السلام عليكم يابنات
الحمد لله أخيراااااااااااا فكيت من حالة الإكتئاب وفقت منها:D
الجو الحمد لله بقى أحسن وربنا يفكها على الجميع كمان وكمان :lol:
يابنات حرام عليكم بجد عاجباكم اللفات اللى الطفل يبقى فيها زى المتكتف :confused:
إحنا صحيح لما البيبى يتولد نلفه بلفة قطن فوق ملابسه ونربطها كويس على
وسطه لكن ذراعاته بتبقى خارج اللفة علشان يبقى حر وما يتكتفش ويتخنق
ده مهما كان إنسان وما يستحملش الكتمة والخنقة دى
انا عن نفسى من خلال تجربتى مع بنتى
اللى إحتجته معاها
بطانية اطفال
و ملاءات أطفال اللى هى بتبقى متر فى متر خفيفة خاصة بالإستخدام اليومى
العادى علشان حديث الولادة يتلف فيها فى البيت
سلوبيتات داخلية لانها أحسن مليون مرة من الفانلات والكلوتات للبيبهات لأن
الطفل من كتر ما الناس بتشيله ملابسه بتتبهدل وتطلع كل شوية وجسمه
يتعرى أما السلوبيت بيبقى مقفول بكلبسات من عند الحفاض وبتبقى مريحة
فى الإستخدام وده صورته
شنطة البيبى
دى مش عملية خالص
لأنك بتخافى برضه تشيلى البيبى فيها وتنزلى إيدك ولما تشيلى البيبى وهو
فيها بتبقى متعبة جدا للإيد لو شيلتيه لوحده هيبقى احسن
طبعا فى الشتاء وخاصة أول شهرين من عمر البيبى بيبقى الأفضل يلبس
السيلوبيتات الطويلة اللى بتبقى زى ده
ده بيبقى محكم على الطفل وبيدفيه كويس وفى نفس الوقت مريح للام
والطفل
برضه الفانلات البيضاء النصف كم والكم هتنفع فى الفترة الأولى خاصة فى عز
البرد
برضه فايدة السلوبيت فى الفترة اللى بنغير فيها على السرة بيبقى التغيير
السهل لانك بس بتفكى كليبسات السلوبيت وتغيرى على جرح السرة وكمان
الفترة الأولى بنغير حفاضات البيبى كتير قوى لان بيبقى عنده ما يشبه
الإسهال
بعد كده نقدر نلبس عيالنا كل اللى إحنا عايزينه:adore:
وبالنسبة للولادة
مش عارفة ليه باحس إن الخليجيات بيخافوا جدا من الولادة القيصرية وبيتفادوها
بقدر المستطاع حتى لو عانت جدا فى الطبيعى
عندنا كتير ستات بيولدوا قيصرى طبعا مش بإختيارها
ولكن مثلا صحتها ضعيفة أو الحوض عندها صغير ورأس البيبى كبير
او عندها السكر او الضغط
او الطفل لسه ما نزلش فى الحوض
أو عنق الرحم عندها مش عايز يفتح ومافيش طلق خالص
والمياه نزلت او عدت موعدها بوقت وكده هيبقى غلط عليها وعلى البيبى
وصدقونى أنا ولدت طبيعى وعانيت من جرح شق العجان نتيجة عدم خياطته
كويس وحسيت إنى إتبهدلت اكتر من اللى ولدت قيصرى
فالموضوع هو فقط تساهيل ربنا سواء بقى ولادة طبيعية او قيصرية
السهولة وعدم التعب من عند ربنا
ولو بتعانى من مشكلة يبقى ما تخافيش مشكلة القيصرى فقط الجرح
واللى بيقولوا على إن اللى بتولد قيصرى بيبقى لها بطن
انا عندى جارتين وزوجة أخو زوجى
والدين قيصرى ماشاء الله اللهم بارك ما عندهمش بطن خالص
فالموضوع مالهوش علاقة بالولادة القيصرى
انا باقول الكلام ده يابنات
لأنى قرات على النت تجارب مؤلمة جدا لأمهات كتير والسبب إنها عانت من
مشكلات فى الولادة ورفضت الولادة القيصرى من البداية فكانت النتيجة إن
الواحدة منهم تقعد فى الولادة باليومين والتلات أيام ويعطوها طلق صناعى وده
لوحده مصيبة وفى النهاية برضه يولدوها قيصرى لإستحالة الولادة الطبيعية
يعنى شافت ويل الطبيعية وبرضه عانت من القيصرية اللى كانت خايفة منها
من البداية
لو كانت طاوعت الدكتورة من البداية كانوا ريحوا نفسهم من كل العناء ده
وإرتاحوا جدا
ده اللى بتولد قيصرى بتقعد فى غرفة العمليات بس ربع ساعة أو نصف ساعة
بالكتير قوى
وبعدين وقتها لما الدكتورة تقول لواحدة منكم على الولادة القيصرية وإنها
الأفضل لحالتها ساعتها تصلى إستخارة فى أمرها
واللى ربنا هيكتبه لها هيكون
أنا لسه قارية قصة واحدة دخلت علشان تولد طبيعى وكانت معاها واحدة هتولد
قيصرى سبحان الله هى ولدت قيصرى واللى كانت معاها ولدت طبيعى
فكل واحدة بتأخد اللى مكتوب لها
ربنا يسهل لنا جميعا ولادتنا كلنا :D
