شات منتظرات الحمل وامهات المستقبل القريب باذن الله(بنات مصر)لشهر رجب / يونيو

صباح الخير...

ميرا..العزلة اللي انا فيها دي يمكن سببها ان دلوقتي كل اللي حتتعرفي عليه حيفضل يجيب القديم و الجديد في حل موضوع تأخر الخلفة عندي.. و انا خلاص زهقت و تعبت من كتر ما حصد ده و ارد على ده.. فبدل ما احرج الناس معايا خليني بعيدة احسن...أصل انا لما حتعرف على حد مش حنشوف بعض مرة و خلاص..لأ دا خدي عندك كل اسبوع و لو قريبين في السكن ممكن كل يومين وللا حاجة.. حتلاقي بقى اللي تقولك نصايح و اللي تقولك كلي بندق و معرفش ايه و اللي تقولك روحي مركز مش عارف مين في مصر .. و مارحتيش ليه لحد دلوقتي... و انا والله ماعندي خلق للكلام ده ...فخليني بعيدة احسن...

حكاية الخرس الزوجي بقى هو زي ما امونة بتقول كدا... بيشغل... انا جوزي الحمد لله مواعيد شغله حلوة يعني من 8 الصبح و بيرجع العصر يتغدى و ننام و بنصحى نصلي المغرب و نفضل قاعدين على النت بقى لحد ماننام تاني.. فالملل انه مفيش جديد بيحصل عشان تتكلموا فيه اساسا... و حتى السياسة و احوال البلد اتخنقت منها اخر حاجة.. بس كدا...
ربنا يهون علينا يارب كل حاجة ان شاءالله ..

لوااحظ الف حمد الله على سلامتك ربنا يتم شفاكى على خير و كلامك صح الصح ربنا يصلح الحال
بت يا ميرا هى دى حقن فيتامين ب 12؟؟؟ ياللا معلش فداا البنات و انا فرحااانة اوى انك هتسمى جودى تصدقى فعلا انى على طول اقولها جودى و بقول لجوزى عايزين نتعود نقولها اسم دلع يقوللى هو اسمها مدلع لوحده
الاسمين جماال اوى عقبال ما يبقو فى حضنك
اماااانى انتى اكنك بتتكلمى عنى انا برده بحب العزلة و عدم الاختلاط الجامد ده انا لسة فى الصين و بقول لجوووزى ياااه امتى ارجع الصي ن من قبل منسافر اساسا عارفة انى راجعة للهم و الارف بتوع مصر و الناس و اللى يديكى كلمتين كل ما يشوفك اعااااااااااااااااا :hysterical: ده انا اما كنت اكلم حد على النت دمى يتحرق ميت مرة مبالك فيس تو فيس
ربنا يهونها علينا

السلام عليكم
ياسمين
الف سلامة عليكي
بلاش اي مسكنات المهم مطهر معوي علي فكرة مسكن اللبوس برده بيضر المعدة
وربنا يخفف عنك ان شاء الله
الطاقة السلبية بقي من الفراغ بعيد عنك بس انا طول ما جوزي موجود بكون كويسة لانه بيشغلني بس بالنهار ببقي قافلة من قلة الكلام وفراغ الدماغ
حتي لما ييجي اقعد فترة علي ما اعرف ادخل معاه في حوار
ميرا
عودا احمدا
ربنا يعينك علي الحقن
مانيا
ماتستسلميش لموضوع البعد عن الناس جتبقي زيي
دلوقتي بقول ياريت لو اتعرف علي حد بس المشكلة اني بقيت اخاااااااااااااااف اتعرف علي حد
جوزي زي جوزك كل ما يعرف حد يقولي لو تحبي كنت بقوله لأبالفم المليان دلوقتي مش بقول لأ بس لما الاقي الموضوع قلب جد اتراجع
الغربة اللي عملت كده علي فكرة والسنة التالتة بالذات بتزود الموضوع مع تاخير الحمل
اول سنتين كان الواحد لسة مقبل علي الحياة ومعندوش عقد
دلوقتي اتملينا الحمد لله

