¨°•√التجمع الثامن : للحوامل اللواتي سيلدن بإذن الله بشهر يونيو (6) 2011 ♥√•°¨

الف الف مبروووووووك العهد
والحمدلله على سلامتكم
ويتربى بعزك
اي سأليني انا واداااااااااااعا لنووم
احس راسي بينفجر من قل النوووم
والمشكله لناموا انا طار نومي

روز ياهلا واللله
الحمدلله ابرار ورضا بخير بس مساكين مزكمين
اليوم امي بتوديهم موعدهم
انتي شخبار بنتك ان شاء الله مو معذبتك معاها

ابتهااال

اي والله تريحين بس بصراحة تجيك فزه من النوووم فجأة

ان شاء الله تولدين قريب ولادة ميسرة باذن الله

هلا نوارة

بنتي تناااام وتقعد تصيح جوعانة و ترد تناااام هذا حالتي طول اليوم
وبالليل افز من نومتي على صياحها
بس امي الله يعافيها الباحة خذتها ونومتها جنبها وقالت لي نااامي لاتقعدين
وعطتها حليب صناااعي

بعود بنتي على الاثنين صناعي وطبيعي لان الطبيعي متعب صراحة
وتوني هاليومين بديت احس بالم في صدري الظاهر انه الحليب يتجمع

سلام بنات

شخباركم ؟؟؟ وحشتووووووووووووووني:adore::adore:

مبروك لكل الي ولدوا و يتربون بعزكم البيبيات و الفال للي ما ولدوا ,, انشالله تتيسر ولاداتكم

سيد جبريل ماخذ كل وقتي ..دقاته في الصياح غريبة خخخخخ:lol:
انشالله بكتب لكم هاليومين قصة ولادتي و صدمتي بالقيصرية بعد ما كنت طول الوقت متوقعتها طبيعي

اهم شي بنات الي ما ولدوا .. نااااااااااااااااااااااااااااااامو زين ترى بتفتقدون النوم بعدين خخخخخ:-#

وين الصامدات اليوم؟؟؟

لايكووون ولدوا عني؟؟؟؟؟؟ :(

انا باجر موعد ولادتي على حسب الدوره بس ما اعتقد بولد اتصدقون يابنات احس ولا بولد هههههههههههههه تعبت من الثقل

قاعده تنزل عليي افرازات غيير يعني فيها كتل عادي هالشي؟؟؟؟؟ ورطوبه ماي مافي الا ادا مشيييت

العهد
انا امس قاعده امشي وحسيت ان شي قاعد ينزل في الحوض اقول يمكن هو قاعد ينزل؟؟؟ بس ماكان في الم كان ضغط

النوم مجافيني وكله الالام تحت في الليل ومستمره على التمر والمشي بس ما ااشووف صار شي؟؟؟؟؟

الكل يقول لي صبري صبري وانا ابي اولد مشتاقه اشوووفه

والوالده كله تخرعني من الولاده كله تقولي على بالش سهله الولاده اقول لها ادري مو سهله بس ابي اجرب

ادعولي يابنات ان الله يقرب ويسهل ولادتي لاني من جد ابي اولد :(

مبرووووووووووووووك يالعهد والحمدالله على سلامتك

انا ولادتي بيزون كذى نايمه وكل ماحسيت بالطلقه اصحى وارجع انااااااام وكان تحطلي ابر بنج الدكتورة كانت عسوله

مرحباً بنات...آليوم رحت موعدي علشان الاشعه لتحديد الولاده اذا تكون طبيعي او قيصري... و في الاشعه بين انه الحوض صغير يعني ما يساعد على خروج البيبي فقرور انه سيؤن لي عمليه ورأ بكره الاثنين....لانه الاوجاع باديه فيني ولا يريدوني أعاني. وجع الطبيعي وبعدها عمليه...

