لمتنا السورية اهلا وسهلا فيكم لشهر رجب ( حزيران ) 1432

حبيباتي بدي قتلة هالقد قدها بعرف بس شو اعمل صايرة كسولة كتيييييييييير ما بفيق الا للضهر انا و تالا هههههههههه عودتها على نومتي بس اكيد بنسهر مزبوط باليل بتعرفو الصيف و ليالي و انا كل مالي عم اضعف من اول حملي لهلأ و عم اتعب بسرعة يا دوب خلص شغلي و اتسطح و طارد ورا تالا و اخدها هون و لا هون بحزن عليها تنحبس طول النهار الا ما اطلعها كل يوم و لو شي ساعة و اوقات بنروح على حديقة بنبقى هنيك للعشرة بالليل كتير حلو الجو بكون
و هاليومين تالا مرضانة و هلأ بستنى جوزي لناخدها على الدكتور و هي نايمة طول نهارها تفيق تبكي و ترجع تنام و انا ما عم اعرف شو اعمللها

ما عرفت اقرأ كل اخباركن ان شاء الله كل اموركن تمام اكيد رح ارجع اقرأ كل ردودكن بس حبيت اطمن عليكن و احكيلكن اخباري

لولية يسلمو على المعايدة على الفيس بوك كتير انبسطت فيها حبيبة قلبي
دمشقية كأنك متلي خافة فوتاتك هوني ان شاء الله تكوني انبسطتي مع اهلك و غيرتو جو اما كل مشترياتي على حسابك و الله اما عن سعر عبايتي قصتها قصة منطقتنا كتير غالية ساعرتها طلعت تقريبا 60 دينار نزلت على سوق تقريبا بمنطقة شعبية بعيدة عن منطقتنا بس سوقها معروف باسعارو الرخيصة و اخدتها نفسها ب 22 دينار شوفي الفرق انا نفسي انصدمت لولا اني متأكدة انو نفسها ما اخدتها ههههههههه اما البلوزة الزرقا اخدتها من منطقتنا ب25 دينار بس بصراحة ما شفت متلها بالسوق يلي نزلتو و قماشتها كتير حلوة و بتجنن

لؤلؤة اتوقع بتكوني سافرتي ان شاء الله توصلي على خير يا رب و تنبسطي بين اهلك حبيبة قلبي

كل البنات بدي اعتزر منكن برجع رد عليكن بس جوزي وصل عن جد اسفة كتيييييييييييييير للجميع

سلام بنات كيفكم يا حلوين انا لؤلؤة الشام عم اكتب من احلى مكان بالعالم من بلدي يلي بتاخد العقل
بس ما فتحت معي صفحتي فدخلت من عند شامة وهلق نحن مجموعين عند ماما والمسا بيوصل اخي ومرته من رومانيا وبتكمل فرحتنا
بنات يلي بيقدر ينزل على سورية ومابينزل بيكون كتييييييييييييييير غلطان لانه عنجد البلد روعة بتجنن مافي شي الحمد لله ابدا مو متل ماكنا عم نشوف بالتيفي
نحن وصلنا يوم الجمعة من طريق المطار للبيت الناس بالشوارع عم تتسيرن والجو كتير حلو
الله يحمي بلادنا وتبقى شوكة بعين كل واحد بيوقف ضدها
شامة بخير وبتسلم عليكم كلكم بس عنجد ماعندها وقت تدخل وخصوصي هلق بعد مااجيت انا صار الوقت كومبليه تمام يادوبنا نجتمع ونشط ههههههههههه
قبلاتي الكم كلكم وحدة وحدة
وبحاول كل ما صارتلي فرصة اني ادخل وطمنكم

يسعد اوقاتكم يااارب

اميرة الله يفرجها عليكي والله يشرح صدرك صعبة الضيقة بس بتفرج باذن الله

روح عامر مشكورة على التذكرة والله يذكرنا بالشهادة جمييييع
طمنينا عنك وعن البيبي انتي واختي لهلأ ماولدتوا .... ان شالله بالسلامة يارب