صباح الفل عليكم

مانيا و ودعة
على فكرة البعد عن الناس ده مش متعلق بالغربة بس حتى لو فى مصر كان هيبقى الوضع كده برضه لان الناس هى الناس انا مثلا ادينى قاعدة فى مصر بس لو ليكى غرض تنكدى عليا فى يوم قوليلى تعالى نشوف حد و لا نخرج مع حد لنفس الاسباب برضه مع ان انا بقيت بقفل اللى قدامى جامد اووى لو اتكلم فى موضوع زى ده مبقتش بتكسف يعنى بس اللى مبيتكلمش بشكل مباشر هتشوفى الكلام و نظرة الشفقة دى فى عنيه و اللى مش هتشوفيها هيتكلم و يقول اللى فى نفسه اول ماتمشى فعلى ايه انا جوزى ساعات كعادة الرجالة بحسة مش فاهم ده و مش مقدرة يعنى مثلا من يومين بقوله زهقانة و مكتئبة فالحل اننا نخرج مع ناس اصحابنا و هما معاهم نونو عنده سنة مشوار زى ده عبء عليا اصلا لان لو لاى سبب الولد ده تانى يوم تعب و لا سخن و لا جراله اى حاجة التفسير المنطقى الوحيد انى طبعا حسدتها فعلى ايه خلى الواحد بكرامته بعيد عن الناس ..ده انا بقيت بتجنب انى اجيب الشغالة تنضفلى البيت لانى لازم هسمع كلمة تحرق دمى خاصة ان الناس اللى زى دول البسطاء فى تفكيرهم سعات بيكون كلامهم صعب حتى و ان كانوا مش قاصدين المهم يعنى انى عاوزة اقولكم ان الغربة مش هى السبب و انكم لو كنتم فى مصر و لا كانت هتفرق فى حاجة بالعكس بعدك عن الناس ده نعمة فى الحالة اللى احنا فيها دى


ميرا
فى حمام كريم بوناويل و بايوبوينت الاتنين حلوين ابقى جربيهم و على فكرة انت ممكن تحطيه على شعرك بعد ما تغسلية زى البلسم كده و اشطفية كان حد قالى الموضوع ده قبل كده و ابقى اعملى حمام كريم كل اسبوع مثلا

يا رب تكون جوجو فقست يا جماعة:)

manyaa;15289703:
صباح الخير...

ميرا..العزلة اللي انا فيها دي يمكن سببها ان دلوقتي كل اللي حتتعرفي عليه حيفضل يجيب القديم و الجديد في حل موضوع تأخر الخلفة عندي.. و انا خلاص زهقت و تعبت من كتر ما حصد ده و ارد على ده.. فبدل ما احرج الناس معايا خليني بعيدة احسن...أصل انا لما حتعرف على حد مش حنشوف بعض مرة و خلاص..لأ دا خدي عندك كل اسبوع و لو قريبين في السكن ممكن كل يومين وللا حاجة.. حتلاقي بقى اللي تقولك نصايح و اللي تقولك كلي بندق و معرفش ايه و اللي تقولك روحي مركز مش عارف مين في مصر .. و مارحتيش ليه لحد دلوقتي... و انا والله ماعندي خلق للكلام ده ...فخليني بعيدة احسن...

حكاية الخرس الزوجي بقى هو زي ما امونة بتقول كدا... بيشغل... انا جوزي الحمد لله مواعيد شغله حلوة يعني من 8 الصبح و بيرجع العصر يتغدى و ننام و بنصحى نصلي المغرب و نفضل قاعدين على النت بقى لحد ماننام تاني.. فالملل انه مفيش جديد بيحصل عشان تتكلموا فيه اساسا... و حتى السياسة و احوال البلد اتخنقت منها اخر حاجة.. بس كدا...
ربنا يهون علينا يارب كل حاجة ان شاءالله ..

مانيا اللى انتى بتقوليه ده مش كويس يا حبيبتى .........اتعرفى على الناس براحتك وانتى فى اييدك تحجمى كل واحد وما تسمحيش لحد انه يتعدى حدوده انا معاكى ان الواحد لما بيتعرف على حد لاول مره الكلام بيجيب بعضه وده لازم اول سؤال يتسال عادى بتحصل معاى كتير بس انتى ممكن باسلوبك بقى بعد كده تخلى كل واحد يلزم حدوده مش بالخناق لا بالذوق بردوا واللى يزعل من كده براحته
اكيد هو اللى خسران اما اللى هايبقى عاوز علاقتها بيكى تدوم على طول هاتفهم موقفك بس كده

