا النهارده كنت مبسوطة اوي اني باخد الطلق دا


الدكتور اداني لبوسه كده بس وجعتني اوي وهو بيدخلها , دخلها جوا اوي اوي , لدرجة اني اتعورت وحسيت بحرقان وانا بعمل بيبي

المهم استنيت 4 ساعات عشان يراقبو الطلق , ولما محصلش حاجة قالولي روحي البيت ولو جالك طلق كل 5 دقايق تعالي المستشفى , ولو محصلش طلق , هنديكي الجرعة التانية من الطلق يوم السبت , وتستني معانا 4 ساعات ولو مجاش طلق هروحلهم يوم الاتنين اخد اخر جرعة طلق ويا اما يحصل استجابة وتولدي طبيعي يا اما هنولدك قيصري

ازيكو يا بنات ربنا يقومكو كلكو بالسلامه ويعدي الايام بسررررررررررررررعه علشان انا زهقققققققققققققققققت

عاوزه اسال سؤال ضروري جدا
هي حقتنة التيتانوس بتتاخد امتي ؟ وهي ضروريه جدا جدا ولا ممكن مش تتاخد عادي ؟
اصل انا بتابع مع دكتور مستفز ومصر انها مش ليها لازمه واخواتي البنات مصرين ان هيحصل كارثه لو مش خدتها وانا مش عارفه اعمل ايه
اللي يعرف يرد عليا بسرعه بليز

هاي يا بنات دي اول مشاركه ليا في التجمع هنا معاكم ومحتاجه مساعدتكم انا حامل في اول اسبوع في الخامس وروحت للدكتوره من يومين ولما سألتها عن وزن البيبي قالتلي وزنه 230جرام وان الوزن الطبيعي في الوقت ده بيكون من 300-400 جرام وقالتلي لازم ازود عدد الوجبات اللي باكلها من 3 ل5وجبات بس اصلي مشكلتي اني مش بجوع مابين الوجبات بنات بليز اللي في الخامس او عدته تقولي هل فعلا كده الوزن قليل قوي وهل هقدر اعوض ولا كده لاقدر الله هيدخل حضانه (علما اني كنت صايمه شهر رمضان كله وده كان في اول حملي)

امونه ربنا يقومك بالسلامه
موضوع كشف النسا ده كذا حد يقولى فعلا الصح بتاعه انه ما يبقاش الا ساعة الولاده لما الرحم يفتح عشان يعرف الدنيا ماشيه ازاى والله اعلم الكلام ده صح ولا لا
بس فعلا كذا حد قالى كده وخصوصا امهات زمان
ربنا يقومك بالسلاااااااامه ياارب ويهونها عليكى يا حبيبتى

ازيكوووو يابنات ربنا يتلنا بخير كلنا يارب ونشوف ولادنا فى حضننا يارب
عايزه نكو ليسته طلبات البيبى اوو اى لينكات مفيده لحاجات البيبى
ورسىىى

يظهر مفعول اللبوس بدا يشتغل :-#

عندي مغص بييجي كل 5-7 دقايق, والدكتور قالي لازم الفرق يبقى 3 دقايق بين كل مغصة والتانية عشان متقعديش كتير في المستشفى

الحيرة دلوقتي ان جوزي في القاهرة ومش عارفة اخليه ياخد اجازة اسبوع وينزل ولا ممكن الطلق يقعد كزا يوم بالشكل دا, مع العلم ان دا اول يوم ليا في العاشر

نفسي جوزي يلحق الولاده من اولها وف نفس الوقت مش عايزاه يتطلطع جنبي عالفاضي

باربي 15;15752393:
ازيكو يا بنات ربنا يقومكو كلكو بالسلامه ويعدي الايام بسررررررررررررررعه علشان انا زهقققققققققققققققققت

عاوزه اسال سؤال ضروري جدا
هي حقتنة التيتانوس بتتاخد امتي ؟ وهي ضروريه جدا جدا ولا ممكن مش تتاخد عادي ؟
اصل انا بتابع مع دكتور مستفز ومصر انها مش ليها لازمه واخواتي البنات مصرين ان هيحصل كارثه لو مش خدتها وانا مش عارفه اعمل ايه
اللي يعرف يرد عليا بسرعه بليز

