تجمع حوامل وأمهات قطر لشهر رجب لعام 1432 ه؛ الموافق لشهر يونيو لعام 2011

عيون محمد

ولدت طبيعي وكنت اتابع عند روزفي وهي حضرت ولادتي في بنتي يوم وصلت ١٠ سانتي بس مب هي الي خيطتني وانا ما قلت لها خيطيني كان عادي عندي اي حد ؛ الحين اتابع عندها بعد بس قالت لي ما راح تولدني هي بس قيصري ؛ وقلت لها اذا وقت دوامج قالت يمكن تجي ؛ أنا قلت خلاص بتوكل على الله ؛ أهم شي بتكون معاي دكتورة في الأهلي غير النرسات.

ذكريات
لو ما خذتي الفيتامينات عادي ما يضر الياهل ؛ لأن ياخذ كل شي من جسمج ؛ انتي الي تتعبين ؛ حاولي تاخذين عشان جسمج ؛ أنا توني باديه أخذ الفيتامينات والحديد ؛ الكالسيوم الوحيد الي منتظمه عليه حبتين في اليوم عشان الشد العضلي الي يصيدني.

كامى
اى والله .. شغل محترفين تبارك الله ..
وأدواتها نظيفة وراقية ماشاء الله عليها
والملاعق تجى مع الطلب بالعدد وبترتيب حلو ..
الصراحه ما شفت مثل شغلها الله يعطيها العافية ويرزقها من واسع فضله ..
ولو أنا موب مجربتها شخصيا كذا مره ماقلت لكم عنها ..

عذبه

شغلها شكله حلو ؛ يمكن اطلب منها حق البيت في النفاس اذا حد بيجيني ؛ عندها توصيل ولا لا؟

ليلة حب
شغلها والله شكل وطعم وترتيب حلو ويفتح النفس ..
أنا مجربته كذا مره وكذا نوع ..
وعندها مندوب يوصل الطلب للبيت أريح لا دريول ولا عباله
كنت حاطه فى بالى أطلب من عندها وقت نفاسي
بس اللحين بأسافر أربي عند أمى ان شاء الله ..

ثانكس ليلة حب
انا مفكره اولد فالاهلي ان شاالله وحابه اسمع راي الي جربوا الولاده عندهم وان شالله بعد مادخل الساببع ببدا اتابع عندهم لاني حاليا مع سميره

امج في وين؟ <<<< لقافه

كامي

وين خيطتي حق بناتج حق القرنقعوه؟ ولا خذتي جاهز؟ متوهقه في بنتي ومالي بارض تفصيل.

عيون محمد

استخيري اذا متردده ؛ أنا ارتحت على معاملتهم اهتمام ورعايه ؛ وما تتوهقين نفس حمد ما تلقين غرفه ؛ اذا حملج طبيعي وما عندج مشاكل اولدي عندهم ؛ اذا في تعقيدات حمد أحسن.

ليلة حب :lol:
فى الامارات فديتها ..

عذبه

الله يهون عليج ؛ عاد تعرفين مستشفى زين هناك؟ أنا امي مسافره ؛ ان شا الله ترجع قبل لاأربي ؛ هي بترجع بكون ماخذه أسبوعين من التاسع :(

انا لحد الحين الحمدلله وضعي طبيعي وان شالله يستمر جذي وعقب السابع بقرر ان شالله بس انا قلبي مب مرتاح حق حمد واول حمله مابي اتعذب واتبهدل معاهم وريلي مشجعني اروح الاهلي يقولي اريحلج والله يكتب الي فيه الخير لين وقت الولاده

ليلة حب
الله يهونها علينا وعلى كل حامل ..
والله كلها تساهيل من رب العالمين
لا تقولين دكتور ولا مستشفى ..
يوم فى بنتى كنت أتابع عند الاهلى عشان أحسن والاهتمام ومن هالكلام ..
لأنه صادنى سكر حمل وكانت ولادتى اللى قبلها باول الثامن
فقلت أتابع بالخاص أحسن
ويوم قالت لى الدكتورة اللى اتابع معاها ان وقت اجازتها يصادف موعد ولادتى
قلت ليش أنا متعبه روحي وجايه أتابع فى الخاص
وسبحان الله يوم الولادة سألتنى اختى وين نروح
قلت لها مستشفى النساء والولادة
قالت بس انتى مالج ملف هناك ولا تابعتى عندهم
قلت ربي بيسهلها .. وسبحانه دخلت عليهم لا ملف ولا تحاليل
زعلت الدكتورة شوي وتمت تصارخ
وبالاخير ربي يسرها و ولدت الحمدلله ..
الله يرزقنا ساعة فرج ويسر بس ..

عذبه

بس ودي معاج نسخه من ملفج ؛ اذا اتابعين عند عياده خاصه ؛ احتياط يعني.

عيون محمد

أنا نفسج كارهه حمد ؛ الله يهون علينا ونقوم بالسلامة.

حلووو الفلكر
عذبه شنو تطلبون منها بالظبط ابي شي يصلح لمناسبه كبييره
ورقمه بلييز

ليلة حب
أنا كنت اتابع بالخاص .. ومن السادس حولت لحمد
وخذت نسخه من ملفي .. عشان أوديها معاى ان شاء الله


أم حمنى
بشري عن ريمي .. شسوت اللحين ..؟؟
والطلب بأطرش لج الرقم وتتصلين فيها عادى ..
تقولين لها نوع المناسبة أو الحلو اللى تبينه ..
عندها شيز كيك أنواع .. وتيراميسو .. وفدج كيك ..
أسأليها وهى بتقول لج المناسب

عذبة
ميرسيييي
وصل

لولو
العفو
نخدمكم في الافراح

صبااااح الخييير

شخباركم؟؟

عذبه
ممكن رقم صاحبة الفلكر حبيبتي

صباح الخير والنعاس ،،،
عذوب :-
فديتج بغيت الرقم ( تعبناج )

بسالكم بنات كم زكاة ال 20 الف ؟؟؟

صباح الخير حوامل وامهات وبنوتات

صبااح الخير يا احلى ماميز

شخباركم؟؟

دلووووعوووو
شخبارج ام بدووور
وشخبار صداعج

الحمدالله والصداع اشوى خف عني هالايام
انتي شخبارج وشخبار كروشتج الجميلة وشخبار بنوتج

اليوم فجاء حسيت بعور بقدمي اليسار وانتفخت هو العوار استحمله بس الانتفاخ غيييرطبيعي فرق واضح بين رجولي الثنيتين ذكرني بحملي باخر الايام تنتفخ هالشكل الحين ابي ااشيك وين اروح مابي طواري

ام حمني انا صايدني نفس الشئ من 3 ايام بس مو في ريل وحدة في ريولي
الثنتين منتفخين بطريقة عجيبة حتى جوايتي وصنادلي الله يعزج ماقاموا يدشون فيني
رحت المستشفى وقالت هاي سوائل متجمعة ولازم اسوي تحاليل وبعد قالت لي ارفع ريولي
دوم في شئ يعني لين قعدت اخلي شى عالي جدامي طاولة ولى كرسي واحط ريولي
وقالت لي مالبس ضيق حاولي تسوين جي بس قبل روحي المستشفى


ماميز اشرايكم في هالموديلات ابي افصل لبناتي بس موري لوبيطلعون عليهم اوكي
خصوصا الصغيرة وانا في خاطري البسهم نفس الشئ واطقم معاهم حتى لو القطعة بس ومااعرف اي خياط بيضبطهم لي ومن وين بلاقي نفس القطع