تجمع حوامل وأمهات قطر لشهر رجب لعام 1432 ه؛ الموافق لشهر يونيو لعام 2011

كامي

حلويين الصور بس حسافه ما في تقييم.

ليلة حب
الله يهوون عليج ويجزاج كل خير مثل ما ساعدتينى
بأغيرها وبأخذ زنتيك
تسلمين حبيبتى

عذبه

وياج حبيبتي ؛ ما سويت شي


كامي

بس إحنا نخزن في هالصور حق عقب الولاده ؛ ما شا الله عليج ؛ افتحي لج محل وصممي وكلنا زباين عندج ؛ بس أهم شي تسوين حق الأم والبنات.

عذوب :-
فديتج والله النت عندي فالبيت مدري اشفيه اليوم
والحين داشه من الجوال شابكه عال3G وتعب علي اكتب الطرق منه
باجر ان الله راد وتعدل بكتبهم لج

صباح الكرك

اسمي الحنان: مشكورة حبيبتي عالرد

صباح الخير ...





كامي
الاولي يبيله جسم ..
مب كرشه مدلقمه ..
تسلم الايادي يا ام طووووني

السلام عليكم ..

النظرة
أنتظرج حبوبة .. موب مشكله

لولوة ..
الواحد بكبره صار مدلقم موب بس الكرشه ..

بعيد عنكم البارح ما نمت من الوجع
قلت جاك الموت يا تارك الصلاة ..
للفجر وأنا أتقلب لكن الحمدلله عدت الليلة على خير ..

مساء الخير

عذوبه خلاااااااااص قربتي توقعي في اي وقت هع في حملي الثاني ربيت الاسبوع 32 عكس حملي الاول عوشرت خخخخخخخخخ الله يهون عليج ياقلبي :)

النظره تفضلي الطريقه

..قطعة بسكوت دجستف Digestive ( بسكوت نخاله ) . استخدم علبه كامله
2 مغلف دريم ويب .
زبدة
جبنة فيلادلفيا علبه واحده
نصف كوب حليب ـ و ربع كوب حليب
علبتين قشطة .
8 قطع جبن كيري .
ليمونه .
6 حبات سنكرز ..
..
[الطريقهــ،،]..
1- قومي باخراج المقادير و تجهيزها للطهي .
2- كسري البسكويت حتى يصبح ناعما او قومي بطحنه حتى يصبح ناعم .
ضعيه في وعاء و اضيفي له الزبدة
قومي بـفرك البسكويت بالزبده حتى يختلطا تماما
رصي الخليط في صينيه جيدا ثم ادخليه الثلاجة
لان نقوم بتحضير الطبقة البيضاء ..ضعي علبتين من القشطة في وعاء للخلط....اضيفي عليها الدريم ويب ..
اخلطيهما جيدا بالخلاط الكهربائي ثم اضيفي الان نصف كاس الحليب ( النصف فقط ) للخليط و اكملي الخلط
اضيفي الان حبات الكيري وجبنة فيلادلفا للخليط واكملي الخلط
تاكدي انه لم يبقى للحبات الكيري اي اثر وانها اختلطت بالخليط تماما
اعصري الليمونه و انتي تخلطين
اسكبي الخليط على قاعدة البسكويت ببطئ ( شوي شوي عليها )
تاكدي انها توزعت تماما على السطح بعدها ادخليها الثلاجه على الاقل ساعه واحده
اذا كثرتي يكون احسن
...
في حمام مائي قومي بتذويب الزبدة في وعاء ( طريقة الحمام المائي ( تحطين قدر فيه مويه و
بعدين تولعين عليه النار و تحطين داخله قدر ثاني و تشتغلين فيه يعني يصير مب مباشر مع
النار )
قطعي اصابع السنكرز و اضيفيها للزبدة في الحمام المائي + ربع كوب حليب
تجانس المزيج السابق مع بعض واصبح مزيج واحد
ابعديه عن النار و اتركيه جانبا حتى يبرد قليلا
اسكبي المزيج على الطبقة العلوية للتشيز كيك ، ببطئ .. ثم ادخليها للثلاجة مدة ساعتين على الاقل
وعليكم بالعافيه

وهاذي صورتها من شغل يدي مسويتها رمضان اللي طاف وخاطري اسويها هاليومين وادري بطيح فيها والدكتوره محذرتني ازود في الاكل ;)






:adore:

اصول
تسلم يدج والله
بس السنكرز ساااايح من قلب ..
بيتنا يهمهم الشكل لازم الطبخه او السويت شكله حلوووو
خزنت الطريقه بس مب مسويتها الحين












ثرا رجعت ماشتهي الاكل ..
وواجوووع واحوس ولاعرف شاكل ..
البارحه متعشيه كورن فلكس اللي حق الريجيم مع حليب فرش ..
وقبل النوم كلت علبه روب لاني اقوم الفجر ميته ابي اكل بس ماعرف شسوي لي ..
وتمللت من الخبز والجبن <<الله يديم النعمه يارب ..

