لمتنا السورية اهلا وسهلا فيكم لشهر رجب ( حزيران ) 1432

زهورة الامورة ولولو العسولة وباقي البنات
جمعة مباركة عليكم ويارب تكونو باحسن حال

الدمشقية;15189489:
عروسة هي انا اجيت حبيبة قلبي
طمنينا عنك شو في مافي وكيف الهمة تماااام ؟

*******

تمــــــــام عال العال ولا أروع من هيك ..... :thumbs_up:

الحمدلله عروس ان شالله دووم تكوني بخير

شو وين الصبايا اليوم مشغولين

ماحدا فاضيلنا ......

كاتي وزهرة مجموعين عند اهلهم الله يخليلهم ياهم
وباقي البنات الله اعلم كل وحدة ملتهية بشي

يالله رحت عند الدكتورة حتى شيل اللولب مالقيتها لقيت دكتورة تانية بس مارضيت فوت خفت ههههه
قلت بستنى دكتورتي افضل ولا شو رايكم ؟

مرحبا بنات

كيفكم اان قريت تقريبا اخباركم واعذروني لانو مو على طول مو جود الانترنت انا ماشي حالي بس هالفترة مالة لانو ماعم شوف خطيبي كتير مشان فحصو التلاتا عندو مادة

وصرلنا يومين عم نتخانق مشان الباطاقات لانو الخميس كنا بعرس وامي فتحت السيرة مع امه ورجعو من العرس وحكو مع ابوه وابوه قال يابتعطوهون 100 يابلا العرس الله ياخده وياخد كل واحد من شكلو

ومو رضيانين انو نشتري نحنا قال ادفعو نص العرس

اف انا خايفة لمن اتزوج ضل عم شوفون انا بدي اتزوج وبعد مابقا بدي شوفهن ابدا

اهلين هنووودة الله يعينك يارب
يعني علشان كروت كل هالقصة عن جد الله يعينك ياستي خلاص ارضي بللي مكتوب احسنلك من المشاكل
واذا بيت حماكي من هالنوع فاختصريهم وخليكي معهم على الطويل اربح لراسك

والايام جاية بترديلهم ياها ههههههه

صباح الخير بنات F:
دمشقيه حبيبة البي شوووووووووو بشوفك شديتي الهمه وبدك تشيلي اللولب شكلك اشتئتي للاطافيل :lol:
هنوده والله شغلتك ملغوصه كتير ومو عارفه شو احكيلك :(زعلتيني عليكي والله
الله يجيب اللي فيه الخير F:
عروسة ابراهيم كيفك يا عسل ؟شو في ما في بحياتك :worn_out:
لوليه الله يعطيكي العافيه F:
كاتي عم بنغلبك كل شهر بلضيافه :worn_out:خلي علينا :worn_out:
وين الباقيات ولؤلؤة الشام

اهلين زهورة كيفك ياقمر وكيف كانت عطلة الاسبوع معك ان شالله تمام التمام ؟؟؟

والله ياحبيبة قلبي مو قصة اني اشتقت للاطافيل بس شغلة ان اللولب صار عمره 6 سنين وهذا عمره الافتراضي خخخخخ:D
يعني خلاص حاجته وياليت ظبطت معي مالقيت دكتورتي قمت هونت ورجعت قلت بستناها لترجع من مصر ومالووووو :rolleyes:هههههههه

الدمشقية الأفضل ازا متعودة عليها لاتروحي لعند غيرها .. ماشاء الله 6 سنين حاطتيه والله أنا بسمع أنو منيح وبيعمل التهابات ونسوان تحمل وهيي حاطتو وقصص كنت مفكرتو مو ظريف ..

هنود ههههههههه الله يعينك ويصبرك .. أشتري كروت بدون علمهن مو شرط يعرفو .. ومارح يعدو معازيمكن بس يوصلو وحدة وحدة .. ياأما سوي متل ماقالتلك دمشقية أرضي بالنصيب ..

اهلين زهرة مشتاقتلك حياتي كما هي بين الأسواق والمنزل وكمان هلأ السبت أختبارات بدنا ننطر ليخلص أخي لحتى نكمل فتلة سوق .....