بنات ادعولي الله يجبر بخواطركم...

wadeema;15258210:
مرحباً بنات...آليوم رحت موعدي علشان الاشعه لتحديد الولاده اذا تكون طبيعي او قيصري... و في الاشعه بين انه الحوض صغير يعني ما يساعد على خروج البيبي فقرور انه سيؤن لي عمليه ورأ بكره الاثنين....لانه الاوجاع باديه فيني ولا يريدوني أعاني. وجع الطبيعي وبعدها عمليه...

بنات ادعولي الله يجبر بخواطركم...

ياارب تولدين بالسلامه يااااااااار ب

بيييه الله يساعدش اختي وانشاالله سهاله خديها بروح ايجابيه على الاقل اكتشفوا الحين مو لين جاش الطلق


باقي البنات شخباركن مافي اخبار؟؟؟؟

شكله الكل ولد

والله عجيبه العهد ام احمد وناسه اروح ولاده ابي هيك والله يخلي حمودي

نيغار الله يخلي سي سيد ويتربى بعرج وتنظر القصة الولاده

نوارة الحياه يعطيك الف عافية


رحت مطر انه عندي موعد بأجر الله يستر

هلا صامدات ووالدات

شخباركم

ان شاء الله تمام

العهد الحمد لله على سلامتج ومبروك احمدي ويتربى بعزج

وقصصكم حلوة انتي وروز

ودمااا الله يسهل عليج وماعليه

اهم شيء عرفتي قبل وﻻ تعذبتي عذابين

يالله ربي يسهل على الحوامل

روح عامر هلا نورتي المكان عيوني ربي يسهل عليج وعلى كل الحوامل

xxRosexx;15252212:
سلاااام عليكم ياااحلوين
بكتب لكم قصة ولادتي مافيها اكشنات كثيرة بس اتمنى تستمتعون بالقراااءة هههههههه

