لمتنا السورية اهلا وسهلا فيكم لشهر رجب ( حزيران ) 1432

لا الحمد لله رح اسكن لحالي لو بدي موت مابسكن معن

ايه والله خطيبي مو قدرته ابدا يتكلف بالعرس بس هي افكاري

هلق الطاولات ماطلعت خالصة لانو بدها ورد و الكراسي بدن تول لاعمل عقد بقا مابعرف الله ييسرلي يلي بدي ياه احسن شي

بس متل ماقلتي بيجوز بعد فترة اتذكر واندم وقول ياريت عملت يلي بدي ياه

ع فكرة هنودة الصالة كتييير حلوة
عندي فكرة ان شاء الله تعجبك
انك تعملي اللون الفوشي للكوشة وللطريق يلي بدك تدخلي فيه عالصالة بس
وتتركي الباقي نفس اللون خلي المحل يلي عم تمشي فيه عم يضوي ويسلطو عليكي نور ابيض وانتي عم تدخلي بيطلع شي رائع
الله يتتمملك على الخير يارب ونشوفك احلى عروسة بهالدنيا

اي منيح والله هنوده ياللي راح تسكني لحالك هيك اريح

اي فعلا بقيان الورد والعقود وشغل كتير بس والله راح تكون ذكرى حلوه

والمصاري بتروح وتجي والايام جايه بس العرس مره وحده ماراح ينعاد
بكرا بس تشوفي صورك بالعرس يالله شو راح تنبسطي لما تتذكري انو يوم عرسك كان مميز واله قيمه

ايه اعملي افكارك واتكلي ع الله

ونحنا معك قلبا وقالبا هههه ايه عجبتني هاي قلبا وقالبا ههههه

روح عامر افكارك كتير حلوه

أهلا وسهلا بالصبايا الجداد روح عامر أميرة الأمورة منورين أنا طرطوسية عمري 18 عرسي ب 25\7 بلبنان ....

هنود ايه حبيبتي أعمليه كلو فوشي مانو مبلغ كبير أنا وخطيبي أخترنا زهر ......وجبت كاسات عصير رح فرجيكن الصور ... مبروك واخيرا رح تجهزي أنا باقيلي طراطيش خخ .. بعد ماشفت الصور غيرت رأيي يمكن مايزبط تعمليه فوشي لأنو حتى الحيطان برتقالي يبعتلن الهنا ليش هيك مدهنينها :mad::mad:

لولية يرجعولك بالسلااامة ....

حبيبااااااتي اشتقتلكن كتتتتير الدمشقية كاتس ميس زهرة كأنو ماعندكن اخبار اليوم فقت ولا ماما حاطة ع سورية ماأحلاهن عاملين مسيرة مليونية أشتهيت كون معن ...

صورتلكن شوية من أغراضي بس أنقلن عالاب توب بحطن .....

اهلين عروسه ابراهيم تشرفت بمعرفتك
الف الف الف مبرووووووووووووك الله يوفقك ويهنيكي يارب

ومباركين الاغراض تتهني فيهون يارب

روح عامر والله افكارك حلوة كتير واوفر للمصاريف


اميرة انتي شجعتيني كتير بس شايفة عجبتك افكار روح عامر شو القصة والله احترت

عروسة حبيبتي ايه صح المبلغ مو كبير وحلو كتير اللون يلي نقيتوه الله يهنيكي ومشان الحيطان اذا لاحظتي في ضو على كل حيط برتقالي قلي صاحب الصالة بيتلون ياللون يلي بدي ياه


وعم نستنى الصور

اميره الاموره~;15273424:
اهلين عروسه ابراهيم تشرفت بمعرفتك
الف الف الف مبرووووووووووووك الله يوفقك ويهنيكي يارب

ومباركين الاغراض تتهني فيهون يارب

الله يبارك فيكي عئبالك عندك ... وأنا إلي الشرف


صبايا سؤااااال فني الصور يلي صورتهن لما عم حملن عم يطلعو كبااااااااااااااااااااااااااااااااااااااااااااااااااااار ماعم أعرف ليش هديك اليوم حطيت صورة الجوال روابط تفتح بصفحة تاينة على أد ماطلعو كبار شو أعمل ؟؟؟؟؟

هند حلوة الحلوات;15274292:
روح عامر والله افكارك حلوة كتير واوفر للمصاريف


اميرة انتي شجعتيني كتير بس شايفة عجبتك افكار روح عامر شو القصة والله احترت

عروسة حبيبتي ايه صح المبلغ مو كبير وحلو كتير اللون يلي نقيتوه الله يهنيكي ومشان الحيطان اذا لاحظتي في ضو على كل حيط برتقالي قلي صاحب الصالة بيتلون ياللون يلي بدي ياه


وعم نستنى الصور

ايه منيــــــــــــــح مازال هيك أعمليهن فوشي وقوي قلبك .....

