¨°•√التجمع الثامن : للحوامل اللواتي سيلدن بإذن الله بشهر يونيو (6) 2011 ♥√•°¨

أبتهال الروح;15250502:

:adore: حبيبتي انتين ههههههه نلتقي بطوارئ السلمانية ..اكو للحين رايضه :cool:

اليوم رحت السلمانية اسوي تخطيط ..والحمدلله كلشي تمام .. طلعت بنتي صادها احباط :(.. قعدت اصيح فزعت قاعه الانتظار :024: تقول ((ما جبتين الداده )) هههههههه :lol: عبالها بدخل وبطلع بالجاهل .. اقوول ياليت يا بنتي مثل ما تحسبون .. قلت لها ما عليه ماما باقي كم يوم لازم يكبر بعد اشوي يالله اقتنعت ..

الحمدلله على السلامة سكررر .. مبروووك .. تتربة الكتكوته بعزك ..

معليه كل شي بوقته حلووووو:adore:

معليه هالمره ماتروحين وتطلعين الا البيبي في حظنج:thumbs_up:


مبروك حق كل الي ولدووووووووو....يتربون بعزهم الفال لنا:o

ربي يسهل علينا ومبروك لكل الي ولدوا اتوقع زخة مطر ولدت @@

خخخخخخخخ شوفو الشريط تبعي my mammy bigger than a house خخخ فعلا  

حبوبة<تبولة حامضة>بنت الروضة ثلج ونار<<<مبروكــــF:ـــــ يتربون البيبيات بعزكم ياااااااارب :)واجر وعافية على كل من عانت بولادتها

كروشااااااااات الصامدات انا باقي صامده وممممممممممطوله
ماحولي طلق ولا شي


زخت مطر ><>><><>لا يكون خنتي الوعد


انا ببقى اخخخخخر وحدهبس ان شاءالله اولد قبل موعدي

الدكتوره قالت راس الجنين تحت وانا متأمله خيريارب

الله يسهل لنا يارب ونشوف اطفالنا واحنا وهم طيبين

يعمريييييي ولدي جدي الحين ولا يتحلم بعد :)

نسمه انا شفت اسمش في اخر رد قلت بل ولدت عني ههههههههههههه لا للحين من الصامدات شكله مافي الا انا وانتي وتوما اخر ناس وتوته بتسبقنا

انا تجيني الالام في الليل وكل ليلة اقول طلق يخف الالم النوم ماعاد فيه نوم من الالم ومن اتحرك شوي نزلت علي افرازات الحين السؤال هل هذه العلامات تدل على قرب الولاده؟؟؟؟؟

ويش يا صامدات بتسببون ليي عقدة من افكر مجرد تفكير ان في احد بيصيده الالم الا صادني اضجر
الله يهوووووون عليكم الطلق ويسلمكم ويسهل ولادتكم
وما طولون في غرفة الولادة <<< ماكلتنا &#1633;&#1634; ساعه اصارع الموت داخل بيت الوحوووش
امس رجلي يقول بعد بنجيب لحسون اخوو يعلمة مادري شنو
ماجفت روحي الا منفعلة ( ويييييييييييش مابيك تفتح هالسالفة لاربع سنوات قدام ) ههههه

جمعه مباركة عليكم

يؤؤؤؤ كلنا نفس الحال..........الالم بس على فاضي....وافرازات ..... وامس جاني الالم قلت طلق خلااااااااص بولد قمت اون الا اخر شي على فاضي

سلاااام عليكم ياااحلوين
بكتب لكم قصة ولادتي مافيها اكشنات كثيرة بس اتمنى تستمتعون بالقراااءة هههههههه

