شات حوامل مصر لشهر ذي الحجه .. كل عام وانتم بخير

اه والله ياامونة بقيت عاوزة اعضه
انا المفروض دخلت الخامس وكنت مستنيه ادخله عشان اسأل الدكتورة علي النوع مرضيتش اسأل قبلها
طلع مدينا قفاه وقاعد متمزج جوا
بس قاعد ايه بقا مدينا قفاه وفاتح رجليه رجل فوق ورجل تحت وشغال ترفيس ههههههههه
الدكتورة تجيب السونار يمين وشمال وتدوس شوية ومرضيش يدينه جنبه حتي

بنات عايزه اخد رأيكم فى حاجه
جوزى بقالو شهر ونص مسافر شغله فى الامارات وانا كل يوم مش ببطل عياط وقولتلو امبارح ارجع خد دهبى واعمل اى مشروع صغير وانا مش مرتاحه خالص نص الاسبوع هنا عند ماما والنص التانى قاعده مع حماتى وبنام فى شقتها انا شقتى فى نفس البيت بس بخاف انام لوحدى ومش مرتاحه هناك والظروف مش هتسمح انه يخدنى معاه

مش عارفه اعمل ايه خايفه جوزى يسيب شغله فى الامارات وييجى واندم بعدها وميلقيش شغل هنا

ايمي ............استحملي يا حبيبتي , محدش لاقي شغل والله في مصر , و الشركات بتطرد الموظفين دلوقتي بسبب حال البلد الزبالة

انا رأيي متروحيش عند حماتك خليكي قاعده مع مامتك علطول وحماتك روحيلها اخر الاسبوع وخلاص , وان شاء الله جوزك يلم قرشين يساعدوه يفتح مشروع هنا

لكن متبقيش انتي والغربة عليه, اكيد هو كاره غربته دي اكتر منك والله ونفسه يستقر معاكي , بس لازم تشجعيه وتقدري ظروفه لحد ما ربنا يسهل ويرجع او يقدر ياخدك معاه

محبة _ الرسول انا كانت اول الحمل زايده عن كده وباخد برشام حديد دلوقتى ولاقتها قليله قولت اتاكد بس الحمدلله طالما انا فى النورمال يبقي تمام
sweetyronaa انا قالولى صح الحامل غير العاديه العادي من 12 لكن الحامل من 11 ميرسي ياقمر
والله انتو طمنتونى
انا فعلا ياسمر شغاله بتنجان لحد ماتجنيت وعسل وموز وتفاح والله على رايك انا فعلا بقيت بطه ههههههههههههههه
اموووونه اخبارك ايه لسه مش حاسه باى اعراض ولاده باين عليه عاوز ياخد حقه لحد اخر يوم هههههههههه ربنا يقويكي
انا هروح للدكتور بكره بقي مش هستنى الخميس لانى هسافر الخميس خلاص
هووووووووبس انا عمل معايا نفس الموقف عملت بقي مش عمل كانت حاطه مشط الرجل على التانى وخبط بايديها والدكتور فضل عالسونار تلت ساعه بالظبط وقالى قومي انتى والنونو بتاعك بدل مااضربك لانى قولتله مش هخرج غير لما اعرف النوع ههههههههههههه
بس هو قالى اللى بيبقي مدي ضهره بيبقي اكترهم بنات انا فعلا المره اللى بعدها فى السادس عرفت انها بنوته بس ان شاء الله ربنا ينولك اللى انتى عاوزاه وتعرفى المره الجايه

انا كمان يا بسمة هروح النهارده للدكتور مش هستنى للخميس مبقاش فيا صبر , وقلقانة اوي على حركة النونو , واللي زاد قلقي كلام البت غدير لما الحركة قلت عندها وراحت لقت نفسها بتولد :)

طمنينااا يا اموووووونة اما ترجعى

السلام عليكم حد هناااااااااااا

ههههههههههههههههههههههه هو عاملها فيكى برضو يا امونه:)

