26 مرة نقول يا تري بتعملي الأكله دي ازاي ؟ مبدعات مصر القمرات شهر رجب 1432

دى طريقة ام بودى ياقمر اهى
يا جميل حأقولك علي الطريقه و تعمليها و ان شاء الله حيطلع جميل حتحطي بصله مبشوره عليها شويه كمون و ملح في الحله مع زيت علي النار لحد ما تدبل و تكوني غاسله الرز و العدس سوا الرز بقه كوبايتين و العدس كوبايه و الكوبايه بتاعه العدس دي تكوني ناقعاها في الميه قبلها يعني بنص ساعة كده و تقلبيهم مع ال بعض و تضيفي الميه اللي هيا معيار الرز و مش تزودي عشان العدس لأنك كنت ناقعاه و شويه كمون و ملح في الميه و تسبيه يغلي ما تحسي انه بدأ بتشرب توطي النار و تسيبيه علي راحته

ازيكم يابنات وحشتونى كلكم
معلش هاطلب طلب عالسريع بس ضرووووووووووووووووووووووووووووووووووورى اوى الرد



ينفع اتبل بانيه لجوزو ياخده معاه وهو مسافر طيراه




يعنى اتبله واعمله بيض وبقسماط



عادى ولا غلط فى المطار

وكذلك البفتيك والكفته
ينفع اعملهم واجمدهم خالص وياخدهم ولا فى مشكله

اه ينفع يا شوشو بس جمديهم كويس اوووووووووووى وبين كل حته وحته حطى كيس او ورق فويل وفى كمان اكياس بتحفظ درجه الحرارة بتتباع فى كارفور هاتيه وحطي كل الحاجات المجمده فيه ولفيه كويس وفى شنطه الهدوم او شنطه صغننه منفصله بس تطلع فى الشحن وممكن كمان تعمليله حمام محشى يادووب على السلق والتحمير وممبار مسلووق على التحمير بسسس وربنا معاكى يا حبى

رورو ربنا يكرمك ياااااااااااارب على الدعوات الحلوة دى

شوشو وحشانى اوى اوى بجد ميزو عامل ايه ؟
اه ينفع خالص زى مابوسى قالت وفت وكفت

أم مازن*;15253570:
ازيكم يابنات وحشتونى كلكم
معلش هاطلب طلب عالسريع بس ضرووووووووووووووووووووووووووووووووووورى اوى الرد



ينفع اتبل بانيه لجوزو ياخده معاه وهو مسافر طيراه




يعنى اتبله واعمله بيض وبقسماط



عادى ولا غلط فى المطار

وكذلك البفتيك والكفته
ينفع اعملهم واجمدهم خالص وياخدهم ولا فى مشكله

السلام عليكم
مالكو يابنات الموضوع بقى متنح ليه كده

ده غدانا انهارده

رشرووش;15257806:



ده غدانا انهارده

رشروش القمر وحشتينى جدا
ايه الحلاوة دى ماشاء الله
ممكن الطريقة عشان انا غلبانة اوى:D

.. Hopes;15249392:
لو سمحتم ياشباب
عاوزة غدا يتعمل بسهوله ومقفش في المطبخ كتير
انا تقريبا خلصت الافكار اللي عندي :(

الف مبروك الحمل يا جميل
بصي انا كنت ايام الحمل بجهز كل حاجه لما اكون كويسه وفايقه بحيث انك متخديش وقت في المطبخ
البصل ببشره و اشيله في اكياس في الفريزر و الخضار بنضفه و اديله غلوة و احطه في الفريزر و التوم برده اقشره و اضربه في الكيتشن و على الفريزر و الطماطم كمان اعمليها صلصه و حطيها في اكياس على اد الاكله
و كمان ممكن الكفته و الفراخ بانيه تتبليهم و تحطيهم في الفريزر و تطلعيهم على التحمير على طول
و الفراخ لما تجبيها جهزي التتبيله اللي بتبليهم بيها و تبليها كلها و شيليها متبله جاهزة
و ممكن كمان تعملي حسابك انك تعملى اكل يومين مره واحده اا كنت بعمل كده عشان مش كل يوم اقف اطبخ


بوسي ايه الاكياس اللي بتحفظ الاكل مجمد دي
اسمها ايه و بكام لو تعرفي و بتحفظ الاكل مجمد اد ايه تقريبا

و معلش يا بات حد يعرف الايس بوكس بكام
انا عايزة واحده صغنتوته خالص اجبها منين و بكام لو تعرفوا

ازيكم يابنات
ياترى فى حد سئل عليا
منوره يارشروش بااكلاتك ديما والله
ممكن الطريقه بقى لحسن انا هاموت على طريقه كفته حلوه ديما تطلع مفتفته منى مش عارفه ليه

ازيكم يا بنات وحشتووووووووووني قووووووووووووي
انا فاكرة كنت كاتبة مشاركة طويلة وجميلة وكان فيها طريقة الفسيخ راحت فين معرفش
يخربيت النت الزفت :'(