موعد ولادتي يوم الاثنين 13 / 6

كان عندي موعد يوم السبت والدكتورة قايلة لي في الموعد اللي قبله ان ضخ المشيمة بدا يضعف شوي وبتشوف في الموعد الجاي اللي هو السبت اللي اتكلم عنه تغذية الجنين من الحبل السري
رحت السبت و شافت ان الحبل السري بدا يلتف على الرقبة وقالت لي لو نطرنا الطلق الطبيعي ممكن يلتف اكثر و يمكن نضطر نعمل قصرية تعالي بكرة اللي هو يوم الاحد ونبدا الطلق الصناعي
يوم الاحد ركبت السيارة ومعاي امي طبعا مافيني شي ولابوادر ولااادة وطول الطريق الدمعة في عيني احساس ما ادري شلون انك تروحين المستشفى علشان بتولدين وانت ماتدرين كيف الالام و لا فيك حاجة وطول الطريق زوجي كان مشغل سورة مريم و الانشقاق و الزلزلة
وصلنا المستشفى و سوينا اوراق الدخول على طول رحنا لقسم الولاااادة و انتظرت شويه ودخلوني غرفة الولااااادة على طوووول كذا نظام المستشفى يعني اي وحدة تطلق على غرفة الولادة ماينقلونها من غرفة لغرفة ويستنونها توصل لمرحلة الولادة
نمت على السرير ولبست ثياب المستشفى وجات الدكتورة وقاستني طبعا مو مفتوح الرحم ابد
عطتني اول شي ملين لعنق الرحم الساعة 9 الصبح وكان يعووور وقالت الدكتورة بتظلين 6 ساااعات اووووووف وااجد وبعدين بحط الطلق الصناااعي وقعدت بدون الالام ولا شي وتعودت على الغرفة هههه تهيئة نفسية للولادة و حاطين علي تخطيط البيبي ومغذي ما ادري شنو فيه ههههه وخذوا مني تحليل دم وكنت اروح واجي للحمام
الموقف الطريف
اخترب هوز الحمام صار يسرب ماي يعني اذا جيت افتح الهوز يتطشر علي الماي واااااي وانا بحالة روحي طبعا علشان الروح الحمام لازم يشيلون جهاز النبض و يدخلون معاي المغذي يعني قمه الوهقة
المهم زوجي كلمهم قالوا مايصير يدخل رجال والمدام موجودة طيب ظليت شوي ودخلت الحمام قلت لزوجي ما اقدر احس مو مرتاحة وانا بدخل الحمام كثير خله يدخل و اتغطى
زوجي قالهم واقتنعوا ودخل الهندي هههههه وانا قاطين علي عبااااتي في غرفة الولاااادة خخخخخخ اشوه مافيني طلق ولا كان علووووم المهم صلحه وطلع الحمد لله اهم شي الراحة النفسية واهم شي ارتاح في الحمام
نعود الى الولادة
صارت الساعة 12 و جات الدكتورة و شالت الملين قالت تمام ما احتجتي 6 ساعات بس 3 ساعات الحمد لله و12 ونص الظهر ركبت الطلق الصناااعي بالمغذي وظليت الى الساعة 3 بدووون الم و القابلة قاعدة جنبي تقول لي ماافي الم اقووولها لاااا وتقولي بس فيه طلق ههههه الله ونااااسة طلق بدوون الم
الساعة 3 جات الدكتورة قاست وقالت بس 1 سانتي هئ هئ ظليت اشوي وبدا الالم احس فيه شوي و بعدين بدا يزيييييييد ويصير منتظم وجات الساعة 6 المغرب وقاست الدكتورة قاااالت بس 2 سانتي هئ هئ هئ حدي انقهرت يعني قاعد يفتح الرحم شوي شوي وبعدين قالت لي بفتح ماي الجنين وافتحته بدا الام يزيد يزيد يزيد طبعا ما اكلت شي على فطوووري الصبح ممنوع اخذ شي وقت الطلق بس ريقي نشف جابوا لي مااااي وشربت شويه و رجعته على طووووول كانه فيني الدوووورة وكل ما تبدا طلق اصلي على محمد و اقول سبحانك لا اله الا انت اني كنت من الظالمين واقرا سورة الزلزلة وكنت حاطة في بالي انه بيفتح الرحم وشوي شوي يعني الالم اللي انا فيه راح يزيد بعدين لازم اتحمله وبعدين جات القابلة وعطتني ابرة مسكن ونمت واذا جات الطلقة افز من النوم وارجع انام صدق الله راحم بحالنا لان الطلق مش متواصل الحمد لله ....
المهم ظليت نايمة واصحى من الطلق الى الساعة 9 بالليل وانا حاااطة في باااالي انه في الم اقووووى من كذا لااااازم اتحمل وما كنت اصاااارخ كنت اتاوه طبعا نسيت اقول لكم ان كنت اسمع صراخ في الغرف الثانيه تقريبا ثنتين وولدوا قبلي وحدة الظهر و حدة المغرب وكنت اسمع صوت البيبي وحييييل كنت اقول متى اناااااا
طيب اكمل الساعة 9 جااات الدكتورة وقااااست والمفاجاة قالت ممتااااز 7 سانتي وصارت القابلة تصفق لي وتقولي "" ساطرة"" لاحظوا سين وليس شين ههههه قابلة فليبينة
وقالت لي الدكتورة ننتظر كمان 3 ساعات وانا اقوووول متى تعدي هالسااااعات وظليت على الالم الى ان جانتني طلقه قوووووووووية وصارخت قلت " ماني قاااااااادرة اتحمل " جات القابلة هالمرة قاااست وقامت تصففق تقول 10 سانتي ولااااااادة وصارت تعلمني البوش وظلت معاااي اذا جات الطلقة تقول لي بوووش بووووش وقالت لي راااس البيبي باااين اعملي بوووش بجهز الاغراض وخبرت الدكتورة وجات معاهم ممرضة ثانية هندية
وجات الدكتورة قالت وريني كيف تعملي بوش اذا مو قادرة تعملين بوش والبيبي ماقادر يدفع نفسه راح نستنى شوي فقلت لاااازم اثبت جدارتي ههههه علشان اولد مابي استنى بعد وجات الطلقة عملت بوووش وقالت لي شكلك شااطرة يالله جهزوا الاغراض
بصراااحة مررررة ارتحت في المعاملة و هالشي ساااعدني كثييير في الولادة وريح نفسيتي
وظليت اشوي وانا كل طلقة اعمل بووووش وقالت الدكتورة نامي شوية على جنبك ارتاحي برووح دقايق وراجعة والقابلة ظلت جنبي وانا اعمل كل طلقة بوووش وتسال القابلة متى بتجي الدكتورة لان اكيد بتعملي توسعة وبيطلع البيبي على طووول
وشوي وتجي الدكتورة وقالت ياالله دفي دفي دفي وقالت لي شعرها حلووو يالله الطلقة الجاية راح تطلع ما بقى شي طبعا هم عطوني ابرة تخدير موضعي و جات الطلقة ماقبل الاخيرة وعملت الدكتورة التوسعة و وطلعت ساااارونة الساعة وحدة ونص فجر يوم الاثنين وجات عقبها على طول طلقة اخيرة وطلعت المشيمة
وصاروا الممرضات يصفقوووون وجابوها في حضني ياقلبي عليها وزوجي كانت ورااا البااب وسمع كل شي وبعدين طلعوها له وطبعا طول هالوقت بدت بالخياط وماحسيت بشي فقط نغزاااات
وجابوها لي مرة ثانية قالت الدكتورة انت العبي مع سااارة وانا بشتغل وبعدين خذوها وظليت اقول للدكتووة ماخلصتي وهي تقول لي ثواني بس ظليت اكثر من نص ساعة وهي تقول لي ثوااني بس
وخلصت خلاااااص وقالت لي بعد ساعتين برجع بشيك على الخياط وطلعت و دخل زوجي وقالي كانه احد مخرعج ههههه شفايفي بيييييض وظل وياي هالساعتين لازلت في غرفة الولادة وانا حدي فيني النوووووم وانا وزوجي نطالع الساعة متى تمر هالساعتين وجات الساعة اربع ودخلت الدكتورة وشيكت على الخياطة وقالت تمام وصعدوني غرفتي وجابوا لي ساااارونة ولعبت معاها شوي وبعدين خذوها و بعدها طلع زوجي من المستشفى و جابولي اكل وخذوا تحليل مني مرة ثانية وركبوا علي مغذي ما ادري شنو وظليت شوي وجابوا الفطور وطبعا لاني جوعااانة اكلت وبعدهاااا نمت وكنت اتحلم بالولااادة و كيف صااااارت .....