انا لغايه اخر مره برضو مش باين مع انه المره اللى قبلها قاللى قاعد مقرفص يعنى المفروض فاتح رجله بس قالى مش باين
والمره اللى فاتت ساعه النزيف لقيته بيقولى العضو بتاعه اهو قلتله نوعه ايه قاللى مش باااااااااااااااين:-#

اصله قاعد مربع رجله طب منين العضو اهو ومنين مش باين:mad::mad:

جوزى بيقولى يمكن ولد وهو مش عايز نقول لاحسن تزعلى وهو عايز نفسيتك تبقى كويسه:cool:

علشان مامته مصره انى حامل فى ولد علشان الحركه كانت بدرى بقولها مش شرط ياماما وبعدين دى كده الحركه متأخره عن زيزو قالتلى لا برضو واد البنت ماتلعبش بدرى ابدااااااااااا:thumbs_down:

قلتلها زى مايجى بقى ولد بنت مش مشكله المهم اقوم بالسلامه ده كان هايروح منى فى لحظه هاتأمر:o

رحت عملت التخطيط بتاع نبض الجنين , والدكتور اللي عمله قالي كل حاجة تمام , يعني شكلها مفيش ولاده دلوقتي خالص

والمفروض كنت ادخل للدكتور اوريه نتيجة التخطيط لقيت العيادة زحمة جداااااااااااااااا , سالأت الممرضة هو بيكشف نسا امتى ؟ قالتلي مش هيكشف الا لو جالك وجع !!!!!!!!!!

طيب افرض مجاش طلق ولا وجع اعمل انا ايه ؟

المهم انا سيبت نتيجة التخطيط مع الممرضة وقلتلها لما الدكتور ييجي خليه يشوفه ويحددلي معاد اجيله فيه, قالتلي اوكي كلميني الساعة 7 , هكلمها دلوقتي واشوف اخرتها مع الراجل ده

هالو ازيكوا يابنات انا جيت اشترك معاكوا علشان انا حامل لتاني مره في الشهر التالت دلوقتي

فراشة الإيمان;15748894:
ههههههههههههههههههههههه هو عاملها فيكى برضو يا امونه:)

انا لغايه اخر مره برضو مش باين مع انه المره اللى قبلها قاللى قاعد مقرفص يعنى المفروض فاتح رجله بس قالى مش باين
والمره اللى فاتت ساعه النزيف لقيته بيقولى العضو بتاعه اهو قلتله نوعه ايه قاللى مش باااااااااااااااين:-#

اصله قاعد مربع رجله طب منين العضو اهو ومنين مش باين:mad::mad:

جوزى بيقولى يمكن ولد وهو مش عايز نقول لاحسن تزعلى وهو عايز نفسيتك تبقى كويسه:cool:

علشان مامته مصره انى حامل فى ولد علشان الحركه كانت بدرى بقولها مش شرط ياماما وبعدين دى كده الحركه متأخره عن زيزو قالتلى لا برضو واد البنت ماتلعبش بدرى ابدااااااااااا:thumbs_down:

قلتلها زى مايجى بقى ولد بنت مش مشكله المهم اقوم بالسلامه ده كان هايروح منى فى لحظه هاتأمر:o

قليلها ممكن تكون بنت شقيه
ههههههههههههههههههههههههههههههههه

د\امونة;15749664:
رحت عملت التخطيط بتاع نبض الجنين , والدكتور اللي عمله قالي كل حاجة تمام , يعني شكلها مفيش ولاده دلوقتي خالص

والمفروض كنت ادخل للدكتور اوريه نتيجة التخطيط لقيت العيادة زحمة جداااااااااااااااا , سالأت الممرضة هو بيكشف نسا امتى ؟ قالتلي مش هيكشف الا لو جالك وجع !!!!!!!!!!