اهلا وسهلا كاتي وييييينك ياحرمة وحشتينا
يالله هي لسى ماصار عندك بيبي تاني وعم تتقلي علينا هالقد بكرا بس تولدي بالسلامة بتبطلي تطلي
مااحلاكي والله هههههههه
سلامة قلبها لتالا سلامات شو صار فيها وايش قالكم الدكتور ؟
انتبهي عليها هلأ الدنيا شوب وبلاوي الصيف كتيرة الله يحميها ياااارب
كيف البيبي ان شالله ماعم يغلبك ؟؟؟ جهزتي الملابس ولا لسى بكير عليه

بخصوص العبايات والله جدا حلوين واسعارهم كتييير حلوة وشطورة والله حلال عليكي يعني فرق منيح بالسعرين ولي عليهم شو غشاشين يعني يربحوا مااختلفنا بس بالمعقول
ياحبيبة قلبي ان شالله ملبوس العافية يااارب ابقي طلي علينا وسلميلنا على زهورة وحشتنا والله

&&&&&&&&&&&&&

لولو حبيبة قلبي الف الحمد لله على سلامتكم و الله يهنيكم ويسعدكم وربي يحميكم ان شالله من كل اذى
قد ماقدرتي انبسطي واشبعي من شوفة اهلك الله لا يحرمك ياهم وسلامي الك ولشامة

ادعولي بنات بكرا رايحة اولد
ان شاء الله تتيسر ولادتي
استغفر الله العظيم واتوب اليه

شامة;15296696:
سلام بنات كيفكم يا حلوين انا لؤلؤة الشام عم اكتب من احلى مكان بالعالم من بلدي يلي بتاخد العقل
بس ما فتحت معي صفحتي فدخلت من عند شامة وهلق نحن مجموعين عند ماما والمسا بيوصل اخي ومرته من رومانيا وبتكمل فرحتنا
بنات يلي بيقدر ينزل على سورية ومابينزل بيكون كتييييييييييييييير غلطان لانه عنجد البلد روعة بتجنن مافي شي الحمد لله ابدا مو متل ماكنا عم نشوف بالتيفي
نحن وصلنا يوم الجمعة من طريق المطار للبيت الناس بالشوارع عم تتسيرن والجو كتير حلو
الله يحمي بلادنا وتبقى شوكة بعين كل واحد بيوقف ضدها
شامة بخير وبتسلم عليكم كلكم بس عنجد ماعندها وقت تدخل وخصوصي هلق بعد مااجيت انا صار الوقت كومبليه تمام يادوبنا نجتمع ونشط ههههههههههه
قبلاتي الكم كلكم وحدة وحدة
وبحاول كل ما صارتلي فرصة اني ادخل وطمنكم

الدمشقية;15301464:
اهلا وسهلا كاتي وييييينك ياحرمة وحشتينا
يالله هي لسى ماصار عندك بيبي تاني وعم تتقلي علينا هالقد بكرا بس تولدي بالسلامة بتبطلي تطلي
مااحلاكي والله هههههههه
سلامة قلبها لتالا سلامات شو صار فيها وايش قالكم الدكتور ؟
انتبهي عليها هلأ الدنيا شوب وبلاوي الصيف كتيرة الله يحميها ياااارب
كيف البيبي ان شالله ماعم يغلبك ؟؟؟ جهزتي الملابس ولا لسى بكير عليه

بخصوص العبايات والله جدا حلوين واسعارهم كتييير حلوة وشطورة والله حلال عليكي يعني فرق منيح بالسعرين ولي عليهم شو غشاشين يعني يربحوا مااختلفنا بس بالمعقول
ياحبيبة قلبي ان شالله ملبوس العافية يااارب ابقي طلي علينا وسلميلنا على زهورة وحشتنا والله

&&&&&&&&&&&&&

لولو حبيبة قلبي الف الحمد لله على سلامتكم و الله يهنيكم ويسعدكم وربي يحميكم ان شالله من كل اذى
قد ماقدرتي انبسطي واشبعي من شوفة اهلك الله لا يحرمك ياهم وسلامي الك ولشامة

