27 مرة نقول يا تري بتعملي الأكله دي ازاي؟ مبدعات مصر القمرات شهر شعبان 1432

ام عمر افندى;15413406:
ازيكم يا بنات كل سنه وانتوا طيبين خلاااااص رمضان على الباااب استعدوا كويس بقا عشان نبقا فاضيين فى للعباده شويه ميبقاش كله اكل اكل وبس

نووور انا اصلا لحد دلوقتى مش لاقيه الاجنده مش عارفه راحت فيييين شكل هيثم او عمر حطوها فى حته لما كنت فى المستشفى مش لاقياها خاااالص بس عندى طبق فى الفريزر ابعتهوووولك والله ميغلاش عليكى

مشمشه بصى يا ستى فى كذا طريقه للخشاف هقولك عليهم وانت جربى وشوفى اللى يعجبك هتجيبى بلح ناشف وتكسريه وتديله شطفه وهتجيبى قراصيه ومشمشيه وتين وكل ده تقطعيه يا اما بالنص او حتت صغيره انا بقطعه بالنص وهتجيبى ميه وتحطى فيها معلقتين تلاته سكر وتقلبى كووويس وتحطى بقا كل اللى انت قطعتيه ده وتسيبيه منقوع من بالليل لتانى يوم فى ناس بتديها غلوة بس انا بحبه كده اكتر وده اللى بعمله علطوووول كده احلى واخف

فى ناس بقا بدل الميه بتعمل عصير قمر الدين وتنقعى برضوا البلح والقراصيه والمشمشيه والتين بس انا مش بحبه كده بحب اشرب قمر الدين لوحده

وفى بقا بينقعوه فى لبن بدل الميه وقمر الدين

وفى بينقعوا البلح بسسس فى لبن

كل دى طرق للخشاف وممكن انت بقا تزودى مكسرات من اللى موجوده عندك وبس كده

ها مفيش حد قر هتعملوا اييه اول يوم رمضان

شكرا بوسي ربنا يكرمك
انا ناويه والنيه لله على محشي وكوكو وشوربه :hysterical: ربنا يقدرنا بقى لان اصلا كلو بيبقى عايز يشرب ميا وعصاير ومش بناكل كتيييييييييييير
كل سنه وانتى طيبه

ازيكم كلكم يابنات وحشتونى اوى وازيك يابريق انتى عارفانى بئه:)

روضه 2006;15416146:
ازيكم كلكم يابنات وحشتونى اوى وازيك يابريق انتى عارفانى بئه:)

انا كويسة الحمد لله يا جميل وكلنا بخير
بس ايه رايك بقى فيا اروبه ههههههههههههههه انا شوفتك في تجمع التجهيزات بتقولي جبتي مصطفى قولت اجي ازاولك بقى هنا ههههههههههههههههه :lol:
ربنا يباركلك فيه يا حبيبتي ويسعدك وكل سنة وانتي طيبة F:

مممممممممم جامده طريقه الفلافل دي حأجربها يا نور

بنات جبتوا حاجات رمضان؟

هيا فين فراشه الأيمان و رورو؟؟؟؟؟؟؟

ازيكم يابنات عاملين ايه؟
كل سنة وانتم طيبين
انا جبت حاجات الياميش وكدا بس مش عارفه اجيب ايه تاني لرمضان

وسؤال كمان يابنات لو سمحتم
جلاش بحشوة البيتزا بيتعمل ازاي
وبيتسوى ازاي

يا بنات عاوزة منكم خدمه :o

انا بإذن الله هعزم اهل جوزي واهلي في رمضان في يوم واحد واول مره اعزمهم
يعني هنبقي 8 افراد ان شاء الله
بصوا كده المنيو دي وقولولي كفايه ولا ايه

بإذن الله هعمل صينية جلاش بحشوة البيتزا
وصينية مكرونة بالبشاميل
وكباب حله
وفراخ مشوية في الفرن وشوربة فراخ طبعا
وبفكر اعمل صنف خضار ورز ابيض بس مش عارفه اعمله ولا لأ ولو عملته احط فيه لحمة ولا لأ او بفكر اكنسل الطبيخ واعمل ملوخيه تتاكل بالعيش واعمل جنبها كبسه او رز احمر

ها قولولي كده ايه رأيكو انا اول مرة اعزم اهل جوزي وعاوزة سفره تشرف بقا
وعندي سؤال كمان معلش
الحلويات النافه الصينيه بتتعمل بأد ايه كنافه يعني نص كيلو ولا ايه :o
انا فاشله جداااا في تقدير الكميات وكده فقولولي لو هعمل صينيه كنافه اعملها بأد ايه وياريت الطريقه وطريقة البسبوسه برضو
وكفايه الكنافه والبسبوسة ولا اعمل حاجه تاني