انا ما اخدتش الحقنة دي يا باربي وتايعت مع 3 دكاترة محدش قالي خديها , وصحباتي الانتيم ولدو وما خدوهاش , هيا بتتاخد عشان لو ولدتي في الشارع ميحصلش تلوث ليكي وللبيبي , واظن مفيش حد فينا هيولد في الشارع لاننا كلنا بكريات

pinocchio;15752397:
هاي يا بنات دي اول مشاركه ليا في التجمع هنا معاكم ومحتاجه مساعدتكم انا حامل في اول اسبوع في الخامس وروحت للدكتوره من يومين ولما سألتها عن وزن البيبي قالتلي وزنه 230جرام وان الوزن الطبيعي في الوقت ده بيكون من 300-400 جرام وقالتلي لازم ازود عدد الوجبات اللي باكلها من 3 ل5وجبات بس اصلي مشكلتي اني مش بجوع مابين الوجبات بنات بليز اللي في الخامس او عدته تقولي هل فعلا كده الوزن قليل قوي وهل هقدر اعوض ولا كده لاقدر الله هيدخل حضانه (علما اني كنت صايمه شهر رمضان كله وده كان في اول حملي)

بينوكيو .......... انا ما بداتش اوزن البيبي الا لما دخلت في التامن , عشان معملش قلق لنفسي

لاني جيت عالشهر الرابع والخامس ولقيت نفسي خسيت 4 كيلو , وبعدها ما كنتش باكل زيك كده واستمريت على الخسسان لحد التاسع , لدرجة ان وزني ما زادش طول الحمل الا 6 كيلو وانا دلوقتي في العاشر :)

بس عايزة اقولك ان مش معني انك بنخسي ان البيبي هيخس بالعكس , انا بخس وهو بيزيد الحمد لله

الدكتورة قالتلي برده زودي عدد وجباتك بس انا مكنتش بقدر و باكل اللي اقدر عليه وخلاص , وانا كمان كنت زيك صايمة رمضان كله الحمد لله ومع كده البيبي وزنه كان كويس ما شاء الله

Desly;15752589:
امونه ربنا يقومك بالسلامه

Desly;15752589:


موضوع كشف النسا ده كذا حد يقولى فعلا الصح بتاعه انه ما يبقاش الا ساعة الولاده لما الرحم يفتح عشان يعرف الدنيا ماشيه ازاى والله اعلم الكلام ده صح ولا لا
بس فعلا كذا حد قالى كده وخصوصا امهات زمان
ربنا يقومك بالسلاااااااامه ياارب ويهونها عليكى يا حبيبتى

فكرتيني بكلام ماما يا سالي , هيا كمان قالتلي انا عمري ما كشفت نسا الا ساعة الولاده بس انا افتكرتها موضة قديمة :D

الدكتور اللي بتابع عنده من اشد الناس تاييدا للولاده الطبيعي ومصر عليها لاخر نفس , ربنا يسهلها عليا وعليكو يابنات

د\امونة;15753872:


بينوكيو .......... انا ما بداتش اوزن البيبي الا لما دخلت في التامن , عشان معملش قلق لنفسي

لاني جيت عالشهر الرابع والخامس ولقيت نفسي خسيت 4 كيلو , وبعدها ما كنتش باكل زيك كده واستمريت على الخسسان لحد التاسع , لدرجة ان وزني ما زادش طول الحمل الا 6 كيلو وانا دلوقتي في العاشر :)

بس عايزة اقولك ان مش معني انك بنخسي ان البيبي هيخس بالعكس , انا بخس وهو بيزيد الحمد لله

الدكتورة قالتلي برده زودي عدد وجباتك بس انا مكنتش بقدر و باكل اللي اقدر عليه وخلاص , وانا كمان كنت زيك صايمة رمضان كله الحمد لله ومع كده البيبي وزنه كان كويس ما شاء الله

ميرسي قوي على ردك وربنا معاكي ان شاء الله ويسهلك الولاده :L: بس يعني هو كده وزنه هيقدر يوصل للطبيعي الشهور الجايه ولا مادام في نقص في الوزن مش هقدر اعوضه يعني وانا اهو بحاول اكتر في الوجبات حتى لو مش جعانه:worn_out:

paradise rose;15752964:
ازيكوووو يابنات ربنا يتلنا بخير كلنا يارب ونشوف ولادنا فى حضننا يارب
عايزه نكو ليسته طلبات البيبى اوو اى لينكات مفيده لحاجات البيبى
ورسىىى

مستلزمات المولود المنتظر من الألف الى الياء:

الملابس:
·10 فانلات داخلية على الأقل.
ويتوقف كون الأكمام قصيرة أو طويلة على الوقت الذى ستضعين فيه مولودك. ضاعفى عدد الفانلات التى تشترينها إذا كنت ستلدين فى فصل الشتاء وتفضلين إلباس المولود فانلتين.
·7 أطقم أو أكثر للنوم (بيجامات أو سالوبيتات) يجب أن تغطى هذه الملابس القدمين فى فصل الشتاء، ولكن تكون مفتوحة من عند القدمين فى فصل الصيف.
· 6 بافتات أو أكثر.
· قبعة للصيف أو غطاء رأس صوف للشتاء.
· 3 أزواج من الشرابات.
· 2 جاكت صوف للشتاء.
· 3 أطقم خروج أو أكثر.
·حفاضات.
اشترى كمية من الحفاضات – مقاس الأطفال حديثى الولادة - لكن لا تشترى كمية كبيرة لأنك قد تجدين طفلك بعد فترة قصيرة يحتاج للمقاس الأكبر.

المفروشات:
·3 كوفرتات أو أكثر.
اختارى أنواع خفيفة يسهل لفها حول طفلك عند حمله.
· ملاءتان وغطاءان للسرير.
· مشمع لحماية المرتبة من أى بلل.
· 2 بشكير للحمام.
البشاكير ذات غطاء الرأس تكون مفيدة.
· فوطتان صغيرتان أو أكثر.
لتنظيف فم الطفل إذا خرج من فمه بعض اللبن.


مستلزمات نظافة الطفل:
· كحول؛ لتنظيف سرة الطفل.
· صابونة وشامبو (الأنواع الخاصة بالأطفال حديثى الولادة).
· كريم للوقاية من الالتهابات الجلدية التى تنتج من استخدام الحفاضة.
· قطن.
· المناديل المبللة الخاصة بتنظيف قاعدة الطفل.
يمكنك أخذها معك عند الخروج حتى لو كنت تفضلين استخدام القطن والماء عند التغيير لطفلك فى البيت.

كماليات:
· إسفنجة للحمام.
· فرشاة شعر ناعمة (خاصة بالأطفال حديثى الولادة).
·قصافة أو مقص أظافر (خاص بالأطفال حديثى الولادة).
·تتينة - إذا اخترت استخدامها.
· مشمع لاستخدامه عند التغيير لطفلك.
· ترمومت.
· قطارة.
·ناموسية؛ هذه الشبكة تحفظ مولودك من الناموس ومن أى حشرات أخرى. لا تضعى الناموسية قريبة من طفلك، فعندما يبدأ طفلك فى مد يديه أو تحريك قدميه لأعلى، قد يشدها إليه أو تقع عليه وقد تتسبب فى اختناقه. · ببرونات
·لا تشترى ببرونات كثيرة حتى تعرفى إذا كان طفلك سيحتاج لاستخدامها أم لا.
·فرشاة تنظيف الببرونات.
·أدوات تعقيم الببرونات.

مشتريات كبيرة:
·سرير للطفل: أغلب الناس يفضلون اختيار سرير يصلح للطفل لأول عامين من عمره. عند شرائك للسرير ابحثى عن نوع له جوانب ويمكن رفع أو خفض ارتفاعه أو يمكن خفض أو رفع مرتبته لكى يلائم طفلك عندما يكبر.

· عربة أطفال.
· كرسى سيارة لطفلك.
هذا الكرسى ضرورى لأمان طفلك فى السيارة.
· سرير محمول لطفلك (كارى كوت).
· بانيو بلاستيك صغير.


مشتريات اختيارية:
· جهاز الاستماع عن بعد (مونيتر).
· منضدة تغيير.
· الحمالة التى ترتديها الأم لحمل الطفل.
· لعبة موسيقية من النوع الذى يتم تعليقه على السرير لتسلية الطفل وتحفيز حواسه.
· لعب؛ لن يحتاج مولودك الصغير للكثير من اللعب لكن لعبة طرية أو شخشيخة قد تبعث على تسلية وإسعاد الطفل حتى فى الأسابيع الأولى من عمره.

