لمتنا السورية اهلا وسهلا فيكم لشهر رجب ( حزيران ) 1432

اي والله قلتي بس شكلي فهمت غلط وقتها وفكرت ان العرس بهالتاريخ
يالله الله يوفقكم وتوصلوا بالسلامة وان شالله هالاربع ايام تكفيكم حتى تخلصوا الاجراءات

ههههههههههههه ايه بتخلص ليش هلأ ضل موظف يقدر يفتح تمو بكلمة الحمد الله على الأصلاحات كل الأمور عم تمشي بسرعة .... بس صدقا لما كنا بطرطوس بالنفوس سوينا كتير أشيا وحتى كمان طلعنا دفتر الجيش تبع أخي كنا عم ندفعلو بدل الأمور خلصت بسرعة وماحدا طلب رشوة ولاشي ...

ان شاالله الف مبروووووووووووووك عروسة والله يهنيكي يارب

الحمدلله معناها الامور تصلحت بعدالاصلاحات

نورالشام;15204477:
ان شاالله الف مبروووووووووووووك عروسة والله يهنيكي يارب

الحمدلله معناها الامور تصلحت بعدالاصلاحات

الله يبارك فيكي تسلمي يارب ...

كيفكن اليوم ؟؟؟؟ انا فايقة بكير كنت نايمة ولا سمعت صوت أختي وأولادها قمت ...

عروسة ابراهيم;15183763:

ايه ان شاء الله بالفعل بس فكر بهالحظة بحسها حتكون حلوة كتير ...

ببناتك ماني أصدة هيك أبدا كنت مفكرة عندك بنتين مدري ليش :confused:الله يبعتلك يلي ببالك وتكون صحتو عال العال يسر قلبكن ويفرح تالا .... حمسيها للفكرة مشان ماتغار منو ...

صحي انتي ناقلة مشاركتك وأنا هنيك عم أقرئن ومتحرصة أجي عالتجمع الجديد هالشهر مر بسرعة فظيعة ....

لولية;15183846:

كيفكن يا عسولات حبيت مر وسلم واطمن عليكن بعرفكن عاذريني وماحدا عتبان عليي

مـيـــس الـريـــم ...}~;15185083:

سلاموووو

ع البركه التجمع الجديد صبايا

كيفكن

انا بدكن تعذروني هاليومين ماعم افضى بالمره
مشان الحفله
ادعولي بس لاقي اللي ببالي
سلام

الدمشقية;15189470:
جمعة مباركة عليكم يااارب
ومبروك التجمع الجديد ورجب مبارك عليكم الله يعيده علينا جميع بالخير والعافية

كاتس حبيبة قلبي يسلموا على الافتتاحية الحلوة والله يديم هالصداقة اللي بينا يارب ..... وماننحرم طلتك يارب
وياعين ياعين على الصور اللي بتجنن هلأ الفطور اخر شي بفكر فيه هو الكورن فلكس ههههه فخليتلك ياه
بس قبلانة بفنجان القهوة بجنن ولا صورة الطبيعة تحففففة ذكرتني بستانبول

يالله ان شالله تكون الشغالة اجتك وان شالله يكون شغلها متل مابدك واحسن ولو انهم نادرين هالايام هههههه

ياستي الف مبروك المشتريات الجديدة الك ولتالا وللبيبي تهروهم بالهنا يارب واكيد كمان شوي راح تعترف بالبيبي اكتر تالا
وراح تحبه كمان وان شالله مايصير بينهم غيرة

وانتي الله يقويكي يارب بس بتلحئي وانتي قدها وقدود وخاصة انك منضفة تالا ومخلصة من قصة الحمام وهي لحالها راااحة
الله يتمملك على خير يارب