والمشروبات بقا :lol:
بفكر اعمل قمر الدين عصير وبعد كده هيبقي الشاي وخلاص ولا شكلها بايخ
ولا افكني من قمر الدين واعمل خشاف؟
معلش انا اسئلتي كتير

kitty_kity;15417964:
ازيكم يابنات عاملين ايه؟
كل سنة وانتم طيبين
انا جبت حاجات الياميش وكدا بس مش عارفه اجيب ايه تاني لرمضان

وسؤال كمان يابنات لو سمحتم
جلاش بحشوة البيتزا بيتعمل ازاي
وبيتسوى ازاي

اتفضلى ياقمر http://forums.3roos.com/showthread.php?t=533966


ده اختراعى انا هه:worn_out:
وبعدين كله عمله:lol::lol::lol:

تسلم ايدك يارشروش
انا كنت عايزة اعرف جزئية التسوية دي كنت شاكة بتحط عليه لبن ولا لا
تسلمي ياجميل

بنات ياريت تقولولى ايه هى حاجه رمضان
يعنى الزبيب وجوز الهند والمكسرات عباره عن ايه وايه وبلاش ايه مثلا يعنى
معلش هاتعبكو معايا
هوبس.....المنيو جميل بس انا رائى شيلى صنف الخضار والرز كفايه الباقى ومعاهم ملوخيه

روشا كل سنه وانتى طيبه
بقى لو ليكى فى الخشاف هاتى
قرصيه
مشمشيه \بلح \تين ناشف \زبيب \
جوز هند مكسرات
قمر الدين

ميرسى يارشروش بس انا مش ليا ف الخشاف خالص وهاشوف جوزو لو ليه هاجبله كميات بس مش كبيره
انا اللى ف دماغى حاليا الزبيب وجوز الهند والمكسرات بس محتاره اجيب المكسرات زى ماهى ولا مطحونه
فى ناس خوفتنى من المطحون ؟؟؟؟؟ انتى ايه رايك؟؟؟؟؟

لالالالالالالالا بلاش المطحونه مش بيبقى مضمون
بصى انا عن نفسى بجيب فستق مقشر للكنافه وبندق مقشر برضه وعين جمل ولوز كل حاجه منها ربع كيلو ولما يخلصوا اجيب تانى
وبجيب كاجو وفستق بقشره للاكل
وخلى بالك الفستق تقولى للراجل بتاع الطبيخ يعنى مش ممكلح علشان الكنافه
وبعدين انتى لسه انتى وجوزك يعنى هاتى من كل نوع بتحيبه ربع كيلو

بنات صحيح عاوزة طريقه كب كيك حلووووة ومتجربه ومش بتبزق ولا تفتفت
عشان انا جربت كذا طريقة وبيتبهدل مني :(

ازيكم يابنات وحشتونى اااااااااااااااااوى والله

كل سنه وانتم طيبين يابنات ورمضان كريم

عايزه اعرف القطايف بالكريمه بتعمل ازى ؟؟؟؟؟؟؟؟

nanoo99;15418468:
ازيكم يابنات وحشتونى اااااااااااااااااوى والله

كل سنه وانتم طيبين يابنات ورمضان كريم

عايزه اعرف القطايف بالكريمه بتعمل ازى ؟؟؟؟؟؟؟؟

نانوووووووووووووووووو حبيببه قلبي حمد علي سلامتك و الله ما خدت بالي الا من التوقيع معلش يا جميل أخبار البيبي ايه و عامله معاكي ايه؟ ايه ده انتي حتأكليها قطايف من أولها كده هههههههههههه

Boody we zady;15417726:
مممممممممم جامده طريقه الفلافل دي حأجربها يا نور

بنات جبتوا حاجات رمضان؟

هيا فين فراشه الأيمان و رورو؟؟؟؟؟؟؟

جربيها انا عملتها تاني امبارح برضه بس جه على دماغي
بابا قال مش هنشتري فلافل مقلية تاني خلاص انتي اقليها بقوم من عز نومي عشان اقليله فلافل 8o|
رورو مسافرة لاختها بس فراشة الايمان معرفش فين مش باينة

kitty_kity;15417964:
ازيكم يابنات عاملين ايه؟
كل سنة وانتم طيبين
انا جبت حاجات الياميش وكدا بس مش عارفه اجيب ايه تاني لرمضان

