¨°•√التجمع الثامن : للحوامل اللواتي سيلدن بإذن الله بشهر يونيو (6) 2011 ♥√•°¨

ماشاء الله عليج روزه قصه ولادتج مره حلوه وممتعه ابي اولد نفسج

حمدالله على سلامتج وسلامة سارة

قوووه صمـوووووود :063: :struggle:..
قوووه يا احلى امهااات:062: .. عساكم بخير وعافيه والكتاكيت طيبين .. وينموكم بالليل :p.. ويالليل ما اطولك:075: ^^ >>لا تاخذووون علي تراني جنيت من الصمد والتعب ^^
كل يوم اقعد اشوووف الكروووشه اقووول اف جه يوم جديد وبعدي ما ولدت :(؟!!

روح عامر .. منــوره مرحبا فيش بينه F:.. اخت عزيزه وغاليه ..وان شاء الله نفيد ونستفيد من بعض .. هههههه ولله زين وحده تعاني تعب الحمل وتفكر بعد بـ 10 اطفال تجيب ^^ .. الله يعطيش على قد نيتك . وانتي ويانه بركب الصامدات :thumbs_up:^^

روز .. ولادتك مثل ولادتي ببنتي .. طلق صناعي .. وكنت انااام واقعد وقت الطلوق وارد انام واقعد وقت الطلقه اتعصر وارد اتخدر ^^ شي ههههه ان شاء الله هالمره اقدر انام بين الطلق اريح جذي ..

السلام عليكم ورحمة الله .

اشحالكم يا الحلوين ؟؟

مبروووك للي ولدواا وعقبال البفيه..

انا ولدت بالاحد فليل. ويبن احمد ...وكانت معااااناه حقيقيه خخخخخ احس شي غريب صارت قصه غريبه وعجيبه وان شاء الله بكتبها لكم

من زمان ابغي اكتب اني ربيت بس كنت فعلا تعبااانه واحس اليوم احسن ..

وع السهر حدث ولا حرج !!!!

رقاد في النهار وسهر ف ليل....

ابغي اسال شو تحطون حق الخياطه,,

وولدي وايد يرجع ..ماعرف شو اسويبه ..مايتم الحليب ف بطنه ..

مبروووووووووووووك العهد على ماجاش

عقبال زخه مطر وابتهال واني ورح عامر هههههههه من يكون في مرتبه الاخيره

مبروووووووكــ F:ام أحمد .. الحمدلله على سلامتك وسلامه حميدان .. الله يخليه ويحفظه .. ولله يعينك على الربااات .. السهر لابد منه
الخياطه سوي لك نقوع ماي دافي مع ملح (للتعقيم )) .. وبعدها عقب ما تجففين المنطقه حطي عليه كريم (ميبو) ممتاز للتآم الجرح ..

وننتظر أكشن الولادة .. :thumbs_up:
عقبالنه يا رب بولاده ميسره ..

اكشن ولادتي ..

كنت ف الدوام الصبح ..داومت عادي مافيني اي شي..يلست ويا ربيعتي قلتلها خلاص مليت ابغي اربي خلاص حضرت عرس اخويه وودي اربي خلاص ...وسالتها عن زيت الخروع قالتلي لا تاخدينه مايسوي شي..

بعدها خلصت شغلي وقلت خل اقرا عن زيت الخروع ..وطلبوا البنات من محل المشروبات وطلبت وياهم اناناس ..ويلس اقرا عن الخروع نص البنات نفعهم ونصهم لا..

طرشت لزوجي مسج قتله اشتر لي زيت الخروع وسال طبعا ليش قتله ينظف البطن قبل الربى خخخخ..

بعدها رجعت البيت وتغديت وسويت لي عصير برتقال وحطيت تقريبا 4 خواشيق زيت الخروع ..وشربته

اذن العصر وقلت لريلي ابغي امشي ع البحر وسرنا مشينا وطبعا هنيه بدات المعاناه كل ما مشيت خطوتين حسيت بضغط تحت يعني البيبي بدا ينزل اكثر وايلس اشوي واستريح يعني مب ويع بس نزول البيبي ف الحوض

ومشيت تقريبا نص ساعه مارمت من الثجل لاني اصلا ما مشيت طول فتره التاسع

بعدها رجعت البيت ع اذان المغرب اتسبحت وصليت وتعشينا انا وزوجي واذان العشا وصليت وتهيات للنوم ويلست اشوف المسلسل الساعه 9 حسيت بويع خفيف كل ربع ساعه بعدها بدا يزيد وانا مب مستوعبه هل ويع ولاده ولا وفغلا بدا يزيد يت الساعه 10 والالم ف ازدياد سويت لامي طبعا صياح وكنت اصيح واقولها ويع تقولي تعالي قلتلها لا بصبر شوي عشان نسير مره وحده المستشفى

وفعلا من بنتدت التيلفون عن اميه ماقدرت اتحمل سويت حق ريبي ويا البيت وخذاني لعند اميه بغيت انزل من السياره ماقدرت واصيح الويع يزيد وصار فضيع ويع الولد غير عن البنت البنت ايي بارد لكن الولد فوقه فوقه يعني حار وبسرعه

وحسيت شي بيطلع مني وسيده سرنا المستشفى وزقرولي الدكتوره وقاست قالت ماشاء الله تسعه وانا منصدمه متى صار تسعه وقالت بسرعه ولاده

ودخلوني غرفت الولاده ولبسوني وحطولي المغذي وانا ف حالة ذهول احس مب متهيئه بعدني واحس الالم مب نفس الم ف بنتي الله يحفظها
يت الدكتوره وقالتلي لج بس عشر ظلقات وبتربين ان شاء الله ويلست حليلها تقرا عليه وتقولي لا تصرخين عشان تقدرين تدفعين وبدات طبعا الطلقات وانا اسوي بوش بس حسيت المنطقة يابسه الراس مب قادر يظهر غير عن بنتي كان المكان لين يعني الطلق الطويل يلين المنطقة

بعدها لين وصلت الطلقة التاسعه قالت يالله خلاص شفت الراس بس للاسف مب قادر يظهر وسوتلي شق وبعدها ظهر البيبي بس احس الشق كبير

وشفت احمد فديته شفته يشبهني الله يحفظه

بعدها بدت الدكتوره تخيط وحسيت وايد الخياطه بس الحمدالله المهم الياهل بصحه وعافيه

بس حسيت باكتئتاب من اول يوم ولاده وماعرف ليش حسيت اني حزينه يمكن لانه الطلق ما فارقني 4 ايام ويقولون الولد جي بس ماعرف احس ف بطني وظهر وحسيت الويع ماخاز بس الحمدالله ع كل حال

والحين انا عند اميه وطبعا ماشي رقاد لا ليل ولا نهار كله واع ويع واحس الخياطه جدا مشدوده..

حتى مب قادره اهتم بكرشتي ولا قادره البس شي احس اني مب قادره واحس وايد ظهري يعورني خلاص كل شي خرباااان خخخخ...

يالله الحمد الله ع كل حال المهم كلنا بصحه وعافيه ..وعقبال البقيه