fulla2010;15760645:
ان شاء الله يا سالى هترجعو لبعض زى الاول هو بس نظمى وقتك واتكلمى مع جوزك كمان قوليله عاوزين نرجع زى الاول وانتو الاتنين حاولو وماتقلقيش يا جميل
بصى يا دينا فى الحلات دى ما بحبش اتكلم وافضل اقوله احنا بعاد عن بعض وتعالى نقرب لان ده بحسه بيزود الفجوه اكتر هو ممكن جدا ما يكونش حاسس بالبعد والموضوع ده منى انا بس شعور من طرف واحد فمش عايزه الفت انتباهه انا بحاول دلوقتى اعمل افعال اقرب بيها تانى وارجع تانى بس مش هتكلم عشان الموضوع ما ياخدش اكبر من حجمه عايزه اتخطى المرحله اللى انا فيها دى فى صمت تام عشان ما تسيبش علامه بينا
paradise rose;15762465:
بصى حاولى تخرجى عن روتين الحياه شويه وفاجئيه باى حاجه جديده تعمليها معلش هو هيكون لوود عليكى بس لاز يحصل عشان هو ميتعودش انك بعيده عنه
ممكن حتى تستغنى عن يوم من الجيم وبدل ماتروحى الجيم وبنوتك عند مامتك خدى جوزك وروحوا فى اى حته
اى حاجه تتعمل حتى لو بسيطه هتعتبر تغيير
ربنا يصلح حالك
يارب يصلح الحال يارب انا بحاول والله فعلا تبقى الدنيا مش روتينيه
نورالقمر999;15765554:
انا حاسه بنفس احساسك ده ياسالي من اول اسبوع بعد الولاده وبقيت اقوله انت بقيت تكرهني علشان شكلي بقى وحش وجسمي بايظ وهو يقولي لا ويحلف لدرجة اني بقيت اقول لنفسي اني بتبلى عليه واني حساسه زياده عن اللزوم وان ده اكتئاب ما بعد الولاده ... وبقيت انا اللي اروحله احضنه وابوسه وانا اللي افضل لازقه فيه للان حاسه بانه بعيييييد عني مع انه بيرجع من الشغل العصر ويفضل معايا لحد تاني يوم بس برضه حاساه بارد معايا وبعيد زي ما بتقولي ... علشان كده اخدت قرار اني لازم ارجع عروسه بمعنى الكلمه ولازم ارجع الشوق والحراره لحياتنا للاننا لازقين في بعض من يوم جوازنا ... وفعلا نزلت مصر من 4 ايام وناويه باذن الله اروق نفسي من شعري لكعوب رجليا وكمان علشان انا اوحشه بجد...انتي مش حتقدري تبعدي لكن انا شايفه انك تروحي الجيم وتسيبي بنتك عند اهلك وترجعي تاخديها وتروحي بيتك وتقعدي جنب جوزك وتكملي تظبيط نفسك وشعرك مع الجيم ومعلش انتي اللي تقربي لجوزك مش تستنيه للانه ممكن يكون خايف يتقل عليكي للانك تعبانه ومرهقه من الولاده والبنت والبيت ,,اتكلمي معاه في كل المواضيع وهزري واضحكي واتدلعي عليه كمان...انا جوزي في قطر وانا في مصر بقالي 4 ايام بس ,بس بنتكلم على النت ونضحك ونهزر زي ايام الخطوبه للان بجد الملل الزوجي ده حاجه تعل
بجد يا سمر احسن حاجه ان الواحد يحاول يعمل جو مرح شويه وانا بحاول اهو اظبط نفسي من تانى نفسي اوى اصبغ شعرى:D
* كلاسيك *;15767860:
طيب ما تستني شوية ع الجيم يابنتي لحد ما تظبطي الامور دي
وحياتك ترجع شوية زي ما كانت وبعدين تبقي ترتبي وقتك ومواعيدك زي ما هي
وبعدين اديكي رحتي الجيم وعرفتي التمارين المناسبة ليكي خليكي في البيت
واعمليها انتى في بيتك جمب بنتك وجوزك يرجع يلاقيكي في بيتك
وحاولي تعملي نيو لوك ولو بسيط واعملي في يوم عشا او غدا رومانسي
وان شاء الله كل حاجة ترجع زي ما كانت بس انتى فكري في المشكلة صح
وربنا يسعدك يا سالي يارب F:
ربنا يكرمك يا يارا وتقومى بالسلامه يارب و ييسرلك ولادتك يااارب
بصى فكرة انى اسيب الجيم دلوقتى او استنى عليه صعب جدا
لانى تخنتت اوووووووووى بعد الولاده انا فى الحمل ما تخنتش كتير مش قادره اقولك بعد الولاده والرضاعه ضربت ازاى
وصلت ل 70 كيلو وانا كنت 54 وبعدين على طول بقى احساس انى مش قادره اتحرك من مكانى والكسل الفظيع وكنت حاسه انى تقيله كده مش خفيفه فى حركتى ومش شهله فى الحاجه اللى بعملها بجد
لما روحت الجيم بئه الحمد لله خسيت 3 كيلو بقيت 67 حاسه ان حركتى بقت اخف كتير عن الاول + روحى المعنويه الحمد لله بتكون كويسه
وده انعكس على بيتى ان رتم الحركه فى الحاجه اللى بعملها بئه اسرع فبقيت انجز اكتر الحمد لله
كمان انا بحاول اعمل تمارين فى البيت جمب الجيم بس الجيم فيه اجهزه حلوه اوى وبتعمل مفعول انا عندى مافيش اجهزه بس انا بحاول انظم الدنيا الفتره دى وحولت ميعاد صباحى بدل مسائى والله المستعان