paradise rose;15293893:
سؤال لولبى
انا اخدت يوم الخميس حقنه بيوفيت ينفع اخد واحده تانيه يوم الاتنبن ولا اخد يوم الخميس
ازيك يا امنيه
مالك يا حبيبتى خايفه و مقبوضه من ايه بس
استعيذى بالله من الشيطان الرجيم
وعليكى بالدعاء و الاستغفار و القراءن هما اللى هيريحوا قلبك ان شاء الله
وباذن الله خير ومفيش حاجه وحشه
ربنا يفك كربك ياااارب F:F:F:F:
وانتى ممكن تاخديها عادى ايوه
انا الدكتورة قالتلى مرتين فى الاسبوع
فختارى يومين تاخديهم فيها ان شاء الله عادى متقلقيش
بس انتى بتاخديهم من نفسك و لا الدكتور اللى كاتبهم لكى؟
حبيبة امها 4;15293949:
نايمين بدرى لية
معرفتش انام من تعب معدتى
امونة
الدكتور اللى زعق دا مش دكتورى اللى بتابع عندة
بس دا كنت ريحاله عاوزة اطمن حتى مرحتش الاعادة
والحمد لله منزلش دم بقالى فترة
طب الحمد لله يا شيرين ان الدم وقف
ربنا يكملك على خير يااااااااااااارب
Bossy22;15294274:
ايه ده يا عيال اسمها سوتيتاااات جمع سوتيت انا بنطقها كده مين الصح بقى
و ضحكتووونى و الله لااااا ده انا شفت تدخلااات بزيااااااده ناس فاضية
بت يا امووونة لو عند جوزك امل انه بعد الولاده ياخد غرضه قوليله انسى اولا فى 40 يوم حرمان و بعدهم كل ما تيجو ............ هتلاقى الواد صحى و عايز يرضع و يغير و كل حاجة هتطلب معاااه ههههههههههههه
المحلات بقى يا ميرا اوركيدز فى الحى السابع
و فى تشيلد مول فى شارع اسمه ايه ياربى مش فاكرة و كيدز بارك ده فى عباس العقاد و فى عباس العقاد محلات كتير انا مش فاكرة اساميهم بس هو فى 3-4 حلوين
و انتى اعتقد لازم حتى سرير واحد على الاقل يوم واحده تنام جمبك و تبدلى تانى يوم تصدقى اختى مكنتش جايبة سراير كانت عايشة فى دور الام الحنونه و بتنيم الاتنين جمبها بس شوية و جابت كنبة لزقتها فى السرير و هم عليها شوية بقت هى و العيال على السرير و جوزها على الارض هههههههههههههههه شوية العيال على السرير و هى و جوزها على الارض ههههههههههههههه
انتى اشترى دماغك و هاتى واحد على الاقل لانهم شويه و هيتقلبو فوق بعض و انا كنت جايبة سريري جودى من اور كيدز اللى بيتفتح و يتقفل كان ب 350 جنيه بس ده المصرى المستورد اغلى كتير مش اقل من 600
:lol::lol::lol::lol::lol::lol::lol::lol:
لا بجد حلوه اوى جوزها بقى على الارض و هى على الارض معه بعد كده :lol::lol::lol::lol::lol:
وبعدين هى العيال بيبقى عندها قرون استشعار ان فى هوم ورك بيصحصحوا بقى ههههههههههه
طب تمام اوى الواحد بقى ينسى الهوم ورك بعد كده احسن :lol::lol::lol:
بس جوز امونه لو عرف كده مممممممممممم اعتقد هيروح يتجوز النهارده :lol::lol::lol::lol::lol:
خلى بالك بقى يا امونه :rolleyes::rolleyes::rolleyes:
وبعدين انا بنطقها
سورتيت و الجمع سورتيتات كده صح و لا ايه
لخبطوووووووووووووووووونى :o:o:o:o:o
وميرسى على المحلات يا بوسى
بس الحى السابع ده بعيد عليا خلينى فى عباس ومكرم عبيد بقى ده الاسهل ليا
manyaa;15294632:
شفتي بقى يا ميرا البعد عن الناس غنيمة ازاي :)
مي.. انا مابقلش حاجة لحد بس انا معظم قرايبنا ساكنين معانا في نفس البيت او جنبنا في المنطقة.. لما ماما رجلها اتكسرت كنت انا ساعتها تعبانة من بعد ترجيع الاجنة و كل يوم ايدي فيها الكانيولا عشان بركب محاليل في البيت و انا كنت ساكنة في وش ماما بالضبط.. و طبعا كل ما حد يبقى موجود بيستغرب ازاي انا امي تعبانة و انا طبعا الدكتور منبه علية ماتحركش .. و بنستعين بقى بقرايبنا عشان ييجوا يخدموا ماما .. و لو قلتيلهم تعبانة التعب مش حيطول بالشهر كدا.. الناس دي كتير بتبقى عند ماما .. طبعا اول ما شافوني كدا علطول جه في بالهم ان انا حامل و مخبية... و اه ساعتها اهتموا بية كمان بس الكلام بقى و نصايح للحامل و كدا .. فكنت عمالة اقول لا يا جماعة لسة معرفش فيه حمل وللا لأ انا باخد تنشيط عند الدكتور و تعبت منه شوية بس لسة معرفش... و يوم ما عرفت اني حامل مع اني ماكنتش ناوية اتكلم لحد ما اطمن على البيبي و اشوفه بعيني .. بس قلت اقول للناس دي عشان عيب هم اهتموا بية و فاكرني حامل ...تخيلي الرد كان ايه... (ما انا عارفة) و ده كان تاني يوم التحليل بالضبط... و مفيش كلمة مبروك نهائي فحسيت اني فعلا ما كانش لازم اقول اصلا ... فالجيرة و تعب ماما غصب عني فيه ناس لازم حتعرف ...فالحمد لله انا دلوقتي عزلت من جنب ماما و مش حشوف حد ..