روح عامر;15304934:
ادعولي بنات بكرا رايحة اولد
ان شاء الله تتيسر ولادتي
استغفر الله العظيم واتوب اليه

روح عامر يارب تولدي بخير وسلامة وربي يسهل عليكي الولادة
متل ماسهلها على اختي وولدت اليوم بالسلامة وجابت صبي تقبر قلبي شو مشتهية شوفها وشوف البيبي
وعقبال كل حامل يااارب تولد بخير وسلامة

CATS_ANGEL;15305329:

هههههههههههههه حبيبتي دمشقية ما انحرم هالطلة يا رب لك بنعنش قلبي بس اقرأ ردودك :adore:

لا تزكريني كيف بدي رتب اموري بس يجي التاني من هلأ عم شد شعري بس بعدين بلاقي مين يشدو عني ههههههههههههه اكيد مهما انشغلت الا ما يكون الكن مكان اذا ما لقيت بالوقت بتلاقو بقلبي صدقوني
تالا كان طالعلها ما بعرف شو بتقولولو حمى في كل تمها هي كانت سخنانة قبل بيوم و تان يوم طلع كلو في تمها المسكينة ما عرفت تاكل شي هالفترة حتى الحليب غير تصحى في الليل من وجعها و لليوم حتى خف شوي و غير هيك عندها التهاب في دانها اليمين و اعطاني قطرة بس ما عم بعرف احطلها ياه حكالي و هي نايمة و هي ما بتنام الا جهة اليمين و لما احركها بتصحى تبكي و ترجع تنام عليها احترت والله حيرني ما عم بعرف نهاري من ليلي :confused:
اما البيبي يسعدلي اياه يا رب ما الو غلبة ابدا و يوم بتحرك منيح و يوم شكلو بنام ههههههههههه و نفسو دايما مسدودة 8o| اما بخصوص التحضيرات لسى بكير لاني ما عرفت بنت ولا ولد و عالاغلب معظم الداخلي موجود عندي و جديد من اوقات تالا كنت كل شهر اشتريلها بيبقى علي الاشياء التانية اشتريت كم حرام صغير لانو ولادتي بالشتا حتكون على خير و السرير موجود اكيد بيبقى غير فرشو لو كان بنوتة او ولد و الببرونات كمان جبتهن من امريكا ههههههههه حتى يلي بقيس درجة الحرارة جبتو من هنيك و وصيت على كرسي اطفال كمان بس بدي استنى لحدد اللون ازرق او زهر ههههههههه شو كمااااااااااااااان زكروني :!!:
شفتي الغش كيف بصراحة بعرف انو اسعارهن غالية بس انا بحكي بلا ما روح على اماكن بعيدة و بغمض عيوني و بشتري اما لما بدي اشتري اكتر من شغلة بحسب اني رح اوفر النص اقل شي لازم روح على هيك سوق :thumbs_up:
حكيت كتييييييييييييييييييييييير لاعوض غيابي :lol:

اجى دورك يلا شو اخبار اختك ولدت و لا لسى طمنينا و شو اخبار سورية ما عاد طلت علينا بنوووووووووووب :mad: و كيف برنامجكن بالعطلة سجلتي اطافيلك بشي نوادي ولا الكمبيوتر بكفي و بوفي :D و روحت دكتورتك و لا لسى لا تفكريني نسيت وراكي وراكي :mad:

تؤبشي قلبي والله انا اللي بنبسط لما اشفلك رد F: ماننحرم هالطلة يااحلى طشطنة :063::)

هههههه قلتيلي بتلاقي مين يشد شعرك خخخخخ
ياستي ربك بعين ومابتحسي ان شالله مابتلاقي غير البيبي صار عم يمشي الله يقويكي يارب
والحمد لله اختي اليوم الصبح ولدت وجابت صبي عقبال عندك ياااارب
شو مشتهية شوفه بمووت بالصبيان انا بس لما يكبرو بيتزانخوا :lol:

ياعمري على تالا والله زعلتيني عليها سلامة قلبها دائما انتبهي على دانها ونشفيلها ياهم بعد الحمام منيح ... والله وجع الادان صعب كتير ومنيح اللي السخونة طفشت وطلعت برا
سلامة قلبها يارب