سورية بتسلم عليكم والله هدى خانم صارت عم تمشي ماشالله ... اجت لعندي يوم الخميس وقضيناه بالبيت واليوم تواعدنا ورحنا الفن تايم مكان العاب ومطعم صيني
فاتغدينا ولعبنا الاولاد ولعبنا معهم ههههههه وبس انقضى النهار على خير

ان شالله موعدي مع الدكتورة السبت فادعيلي تظبط هههههه لاني اتعقدت من هالقصة

هند حلوة الحلوات;15193867:
مرحبا بنات

كيفكم اان قريت تقريبا اخباركم واعذروني لانو مو على طول مو جود الانترنت انا ماشي حالي بس هالفترة مالة لانو ماعم شوف خطيبي كتير مشان فحصو التلاتا عندو مادة

وصرلنا يومين عم نتخانق مشان الباطاقات لانو الخميس كنا بعرس وامي فتحت السيرة مع امه ورجعو من العرس وحكو مع ابوه وابوه قال يابتعطوهون 100 يابلا العرس الله ياخده وياخد كل واحد من شكلو

ومو رضيانين انو نشتري نحنا قال ادفعو نص العرس

اف انا خايفة لمن اتزوج ضل عم شوفون انا بدي اتزوج وبعد مابقا بدي شوفهن ابدا

نورالشام;15199240:
ياهلا والله بنات البلد

كيفكون ان شالله تمام

الله يعينك ياهند بس معليش حبيبتي خلي البك كبير وعديا

معليش بناتا شودخلون حرام تدعي عليهون

اما حماتك الله يهديا ويصلح حالا

معليش حبيبتي ماتزعلي حالك

شو يعني عديها ليش كم عرس رح يصرلي لحتا عديها هاد عرسي ومابيصير الا يلي بدي ياه وحبيبتي لمن تشوف يلي عم يصير ببناتها بتتذكر شو عملت بقا مو حرام ولاشي

الدمشقية;15200032:

&&&&&&&&&&&&&&&

هنودة حبيبة قلبي لا تحطي ببالك سبحان الله القصص اللي بتهز البدن كتيرة مع بيت الاحما
بقى لا تزعلي وحلوة فكرة انك تشتري الكروت وتريحي راسك وتعزمي اللي بدك ياه قال هين فلوسك ولا تهين نفوسك
وهي الها يوم لا تخافي الدنيا دين وفى

&&&&&&&&&&&&&&&&

ايه والله بس مو كل بيت الاحما بس قليلن الذوق والوقحين هنن يلي بصير معن مشاكل

وحياتك مابيصير الا يلي بدي ياه بس يلي قاهرني قلة الذوق والمشاكل يعني مابعرف اذ ا هي بتفهم او لا انو مابيصير الا يلي بدي ياه

عروسة ابراهيم;15202498:
مرحبــــــــــــاااااااا اليوم كان خطيبي بالمطعم وعم يحجزو للعرس قال فاضي 18 - 19-20-21 من شهر سبعة قلتلو براحتك مابتفرق معي وأخترنا لون الديكورات زهر وموف كل أمورنا تمام بس طفى جوالو ماضل فيه شحن بطارية ولهلأ مسكر رح طق ع ماأعرف أنو يوم حجز خخخ

هند روقي دمك ولاعبالك بكرا شو ماساويتي لبيت أحماكي رح توقع فوق راسك لأنو خطيبك من ايد أمو هي لإيد أمو هي يعني مارح تجيبي غير وجع الراس وحسب ماقلتي انو هيي يلي متكلفة بمصاريف العرس يعني هيي بوجهة نظرا انو أنتي مالك حق تختاري عكيفك .....