فجر
ازيك ياجميل؟الف سلامة
بس النوبرازول ده لالتهاب المعدة او الحموضة كاتبه ليه؟مش معقول يكون كاتبه عشان الفولتارين لانك بتوقلي عند اللزوم ولا انتي قلتيله ان معدتك حساسة؟
عموما هو دوا للحموضة او القرحة والتهابات المعدة او عشان يحمي منهم مع تعاطي المسكنات
ومش منه مشكلة خالص
بس اللي حصلك ده بيحصللي برده وبيكون زي هبوط كده من الحر او الحالة النفسية
ولو كان حاجة في العضلات يبقي التدليك بالجل كفيل بيها ان شاء الله
ماتقلقيش

رينبو
عنك حق ان المشكلة فينا مش في الناس
حساسية من الآخر
بس برده الغربة بتضخم كل الاحاسيس لانك قاعدة مع نفسك وشيطانك طول الوقت ومافيش ناس تنشغلي بيهم ولا شغلانة بتعمليها
وفي السعودية حتي مفيش نسمة هوا ولا منظر عدل يهدي الاعصاب
الخروجة حتي شبه التعذيب
حر وناموس وصراصير ونقاب ومفيش ناس حواليكي
يووووووووووووووه:|:confused::woo:

د.ودعه;15290391:
رينبو
عنك حق ان المشكلة فينا مش في الناس
حساسية من الآخر
بس برده الغربة بتضخم كل الاحاسيس لانك قاعدة مع نفسك وشيطانك طول الوقت ومافيش ناس تنشغلي بيهم ولا شغلانة بتعمليها
وفي السعودية حتي مفيش نسمة هوا ولا منظر عدل يهدي الاعصاب
الخروجة حتي شبه التعذيب
حر وناموس وصراصير ونقاب ومفيش ناس حواليكي
يووووووووووووووه:|:confused::woo:

لاء بجد الله يعينك على العيشة فى السعودية ده عذاب فى حد ذاته فكرة ان الواحد ميعرفش حتى ينزل يجيب حاجة من تحت دى صعبة جدا ربنا يعينك عليها انا عارفة ان الملل صعب بس اهوة حاولى تشغلى نفسك باى حاجة و خلاص هتعملى ايه

د\امونة;15289396:
ميرا .............انا عندي حمام كريم اسمه بيوبيوبنت لونه رمادي والعلبة ب 30 جنيه , لما بفتكر احطه بيطري شعري اوي , جربيه وريحته كمان حلوة

بس انا اصلا شعري دهني ومش ناقص حمامات كريم

ثانك يو امونتى
اجيبه ان شاء الله لما انزل

ان شاء الله ناويه و النيه لله طبعا انى انزل بكره ان شاء الله
شفتم الانجاز ههههههههههه اتحسد صح :o:o:o

بس طبعا النزول ده مش لله كده
ده علشان ميعاد الحقنه المؤلمه دى
وبما انى كده كده هنزل ال 5 ادوار وامرى لله
يبقى اوح لجدتى بقى بالمره
و ممممممممم اروح اشترى حمام الكريم بقى باذن الله علشان انيم الارايل ده:worn_out::worn_out::worn_out:
و اشوف هجيب ايه تانى

بصراحه موضوع الحقنه ده هيجبرنى انى انزل ان شاء الله السلم المميت بتاعنا ده مرتين فى الاسبوع ان شاء الله وده كويس عايزه ابقى استغل الموقف وابقى اروح اى مشوار

انا مكنتش بنزل خااالص قبل كده بالاسابيع
نسيت شكل الشارع
هو طريق السفر و على كده
حاجه فله بصراحه :confused::mad::mad::mad:

manyaa;15289703:
صباح الخير...

ميرا..العزلة اللي انا فيها دي يمكن سببها ان دلوقتي كل اللي حتتعرفي عليه حيفضل يجيب القديم و الجديد في حل موضوع تأخر الخلفة عندي.. و انا خلاص زهقت و تعبت من كتر ما حصد ده و ارد على ده.. فبدل ما احرج الناس معايا خليني بعيدة احسن...أصل انا لما حتعرف على حد مش حنشوف بعض مرة و خلاص..لأ دا خدي عندك كل اسبوع و لو قريبين في السكن ممكن كل يومين وللا حاجة.. حتلاقي بقى اللي تقولك نصايح و اللي تقولك كلي بندق و معرفش ايه و اللي تقولك روحي مركز مش عارف مين في مصر .. و مارحتيش ليه لحد دلوقتي... و انا والله ماعندي خلق للكلام ده ...فخليني بعيدة احسن...