وبعدين انا هنا اعرف مراتات اصحاب جوزي بس مش كلهم و مفيش غير واحدة بس في نفس المدينة بتاعتنا و التانيين في مدن جنبنا و بيزورونا احيانا اخر الاسبوع..و دول كويسين و مفيش تدخلات الغلسة و كدا .. واحدة منهم جايين انهاردة بس هي سنها كبير يعني مش في سننا و كلامها قليل ... فمش صحاب اوي بس هم جايينلي عشان الواجب يعني و كدا و انا بحترمها و بحبها الست دي ..
مشكلة صحاب جوزي بقى لانهم ساكنين في قرى ... انهم هم بس اللي بييجوا.. محدش بيقولنا تعالوا انتوا .. و انا طبعا اه بحب الضيافة و كدا خصوصا لما الناس دي ببقى حباها ..بس كتيييييير .. السنة اللي فاتت كنت كل اخر اسبوع تقريبا حد جاي .. و انا الشقة عندي واسعة اوي و كلها سيراميك و حيلي بيتهد في تسييقها و كدا و كمان لانهم يعتبروا جايين من سفر لازم اعزمهم على الغدا ... فمجهود علية .. مابالك لو عرفت ناس زيادة.. انا بقول لجوزي انا تعبت انا عايزة حد بقى يقولنا تعالوا انتوا .. بس برجع تاني عااادي خالص و ماعنديش مشكلة في العزومة...بس لما يبقى ورا بعضه كدا ... جهد تنضيف الشقة و العزومة و كدا ببقى مرهقة نفسيا و جسديا...
احنا هنا بنحكي مع بعض عشان ظروفنا متقاربة .. مالاحظتش ان حد هنا عنده فضول غلس و اللي مش عايزة تحكي حاجة ليها الحرية انها ما تحكيش و اللي عايزة تحكي تحكي... بنسأل على بعض في الحلو و في المر.. رغم اننا ماشفناش بعض اصلا... و كل واحد في بلد تانية خالص..الروح هنا حلوة ماشاءالله و النفسيات كمان .. يعني مفيش واحدة بتغير من واحدة عشان حاجة معينة او كدا .. لا كل واحدة في حالها .. بالعكس بنفيد بعض و ننصح بعض بقلب كدا.. و لعلمكم انا يمكن لو واحدة فيكم شفتها فيس تو فيس معرفش احكي و اتكلم ربع اللي انا بحكيه هنا.. :)
يا ساتر ايه ده
حتى مفيش مبروك اعوذ بالله
وايه اللى انا كنت عارفه ده
ايه الناس دى هما مش بيحبوا الخير يعنى لحد و لا ايه
امال بيقعدوا يسالوا و يفتوا و روحى معرفش لدكتور مين و بلبعيلك وصفه ايه وكان قلبهم عليكى
وساعه الجد مفيش مبروك اعوذ بالله
البعد عنهم غنيييييييييمه فعلا
والحمد لله انك عزلتى بعيد عن مامتك بجد :thumbs_up::thumbs_up:
وبعدين لو شفتينا مش هتعرفى تكلمى معانا
تؤ تؤ تؤ
احنا لازم يبقى لينا استثناء يا ممنمن و لا ايه ;););););)
وكمان ايه المعرفه و الصحوبيه اللى تيجى عليكى بالتنظيف و الطبخ ده
فعلا عندك حق هما يجولك و انتى تروحلهم
لكن كله قاعده فى البيت كده يبقى ملل فعلالالالا:hysterical::hysterical::hysterical:
د.ودعه;15294784:
افصلي بينهم ب 5 ايام ياامنية
يعني التلات تاخديها
مانيا
هوه ده:thumbs_up::thumbs_up::thumbs_up:
هي دي العقدة اللي بقولكم عليها حصلتلي مع الست دي
اللي هي بتشكي من جوزها اول باول حكيتلي من ليلة الدخلة .وببقي برده مش عارفة اقول ايه؟