مسالخير صبايا
كيفكم والله اشتفتلك كتييير كتييير

عروسة طولتي الغيبة وين كنتي قري اعترفي وشو اخر اخبار تجهيزاتك ؟؟؟
بخصوص الصور لازم اول تصغريهم بالرسام بعدين تحمليهم على الموقع

هنودة افكارك حلووووة كتير انتي وروح عامر وامبرة
بس انا مع افكار روح عامر لان الصالة والوانها بعيدة تماما عن اللون الفوشي الا اذا عملتي بس الممر والكوشة

وكمان انتي شوفي واستشيري حدا عى ارض الواقع ههههه لان الصالة وللامانة كتيييييييير حلوة وفخمة بالوانها
يعني بدك تجربي اول ولو ركن صغير وتشوفي النتيجة

شو اخباركن روح عامر واميرة وشو اخر الاخبار طمنونا عنكم

ميس وكاتس وزهرة ولولو ولولو الدوحة وباقي الصبايا وحشتوونا والله

بنات بدي فشلكم قلبي

انا مالي مبسوطة ومو حاسة حالي اني عروس من خطيبي واهلو وبصراحة انا كنت موت فيه لخطيبي بس هلق حاسة بقلبي تقل وبحلقي غصة

مدري كيف صايرة لمن بحكي معو بكون قالبة خلقتي وهو كمان ماعد في هي اللهفة من زمان

وانا كتير اتغيرت من ناحيته لمن شفت موقفه بقصة الكروت انا كنت متاكدة انو اهله رح يعملولي شرشحة وانا كتير بكره هي القصة تبع الكروت بس لانو نحنا حبينا بعضنا فكرته رح يصف معي لك حتا فكرته مارح يجبلي سيرة انو هيك اهلو حكو ومايسمحلن يقلولي هيك مشان ماازعل ويحلها من عندو

يقوم هو امبارح بيقلي انتي حدك 100 كرت بس

عنجد انا متل المصدومة وصرلي يومين حاصرة وامي عم تنق عليي نروح نجهز وانا مالي نفس جاي على بالي رجعلو مصاريه وقله الله معك ماعد فيي

كتير مضايقة من موقفه فكرته غير هيك

وكمان مضايقة منو من اكتر من شي هنن حجزو مع الصالة الكيك ب5 الاف وقمت انا قلتله يعطيني ال5 الاف ونحنا منحط فوقه لاعمل كيك متل مابدي

من زمان بنزل من الانترنت صور كيكات اعراس ولامرة تخيلت يصير هيك من خطيبي

مو انا حابة اعمل الصالة فوشي بقى كمان الكيك بدي اعمله هيك عدا عن انو كل كيكات الصالات عنا هون والله مابيتاكلو وطعمتن بقرف يعني 5 الاف عالفاضي

وكمان بقله انو بدي اعمل الصالة فوشي بيقلي لا ماتغيري شي بتصير مشرشحة

مشان زينة السيارة ورجيته مرة صورة زينة كتت حابة اعملها نزلتها من النت صار يضحك بس ضحكة المسخرة لمن شافها قال من كل عقلك هيك بدك تعملي السيارة

ورجيته صورة البدلة يلي حابة اعمل متلها قلي هلق هيك انتي زوقك لانها سادة وناعمة هو يمكن خايف من امه لانها بتحب البدلة كلها شك يعني زوق مقرف بصراحة

ومشان البيت مارضي ينقل المطبخ لعند العضاضة واي شي بقله عليه مثلا المطبخ لون طقم الكنبايات بيتمسخر ماعدا غرفة النوم قلتله بدي ياها سودا ماحكى شي

يعني صرت كرهانة يوم عرسي لك حتا هي كرهوني فيها هو واهله حاسسته ابشع يوم بحياتي وصرلي يومين عم سب على الاعراس وعلى العالم يلي بدها تتزوج