حكاية الخرس الزوجي بقى هو زي ما امونة بتقول كدا... بيشغل... انا جوزي الحمد لله مواعيد شغله حلوة يعني من 8 الصبح و بيرجع العصر يتغدى و ننام و بنصحى نصلي المغرب و نفضل قاعدين على النت بقى لحد ماننام تاني.. فالملل انه مفيش جديد بيحصل عشان تتكلموا فيه اساسا... و حتى السياسة و احوال البلد اتخنقت منها اخر حاجة.. بس كدا...
ربنا يهون علينا يارب كل حاجة ان شاءالله ..

انا عارفه يا منمن انك بتفضلى البعد عن الناس علشان الموضوع ده
بس اكيد الغربه اللى انتم فيها هتخليكى محتاجه تتعرفى على حد
وانتى ممكن تمنعى الناس انها تكلمك فى الموضوع ده انا عارفه انها هتبقى صعبه فى الاول بس لو عملتيها هتبقى كويسه ليكى اوى

عموما جربى وحاولى تخرجى من العزله دى على اد ما تقدرى

انا على فكره برضو مليش اختلاط غير بالنالس اللى اعرفها
يعنى انا لو معايا جوزى و هنقابل حد من اصحابه ومعه مراته بقى
دى هتبقى ليا عذااااااااااااب
لانى مش متعوده اكلم مع حد معرفوش او مش متعوده عليه اوى

انا لو اتحطيت فى موقف كده هفضل ساكتتتتتتتتتتته وده مينفعش طبعا
يعنى فى اى زياره او قاعده مع عيلتى او جيران حماتى او او بفضل ساكته خالص
اسمع و مكلمش
ودى حاجه مش بتبقى لذيذه وناس كتير مش بتحب الشخصيات اللى تعمل زى كده وتفضل قاعده ساكته
بس اعمل ايه طبيعتى كده :o:o:o:o

Bossy22;15289760:
لوااحظ الف حمد الله على سلامتك ربنا يتم شفاكى على خير و كلامك صح الصح ربنا يصلح الحال
بت يا ميرا هى دى حقن فيتامين ب 12؟؟؟ ياللا معلش فداا البنات و انا فرحااانة اوى انك هتسمى جودى تصدقى فعلا انى على طول اقولها جودى و بقول لجوزى عايزين نتعود نقولها اسم دلع يقوللى هو اسمها مدلع لوحده
الاسمين جماال اوى عقبال ما يبقو فى حضنك
اماااانى انتى اكنك بتتكلمى عنى انا برده بحب العزلة و عدم الاختلاط الجامد ده انا لسة فى الصين و بقول لجوووزى ياااه امتى ارجع الصي ن من قبل منسافر اساسا عارفة انى راجعة للهم و الارف بتوع مصر و الناس و اللى يديكى كلمتين كل ما يشوفك اعااااااااااااااااا :hysterical: ده انا اما كنت اكلم حد على النت دمى يتحرق ميت مرة مبالك فيس تو فيس
ربنا يهونها علينا

ازيك يا بوسى
عامله ايه يا حبيبتى
يارب تكونى بقيتى احسن دلوقتى ان شاء الله
انا لسه مقراتش اللى فاتنى كله بس شايفه مشاركه بتقولك شاطره و ايوه كده ربنا يهديكم لبعض
ايوة كده شطورة يا بوسى احنا معندناش بنات تقول طلاق دى ابدا :mad::mad::mad: احنا عيله محافظه;);)

وانا مبسوطه ان الاسمين عجبوكى الحمد لله
و انا كمان جوزى بيقولى جودى اسم دلع لوحده هندلعها بايه
بس ممكن نقول جوجو و فى اسم كمان دلع بس مش فكراه خالص:confused::confused::confused:

وانتى كمان اخذتى على العزله
مممممم الغربه بقى هلى اللى بتعمل كده
طيب انتى الناس بتحرق دمك ليه انتى معاكى جودى الحمد لله
هى الناس دى مش بتغلب فى حرق دم بعض ابداااااااا:worn_out::worn_out::worn_out:

وايوه يا بوسى الحقن اللى هى فيتماين ب12
نار يا حبيبى ناااااااااار :badly::badly:

د.ودعه;15289977:
السلام عليكم


الطاقة السلبية بقي من الفراغ بعيد عنك بس انا طول ما جوزي موجود بكون كويسة لانه بيشغلني بس بالنهار ببقي قافلة من قلة الكلام وفراغ الدماغ
حتي لما ييجي اقعد فترة علي ما اعرف ادخل معاه في حوار
ميرا
عودا احمدا
ربنا يعينك علي الحقن
مانيا
ماتستسلميش لموضوع البعد عن الناس جتبقي زيي
دلوقتي بقول ياريت لو اتعرف علي حد بس المشكلة اني بقيت اخاااااااااااااااف اتعرف علي حد
جوزي زي جوزك كل ما يعرف حد يقولي لو تحبي كنت بقوله لأبالفم المليان دلوقتي مش بقول لأ بس لما الاقي الموضوع قلب جد اتراجع
الغربة اللي عملت كده علي فكرة والسنة التالتة بالذات بتزود الموضوع مع تاخير الحمل
اول سنتين كان الواحد لسة مقبل علي الحياة ومعندوش عقد
دلوقتي اتملينا الحمد لله

اله يسلمك يا ودعتى
و اتملينا عقد ليه بس لا حول و لا قوه الا بالله
لالا فرفشى كده
وسيبك من الطاقه السلبيه دى

مممم طيب ما تحاولى تستغلى الفراغ بتاع الصبح ده و اقعدى ابتكرى بقى اكله جديده و جربى فى زوجك الغلبان
انا عارفه انك ملكيش فى المطبخ اوى بس اهوه تتعلمى و تتشطرى

وممكن تقرائى فى الكتب بتاعتك علشان متنسيش المعلومات الطبيه
ادخلى النت على مواقع طبيبه و اقرائى كلام دكاتره وكده
خساااااااره تنسى اللى انتى عرفاه يا حبيبتى

RAINBOW2000;15290221:
صباح الفل عليكم

مانيا و ودعة
على فكرة البعد عن الناس ده مش متعلق بالغربة بس حتى لو فى مصر كان هيبقى الوضع كده برضه لان الناس هى الناس انا مثلا ادينى قاعدة فى مصر بس لو ليكى غرض تنكدى عليا فى يوم قوليلى تعالى نشوف حد و لا نخرج مع حد لنفس الاسباب برضه مع ان انا بقيت بقفل اللى قدامى جامد اووى لو اتكلم فى موضوع زى ده مبقتش بتكسف يعنى بس اللى مبيتكلمش بشكل مباشر هتشوفى الكلام و نظرة الشفقة دى فى عنيه و اللى مش هتشوفيها هيتكلم و يقول اللى فى نفسه اول ماتمشى فعلى ايه انا جوزى ساعات كعادة الرجالة بحسة مش فاهم ده و مش مقدرة يعنى مثلا من يومين بقوله زهقانة و مكتئبة فالحل اننا نخرج مع ناس اصحابنا و هما معاهم نونو عنده سنة مشوار زى ده عبء عليا اصلا لان لو لاى سبب الولد ده تانى يوم تعب و لا سخن و لا جراله اى حاجة التفسير المنطقى الوحيد انى طبعا حسدتها فعلى ايه خلى الواحد بكرامته بعيد عن الناس ..ده انا بقيت بتجنب انى اجيب الشغالة تنضفلى البيت لانى لازم هسمع كلمة تحرق دمى خاصة ان الناس اللى زى دول البسطاء فى تفكيرهم سعات بيكون كلامهم صعب حتى و ان كانوا مش قاصدين المهم يعنى انى عاوزة اقولكم ان الغربة مش هى السبب و انكم لو كنتم فى مصر و لا كانت هتفرق فى حاجة بالعكس بعدك عن الناس ده نعمة فى الحالة اللى احنا فيها دى


ميرا
فى حمام كريم بوناويل و بايوبوينت الاتنين حلوين ابقى جربيهم و على فكرة انت ممكن تحطيه على شعرك بعد ما تغسلية زى البلسم كده و اشطفية كان حد قالى الموضوع ده قبل كده و ابقى اعملى حمام كريم كل اسبوع مثلا

يا رب تكون جوجو فقست يا جماعة:)

ازيك يا ميويه
عامله ايه يا حبيبتى اخبارك ايه
متكلمناش مع بعض من زمااااااااااان

وميرسى على انواع حمام الكريم
انا هجيب ان شاء الله بايوبوينت علشان انتى و امونه قلتم عليه
انتى اللى عندك رمادى برضو؟