بصو على السريع عشان هانزل كمان حبة ورايا مشوار ماشي

هتجيبي كيلو بوري بس يكون طااااااازة اهم حاجة ميبقاش بايت وفايت عشان المرارة متكونش اتفقعت جواه ماشي ومتتفقعش كمان واحنا بننفخوه ههههههههههههه حلوة ننفخوه دي :lol:
هتجيبيه وتشطفيه بسرعة كده تحت المية ، وبفوطة ولا حتة قماشة قديمة ناشفة نشفيه، وتحطيه في مصفى
متشيليش القشر بتاعه اوووووووعي عشان لو اتشال يبقى هيعفن مش هيتفسخ تمام كده
وخليه في مصفى في المطبخ من بالليل لتاني يوم بالليل يعني يعدي عليه 24 ساعة
هتلاقيه اتنفخ قوي بقى شبه البلونة
هاتي كيس ملح وحطي عليه 2 معلقة كبيرة شطة واخلطيه مع بعض وهاتي كيس ورشي في ارضية الكيس من الملح بالشطة ده رشه كده ماشي
هاتي بقى السمكاية البوري احشي النخشوش بالملح ومن فتحة البوق بتاعة السمكة يعني كبشة حلوة كده بس متكتريش ورصي في الكيس لحد ما تعملي طبقة تحت بعدين رشي على الطبقة ملح واعملي السمك تاني وهكذا
يعني بين كل طبقة والتانية رشة ملح غير الملح الي في النخشوش
ولفي بقى كيس جوه كيس وياريت اكياس تخينة وغامقة
انا باعمل باكياس فاتحة عادي والتخين والغامق ده في الاخر وهاتي علبة حطي فيها اللفة بتاعتك واقفليها كويس وحطيها في اخر البلكونة وافتحي عليها بعد 3 اسابيع وكلي احلىىىىىىىى فسيخ
بس بصراحة عن تجربة اول مرة ناكلو فسيخ حلو الاسبوع الي فات عشان قعد شهر واسبوع
بجد كان زببببببببببدة واللي كان معزوم عندنا مبقاش مصدق اصلا انه عمايل البيت

والف هنا يا حلوين .. اللي تعمله تقولي النتيجة ماشي ;)

ولو اني مش بحب الفسيخ بس تسلم ايدك فعلا ياقمر.. وحشاني مش بتدخلي الفيس ولا ايه ده أنا حطيتلك صور آدم ولا خلاص نسيتي انك خطيبته هههههههه.. بنات عايزه طريقة الدقة اللي بتبقي مع الكشري المصري دي اللي هي خل و توم تقريبا ضروري ضروري

بنات عايزه منكم خدمه
ان شاء الله احتمال اسافر الغردقه بس طالعين شقه ف ايه رايكم
انتو شايفين اخد اكل من هنا معايا لان طبعا مش هاقضيها طول الاسبوع اكل من بره
ولو هاخد معايا عايزه كده تمخمخو معايا ف منيو الوجبات اشترى ايه من هنا واحضر ايه معايا يبقى جاهز هناك على حاجات بسيطه
بس بالله عليكو عايزه رد مفصل علشان الميزانيه تسمح وانا قولت لجوزى مش تقلق هاظبتلك الدنيا وبميزانيه كويسه ان شاء الله
عايزه ردود كتير واقترحات

ra_tamima;15263124:
بنات عايزه منكم خدمه
ان شاء الله احتمال اسافر الغردقه بس طالعين شقه ف ايه رايكم
انتو شايفين اخد اكل من هنا معايا لان طبعا مش هاقضيها طول الاسبوع اكل من بره
ولو هاخد معايا عايزه كده تمخمخو معايا ف منيو الوجبات اشترى ايه من هنا واحضر ايه معايا يبقى جاهز هناك على حاجات بسيطه
بس بالله عليكو عايزه رد مفصل علشان الميزانيه تسمح وانا قولت لجوزى مش تقلق هاظبتلك الدنيا وبميزانيه كويسه ان شاء الله
عايزه ردود كتير واقترحات

بصى يا رشا انت افضل حاجة قضيها فى سكة النواشف يعنى خدى معاكى ايس بوكس حطى فيه فراخ بانيه متبلة و جاهزة على القلى و كفتة برضه جاهزة بحيث تعملى مكرونة مثلا جنبها و خلاص او لو تقدرى تعملى صينية مكرونة او ورق عنب مثلا و تاخديهم على التسوية لو عندك ايس بوكس كبير اظن ده احسن حل ليكى عشان متحتاجيش حجات عاوزة خامات كتير ممكن متعرفيش تجبيها من هناك

بنات ممكن طريقة طاجن لسان العصفور

بنات هو انتو فين ؟؟؟؟؟؟؟؟؟؟؟؟
وحشتوني اوي كلكو



انا عاوزة طريقة صوص الشيكولاته اللي بيتحط ع التورته بحيث ان الشيكولاته مش تجمد يعني فوق التورته

ra_tamima;15263124:
بنات عايزه منكم خدمه
ان شاء الله احتمال اسافر الغردقه بس طالعين شقه ف ايه رايكم
انتو شايفين اخد اكل من هنا معايا لان طبعا مش هاقضيها طول الاسبوع اكل من بره
ولو هاخد معايا عايزه كده تمخمخو معايا ف منيو الوجبات اشترى ايه من هنا واحضر ايه معايا يبقى جاهز هناك على حاجات بسيطه
بس بالله عليكو عايزه رد مفصل علشان الميزانيه تسمح وانا قولت لجوزى مش تقلق هاظبتلك الدنيا وبميزانيه كويسه ان شاء الله
عايزه ردود كتير واقترحات