وسؤال كمان يابنات لو سمحتم
جلاش بحشوة البيتزا بيتعمل ازاي
وبيتسوى ازاي

الجلاش طريقة رشروش جميلة
بالنسبة للياميش احنا بنجيبو التالي
قمر الدين + قراصية + مشمشية ومش بنجيبو تين مش بنحبوه + بلح ناشف
والمكسرات بنجيبو سوداني بس مقشر ومش متحمص ني انا باحمصه وبكسره وزبيب وجوز هند وفقط لا غير بصراحة مش بنجيبو مكسرات تانية
لو انتي عايزة زيادة هاتي بندق هاتي لوز عين جمل فسدق كده يعني وهاتيهم مصححين وللحلويات وانتي حمصي واجرشيه
والتوضيبات التانية بتجهزي بقى حاجات في الفريزر تسهل عليكي الطبخ عشان مش طول الوقت مطبخ لان انتي معاكي بيبي محتاجة رعاية وكمان تستغلي الوقت للعبادة والجو حر مش حمل وقفة مطبخ

ra_tamima;15418040:
بنات ياريت تقولولى ايه هى حاجه رمضان
يعنى الزبيب وجوز الهند والمكسرات عباره عن ايه وايه وبلاش ايه مثلا يعنى
معلش هاتعبكو معايا
هوبس.....المنيو جميل بس انا رائى شيلى صنف الخضار والرز كفايه الباقى ومعاهم ملوخيه

بصي بالنسبة لعندنا في البيت
اهم حاااجة السوداني والزبيب وجوز الهند ومش بنجيبو غيرهم
لو حصل بقى وجالنا من برة تيتا بعتتلنا حاجة يعني بنحبو اللوز والفسدق وعين الجمل والبندق ودول بنعتبرهم مش اساسيين يعني
اه والقرفة كمان اساسية في بعض الحلويات عندنا

.. Hopes;15418294:
بنات صحيح عاوزة طريقه كب كيك حلووووة ومتجربه ومش بتبزق ولا تفتفت
عشان انا جربت كذا طريقة وبيتبهدل مني :(

تصدقي انا كان معايا طريقة كب كيك بتاعة لقاء كانو قالوها هنا بيقولو تحفة بس جبت الاجندة مش لقيتهالك :-#

\
قطايف بكريمة الفستق



السلام عليكم يا قمرات



النهارده معانا قطايف بكريمة الفستق و ممكن تحشيها أي كريمة اللي يريحك



المقادير :
2 كوب دقيق / 2 كوب لبن / ½ م ص خميرة فوريه / شربات ( القطر ) / زيت للفلي.
الطريقه:
1- خنخلط الخميرة مع الدقيق و بعد كده نزود اللبن و نضربهم كويس بالدقيق .
2- نغطيها و نتركها شويه لمده مش تقل عن ½ ساعه.
3- نحضر طاسه تيفال صغيرة و نمسحها بالزيت.
4- نصب بالمغرفه شويه صغيرين من العجينة زي في الصوره.
5- و هيا سخنة نقفلها نص قفله.
6- أنا كنت محضرة الكريمة عباره عن كيس جاهز كنت اشتنريته من مترو.
7- نقلي القطايف .
8- نرش عليها من الشربا و نحشيها بالكريمة و نزوقها يا حاجة متوفرة فارماسيل أو سوداني مجروش أو جوز هند.'''


أهي يا نانو و الصور موجوده في الموقع

Boody we zady;15418765:
نانو انتي عايزة الكنافه بحشو الكريمة و الا الكنافه كعحينه ؟

قطايف يا ام بودي قطايف جبتي كنافة دي منين ههههههههههههههه

kitty_kity;15417964:
ازيكم يابنات عاملين ايه؟
كل سنة وانتم طيبين
انا جبت حاجات الياميش وكدا بس مش عارفه اجيب ايه تاني لرمضان

وسؤال كمان يابنات لو سمحتم
جلاش بحشوة البيتزا بيتعمل ازاي
وبيتسوى ازاي

ازسك سا قمر عامله ايه ؟

جلاش بخلطة البيتزا
السلام عليكم يا قمرات
النهارده معانا جلاش بطريقه جديده ان شاء الله يعجبكم خفيف و مش مكلف
المقادير :
½ لفه جلاش / جبنة موزاريللا أو شيدر أو تركي / طماطم / سمنة سايحه / زيتون / بيضه / كوبايه لبن / ملح و فلفل
الطريقه:
1- حندهن القالب بالسمنة .
2- حنفرش نص كميه الجلاش و ندهن بين كل طبقه و طبقه سمنة أو زبده سايحة.
3- حنرص الطاطم و الزيتون و نرش الجبنة .
4- حنكمل باقي ورق الجلاش.و برضه ندهن بين الطبقات.
5- حنحضر كوبايه لبن مضروبه ببيضه و ملح و فلفل و نحطها علي الوش.
6- ندخل فرن متوسط لمده 20 دقيقه




من موقعي و الصور موجوده هناك بالتفصيل.