ويؤبشني البيبي الجديد يارب تشوفيه هو وانتي بخير وعافية
ماشالله هيك مجهزة كتير اشيا من هنا وهناك يعني باقيلك اللمم هههههه ... ان شالله بيتهنى فيهم الحلو او الحلوة F:
وبالعكس حلو التوفير ليش لاء وخاصة اذا المشتريات كتيرة على قولتك بقى الواحد بيتحمل مشاق الطريق ههههه وانتي معك سيارة يعني مالك عذر
صحيح بخصوص السياحة هالسنة تعيسة على الكل الله يفرجها على الجميع يارب والله يسمع منك ترجع سوريا متل اول واحسن
نحنا ناويين ننزل على الشتا اذا ربي اراد فالله يسهل الامور يارب
اهلي بعدهم عندي سفرهم على الاسبوع الجاي يعني منروح اسواق ومولات وبحر بس على خفيف لان الجو تعيس وسورية بتسلم عليكي وعلى الجميع وماعندها كمبيوتر حاليا بسبب زوجها الفاضل هههههه

ولاء مارحت عند الدكتورة مو قلتلك انها باجازة 8o| خليها المسكينة تتهنى ولاحقين نقيم البتاع :D:cool:

والله يالدمشقية الحق على بابا سألوه قلن عادي خخخ ..

مرحبا كيفكون صبايا ؟
ان شاء الله مناح؟
اهلين كاتي كيفك ؟
لؤلؤه الشام الحمدلله ع سلامتك وان شاء الله تنبسطي هنيك

روح عامر الله يسهل ولادتك يارب وتجيبي لنا احلا بنوته وترجعي لنا بالسلامه يارب

دمشقيه الحمدلله ع سلامه اختك والف مبروك المولود الجديد
هنوده وين غاطه ؟ ان شاء الله خير

بدكون تعذروني صبايا مافتحت النت من شي يومين
مابعرف شو صاير لي كتير متضايقه
مابعرف شو بدي احكي كتير خايفه ع خطيبي هنيك :'(
قال مابترك رفقاتي لحالون وقام طلع معهن
هو من جهه انا رافعه راسي فيه
ومن جهه تانيه كتير خايفه عليه:(
ان شاء الله بيفرجها علينا قريب
ويحفظ خطيبي من كل شر يارب

رجعتلكون بنات من دون ولادة
الدكتورة شافت وضعي بيتحمل من دون طلق صناعي وعطتني مهلة اسبوع
لانو الراس ما نزل الحوض وكمية المي نقصت بس قالتلي فينا نتحمل اسبوع
واكيد لما عطتني المهلة كتير ارتحت وحمدت ربي لاني حابة اولد طبيعي وادعولي بنات

شكرا لكل يلي دعالي وعم يدعيلي والله يوفق الجميع وييسر امور الجميع

الله يسلمكم صبايا من كل شر
والله يسهل اموركم جميييع ويجعل شهر شعبان خير على الكل يارب والله يبلغكم رمضان وانتو بالف خير وصحة وسلامة

روح عامر اقرئي سورة مريم على نية التسهيل والله يجعلها ولادة طبيعية وميسرة يارب

مرحبا ياحلوين كيفكم وكيف اخباركم انا قريت كل الردود لا الكل تمام هههههههههههههه

احزرو وين كنت غاطة كنت بحمص

لانو اخت خطيبي خلصت فحص ورحنا كلنا نجيبها لانو معها غراض كتير والله والله انو الطريق مافيه شي وحمص كلها عالم ومافيها شي وكمان رحنا بالسيارة يعني مو بالبولمان ورحتا تخيلو رحنا انا وخطيبي الساعة 11 بليل وصلنا رفيقو على حماة كمان خلص فحص ورجع على بلدو والله والله انو مافي شي على طريق حماة حتا مرقنا من سد الرستن وانبسطت كتير ورجعنا الساعة 12 بليل صحيحي ماكان في حدا بالشارع بس بعد الساعة 12 العالم من ورا الابجورات بيبلشو يقولو الله اكبر وبتسمعو صوت رصاص بس انا وبيت حمايي حطينا كراسي وطفينا الضو وقعدنا عالبلكون نسمع صوت الرصاص والتكبير جو اكشن ههههههههههه