وانتى كمان مش فى الغربه يا ميويه و فى مصر ام الدنيا و بتشتغلى و مش بتحبى الاختلاط
مممم من الواضح انها مشكله عامه وانا معاكم فيها طبعا
ده انا كنت بحسب نفسى لوحدى اللى كده :hysterical::hysterical::hysterical:

فجر1975;15290269:
مانيا اللى انتى بتقوليه ده مش كويس يا حبيبتى .........اتعرفى على الناس براحتك وانتى فى اييدك تحجمى كل واحد وما تسمحيش لحد انه يتعدى حدوده انا معاكى ان الواحد لما بيتعرف على حد لاول مره الكلام بيجيب بعضه وده لازم اول سؤال يتسال عادى بتحصل معاى كتير بس انتى ممكن باسلوبك بقى بعد كده تخلى كل واحد يلزم حدوده مش بالخناق لا بالذوق بردوا واللى يزعل من كده براحته
اكيد هو اللى خسران اما اللى هايبقى عاوز علاقتها بيكى تدوم على طول هاتفهم موقفك بس كده

:thumbs_up::thumbs_up::thumbs_up::thumbs_up::thumbs_up:
صح يا انوش الله ينور عليكى اهوه ده الكلام
الواحد برضو لازم يبقى عنده موقف و يفرمل اللى قدامه
ده انا بشوف ناس يا خبررررررررر
بيضبطوا اللى قدامهم تمام التمام و يفرملوهم و يعملوا لهم حدود ميه ميه
نفسى ابقى كده :o:o:o:o

والف سلامه عليكى يا حبيبتى
خلى بالك من نفسك و من صحتك
شكلك مش بتاكلى كويس زى ناس معرفهومش :rolleyes::rolleyes::rolleyes:

د.ودعه;15290391:
رينبو
عنك حق ان المشكلة فينا مش في الناس
حساسية من الآخر
بس برده الغربة بتضخم كل الاحاسيس لانك قاعدة مع نفسك وشيطانك طول الوقت ومافيش ناس تنشغلي بيهم ولا شغلانة بتعمليها
وفي السعودية حتي مفيش نسمة هوا ولا منظر عدل يهدي الاعصاب
الخروجة حتي شبه التعذيب
حر وناموس وصراصير ونقاب ومفيش ناس حواليكي
يووووووووووووووه:|:confused::woo:

:confused::|:woo::worn_out: لا خليكى فى البيت احسن يا ودعه بجد :thumbs_down::thumbs_down::thumbs_down:

مي ومانيا ............. انا كمان موافقاكم ان العزلة عن الناس احسن

انا شخصيا مش اجتماعية خالص ومش بحب اختلط بحد وقلت لجوزي من الاول اني مش عايزة اتعرف على مراتات اصحابه ولا عايزاه يعزمهم , مش عايزة اتورط مع حد في علاقات اجتماعية , لان ده هيفرض عليا حاجات معينه, لازم اسال واتصل وازور واجامل وانا مليش في الكلام ه خالص

انا حتى لما يجيلنا ضيوف في بيت بابا كنت بروح استخبى في اوضتي ومش عايزة اسلم عليهم وطبعا بابا وماما يلطمو على وشهم هههههههههههه لاني بسببلهم احراج :)



فجر........... كلامك كويس ومشجع بس مش نافع مع كل الشخصيات , انا عن نفسي مقدرش احط حد عند حده واكسفه بالكلام ومش هينوبني غير حرقة الدم


والف سلامة عليكي شكله دور برد جامد في العضم, دفي نفسك كويس ولفي نفسك بورق جرايد :)



ميرا ............ انزلي خدي الحقنة واطلعي عالبيت وبطلي لف , بلاش تتحركي كتير عشان النونات ميضغطوش على عنق الرحم عشان مش عايزين ولاده مبكرة

اتهدي يابت واقعدي في البيت , انا مش بخرج من بيتي الا للدكتورة وارجع تاني علطول لقوقعتي الجميلة ههههههههههههه

كنت عايزة اسالك هو الواحد يجيب مستلزمات الاطفال منين في المنصورة ؟ يعني لو عايزة اجيب بانيو, اجيب سرير صغير , الكاريير , وعربية الاطفال اللي هيا السترولر, الحاجات دي يعني اجيبها منين ؟ ومش عايزة المحلات الغالية اوي زي بيانو بيانو و تويز ار اص

