تجمع حوامل وأمهات قطر لشهر رجب لعام 1432 ه؛ الموافق لشهر يونيو لعام 2011

فدديت المشتطين
يعطيج العافيه :)

اليجنت :عليه بالعافيه ولدج ، اتوقع ان خياط البحرين يقدر يفصلج نفسها

وااااو

اسمي الحنان
يبيلها تجرييب

انا احب اسوي سويت الاوفلتين

طريقته سهلة
بسكويت اولكر مال الشاي او الاصفر ليبنز
ملعقتين او ٣ اوفلتين
٢-٣ ملاعق سكر
علبتين قشطة نستله او اربع علب قشطة مراعي الفريش
نطحن البسكويت طحن خشن
ونخلط المكونات كلها
اذا تحبينه في صينية
تخففين البسكويت
وممكن تزيدين البسكويت وتكورينه صغار صغار وتغلفينه بجوز الهند او بسكويت ناعم
وبالهناااا

صباح الخير

::

ليلة حب

بخصوص الشد العضلي اللي يصيدج .. يبيلج حبوب ماغنيسيوم .. هي اللي تفك الم العضل

الكالسيوم ما ينفع حق العضل

فيه حبة تكون كالسيوم وماغنيسيوم وزنك

وايد زينه

صباح الخير



ليله
صح كلام لولوه ام نونا
الكالسيوم عشان الالام المفاصل والحوض في اخر الشهور ..
بس المغنيسيوم حق شد العضل ..
ماشالله دخلتي شهرج
شدي حيلج وامشي هالايام وايد وتحركي فيالبيت من تنظيف وغيره ..
واشربي عصير منجا هالايام يمكن يساعدج ..
بخصوص بنوتج
عادي تناحسج هالفتره
طنشيها لا تقولين لها ليش وليش طنشي بدوووون عصبيه
وبعد ثرا بتناحسج اكثر لما تربين ان شالله
تحملي وسالفه الحمام عاديه ..








حنووووووووون
يسلمو بعد عمري ..سهله وااايد ..





عذبه
مشكوره فديتج





اليجنت
شوفي السوق العماني احتياط يمكن عندهم ...

فارفلا :
مشكوووره حبيبتي عالطريقه :)

النظرة الخجولة: الله يعافيج حبيبتي ، اذا مالقيت جاهز بشوف الخياط

لولوة: مشكورة حبيبتي عالرد بجرب حظي

اليجانت
تهنيتوا باللبس الجديد
اتوقع شفت في سوق واقف بس ناسيه وين
او تفصلين

سلااام ماميز

سوق الحريم في سوق واقف تفصل شي جديد للقرنقعوه اذا حابين
مس ماذكر اسم المحل
اسأل وارد لكم

مساكم خير

بنات
صار لى كم يوم أصحى بتشنج فى ايدي او ساقى كله ..
من صوب واحد .. وغالبا اليمين
مادرى ليش
حد صاده نفس الحاله

عذبه
خطاج الشر حبيبتي
هو تشنج والا تنمل ؟؟
التشنج يعور نفس اللي يصير في بطه الرجل اذا صابج من قبل مب شرط مع الحمل ..

الشر ما يجيج لولوة ..
اى تشنج فى بطة الساق بالضبط ..
وايدي تنمل .. خاصه الكف كله
الصبح .. مادرى أنا اللى اصحى والا هو يصحينى ..

مساء الخير

لولو سالتيني في اي شهر بكون في رمضان بكون في السابع ان شاء الله ..

عذوبه صارلي مثلج في حملي الاول على الشهر التاسع .. قالولي نقص كالسيوم ..!!!

وبخصوص الطبق المفضل في رمضان دوم اسوي سويت تشيز كيك بالسنكرز خطيييييييير هالحلى ادمان عليه ..

اذا تبون الطريقه بنزلها لكم

لولوه قط قط ولولو دح دح

أنا خف الشد العضلي من صرت آخذ الكالسيوم ؛ بس الحين يصيدني تشير في طرف ريلي من فوق ؛ ويزيد اذا انبطحت ؛ وما اقدر انقلب الا بالغصب ؛ بجرب الحبوب الي قلتوا عنها يمكن تنفع.

