ʚϊɞ التجمع الثالث لحوامل شهر ديسمبر 12-ʚϊɞ 20011

السلام عليكم يابنات

اخباركم إيه

ماشاء الله شايفاكم نشيطين قوى

وردة ودكتورة سمسمة

للأسف الجهل وحش

انا ولادتى الاولى ماكنتش لسه إتعاملت مع عالم النت خالص

ولا ليا أخوات كبار

وانا اصلا أول بنت فى العيلة كانت ترزق بطفل

وكل اللى قبلى كبار كلهم كانوا بيولدوا فى البيت وما يعرفوش حاجة عن

موضوع الشق ده

وانا ما عرفتش حاجة عن شق العجان ده إلا فى الآخر

وحتى ما عرفتش إيه اللى بيتعمل فيه خالص

وعلشان كده يومها كنت متخيلة إنهم فاهمين شغلهم وحتى لما حصل اللى

حصل ما عرفتش إنه مشكلة غير لما بقيت أحكى اللى حصل معايا

وانا اصلا ما طولتش فى المستشفى خالص

يعنى ولدت الساعة 6 الصبح على الساعة عشرة كنت خارجة من

المستشفى وأصلا انا وقتها كنت لسه مش فايقة من تعب الولادة علشان

أحكى إيه اللى حصل معايا لوالدتى ولا حتى أسأل الدكاترة عن سبب عدم

إعطائى بنج

يلا هو ده اللى قدره لى ربنا والحمد لله على كل حال

ام مشمش وأم احلى محمود وكارولين وعيون محمد ورونق الحياة ومريومة

وياسوو وحور اخباركم إيه يابنوتات

الحمد لله أنا بخير يا مريومة

أم أحلى محمود ربنا يعينك أنا بس بدأ معايا الحكة فى بطنى وبدات أتعب منها

إنتى بقى حالك أسوأ ربنا يهونها عليكى

ماهو ده يا أسيرة اللى خلانى كرهت الولادة فى المستشفيات الحكومية

كشفوا عليا كشف كريه كل دكتورة تدخل تكشف من تحت علشان تتاكد إنى

مافيش نزيف وانا أصلا مش مستحملة حد يقرب بس من تحت

وبعدين كتبوا لى على خروج علشان يفضى مكان لناس تانية هتولد لما لقونى

كويسة الحمد لله ما عنديش مشاكل

والله أنا بعد اللى شفته فى ولادتى دى كنت كارهة الحمل لفترة طويلة جدا

وكل ما أشوف بيبى صغير أفتكر كل اللى شفته وما أحنش أبدا للحمل

وأنا فعلا عرفت إن فى السعودية اللى بتولد طبيعى أقل شىء تجلس يوم وليلة

والقيصرى أكتر

وأنا ده اللى يهمنى لأنى إن شاء الله هأولد فى الرياض

ربنا يسهلها على الجميع

علشان كده قلت قبل كده أهم حاجة فى المكان اللى هتولدى فيه

يكون لك خبرة فيه أو حولك من أهلك اللى مجربينه او على الأقل سمعتى

خبرات غيرك فيه

الحمد لله بخير حملى يامريومة المفروض أنا اسألك لأن سابقانى واعرف منك

إيه اللى منتظرنى :lol:

اليومين دول ماشاء الله بطنى ظهرت أكثر وبدأت أصدق إنى حامل والجلابيات

بتاعتى بدأ تمسك عليا :lol:

بس أعوذ بالله فى نفس الوقت الحموضة والإنتفاخ والغازات زادوا و وتعب الظهر

زاد

وماشاء الله حركة ميرو حبيب ماما إنتظمت عن الاول وبدأت أحس بيها بشكل

يومى

أهلا ملكت قلبك

انا اهه لسه فاضل لى على تجهيز السحور ساعة إلا ربع تقريبا

عندى أرق ومش عارفة أنام رغم إنى تعبانة جدا وعظمى واجعنى قوى