وبس هههههه وااااي كتبت كلااااام طووووويل :o

حمد لله على سلامتك وتتربي سارونه بعزك

اسم بنتك وااااااااااااااااااااااجد خلوو

يعجبني أسم ساره :D

الله يسهل عليكم بنات

بالولاده الطبيعيه ان شاء الله

والله العمليه معاناه في قومتش وقعدتش للحين صار لي اليوم 18
وللحين مااقدر اقوم ولا اقعد
مليت بس الحمد لله

لين اشوف علاوي أستانس
بحاول أخلي صوره ليكم بتجمع الآمهات
بس ننتظر البنات كلهم يولدون بالسلامه
حتى أنسوي لينا تجمع أمهات

يلا في انتظاركم بنات

الحمد لله على السلامة لكل يلي ولدو وان شاء الله تتيسر ولادة كل منتظرات الولادة
عنجد كتير متشوقة لهاليوم يوم يلي احس بالطلق وتبدا رحلتي بالولادة وبعدين احكيلكون ولادتي ان شاء الله
بدي اسألكون عم يوجعني ضهري وحاسة بضغط كتير قوي بس ما في مغص قولولي بنات هاي بوادر الولادة ولا شو

وديما

الله يعينك على القيصرية وان شاء الله تتسهل

زهر الرمال

مشكورة تحلى ايامك

ام فاطمة

هلا وغلا

الله يهون امرك ابتهال الروح وان شاء الله تولدي وتستقبلي البيبي قريبا

اااه بنات حخلص التاسع ومافيني اي الم

الحين اانا بالاسبوع الرابع بالتاسع ربي يسهل علينا