الاصيلة :
خطيرة الوصفة بس يبي لها دلة قهوة


لولو :
الله يعينج فترة وتعدي
بس اكلي خلال اليوم اشيا خفيفة



كامي :
اختيارات حلوة



الحنان :
عجبتني الشوربة ..

الأصيلة
يالله بس بساعة فرج .. هو جاى جاى :confused:
الله يهون علي وعلى كل حامل يارب
فى بناتى ربيت على الثامن فى الاسبوع 34 هذى ريمي
والعنود 36 اسبوع ..
ودى أربي بدري عشان رمضان ..
بس أبي أمسك روحى هاليومين بس .. :|
وتم لطش الطريقه .. أحسه حلو بزيادة يبيله دلة قهوة ..

لولو سايح من الزبده والحليب بس لما اطلعينه من الفريزر يكون جامد ومغري اكثر ومرات اسويها في كاسات ..

دحدوحه دله القهوه تخلص ونسوي غيرها :p

عذوبه الله يهون عليج ان شاء الله .. والحلى حلو مع شوي حموضه من الجبن بس بتعجبكم :thumbs_up:

الأصيلة

تسلم يدج عالطريقه ؛ دخلتيها في خاطري ؛ يله بنات الي بتسويها تعزمني.

الأصيله

بسألج الحليب فرش ولا رينبو؟ والقشطه بعد فرش ولا قواطي؟ شكلي بسوي الحلو بكره ولا الي عقبه دش في خاطري.

ليلة حب الله يسلمج فديتج

الحليب حليب مراعي انا استخدمت طويل الاجل والقشطه القواطي

اصوله
عيل يبيلي دله قهوه لي بروحي محد يشاركني فيها ..
مع حبه لقيمات اشرب فنجالين اشحال هالحلوووو ..
هو دايمن السويتات اللي بالسنكرز والمارس وغيره يكون حالي بزياده
والله حلوه فكره القلاصات ..عجبتني بعد ..
اول شي بجربها على اهل ريلي لوووووووووووووووووول
جربت كذا شي وعجبهم ..
ان شالله اجرب هاي بعد ..






دحدوحه
اكل اغصب نفسي ..
هي النفسيه بعد تلعب دوووور
وانا نفسيتي الين 3 اسابيع قدام مب ذاك الزود ..
الله ييسرها ان شالله
خاطري في مرقه باميه مع دجاج <<ادري المفروض مع لحم
بس احبها مع دجاج ..
وماقدر اكل هالسوالف احس من اشوفها تغثي علي ..

مساء الخير النظرة انا ما اطبخ

ليله
سويها
وان عجبتكم
جهزي قلاصات صغيره من الرونق او رامز ..
ووخليهم يسووونها لج في نفاسج للضيافه في البيت ..:thumbs_up:

مرحبا ماميز

في سؤال دايما محيرني ..
ابي اعرف شنو تريقون وتغدون وتعشون عيالكم اللي بعمر سنه؟:!!: وهل تعطونهم شي ياكلونه بين الوجبات ولا لا ؟؟

الصراحه بنتي ماتاكل الا الاشياء اللي متعوده عليها وباقي الاشياء لا ترفض تجربها حتى .. يعني الفواكه مستحيل تاكلها .. السيريلاك ماتحبه ولا تاكله يوم اسويه انا اكله اخر شي ..
بس متعوده على العيش الابيض والروب والمعكرونه والعصير الطبيعي ترفضه اما الصناعي تقبله بشرط يكون في مرضاعه والماي ماتشربه لو في مرضاعه اما لو في قلاص تشرب شوي لانها تقلدنا احس .. وتاكل بسكوت بس مو كل الانواع على حسب المزاج .. وممكن تاكل تناتيف خبز .. حتى لما اعطيها بطاطا اللي فالصالونه اتغصبها باليالله تاكل شوي ..

لكن احسها تحب الاشيا المب مفيده مثل الجبس سواء الفرينش فرايز او جبس الجمعيه ..
والعصاير المب طبيعيه مثل ماقلتلكم اذا كانت في مرضاعه ..
وبعض البسكوت وبعض الكوافي ..

ابي اعلمها عالاكل الصحي مابيها جي تاكل خرابيط وبعد مب حاله بس غداها وعشاها روب .. شدعوه !! احس مب زين جي ..

والله اروح اشتريلها زبادي واحاول اعطيها فواكه ماترضى تجرب طعمهم حتى اخر شي انا اللي اكلهم :'(


اسفه طولت عليكم بس بغيتكم تفهمون سالفتي ..