طيب افرض مجاش طلق ولا وجع اعمل انا ايه ؟

المهم انا سيبت نتيجة التخطيط مع الممرضة وقلتلها لما الدكتور ييجي خليه يشوفه ويحددلي معاد اجيله فيه, قالتلي اوكي كلميني الساعة 7 , هكلمها دلوقتي واشوف اخرتها مع الراجل ده

انا لو منك اروح اعض الدكتور ده
ههههههههههههههههههههههههه

اموووونه انا لو منك اروح لدكتورتك من الاول لان كده كتير اوى يعنى ايه ميكشفش غير لما ييجي وجع انا مش راضيه اخوفك بس مرات اخويا قعدت لحد التاسع والدكتور مرضاش يكشف واول ماجالها الطلق وكشف عليها قالها الحوض ضيق والرحم كمان مقلوب ولا ايه حاجه كده وولدت قيصري
بعد الشر عنك يعنى خليكي طبيعي بس شوفى دكتور تانى احسن
انا بقي رحت للدكتور انهرده والحمدلله مازال البيبي بنوته هههههههههه انا كنت شاكه ووزنها كيلو ونص تقريبا وقالى كويس لسه هتزيد لانى اول السابع لسه
بس طمنى وادانى حقنه التيتانوس :'( والحمدلله كل حاجه تمام قالى خر يوم ليكي فى الولاده يوم 9/2
بس وهسافر بكره بقي وهاجي اخر الشهر الجاى
يارب بكره ياامونه اطمن عليكي قبل ماامشي لان مش هعرف ادخل نت من بيتى :(

loveway اهلا بيكي ياقمر وربنا يتمملك حملك على خير ويباركلك فى بنوتك يارب

لوف واي , اهلا بيكي يا جميل , انت اسمك مروة تقريبا ولا انا بخرف ؟ :)


رونا وسلمى وبسمة

الحمد لله جالي اتصال من الممرضة الساعة 12 بالليل , بتقولي تعالي الصبح الساعة 10 الدكتور هيكشف عليكي نسا , اخيراااااااااااااااااا

خايفة ومرعوبة من الكشف بس بجد عايزة اعرف اخر الموضوع دا ايه

وعندكم حق في كل اللي قلتوه , انا فعلا ممكن ميجليش وجع طلق والمفروض يكشف يشوف الحوض ضيق ولا لأ بس يمكن هو حب يتاخر لحد اخر يوم ليا في التاسع اللي هو الخميس

هو الراجل ده بيتكسف يكشف نسا وللا ايه هههههههههههههههه طب مدام بيتكسف دخل طب ليه
انا الكتور كشف نسا بعد اسبوع باين من التاسع و بعدها باسبوع كشف تانى و عمللى تحرض على الولادة وولدت بعدها ب6 ايام
لوف واى اززززززززززززيك انتى مبقتيش تدخلى خالص ليه مبتدخليش اللا و انتى حامل ههههههههههههههههههههه
فاكرانى؟؟؟؟ اناا غيرت اسمى بس كان بوسى بردو
وازى نووور

هههههههههههه بس يا بوسي يا فقر


انا هقوله يعملي تحريض انا كمان هههههههههههههه


انا نازلة دلوقتي رايحة للدكتور , عايزاكو تتوقعو هيقولي ايه ونتراهن ب 10 جنيه ههههههههههههههه

هل هيقول الحوض ضيق وتعالي اولدك قيصري

ولا هيقول الولد نزل الحوض ونستنى كمان اسبوع

وال 10 جنيه تتحط عالترابيزة قبل التصويت ههههههههههههه

يخرب عقلك يا امونه بتتراهني و انتي رايحه تكشفي نسا هههههههه ان شاء الله هيقولك كله تمام و الواد نزل تحت و يولدك بقي و نخلص منك ههههههه

ازيكم يابنات وحشتوني اوووووووووووووووي
لوجي مش مخلياني اعرف اي حاجه مشغوله معاها طول الوقت
عرفت ان غدير ولدت الف مبروووووووووووك ياديرو وربنا يقومك بالسلامه مش عرفه حد تاني ولد ولا لسه
امونه انا مكشفتش نسا زي مانتي عرفه غير قبل الولاده بيوم :) وعرفت ان الحوض ضيق وجالي الوجع ونزل دم وولدت قيصري
هدخل تاني بعد شويه لجين صحيت باااي