يعني ضلو هيك شي ساعة وبعدين نمنا عادي ولاكانو في شي الله يحمي هالبلد يارب

المهم رحنا التلاتا ورجعنا الاربعا وانا

بدي بلش فصل بددلة العرس وعملت جدول مشان بلش تجهيز بس مو كتير مرتاحة الله اعلم ليش صحيح بحبو كتير بس عم يضايقني

اليوم قلتله انو وصيت على تول فوشي مشان الصالة وقام قلي ان شاء الله يكون هالحكي صحيح يعني قال مشانك لانو رح تجيبون عالفاضي قال مشرشح لعما

ومضايقة منو لانو متل اللبخة قدام اهلو نحنا وراجعين بالسيارة قال اختو الكبيرة بدنا نحجز عالاذقية ب15/9

قمت قلتها ليش بقا قالتلي شهر عسل مشانكم قلتلها بلا شهر عسل جماعي وقامت حماتي قالتلي ايه هيك نحنا منطلع كلنا سوا وقت عرس اخي طلعنا 50 زلمة وكل يوم نعملو حفلة
قلتها ايه مو حلو هيك واول مرة بسمعها عندكم قالتلي اختو الكبيرة ايه مشانك مشان نطبخلك قلتها ليش العروس بتروح بتطبخ بشهر العسل قالتلي حماتي ايه هيك صار شهر العسل بدو ميزانية كبيرة

وقمت من كتر ماعصبت منن نعرتو بكوعي لخطيبي وهو عم يسوق طبعا حماتي قاعدة قدام وبالروحة كمان قعدت قدام بس بارجعة قعدت على الفوتيس هههههههه يخرب بيتها مافيها زوق

ايه منرجع لحديثنا نعرتو وقلتلو شو رايك بشهر العسل الجماعي قام قلي لكن شو بدو يكون فرداوي قمت انا قلبت خلقتي ولمن نزلنا على اللاستراحة قلي يحكو يلي بدهنن ياه المهم مامنروح الا لحالنا

قلتول ايه بس مو حلوة هيك يحكو وانا جاوب مبين كاني انا يلي بدي وانت مابدك يعني السكوت علامة الرضا وانت ماجاوبتهن معناها موافق على كلامهم

لعما ياربي رح جن من سكوتو قدام اهلو رح انجلط

روح امر يلا الله يهون عليكي يارب وتشوفي بنوتك على ايدك

دودي هاد ماعم يقتنع مو عرفانة شو الحل

امورة عرفتي وين انا كنت غاطة ههههههههههههه

لولوة الحمد لله عالسلامة شو رايك شوفك شي مرة انتي وشامة قبل ماتسافري

وين الباقي

هاااي كيفكن ...

هنودة الحمد الله ع سلامتك بالفعل حمص هيك عم يصير فيها بس الليل انا بعرف ناس بتل كلخ قال مابينامو لل 8 الصبح .. ليخلصو قواص .

روح العامر ان شاء الله بتتسهل الولادة عليكي الله يقويكي ...

الدمشقية ممم كيفك ؟؟

انا أخر أخباري رجعو دقو قال زبطو المواعيد وماعاد يأجلوو كان في لخبطة بالسسيتم وأعتزرو المهم رجع سفرنا العصر ...

كيفكم بنات شو بالظاهر كتير مشغوليين حتى ما حدا عم يدخل عالنت ابدا
شكرا بنات ع دعمكم وادعيتكم الي
هنودة اذا كنتي حاسة انو بيحبك لاتزعلي ولا ع بالك في كتير عالم صارت معون مشاكل قبل العرس واكتر من عندك وهلا عايشين ومافي احلى منون
الله يسر امورك والله يختارلك الخير يارب
انتي لاتنسي تدعي رب العالمين حتى يسرلك الخير والله كريم مع عباده كتير كتير