منقول للأمانه

السلامو عليكم ازيكو يا قمرات ربنا يتمم لنا كلنا على خير يااااااااارب

السلام عليكم يابنات معلش ماكنتش بدخل بقالي كذا يوم للاني سافرت مصر ولسه واصه المنصزره اول امبارح ...
امون ولدت ولا لسه يابنات ؟؟؟ انا عرفت انها اخدت لبوسة الطلق بس مش عارفه آخر التطورات ,, طمنوني عليها

انا اول مرة اشترك فى الجروب الجميل ده عايزة ااخد رايكو فى اسم بنوتى ان شاء الله
ايه رايكو اسمى (لين_نور _حلا)
اختارو معى احلى اسم وراى الاغلبيه هاخد بيه هههههههه اوك

غدير اخبار محمود ايه دلوقتي ؟؟؟ يارب يكون احسن يارب

سمر حمد الله علي سلامتك و نورتي مصر انتي وسلمي .... امونه لسه مولدتش بس اللبوس اشتغل معاها و جبلها مغص الصبح كانت بتقول بين كل مغصه والتانيه ٧ دقايق ربنا يسهلها كل امر عسير يارررب

المغص هيموتني , وبكتبلكو كل لما الطلق يهدى

نفسي انا كمان اطمن على محمود ابن غدير ربنا يشفيه

رايحة بكرة المستشفى اشوف اتوسعت ولا لسه , بس لحد الصبح هتكون روحي طلغت , تعبااااااااااااانة اوي

ربنا يسهلك ويكرمك يااااارب وتقومى بالسلامه ياااااااارب يا امونه

سؤال للى بياخدو اوميجا 3 ف الحمل اخدوته ن الشهر الكام واستمريتوا عليه اد ايه

ممكن اجي معاكم

باربي 15;15752393:
ازيكو يا بنات ربنا يقومكو كلكو بالسلامه ويعدي الايام بسررررررررررررررعه علشان انا زهقققققققققققققققققت

عاوزه اسال سؤال ضروري جدا
هي حقتنة التيتانوس بتتاخد امتي ؟ وهي ضروريه جدا جدا ولا ممكن مش تتاخد عادي ؟
اصل انا بتابع مع دكتور مستفز ومصر انها مش ليها لازمه واخواتي البنات مصرين ان هيحصل كارثه لو مش خدتها وانا مش عارفه اعمل ايه
اللي يعرف يرد عليا بسرعه بليز

ع فكره مش هتخسري اي حاجه لو اخدتيها ان منفعتكيش ع الاقل عمرها ماهتضرك

انا خدتها والافضل ليكي تاخديها محدش ضامن الظروف هي بتتاخد ف الشهر السادس والسابع ف نفس المعاد

د\امونة;15752281:


ايمو ...........حمدالله على سلامتك وفي انتظار باقي القصة بتاعة الولاده , ويارب الحقها قبل ما اولد :)

الله يسلمك ياحبيبتي يارب وربنا يقومك بالسلامه وتولدي بقى ع خير ان شاء الله وبجد لو الحوض مش ضيق ومش هتتعبي ربنا يارب يكرمك بالولاده الطبيعي القيصري عذااااااااااااب انا كنت بموت م التعب والاتنين اصلا تعب بس لما يكون ربنا مسهلها ف الطبيعي بتقومي ع طول وتبقى كويسه

saso_m;15752048:

ايمو

الف حمد الله ع السلامة وربنا يباركلك فى
لوجى ويحفظهالك

الله يسلم قلبك ياحبيبتي يارب والف الف سلامه عليكي دفي نفسك كويس الجو بقى تلج
ومعلش هو الشهر التامن والتاسع كده استحملي بقى هانت ان شاء الله ربنا يرزقك بولاده سهله ويخفف عنك الالم يارب

نورالقمر999;15754608:
السلام عليكم يابنات معلش ماكنتش بدخل بقالي كذا يوم للاني سافرت مصر ولسه واصه المنصزره اول امبارح ...
امون ولدت ولا لسه يابنات ؟؟؟ انا عرفت انها اخدت لبوسة الطلق بس مش عارفه آخر التطورات ,, طمنوني عليها

حمدالله ع سلامتك ياسموره عامله ايه ياحبيبتي و مولي عامله ايه اكيد تعباكي ومزهقاكي ومش بتنيمك زي بنوتي صح

د\امونة;15755126:
المغص هيموتني , وبكتبلكو كل لما الطلق يهدى

نفسي انا كمان اطمن على محمود ابن غدير ربنا يشفيه

رايحة بكرة المستشفى اشوف اتوسعت ولا لسه , بس لحد الصبح هتكون روحي طلغت , تعبااااااااااااانة اوي