الاول كنت متاثرة بيها جدا وزعلانة عليها ولما جوزي يقولي حاجة علي جوزها ابقي متضايقة من سيرته واشتم فيه وحاسب منه ولو اتاخر معاه شوية تبقي ليلة بيضا وبقيت اشك في جوزي احسن يكون بيعمل زيه
زلو لقيته رافع سماعة التليفون في الصيدلية
افضل اغلي لحد ما ييجي واستني يحكي انه كلم مين النهاردة مكالمة طويلة؟
ويعد ماعديت مرحلة الخوف من جوزي احسن يطلع زي جوزها
بقيت بخاف منها هي عليه لانها بدات تقارن وتشكر وووووو
اللي زي دول دخولهم البيوت خطر
ولو بديل الفراغ اصناف مين دي يبقي قلتهم احسن
فعلا يا ودعتى
الاصناف دى صعبه اوى
ربنا يكفينا شرهم كفايه بتدخل الشك جواكى و ده كفيل انهم يسبب مشاكل بينك و بين جوزك لا قدر الله
وكمان تقعد تقارن و تشكو و كده يبقى حسد والحمد لله
بقى حسد و مقارنه وشك احسن وصفه للمشاكل الزوجيه و النكد:|:|:|
احسن حاجه انك فعلا متدخليش الناس دى بيتك و حافظى على بيتك و ربنا يحفظكم ياااارب F:
د.ودعه;15294801:
ميرا
ضحكتك عليا؟ماشي؟:o
بدل ما تيجي تحوشي الوله شوية
انا كنت قريت حاجة كده او سمعتها مش فاكرة
انك لما يكون عندك ضيفة وطفلها غلس ماتزعقيش للولد
قال ايييييييييييه تبدي استيائك
قوم ايييييييييييييييه امه تحس وتلمه
بس اللي قال كده:طلع كدااااااااااااب كبير قوي يؤسفنا
لان فيه امهات ابرد مما تتخيلي
يارب منكونش منهم:I:
عاوزة اقولك انه كان بيغلس عليا برده لما اروحلهم
مرة قعد يحط صباعه في زوره لحد ما رجع عليا:| وجدته قاعدة كل اللي ربنا كرمها بيه
عقبال ابنك لما يرجع عليكي
بشرة خير بشرة خير
:worn_out::worn_out::worn_out::worn_out::worn_out:
ايه الواد اللذييييييذ ده
عسل عسل :mad::mad::mad::mad:
وفعلا فى امهات بتبقى بااااااااااااارده بطريقه تشل
و ابنك يرجع عليكى بشره خير
عاااااااااااا كويس انها مقلتش لكى هتتكسى :lol::lol::lol::lol::lol::lol::lol::lol::lol::lol::lol:
اعمل ايه بس يا ودعتى اصلى بتصور المواقف دى و بقعد اضحك جامد :lol::lol::lol::lol::lol::lol:
بس انا لو مكانك فى الموقف ده مش هضحك لا هبقى عامله كده :mad::mad::mad::mad::mad:
روحت واخدة نفسي جري ومروحة حرمت اروحلهم تاني:lol::lol::lol:
magda 1;15295030:
صبااااح الخيرررر يا بنات ازيكم النهارده ؟؟؟؟
صباح النور
ازيك يا ميجو
كنتى فين الايام اللى فاتت
بتبعينا فى ايام الاجازه بقى ;););););)
manyaa;15295300:
:thumbs_up::thumbs_up::thumbs_up:
مي... هي فعلا تسلية بس لما تكوني مرة عندك في البيت مرة عند حد تاني مرة عند حد تالت بس لما تحسي ان انت الوحيدة القاعدة في البيت بس تحسي بنوع من الملل كدا... اللي هو نفسي اخرج انا بقى عشان ابقى انا كمان اغير جو... ساعات بقول لجوزي..ماعنديش مانع الناس تجيلي علطول.. خصوصا لو بحبهم .. بس اخرج انا كمان .. اروحلهم .. نخرج كلنا برة.. كدا يعني...
