تجمع حوامل وأمهات قطر لشهر رجب لعام 1432 ه؛ الموافق لشهر يونيو لعام 2011

فارفلا

أنا دايماً عندي نقص فيتامين ب ١٢ ؛ وشيكت بدايه الشهر وطلع اقل من الطبيعي بشوي ؛ أخذ الفيتامينات الحين وفيها نسبه من ب ١٢ ان شا الله يرتفع ؛ وفيتامين د شيكت عليه شهر ٤ الحمد لله مرتفع لأني ماخذه الابره في رمضان قبل لا أحمل ؛ الحين بجرب الكالسيوم الي مع مغنسيوم وزنك وان شا الله يفيد ؛ حبوب فيتامين ب كومبلكس ما اقدر عليها عشان معدتي ؛ أنا قبل لا أحمل كنت آخذ كورسات ابر فيتامين ب ١٢ ؛ وبالغصب يرتفع شوي.

الأصيلة :
حلو ينحط في كاسات ..



لولو :
الله يفرجها عليج و تتحسن نفسيتج و تغذيتج ..



مريم :
آآه يا سالفة الأكل , أول شي خلي المرضاعة حق الحليب بس و الكاس حق الماي و العصاير , علميها عليها اذا ما تعرف ..
بعدين على الوجبات قعديها معاكم و لقميها من أكلكم شوي شوي لين ما تتعود ولا سويها لها بروحها بس خليها وياكم ..
عندج خيارات وايد للأكل , بس المهم انتي تطولين بالج و تتمين تجربين و تجربين معاها يعني الا ما يكون في شي تحبه و ترغب فيه , و خلي في بالج أكلها قليل أحسن من انها ما تاكل شي فاستغلي هالشي و شوفي شتحب و عطيها الاشيا المفيدة ..
والخيارات حق بين الوجبات :
روب مع قطع فواكه ( فراولة - موز - مشمش ) - ميلك شيك ( حليب - فواكه نوعين او 3 - مكسرات - حبة مشمش مجففة بدل السكر أو عسل ) المفروض تحطين ثلج او ايس كريم بس ماتبينه بارد وايد / حليب و تمر / كرات التمر مع المكسرات او البسكوت / معمول أصابع / بسكوت فيه كريمة / عصاير فرش او كوكتيل وحطي عسل طبيعي معاهم / حليب بالفواكه او الشوكولاته / مهلبية نشا او كاسترد و حطي معاها كيك / موز / خيارة قطعيها طوال و عطيها في يدها / بلاليط و لا خبيص اذا سويتوا عطيها شوي اغلب اليهال يحبونه

و حق الوجبات الرئيسية :
الفطور : بيضة مفيوحة او مقلية مع جبن / سندويتش جبن و عسل او مربى / كورن فليكس وحليب ( اخذي الاحجام الصغيرة وجربي لها عشان تعرفين شتحب )

الغدا : المفروض تاكل من أكلكم .. بس اذا فيه بهارات وايد سوي لها بروحها ..
عيش مع صالونة و دجاج و خضراوات بطاطا و جزر - مضروبة ولا جريش ..

العشا : سباغيتي مع صلصة طماط / معكرونة و جبن / قطع فيليه بالقسماط لا تعلمينها على النجتس مع بطاطا سويها في الفرن او حتى لو حمرتيه في الطابي بس الزيت يكون خفيف / عيش و طماط و روب ..

هذا اللي في بالي ..




النظرة :
الدجاج بالسماق حلو ..





انا سويت كم مرة بسبوسة كب كيك :
مقاديرها : 1 كوب سميد
1 كوب سكر
1 كوب جوز هند
نص كوب زيت
علبة روب ( 170مل )
بيضة كبيرة
رشة فانيليا
ملعقة كبيرة بيكنغ باودر

الطريقة : تخلطين كل المكونات في الخلاط لمدة دقيقة او دقيقة ونص بس مش أكثر عشان ما تهبط لما تحطينها في الفرن , وبيتكون خليط ليّن , عقب تحطينها في قالب الكب كيك على طول او في ورق الكب كيك , تدخلينها الفرن على درجة 170 لمدة 12-15 دقيقة , واول ما تطلعينها من الفرن تسقينها بالشيرة او الحليب المحلى

صباح الخير



مافيني نوم مع اني تعبانه ونايمه متاخر




شوفوا هالصور
حلوين عجبوني بالذات الاولى ..
ان شالله احصل حق البيبي بعون الله يكون في الصيف بو 6 شهور ان شالله




















هذي حلوه بعد حق حمامات السباحه
الشوش كان عندها وقلبو اختي مدري وين نسته ..
ومالقينا نفسه بعد ..






دحدوحه
الله كريم ان شالله
تسلمين حبيبتي
ومخزنه طريقه البسبوسه هذي

صباااحوووو ..