بصى يا ستى

هاتى لفة سمبوسك واحشيها اوك وشيلى

هاتى فراخ بانيه كيلو كدا وتبليه بكل محتوياته ووزعي كل اكله فى كيس ورصيه بردو

بس ياريت يبقى فى ايس بوكس

هاتى فراخ صحيحه وتبليها تتبيله المشوى بردو وشيلى

هاتى لحمه فى البيت وافرميها انتى عشان متبقاش سمينه كلها واعمليلها خلطة الكفته وشويه صبعيهم كفته وشيلى ووشويه خليهم فى كيس تعملى بيهم حواوشى ( الحواوشى مش بنعصجله اللحمه خدى بالك)

هاتى من اللحمه المفرومه شويه وعصجيهم وهناك يادوب تطلعيهم وتحطى عليهم صلصه وتسلقى مكرونه وشكرا

هاتى بوفتيك وتبلى وشيلى

هاتى اوراك فراخ ( بتبقى رخيصه) وخلى الفرارجى يخليهالك وتبليها شيش طاووك وشيلى

وكل ما افتكر هقولك

ولو حايه اى وصفه شاورى وانا اقولك :adore:

RAINBOW2000;15263271:
بصى يا رشا انت افضل حاجة قضيها فى سكة النواشف يعنى خدى معاكى ايس بوكس حطى فيه فراخ بانيه متبلة و جاهزة على القلى و كفتة برضه جاهزة بحيث تعملى مكرونة مثلا جنبها و خلاص او لو تقدرى تعملى صينية مكرونة او ورق عنب مثلا و تاخديهم على التسوية لو عندك ايس بوكس كبير اظن ده احسن حل ليكى عشان متحتاجيش حجات عاوزة خامات كتير ممكن متعرفيش تجبيها من هناك

بنات ممكن طريقة طاجن لسان العصفور

طاجن لسان العصفور
بصى يا ستى هتجيبى لحمه مفرومه وتعصجيها عادى لما تتعصج تقومى نازله عليها بمعلقتين تلاته صلصه وشويه مايه وقلبى قلبى

وفى طاسه تحمرى لسان العصفور كأنه شوربه وتقومى طشاه على اللحمه وتسقيهم شوربه او مايه زى ماتحبى وياخد غلوتين وبعدين تدخليه الفرن يكمل سوا وبعدين تولعيله الشوايه تديله وش والف هنا وشفا

ومتنسيش ملحك وفلفلك يا لوزه

*Om Mo3az & Eyad*;15263294:
بنات هو انتو فين ؟؟؟؟؟؟؟؟؟؟؟؟
وحشتوني اوي كلكو



انا عاوزة طريقة صوص الشيكولاته اللي بيتحط ع التورته بحيث ان الشيكولاته مش تجمد يعني فوق التورته

بصى يا لوزلوز

هتجيبى الشيكولاته تسيححيها مع زبده عادى ولما تسيح ديها شوية كريمه لبانى او لبن وقلبى قلبى واستخدميها والف هنا

بوسي تسلمي يا حبي
انا بسيحها من غير زبده
طب ايه بديل الزبده اصلي مش بجيبها بستخدم سمنه بلدي ف الاكل ومش بجيب الزبده خالص

انا عاوزاها تبقى زي الجاهزه كده مش بتبقى جامده ولا سايحه اوي

أم ياسين العسل;15263619:
طاجن لسان العصفور
بصى يا ستى هتجيبى لحمه مفرومه وتعصجيها عادى لما تتعصج تقومى نازله عليها بمعلقتين تلاته صلصه وشويه مايه وقلبى قلبى

وفى طاسه تحمرى لسان العصفور كأنه شوربه وتقومى طشاه على اللحمه وتسقيهم شوربه او مايه زى ماتحبى وياخد غلوتين وبعدين تدخليه الفرن يكمل سوا وبعدين تولعيله الشوايه تديله وش والف هنا وشفا

ومتنسيش ملحك وفلفلك يا لوزه

ميرسى يا بسبس هجربه باذن الله و اكيد هيطلع حلو:L:

*Om Mo3az & Eyad*;15263668:
بوسي تسلمي يا حبي
انا بسيحها من غير زبده
طب ايه بديل الزبده اصلي مش بجيبها بستخدم سمنه بلدي ف الاكل ومش بجيب الزبده خالص

انا عاوزاها تبقى زي الجاهزه كده مش بتبقى جامده ولا سايحه اوي

انا بعملها من غير الزبدة و بتطلع كويسة على فكرة سيحى الشوكولاتة فى حمام ماية و لما تسيح حطى لبن شوية و شوية و قلبى و بتطلع كويسة