رحبا كيفكم بنات

له له يادودو انا ارضى بكلمة حماتي مو انا يلي بتمشي كلمة حدا عليي انتي لسا مابتعرفيني وخاصة بعرسي هاد عرسي انا مو عرسها الها لسا ماشافو مني شي والله لبكيون كل عين هالقد بس اتزوج حاطتتلها ببالي مخططات بدها تتجننون كلون لبيت حمايي

عروسة الظاهر رح اعمل متل ماقلتيلي واشتري الكروت بس مارح مرقلون ياهاا هيك والله لانخر راسو وراسهن وبدي كل عمري مننه وهته هو واهلو لسا عندها 3 بنات ان شاء الله يارب كل وحدة فيهن مابيصرلها عرس واذا صار يكون كل شي خصب من على راسهم

ياهلا والله بنات البلد

كيفكون ان شالله تمام

الله يعينك ياهند بس معليش حبيبتي خلي البك كبير وعديا

معليش بناتا شودخلون حرام تدعي عليهون

اما حماتك الله يهديا ويصلح حالا

معليش حبيبتي ماتزعلي حالك

والله ياعروس وانا هيك شايفة راح استنى دكتورتي افضل
ولاء الحمد لله ماعمل معي اي شي المهم النضافة الشخصية والغسول والعفو منكم يعني بس انتو اخواتي
والحمد لله ضاين معي هلأ نسوان صحاب زوجي تنتين مصريات ماعم كل معهم 3 سنين وحملوا عليه يعني الشغلة نصيب

&&&&&&&&&&&&&&&

هنودة حبيبة قلبي لا تحطي ببالك سبحان الله القصص اللي بتهز البدن كتيرة مع بيت الاحما
بقى لا تزعلي وحلوة فكرة انك تشتري الكروت وتريحي راسك وتعزمي اللي بدك ياه قال هين فلوسك ولا تهين نفوسك
وهي الها يوم لا تخافي الدنيا دين وفى

&&&&&&&&&&&&&&&&

نور اهلا وسهلا فيكي نحنا بخير الحمد لله
انتي كيفك ؟ ماخبرتينا متزوجة ولا طالبة ولا شو بالضبط

اهلين فيكي حبيبتي

لاطالبة ولامتزوجة

اهلين فيكي ياقمر تشرفنا فيكي بكل حالاتك ههههه

وين الصبايا اليوم وحشتوناااا

لولو شكلك نزلتي عالشام ؟ الله ييسر طريقكم وربي يحميكم
سلامي للجميع

مرحبــــــــــــاااااااا اليوم كان خطيبي بالمطعم وعم يحجزو للعرس قال فاضي 18 - 19-20-21 من شهر سبعة قلتلو براحتك مابتفرق معي وأخترنا لون الديكورات زهر وموف كل أمورنا تمام بس طفى جوالو ماضل فيه شحن بطارية ولهلأ مسكر رح طق ع ماأعرف أنو يوم حجز خخخ

هند روقي دمك ولاعبالك بكرا شو ماساويتي لبيت أحماكي رح توقع فوق راسك لأنو خطيبك من ايد أمو هي لإيد أمو هي يعني مارح تجيبي غير وجع الراس وحسب ماقلتي انو هيي يلي متكلفة بمصاريف العرس يعني هيي بوجهة نظرا انو أنتي مالك حق تختاري عكيفك .....

الدمشقية / لكن الحمد الله حظاتك حلوين كلنا بالهوا سوا غسول ونضافة وشو بعرفني ..

نور / مشتاقينلك كيفك شو أخبارك ؟...

تشتاقلك العوافي عروسة

الحمدلله بخير انتو كيفكون

شو كاني فهمت انك رح تتزوجي وعرسك قريب

تسلمي حبيبتي دمشقية الله يزيدك شرف حبيبتي

عروسة ماشالله تبارك الرحمن ربي يهنيكي ويسعدك
والالوان جدا حلوة للي اخترتوها الله يتمملك على خير يارب ويفرح قلبك
وانتو على اي يوم حجزتو للسفر؟ وعلى اي يوم رسى خطيبك

&&&&&&&&&&

الله يسلمك نور يارب ... اي والله عروسة ابراهيم مخطوبة الله يفرحنا فيها وان شالله عقبال كل البنات يارب

بالفعل حبيبتي نور أنا عرسي بأخر سبعة . عئبالك .

الدمشقية ماقلتلكن حجزنا بـ 9\7 ورح نقعد 4 أيام بسوريا فقط لاغير بتكون ماما جددت جوزاها مارضيو يجددوه هون وطلعت تأِشيرة اللبنان وأنا جبت اخراج قيد يعني بالدوائر الحكومية ... والعرس لسه مابعرف أنو يوم قرر السيد ابراهيم ماحكينا ....