ايه الله يتمملك على خير ومنيح انو مابتفرق معك انا والله بيهمني يكون يوم عرسي تاريخ حلو

والوان الديكو ر كتير حلوة هي الالوان بتجنن للحفلات

وياستي مشان بيت حماييي المهم حسسهم شو عملو فيي بالخطبة وحتا لو بدها تخرب علاقتي معو انا مابقدر سامح ابدا اشخاص بكرهن

وشو يعني من ايد امو هي لايد امه هي بتعرفي لو بحسو هيك بتركه فورا شو انا متزوجتو ولا متزوجة الخانم امه وبهي الحالة رح كون متزوجة طرطور الماما والله لو كان الهوا يلي بتنفسو وطرطور امه بستغني عن هيك واحد

وصح هي يلي بدها تدفع بس كل اهالي امة الله بيدفعوا لولادهم ومابقللو زوقهم
انا كل زواج رفقاتي اهلم دفعولن واخدو رفقاتي على حسب المعازيم او النص بس ماصار في شرشحة وقلة زوق وبعطيكم ومابعطيكم وادفعوا نص العرس

CATS_ANGEL;15208244:

حبيبتي هند اشتري البطاقات بدون ما حد يعرف و لا حتى اهلك و مشي الامور يعني راح الكتير ما بقي الا القليل و المهم تستقري ما هيك :thumbs_up: هلأ ريحي حالك و انبسطي الوقت يلي بمر ما برجع و ما الك الا تقولي حسبي الله و نعم الوكيل اما انك تدعي صدقيني مو حلوة ابدا :thumbs_up:

هو هيك رح اعمل لكن فكرها تمشي كلمتها بيوم عرسي انا تروح اذا كتير مشتهية تعمل عرس الها وتعزم مين مابدها

ومبلا حلوة اني ادعي لكن لابقدر حاكيها وقلها انتي قليلة زوق ولابقدر الجأ لربي شو يعني طق بارضي والله انا امالي ملاك وبقلبي حقد كبير عليها وعلى زوجها وبناتها

بتعرفو شو ادعولي الله يبعتلو شغل على سفر وين ماكان المهم نسافر ونعيش لحالنا لانو حتا لو اتزوجنا هون ببيت لحالنا رح تنط كل شوي وهو اكيد رح يروح لعندن بقا احسن شي السفر

سلام كيفكم صبايا اسفه منقطعه عنكم بس الحمد لله خلصت الحفله ع خير وعملت كل يالي ببالي واكتر وهلا مشغولا لأني عم اشتري النواقص لألي والبيبي والبيت قبل ما ارجع لانه متل مابتعرفو بيتي صار متل بيت العزابيه
واعذروني مو عارفه كيف طالعه الكتابه سوري اذا في خطا مطبعي عقدني الاي باد 

مسا الخير مبارح ماكنت فاضية كان في حفلة تخرج كتير أنبسطت كانت الحفلة بقاعة درة الليالي أنبسطت كتيييييير من زمااان مارقصت على اد ماأنبسطت بتقولو أني يلي مخلصة جامعة أتخرجت خخخخخخخ كنت لابسة فستان طويل لونو موف ...

المهم راح خطيبي شاف مطعم تاني وحجز بـ 25\7 أمه وخالاتو ماقبلو بهداك المطعم يلي فيه أيام قبل قال صغير هاد يلي أخدو أكبر واحلى ’ ماكتير حبيت قبل رمضان بـ 5 أيام بس يلا مو مشكلة انا من الأساس قلتلو مابتفرق معي اليوم لهيك ماعلقت خخخ .....

كاتي/ حلو البنات ورا بعض أنا أختي أكبر مني بسنتين طفولتنا ومراهقتنا سوا كتير كان حلو في بنت من جيلي ...

هند / الله يتمملك على خير ..

ميس / الحمد الله خلصت الحفلة على خير ومتل مابدك .. عئبال لما تفرحي فيه ...