المختصر يعني .. اني كفاية اللي انا عرفتهم دول اوي .. و ماصدقت اني على الأقل مستقرة معاهم نفسيا...وبرتاح معاهم في الكلام..ونفسي ربنا يكرمهم و يسيبوا المكان اللي هم فيه و يبقوا في نفس البلد معانا كدا الواحد يحس اته فيه حاجات كتير ممكن نعملها.. لكن ناس جديدة.. نووووووووووووووو....:D
طب الحمد لله ان فى ناس قديمه
ربنا يهديهم لكى و ابعدى عن الناس الجديده لو زى الاصناف اللى زى جيران مامتك و اللى قولتى عليهم و لا اللى زى الست اللى ودعه بتقول عليها و بتضحكنى :lol::lol::lol::lol::lol::lol:
د\امونة;15295832:
صباح الخير يا حلوين
طابخين ايه النهارده؟
بوسي كتر خيرك انك قلتيلنا على المحلات
وكويس ان في محل في الحي السابع لاني بروح كوك دور هناك واهو بالمرة نعدي نشوف ههههههه, بس فين في السابع يعني ؟ اروح اقول يا سابع هههههههه, اصل انا وجوزي ميح خالص والله في القاهرة
وانا وميرا كنا محتارين في السرير اللي بيتفتح ويتقفل , قوليلنا انتي كنتي مرتاحة مع السرير ده؟ وبيكفي لحد كام سنة ؟ وهل ممكن ياخد الطفل ويقع ولا ثابت؟
واختك اخدت وقت طويل على ما نامت على الارض انا ماما من الاول نيمتني معاها على السرير وبابا عالارض هههههههههههه
:lol::lol::lol::lol::lol::lol::lol:
ياعينى على بابا الغلبان ده :lol::lol::lol::lol:
وحلوه يا سابع يا سابع
هو انتى ساكنه فين صحيح فى مدينه نصر يا امونه
واحنا عندنا النهارده كشرى مصرى
تعالوا اتفضلوا معاناااااااااااااا F:F:F:F:
سيما..22;15295856:
ازيكوا يا قمورااات
سيما..22;15295925:
عاملين ايه يابنااات اخباركم ايه؟؟
الموضوع اللى فتحتوه دا حساه انكو كلكو بتتكلموا عنى
انا بردو مش اجتماعيه خالص دايما بتكسف من الناس بس الموضوع ده اقل بعد الجواز ورجع تانى لما اتاخرت من الخلفه مش عارفه بحس انى لما بقابل حد بحس انى محرجه من نفسي
وكمان بخاف يقولوا عليا بحسد اولادهم رغم انى والله دايما بقول ماشاء الله وتبارك الله بس انا حساسه اووى من الموضوع ده
كنت عايزه اقول كلام كتييييييييييييييير
بس انا مضااايقه اوووووووووووى الحمد لله
الحمدلله
الحمدلله
الحمدلله
ايه يا اسماء
مالك يا حبيبتى روقى كده
ربنا يفك كربك ياااااااااااااااااارب F:F:F:F:
سيما..22;15296040:
ربنا يكرمك يا مى والله
بس مش عارفه كام حاجه كدا حصلتلى غريبه وجم وراى بعض فدايقونى كمان مع تاخر البريود فحساه بضيق كدا الحمد لله
اول امبارح كنت وديت للدراي كلين فستان سورايه حضرت بيه فرح اختى وجوزى كان جايبهولى هديه وكمان كان غالى كن ب1100
واصلا بعيدا عن الفلوس انا كنت حباه اووى وحسيته فى الفرح اتوسخ شويه كدا فوديته للدراى كلين وبوظوه الحمدلله ادايقت اووى
تانى يوم علطول جوزى قالى تعالى نفطر بره روحنا سان استفانو مره وحده حسيت انو الانسيال اللى كنت لابسه مش موجود اتخضيت وقعدت ادور عليه بس شكله راح خلاص وهو اصلا انسيال طقم الشبكه بتاعتى وبعتز بيها اوى غير انو كمان اكتر حاجه بحبها فى الشبكه فالاتنين جم وراى بعض دايقونى كدا بس الحمدلله
ماما بتقولى ان شاء الله ربنا يبعتلك حاجه احسن من اللى راحت
وكمان البريود متاخره 8 ايام وانا خايفه احلل انا حساه بيها اصلا ومش عايزه احلل اتصدم زى كل مره
لا اله الا الله
معلش يا اسماء
والله الحاجات دى بتفادى حاجات وحشه عناا
معلش هى بتبقى حاجات تزعلنا اوى اوى بس كله خييييييييييير
استعوضى ربنا فيهم وربنا هيكرمك باحسن منها ان شاء الله
ربنا يخلى لكى زوجك و يجبلك احسن منهم ان شاء الله
وحبيبتى اعملى تست حمل و خلصى نفسك من الحيره دى
اهوه تعرفى احسن من الانتظار الصعب ده
ييارب تكونى حامل يااااارب يا حبيبتى وتفرحينا
وفى ستات كتير بيجلهم الحمل باعراض البيريود قولى يارب
و توكلى على الله واعملى حتى اختبار حمل منزلى الصبح
يارب خير ياااااااااااااارب