فارفلا :حاضرين حبيبتي ، بس جربوهم وعطوني النتيجه ...


دوحانيه :
مجربته انتي ؟
اي حلو ويعجب الكل ويكون لين هوو ،
شكراا عالوصفه مالتج ...

لولو :ناااايس ان لقيتي قولي باخذ لعيالنا ...

فلكرات شغل بنات قطريات
عجبني شغلهم ، فيه اشيه لكل المناسبات تقريبا
اتمنى ذوقي يعجبكم :)


http://www.flickr.com/photos/yumyumsweet/

http://www.flickr.com/photos/cloudelicious/

http://www.flickr.com/photos/60768709@N06/

http://www.flickr.com/photos/the_cake_couture/

صباح الخير

لولو
اتحصلين تقريبا نفس البرج في التعليم المبكر حتى السباحه تقريبا نفس مالت ولدي بعد من التعليم المبكر ..

السلام عليكم

شحالكم ماميززز ؟

الله يهون علا كل وحده قدبت ولادتها منكم والله يهون علينا عقبكم يارب


مريم

انا سالت البنات عن الاهلي فالصفحات الي ورا ولقيت ردود طيبه عن الي جربوا الولاده فالاهلي
انا نفسج محتاره بس كلامهم شجعني وحمد انا متخوفه منهم ومابي اتلعوز وانا توني باول حمله


بنات

الحمدلله امس كان موعدي مع سميره الطايي وجيكت عالبيبي وراوتني اياه بالفور دي وتاكدنا من جنس الجنين وكان واضح ماشالله والحمدلله كل شي طبيعي وسليم

يلا عقبال الي ماعرفوا جنس البيبي لللحين

زيون

مالقيت نفس الاورانج ..
ابوها خذ لها اللي حق اليدين على تويتي لوووووول ..
والبرج مادورت اصلا
كان مب عالبال
الحين طرا علي ..






تفاحه
تسلمين عالفلكرات ..

هايو بنات
صارلي يومين ادخل واشوف اخباركم...
بناات قولولي دبروني حالتي النفسيه صعبه وايد والجو متكرهب حده وابي اسافر او اروح اي مكان بليز قولولي شاسوي وين اروح ابي اطلع من هالاجواء الي تخنقني

لولو :-
الله يسلمج ،
لماالحين تدكرين اني تفاحه ؛)

مسا الخير

شخباركم اليوم؟

ام شيوخ

الله يفرج همج ؛ اقرب شي دبي ؛ اذا تقدرين روحي واسكني قريب دبي مول وغيري جو.

دحدوحه
بليز اسدحي جدول الحوامل
ليله وعذبه الله يهون عليكم

مرات الواحد يحس انه يكلم نفسه بهالمكان !!

مساء الخير

شحالكم كروشات وامهات


انا الحمدلله ربيت بتاريخ 14-6 والحمدلله حمدا كثيرا

يبت ولد ,عقبال باقي الحوامل يارب الله يقوم الجميع بصحة وسلامة ويحفظ لكم بيبياتكم

عيون محمد
ليش ؟؟
عادي كلنا نسولف واللي تتحلطم واللي تشتكي واللي تسولف عن يومها والا مشاويرها
وكل وحده تعلق ان كانت موجوده في نفس الوقت او عقب ..
يعني اسمي موجود تحت ..
والصج اني مب على طول اون لاين ..
عادي سولفي ..
من كم يوم سولفت وادري محد تحت ..عقب ردي على طول ام حمني فديتها راده علي انها موجوده
عادي صح قبل مب جذي
شنسوي نحاول ننشط الموضوع
انتي بكر
لو عندج اي استفسار اي سؤال بنساعدج ..
شوفي انا هاي الثاني واتحلطم مرات ومرات اسكت ..







فرووووووشه بوظبي
اشوفج تحت
اشحالج ؟؟
ربيتي بالسلامه والا بعدج ؟؟

ماشالله توني اسال اذا ربيتي والا لاء ..







بالمبارك ماجبتي
والحمدالله على السلامه
يتربى بعزكم الشيخ ..

لولو :
ان شاءالله اول مااشبك من اللاب توب باحط الجدول

فراااشة :
مبرووك ماجبتي والحمدلله على سلامتكم
شسميتيه ؟

لولوة
الله يسمع منج ..
ويهون على كل حامل يارب ويرزق من يتمنى ..
اى والله نبي اللسته نشوف من عليه الدور :confused:

فراشة
الحمدلله على السلامه ..
وعلى البركه ما جبتى ..

مشكوره لولوه رديتي علي
بس ملاحظه انا في ردود تتطوف وردود ينرد عليها
بس عادي مب مشكله مثل ماقلتي كله كلام وسوالف لاتودي ولاتجيب