زهرة لولية لؤلؤة دمشقية نور وينكن اليوم ؟؟

يسعد مساكم بنوتات والف الف الف مبروك التجمع الجديد والله يجعله شهر خير علينا وعلى بلادنا ويكون اليوم وبكرا ويلي بعده احلا باذن الله
اشتقتلكم بس والله والله كتير مشغولة يادوب السبت خلصت امتحانات الصبيان وعطلوا واريج عم تدرس ومافيها تساعدني بشي يعني كل الشغل عراسي ونزلات السوق يلي ما بتخلص يعني باختصار الوقت فول فول
مو الفول المدمس ههههههههه:lol:
تسلمي كاتي الحلوة على افتتاح هالشهر ويارب تقومي بالسلامة
دمشقية حبيبة قلبي لسا ماسافرت بعد 15 يوم اذا الله راد بس اكيد بتعرفي كيف بيكون الوضع قبل السفر
عروسة حبيبتي الله يتمملك على خير مو مشكلة انه قبل رمضان بس ب5 ايام بالعكس رح تقضوا رمضان والعيد وانتو متزوجين رح يكون ذكرى حلوة
هنودة مابعرف شو بدي قلك بس الله يتمملك على خير ويعينك على بيت هالاحمى
زهورة انا هون اشتقتلكم والله يارب تكوني انت وولادك وكل البنات بخير
نور الشام اهلا وسهلا فيكي نورتينا
ميس مبروكين الغراض والحمد لله يلي تمت الحفلة على خير وانبسطي وما بدك تشاركينا بشوية صور من تجهيزات الحفلة ولو :o
لولية انت دايما بالقلب وبالبال ولو كنت غايبة متل حالاتي ههههههههه:cool:

أهلين لؤلؤة واحنا مشتاقينلك كتير ان شاء الله أولادك من الناجحين وخلي أريج تدرس منيح وتشد حيلها هني اسبوعين يلي ضلو الله يوفقهن وان شاء الله بيجبولك شهاداتن بإمتياز .. تسلمي بالفعل حلو نأضي رمضان سوا عئبال ماتفرحي بأولادك وبناتك .

مرحبا بنات انا اليوم معصبة بس اعذروني مابقدر قول السبب

عروسة تسلمي حبيبتي بس ماقلتيلي شو يعني من ايد امو هي لايد امه هي عصبتيني بهالكلمة

لؤلؤة حبيبة قلبي تسلمي كلك زوق امين الله يسمع منك وتم على خير لانو مالي حاسة هيك وفعلا الله يعيني على بيت هلاحما

عروسة ابراهيم تسلميلي يااارب وشكرا على الاستفئادة بس والله كنت مشغولة بالتنظيف
زوجي دهن غرفتي وانا شغالة تنظيف وطبع على الحيطان خخخخخخ

والف مبروك الحجز يارب التمام لخير .... منيح رحتي وانبسطتي واهم شي رقصتي ولينتي جسمك ههههه ... لاء بجد حلوة كتير هالاجواء والله انا اجتني حفلة بقاعة بس مااتحمست روح لان هون بتعرفي الافراح ايمتى بتبدى وابني عنده مدرسة فصعبة السهر

CATS_ANGEL;15208197:

اهلين دمشقية حبيبتي اكيد الي قتلة كبيرة منك بس ما بعرف ليه ما عم لاحق مع انو النهار طويل :(

وانتي كمان ما بتحبي الكورن فلكس انا و تالا اوقات بنوكلو بدل الشيبس لانو اخف بلا من يلي ببيعو :thumbs_up: لكان الف صحة على القهوة و على زكريات استنبول اكييييييييييييد سرحتي اعترفي :cool:
الشغالة بعدها ما اجت او انا ما قلتلها تيجي عم كسل كتير ان شاء الله بدي جيبها يوم الاحد لانو اليوم الدكتور حكالي جسمي ما عم يتحمل حمل و شغل لهيك بضل تعبانة دايما حتى لو ما اشتغلت قال جسمي صغير :o و البيبي كان زعلان و جهو بالحيط قصدي بالرحم ههههههههههههه و حاول كتير الدكتور يخلي يتحرك ما رد علينا لهيك ما بين معنا ولد او بنت بس الحمد لله صحتو منيحة و حكالي انو اربع شهور بالزبط يعني حساباتي مزبوطة :D بس حسيتو دقق كتير و سالتو في شي قلي لا قلت يمكن هو هيك بس يلي كنت عم روح عليهن ما كانو يدققو متلو ^o)
قوليلي متى بتحسو بحركة البيبي انا لهلأ ما حسيت فيه مع انو الدكتور حكالي المفروض هاليومين تحسي فيه :(
الله يبارك فيكي يا رب ادعيلي بكرا عندي نزلة مرتبة على السوق شو هاكلة همها بس بدي كمل الاغراض للصيف و ارتاح :thumbs_up:

ما شاء الله الايام عم تركض هدى خانم عم تمشي بتزكر و احنا نحكي لسورية طولتي ليه لهلأ ما ولدتي :lol: تتهنو يا رب ما شاء الله مشوار كتير حلو اهم اشي انكن لعبتو و قضيتو نفسكن هههههههههههههههههه يسعدلي المبسوط و ان شاء الله الانبساط على طول يا رب :adore:

شووووووووو كل مشوار للدكتورة ما بيزبط انتي شكلك عم تدعي انو ما يزبط :mad: و متى دكتورتك راجعة على هيك 8o|

هلا وغلا كاتي لاااا مابهون علي فيكي ابدا والله انا عاذرتك الله يعينك يارب بعرف الحامل يومها بسنة خخخخخخ
ياستي الله يقويكي ويتمم حملك على خير الله يقويكي ولا تتعبي حالك يعني ياواش ياواش وعلمك فتحي عين وغمضيها هي اختي اللي حكيت عنها انها حامل هلأ صارت بشهرها وعم تستنى الفرج بالسلامة يارب

وياستي شو مااجى من الله حياه الله هي عادة البنوتة بكون وجهه بالحيط خخخخخ قصدك بالرحم
بس العلم عند الله والمهم الخلقة التامة وسلامتك ياقمر

انا والله ماحسيت بحركة البيبي الا بالشهر الخامس وكل وحدة بتختلف عن التانية
بس انتي لما تصحي الصبح خليكي بالسرير متسطحة على ضهرك وارخي اعصابك بتلاقي في نبض واضح ببطنك هيك قالتلي اخت زوجي الله يرحمها وفعلا لاحظت هالشي وكمان اتحرك البيبي وقتها

شايفة والله مدعي علي بروحة هالدكتورة :D بس انا خوافة والله وماحبيت اي وحدة تجلعص فيني :mad::cool: راجعة دكتورتي بعد شهرين ههههه يعني مو كتييير ;)

وتسلميلي يارب انتي كمان الله يبسطك ويسعدك دوووم يااربF:
شو خلصتي اغراض السوق وا لاسى حبالك طويلة متلي

هنودة سلامة قلبك من الضيق والنكد
طولي بالك وصللي على النبي ودعي الخلق للخالق لا تفكري ربك كبير وبياخدلك حقك
والحمد لله عندك بيتك يعني لحالك لا مضطرة تجاملي حدا ولا تشوفي حدا بتسكري على حالك هالباب وخلصتي وريحتي راسك

والغربة كربة الله يشهد ووالله مابتمناها لعدو فلا تفكري السفر هو الحل الك
بكفيكي قربك من امك واوكي هي بالدنيا كلها والله لا يحرمك هنن

&&&&&&&&

ميوسة اهلين فيكي ياقمر وان شالله كل حفلة وانتي بخير واكيد طلع كل شي حلو وبجنن
وقبلاتي لخلوود

************

لولو اهلين بالغالية الغالية على قلبنا والله
ان شالله بتروحي وبترجعي بخير وسلامة يارب والله ينجح الحلوين وباعلى الدرجات يارب
وانتي الله يقويكي السفر بدو تحضيرات كتير