هنوده
في شي اسمه صلاة الحاجه ..
هي ركعتين سنه من غير الفرض
ومعها دعاء ..
دوريها بالنت ماني حافظته للدعاء ..
صلي ركعتين سنه وادعي من قلبك لحياتك ومستقبلك ..الك انت مو لحدا ثاني ..
ادعي انه اذا فيه خير بينك وبينه الله يكتب اللي فيه الخير بينكم ..وان كان لاء ربي يعوضك خير ..
ماتزعلي من كلامي بس هي احسن حل ..
وادعي كمان انه يفرجها عليك ويسخر خطيبك الك ..
يعني من ردودك انا من زمان فسخت االخطبه ..
لك انا صارت لي قصه قبل العرس باسبوع نحنا عنا ليله قبل العرس اسمها ليلة الحنه بتتحنا فيها العروس وياللي بيحب يتحنى كمان ..
وغالبا بيكون الحضور من اهل العروس ..
وصارت مشكله مع زوجي واهله منشان هاي الليله وبطلت قلت له خلاص كل واحد بيروح في طريق وسكرت تلفوني 3 ايام ..منشان ماحكي معه ..
واستخرت ودعيت الله كتييير ..ادعي ربك مابينساك وبيفرجها ان شالله
بس لا تستعجلي الاستجابه ..
انتظري حتى لو فوق 7 سنوات ظلك تدعي وماتيئسي ..









دمشقيه
لك يؤبر ألبي اللي يتذكرني ..
هون حبيبتي عندي امتحان قريب ونفسيتي داون حبتين ..
وكمان رجعت ما أكل منيح ..
زهقانه شوي من وضعي ونفسيتي
الله بيفرجها ان شالله عن قريب ..

وبخصوص الشقه
اسالي شورايك نعمل هيك ..
بلا ماتستعملي معه اسلوب بدي هيك ..او اسلوب هو يمكن يفهمه انه امر عليه ..
يعني انتي اسم الله عليهن بيت حماك مابتعرفي شو بيحكوا قدامه ..
وهو يمكن اخذ القصه عناد ..
جربيها هيك انك تستشريه وتاخذي رايه بالاثاث والمطبخ والالوان ..
وفستان عرسك اعمليه ع ذوقك انتي
بيت حمايي ذوقهم غير عني كتييييير انا بحب الناعم خصوصا الميك اب ..هنن لاء بيحبوا الثقيل ..
ماعملت ميك ابي في يوم عرسي مثل ماهنن بدن ..لا والله بمشي على ذوقي ولساتني ماشيه على ذوقي ..

اهلين دمشقيه انا منيحه انتي كيفك وكيفون الاولاد ؟ ان شاء الله مناح ؟

هند حلوة الحلوات;15274292:
روح عامر والله افكارك حلوة كتير واوفر للمصاريف


اميرة انتي شجعتيني كتير بس شايفة عجبتك افكار روح عامر شو القصة والله احترت

عروسة حبيبتي ايه صح المبلغ مو كبير وحلو كتير اللون يلي نقيتوه الله يهنيكي ومشان الحيطان اذا لاحظتي في ضو على كل حيط برتقالي قلي صاحب الصالة بيتلون ياللون يلي بدي ياه


وعم نستنى الصور

لك اهلين وسهلين بنور العين

ايه صحيح افكارك بتجنن وافكارها لروح عامر كمان حلوه

بس بالاخير انتي وذوقك
يعني اعملي ياللي انتي حاببتيه متل ماذكرتي بالصور كتير حلوين واهم شي انو مميزه والله يسهل

هنوده حبيبتي كتير تضايقت معك
بس يمكن انو انتوا معجوئين بالعرس مشان هيك نفسياتكون تعبانه وزهقانين

واهلو اكيد مابيقصروا

وازا انتي بتعرفي خطيبك منيح انو مو هيك فهادا ظرف وراح يمر
وابدا مو معناتها انو يكرهك او هيك

بس لازم تقعدي مع خطيبك وتفهميه موقفك بس برواق وهدوء

فهميه انو هادا عرسك انتي وياه

مو عرس اهلو ؟
يعني فيه اشياء ضروريه وفيه اشياء فيكي تتنازلي عنها مثلا اثاث البيت اشتركي معو بالاختيار قليلي له هي الغرفه ع ذوقي وهي ع ذوقك وهيك تكونوا متفقين او بما انك عملتي غرفه النوم ع ذوقك اتركيه يعمل الباقي ع ذوقه والايام جايه ان شاء الله بتغيري ببيتك متل مابدك بالمستقبل

ومشان بدله عرسك والميك اب فهميه انو هادا ذوقك ومافيكي تغيريه واساسا مو مضطره تغيريه