موعد ولادتي يوم الاثنين 13 / 6

كان عندي موعد يوم السبت والدكتورة قايلة لي في الموعد اللي قبله ان ضخ المشيمة بدا يضعف شوي وبتشوف في الموعد الجاي اللي هو السبت اللي اتكلم عنه تغذية الجنين من الحبل السري
رحت السبت و شافت ان الحبل السري بدا يلتف على الرقبة وقالت لي لو نطرنا الطلق الطبيعي ممكن يلتف اكثر و يمكن نضطر نعمل قصرية تعالي بكرة اللي هو يوم الاحد ونبدا الطلق الصناعي
يوم الاحد ركبت السيارة ومعاي امي طبعا مافيني شي ولابوادر ولااادة وطول الطريق الدمعة في عيني احساس ما ادري شلون انك تروحين المستشفى علشان بتولدين وانت ماتدرين كيف الالام و لا فيك حاجة وطول الطريق زوجي كان مشغل سورة مريم و الانشقاق و الزلزلة
وصلنا المستشفى و سوينا اوراق الدخول على طول رحنا لقسم الولاااادة و انتظرت شويه ودخلوني غرفة الولااااادة على طوووول كذا نظام المستشفى يعني اي وحدة تطلق على غرفة الولادة ماينقلونها من غرفة لغرفة ويستنونها توصل لمرحلة الولادة
نمت على السرير ولبست ثياب المستشفى وجات الدكتورة وقاستني طبعا مو مفتوح الرحم ابد
عطتني اول شي ملين لعنق الرحم الساعة 9 الصبح وكان يعووور وقالت الدكتورة بتظلين 6 ساااعات اووووووف وااجد وبعدين بحط الطلق الصناااعي وقعدت بدون الالام ولا شي وتعودت على الغرفة هههه تهيئة نفسية للولادة و حاطين علي تخطيط البيبي ومغذي ما ادري شنو فيه ههههه وخذوا مني تحليل دم وكنت اروح واجي للحمام 
الموقف الطريف
اخترب هوز الحمام صار يسرب ماي يعني اذا جيت افتح الهوز يتطشر علي الماي واااااي وانا بحالة روحي طبعا علشان الروح الحمام لازم يشيلون جهاز النبض و يدخلون معاي المغذي يعني قمه الوهقة
المهم زوجي كلمهم قالوا مايصير يدخل رجال والمدام موجودة طيب ظليت شوي ودخلت الحمام قلت لزوجي ما اقدر احس مو مرتاحة وانا بدخل الحمام كثير خله يدخل و اتغطى
زوجي قالهم واقتنعوا ودخل الهندي هههههه وانا قاطين علي عبااااتي في غرفة الولاااادة خخخخخخ اشوه مافيني طلق ولا كان علووووم المهم صلحه وطلع الحمد لله اهم شي الراحة النفسية واهم شي ارتاح في الحمام
نعود الى الولادة
صارت الساعة 12 و جات الدكتورة و شالت الملين قالت تمام ما احتجتي 6 ساعات بس 3 ساعات الحمد لله و12 ونص الظهر ركبت الطلق الصناااعي بالمغذي وظليت الى الساعة 3 بدووون الم و القابلة قاعدة جنبي تقول لي ماافي الم اقووولها لاااا وتقولي بس فيه طلق ههههه الله ونااااسة طلق بدوون الم 
الساعة 3 جات الدكتورة قاست وقالت بس 1 سانتي هئ هئ ظليت اشوي وبدا الالم احس فيه شوي و بعدين بدا يزيييييييد ويصير منتظم وجات الساعة 6 المغرب وقاست الدكتورة قاااالت بس 2 سانتي هئ هئ هئ حدي انقهرت يعني قاعد يفتح الرحم شوي شوي وبعدين قالت لي بفتح ماي الجنين وافتحته بدا الام يزيد يزيد يزيد طبعا ما اكلت شي على فطوووري الصبح ممنوع اخذ شي وقت الطلق بس ريقي نشف جابوا لي مااااي وشربت شويه و رجعته على طووووول كانه فيني الدوووورة وكل ما تبدا طلق اصلي على محمد و اقول سبحانك لا اله الا انت اني كنت من الظالمين واقرا سورة الزلزلة وكنت حاطة في بالي انه بيفتح الرحم وشوي شوي  يعني الالم اللي انا فيه راح يزيد بعدين لازم اتحمله وبعدين جات القابلة وعطتني ابرة مسكن ونمت واذا جات الطلقة افز من النوم وارجع انام صدق الله راحم بحالنا لان الطلق مش متواصل الحمد لله ....
المهم ظليت نايمة واصحى من الطلق الى الساعة 9 بالليل وانا حاااطة في باااالي انه في الم اقووووى من كذا لااااازم اتحمل وما كنت اصاااارخ كنت اتاوه طبعا نسيت اقول لكم ان كنت اسمع صراخ في الغرف الثانيه تقريبا ثنتين وولدوا قبلي وحدة الظهر و حدة المغرب وكنت اسمع صوت البيبي وحييييل كنت اقول متى اناااااا 
طيب اكمل الساعة 9 جااات الدكتورة وقااااست والمفاجاة قالت ممتااااز 7 سانتي وصارت القابلة تصفق لي وتقولي "" ساطرة"" لاحظوا سين وليس شين ههههه قابلة فليبينة
وقالت لي الدكتورة ننتظر كمان 3 ساعات وانا اقوووول متى تعدي هالسااااعات وظليت على الالم الى ان جانتني طلقه قوووووووووية وصارخت قلت " ماني قاااااااادرة اتحمل " جات القابلة هالمرة قاااست وقامت تصففق تقول 10 سانتي ولااااااادة وصارت تعلمني البوش وظلت معاااي اذا جات الطلقة تقول لي بوووش بووووش وقالت لي راااس البيبي باااين اعملي بوووش بجهز الاغراض وخبرت الدكتورة وجات معاهم ممرضة ثانية هندية
وجات الدكتورة قالت وريني كيف تعملي بوش اذا مو قادرة تعملين بوش والبيبي ماقادر يدفع نفسه راح نستنى شوي فقلت لاااازم اثبت جدارتي ههههه علشان اولد مابي استنى بعد وجات الطلقة عملت بوووش وقالت لي شكلك شااطرة يالله جهزوا الاغراض
بصراااحة مررررة ارتحت في المعاملة و هالشي ساااعدني كثييير في الولادة وريح نفسيتي
وظليت اشوي وانا كل طلقة اعمل بووووش وقالت الدكتورة نامي شوية على جنبك ارتاحي برووح دقايق وراجعة والقابلة ظلت جنبي وانا اعمل كل طلقة بوووش وتسال القابلة متى بتجي الدكتورة لان اكيد بتعملي توسعة وبيطلع البيبي على طووول 
وشوي وتجي الدكتورة وقالت ياالله دفي دفي دفي وقالت لي شعرها حلووو يالله الطلقة الجاية راح تطلع ما بقى شي طبعا هم عطوني ابرة تخدير موضعي و جات الطلقة ماقبل الاخيرة وعملت الدكتورة التوسعة و وطلعت ساااارونة الساعة وحدة ونص فجر يوم الاثنين وجات عقبها على طول طلقة اخيرة وطلعت المشيمة
وصاروا الممرضات يصفقوووون وجابوها في حضني  ياقلبي عليها وزوجي كانت ورااا البااب وسمع كل شي وبعدين طلعوها له وطبعا طول هالوقت بدت بالخياط وماحسيت بشي فقط نغزاااات 
وجابوها لي مرة ثانية قالت الدكتورة انت العبي مع سااارة وانا بشتغل وبعدين خذوها وظليت اقول للدكتووة ماخلصتي وهي تقول لي ثواني بس ظليت اكثر من نص ساعة وهي تقول لي ثوااني بس
وخلصت خلاااااص وقالت لي بعد ساعتين برجع بشيك على الخياط وطلعت و دخل زوجي وقالي كانه احد مخرعج ههههه شفايفي بيييييض وظل وياي هالساعتين لازلت في غرفة الولادة وانا حدي فيني النوووووم وانا وزوجي نطالع الساعة متى تمر هالساعتين وجات الساعة اربع ودخلت الدكتورة وشيكت على الخياطة وقالت تمام وصعدوني غرفتي وجابوا لي ساااارونة ولعبت معاها شوي وبعدين خذوها و بعدها طلع زوجي من المستشفى و جابولي اكل وخذوا تحليل مني مرة ثانية وركبوا علي مغذي ما ادري شنو وظليت شوي وجابوا الفطور وطبعا لاني جوعااانة اكلت وبعدهاااا نمت وكنت اتحلم بالولااادة و كيف صااااارت .....