عن المشي روزفي مانعتني امشي لين عقب أسبوعين ؛ عقب ما اسوي تلفزيون وتشوفني في الموعد ؛ عشان الياهل شوي صغير بس حجمه طبيعي ؛ ويبونه يكبر زياده ؛ وانا امي مسافره وبترجع عقب أسبوعين بعد عشان جذي ما ابي أتحرك لين ترجع ؛ ما ابي اربي وامي محد.

عن بنتي هي صارت تعرف حق الحمام مب توني اعلمها ؛ بس هالفتره مادري اشفيها ؛ الظاهر بدت تغار من الياهل او تتأثر؛ الله يعيني لين ربيت.

عذبه

تنمل اليد او الأطراف عموماً نقص فيتامين ب ١٢ ؛ انتظمي على حبه الفيتامينات وبيخف ؛ والشد العضلي نقص كالسيوم.

مساء الخير

النظرة
انا اسوي شوربة كريمة الدجاج يا اما بالفطر ولا بالذرة اذا فضيت بانزل لكم الطريقة

حنوووون
وحشتيييييييني من زمان ما سولفت معاج

عذوووبة
انا يصير لي نفس الشي تنمل يدي وتشد البطة كنت أموت وصج الم التنميل يقوم من الرقاد

لولو
شخباااار البصلة؟؟؟


باقي الصبايا كيفكن؟؟

السلام عليكم مامييز ,,

اخباركم ؟ ان شاء الله طيبين ..

انا حامل الحين ف الشهر الرابع ,,, بس بغيت اسألكم الدكتورة كاتبة لي فيتامينات وماقدر ابلعها ! من شهر ماكلت منها ولا حبه من اكلها
ارجعها على طول مادري ليش ..!! كفاية النساه تعذببت كرهت الترجيع ,, ف وقفتها وخايفة

وممم بخصوص السفر , انا سمعت ان السفر لمدة طويلة 7 ساعات مب زين للحامل يفتح الرحم ؟ صج هالكلام او لا ؟

بالنسبه للكرشه يادووب تبين ههههه بس تنصحوني بزيت الزيتون ولا كريمات بالنسبة لترطيب البطن و الصدر لتخفيف من التشققات ؟


سوري ع الاطالة :$

كيوت نوني

وقفي الحبوب لين تخف النساه ؛ الحبوب اذا وقفتيها ما تضر الياهل لأنه ياخذ من جسمج ؛ عن السفر شوفي دكتورتج شتقول لج عن السفر ؛ اذا تقدرين تسافرين ولا لا ؛ وعن بطنج في كذا شي تستخدمينه ؛ عندج أفالون من الصيدليه بس أنا ما حبيت ريحته ؛ وبالمرز بعد من الصيدليه ؛ وفي زيت يبيعونه في لوكستان حق تشققات الحمل ؛ وفي زيت ثاني بعد في بوتس للحمل ؛ عندج خيارات وايد ؛ شوفي الي يعجبج واخذيه ؛ واذا تبين شي بدون ريحه عشان النساه أخذي من لوكستان زبده الشيا ؛ وايد ترطب وما فيها ريحه.

أنا الي استخدمتهم كريم بلاسنتور من الصيدليه ؛ وزبده الشيا وزيت تشققات الحمل من لوكستان ؛ في حملي الأول استخدمت زيت روك للتشققات بس دورته هالمره وما لقيته الا في صيدليه مجمع الحياه الطبي ؛ اذا بتاخذينه تأكدي مكتوب عليه rock maternity anti stretch marks؛ لأن فيه نوع ثاني ما يصير الحامل تستخدمه.

ثااانكس ليلة حب ... الله يعطيج الف عافية :**

لكل اللى ردوا علي يعطيكم العافية
وأنا على بالى لو ما كليت الفيتامينات عادى :(
طيب يصير اخذهم بروحى من الصيدلية والا لازم من الدكتورة ..؟؟
وهل أخذهم اللحين والا بعد الولادة ؟؟