قليلي له انتي حبيتني لاني هيك ليش هلاء بدك ياني اتغير ؟

وكمان السياره والصاله بيكملوا بعضهن يعني لازم يكون ياللي يزينهون واحد مافيكون تتقاسموهن

يعني انتي تزينيهن متل مابدك

اما الكيك اتركيهن يعملوهن بس فهميهون عالالوان ياللي انتي حاببتيها

وهيك تكون كل الاطراف رضيانه

بس ازا عندوا ومارضيوا بهاد الحل بيكون لكل حادث حديث ويادار مادخلك شر

لؤلؤة الدوحة اهلا حبيبتي بعرفها لصلاة الحاجة وياما مصليتها وهلق مالي غير ادعي بس صار عندي فضول اعرف شو صار معك قبل عرسك

ومشان البيت عجبتني نصيحتك والله معك اهلو مو بس مابيقصرو تخيلي انو كان حالف يعمل العرس بشهر سبعة غيرلو عقلو واقتنع يتاجل لشهر تسعة

واكيد رح اعمل الفستان على ذوقي

اهلين امورة حبيبتي خلص اذا صار العرس بعمل يلي بدي ياه بس الله يرزقني لانو انا يلي بدي ادفع هو مستحيل يدفع ههههههه برايو بلا طعمة

هلق مشان الكروت عنجد مضايقة كتير ليكي امي صرعتني لروح ساعدها راجعة كمل مأساتي

عندي سؤال بيحرقلي قلبي كل ما بتذكرو
ليش بيت حماكي ما بيعتبروكي متل بنتون يعني لو كنتي بنتون كان عملو كل هالتنغيصات وحرقة القلب
حسبي الله ونعم الوكيل مالك الا الدعاء واللجوء لرب العالمين
الله يسر امورك وان شاء الله تفرج كل همومك وينشرح صدرك للطريق الصحيح

اهلا وسهلا بكل البنوتات
انا الحمد لله منيحة بس محبطة شوي كل مابروح عند الدكتورة بتطالعلي شغلة وبتسمعني بالقيصرية وانا خايفة كتير بس بترجع بتقلي منصبر معك لاخر يوم ومافيني روح لعند غيرا لانو مابقيلي غير اسبوع للولادة
الحمد لله على كل حال مالي غير رب العالمين يعيني وييسر ولادتي
ادعولي يابنات والله العظيم تعبت

صباح الخير يا جماعة كيفكم
ياجماعة حدا منكم بيعرف شو أخبار مونو وياسمينة يمكن الله أعلم ولدت
دمشقية غير وجع قلبنا على بلدنا ويلي عم يصير فيها أنا متمنية من كل قلبي ارجع عاليمن بسبب حماتي يلي حتعقدني هي وبناتا والله العظيم والله العظيم أنو هي المخلوقة مافي بقلبها لا رحمة ولا حنية غير انها قوية ومابتحسن تعيش بلا مشاكل وطبعا كل حججها هي الولد طبعا
تخيلو ساكنة ببيت المزة وعندا بيت بتصيف فيه بعين الفيجة وطلعلها بيت بعدرا ومسجلة على بيت بالجديدة ونحنا مشنططين ولا طلعت منها بسكنكم بشي بيت لبينما تشترو لك بأجركم بيت أجار ما طلعت معها آخر شي الله رحمني واختي تحننت علي وسكنتني ببيتها لأنها سافرت من شهر تصييف عند زوجها بأمريكا تخيلو ساكنة ببيت صهري وبيت حماي مسكرين 3 بيوت
سلفي وسلفتي ماعم تحاكيهم لأنو بهالشهرين يلي قعدتن بالشام صارلها متخانقة معهم شي عشر مرات بس هالمرة صارلن شي شهر متخانقين وقررو ما يصالحوها لأنن هيك مرتاحين ومتحررين وطبعا الضغط كلو علي وعلى زوجي
لك اذا مارحت لعندا بتعمل مشكلة واذا رحت بتلحقني عالدعسة وبتراقبني اذا ضيفتني وأكلت ما بخلص واذا ما أكلت ما بخلص اذا اشتغلت عندن بالبيت ما بخلص واذا ما اشتغلت نفس الشي لك عالصومال بروح ماعندي مشكلة المهم استقل بروحي لك بيقولو الغربة كربة والله والله الغربة نعمة مع وجود هيك حماية الله يفرج علي وعالجميع يارب