وبس هههههه وااااي كتبت كلااااام طووووويل :o
 

زخة مطر هههههههه كنت شبه متأكدة انك ولدتي " أنا حددولي موعد العملية القيصرية يوم الثلاثاء الجاي يعني بأقباء سبت واحد واثنين اطلب منكم الدعاء :( 

وااااو روز مرررررة حلوة قصة ولادتك استمتعت فيهاومن جد @ يعني ماحسيتي بالم الولادة بسبب إبرة البنج الموضعيٍ ؟ ومبروووووك عليكم سارونة  

السلام عليكم امهات و حوامل
كيفكم

روز شكرا على مشاركتنا بقصة ولادتك.الله لا يحرم احد من الامومة يا رب

توته الصغيرونة;15252291:
وااااو روز مرررررة حلوة قصة ولادتك استمتعت فيهاومن جد @ يعني ماحسيتي بالم الولادة بسبب إبرة البنج الموضعيٍ ؟ ومبروووووك عليكم سارونة  

تقصدين الم طلعة الراس وشق التوسعة

لا بصراحة ماحسيت

وبنتي صغيروووووونة مره يمكن بعد هذا سبب ثاني

تصدقون توهقت في الثياب اللي شريتها كلهم كباااار عليها :worn_out:

توتة

الله يسهل عليج حبيبتي دعواتنا لك

ليدي م

العفو حبيبتي

بنات هل أنا اعتبر من ضمن الصامدات ؟ @@

توته الصغيرونة;15252753:
بنات هل أنا اعتبر من ضمن الصامدات ؟ @@

iiههههههههههههههههههههههه اجل من الصامدات

الحمد لله على سلامتك روز

بس السؤال الي يطرح نفسه لما كان يجيك الطلق قبل مايسون التوسعه ماكانو يدخلو اياديهم ويعملو توسعه باليد

انا كل ماكانت تجيني طلقه وقبل مايشقوني كانت لازم تدخل يدها وتوسع بيدها وربي عذاب ذي الحركه

توته اكيد صامده ياقلبي بس انتي مو حاسه بذا الشي لانه انتي مو مستعجله على الولاده

والله يسهل عليك حبيبتي ويارب تكون ولادتك سهله ميسره