ياحبيبتي معلش الف سلامه عليكي هاااااااانت ربنا يقومك بالسلامه يارررررررب استحملي وادعي ربنا كتير وانا اكيد هدعيلك

paradise rose;15756362:
سؤال للى بياخدو اوميجا 3 ف الحمل اخدوته ن الشهر الكام واستمريتوا عليه اد ايه

اوميجا3 ده ال هو الفوليك آسيد ؟ صح
لو هو ده الحلو انه يتاخد قبل الحمل كمان بس هو عاده الدكاتره بيكتبوه اول 3 شهور عشان تشوهات الاجنه

انا بقى يابنات المسؤليه تعباني اوي ولوجي طول الليل بتبقى صاحيه تعيط وتزن وخلاص رغم اني ببقى مرضعاها ومغيرلها وكله تمام بس هي بترخم اوي بليل ومش بعرف انام خالص ولما بتنام بالنهار شويه بيكون النوم طار من عيني ومش بعرف انام
من ساعه مااتولدت وهي ساعه ونص بالضبط ال بنامها طول اليوم
وضهري واجعني اوي من حقنه البنج النصفي ال اخدته
لان الدكتور مدانيش بنج كلي وكنت صاحيه طول العمليه عماله اعيط شويه واستغفر شويه وادعي ربنا
لحد ماشفتها طلعت وسمعت صوتها قعدت اعيط جامد واحمد ربنا وقلت للدكتور بعد مااطمنت عليها وشفتهم لبسوها قلتله عوزه انام بقى حطولي حقنه البنج ف المحلول ومنمتش برده لمده 3 ايام بعدها عيني بس تقلت اوي لكن فضلت صاحيه
اول مامفعول البنج بدأ يروح والرحم يرجع مكانه كنت بصوت ومفيش مسكن لحد مااعرف احرك رجلي اخدت 4 حقن مسكنه اول يوم ف المستفى وكتبلي ع 4 كمان كل يوم حقنه لما روحت البيت
قالي انتي حساسه اوي وجسمك حساس بقيت صعبانه ع الدكتور وقعد يوصي الممرضات عليّا جامد واتصل بيا ع الموب يطمن عليا كمان :D
المهم الممرضات كانوا كل شويه يدخلوا عوزني اقوم اقعد او اتمشى وطبعا كانوا بيطلبوا شيء مستحييييييييييل
خرجت بليل من المستشفى قوموني بالعافيه من ع السرير وقعدوني ع كرسي متحرك نزلوني بيه ع العربيه وروحت البيت
وحاولت ارضع لوجي لكن طبعا منفعش اقعد ولااقوم ولا قدرت وفضلت ع البيبي درنك مده وبعدين بدأت ارضعها
طبعا الرضاعه طلعت برده تعب وبحس اني بحارب اولا من الوجع ثانيا من اللخمه بحتاس معااها اوي وحاسه اني مخضوضه ومش عرفه اتعامل
وكانت اول اسبوع كل ماتعيط اقعد اعيط جامد جنبها ماما تقولي هنسكت مين فيكم انتي ولا هيّ كانت بتصعب عليا اوي مش عرفه اعملها حاجه وهي عماله تصرخ
اختي ودتها للدكتور وكتبلها لبن صناعي جنب الرضاعه الطبيعي
بديهالها بليل عشان تشبعها بس برده بتفضل طول الليل زن حتى لو شلتها وقعدت اهزها لحد الصبح بقى تبدأ تنام

كل ده مستمر وللللللللللللكن عشان محدش يخاف بجد وحده وحده بدأت اتعود بدأ الالم يخف وبدأت اعرف اتعامل معااها هو بس مش بعرف انام ولا استحمى ولا اكل ولا اخد دوايا ولا اطهر الجرح ولا اسرح شعري ولا حتى اهرش هههههههههه بجد والله لازم وقت الرضاعه اي حاجه تهرشني ف وشي او ف ايدي اقوم مناديه ع ماما تيجي تهرشلي وتمشي وتقولي صباح الجرب ههههههههههه

اي وحده داخله ع ولاده بلاش تتخضي زي انا كنت مزبهله وكل ماابص لبنتي اخاف اقول مين دي :I: غير طبعا الوسواس القهري كل شويه اقوم مخضوضه ابص ع نفسها واحط ايدي تحت مناخيرها اشوفها بتتنفس ولا ايه
دلوقت برضعها وانام واديها ضهري ههههههههه
ودي خلاصه تجربتي مع لوجي هانم