وبرده لو عايزة اجيب لبس للنيو بورن اجيب منين ؟ البنات ما شاء الله بيجيبو حاجات حلوة اوي من القاهرة بس انا مستحيل الف في القاهرة لاني معرفش فيها حاجة ومعندناش عربية

ازيك يا امونتى
عامله ايه ياللى فى قوقعتك انتى

الاختلاط الاوى مش حلو و برضو العزله الاوى مش حلوه
خير الامور الوسط يا حبيبتى

عموما هى بتبقى فعلا استعداد
يعنى انا كده زى ما بقولكم اختى بقى غيرى ما شاء الله
جوزها ربنا يهديه و يكفينى شره يارب معرفها على معظم زوجات اصحابه
و تلاقى كل شويه حد من اصحابه عندهم فجاه و تضطر تعمل و تساوى و غدا بقى و لا عشا و لا حاجات خفيفه
هنا و فى السعوديه
ربنا يكون فى عونها بصراحه
و كمان عيلته كبيره و زيارات و تروحلهم و و يجوا لهم
هده بصراحه وانا مقدرش على كده خااااااااااااااالص

الحمد لله الحمد لله ان زوجى مش كده
انا كان زمانى طفشت و مش اعرف اعمل كده و كنت زمانى كسفته قدام اصحابه بصراحه
الحمد لله الحمد لله ربنا يديمها نعمه يارب


و انا هسالك واحده صاحبتى عن الاماكن اللى نشترى منها هنا فى المنصوره يا امونتى و ارد عليكى
لانى بصراحه لا اعرف حاجه هنا و لا فى القاهره
انا لسه ساله الحوامل دلوقتى اجيب ايه اصلا هههههههههههههههه

انا معرفش الحاجات دى خااااااااااالص
جهل بعيد عنك لو تعرفى قوليلى هههههههههههه

بس انا كنت شفت فى الشوا
عربيات اطفال و سراير اطفال و شياله الاطفال اللى بتتربط على الظهر دى برضو كانت هناك انا مركزتش فى الاشكال اوى بس كان شكلهم حلو
بس مش عارفه عندهم سلوبيتات لاطفال كمان و لا لا
اصل حاجات الشوا جميله ممكن لو روحت اسالك برضو

و فى الحاجه اللى فى السكه الجديده
اللى بتبقى ززززززحمه اوى دى
بتبقى عندهم حاجات لاطفال حلوة برضو

هسالك واقولك علشان مكنش بفتى برضو

وانا يا امونتى مش بخرج خاااااااااااااااالص
لا هنا و لا فى القاهره
حتى متشترتش حاجه للبيبز خالص لسه
و انا مش هتنطط كتير متقلقيش
هروح اسلم على تيتا ان شاء الله واطلع على الوكاله اجيب مشتريات و حمام الكريم و على البيت
حلو كده يا مس امونه هههههههههههه شفتى انا شاطره ازاى بقى





انا مقدرش على كده

اه افتكرتلك محل حلو اوى يا امونه
كنا بنجيب منه لابن اختى

خديه تصبره عقبال ما اسال اصحابى برضو

فى السكه الجديده
عند الملكه كده لو سيبتى الملكه و دخلتى الشارع بتاعها ده
فى هناك محل مستلزمات حلويات اسمه العمريطى مشهور اووووووووى
اسالى عليه لو مش عارفه

المهم العمريطى ده فى تالت او رابع محل على الشمال
سبيه
و ادخلى الشارع قرب نصفه كده
فى محل على اليمين بس مش فاكره اسمه
بس هو محل له سلم فوق و سلم تنزلى لتحت كده
اهوه انزلى بقى السلم اللى تحت ده هو ده المحل
فيه كلللللللللل حاجه
والله فكرتينى به ابقى اروح اشوف الحاجات اللى فيه و اشوف اسمه و اجيبلك وصفه بالضبط
بس المحل ده حلو اوى بصراحه


وفى محل كمان فى العباسى
فى نص شارع العباسى على ايدك اليمين محلين ورد كده
ادخلى الشارع ده هو ضيق شويه امشى فيه كده حوالى محلين تلاته
هتلاقى على ايدك الشمال محل بسلم لفوق و عارض حاجات اطفال
ادخلى بقى فيه لبس البيبى و كفرتات وكده حلو برضو

وان شاء الله اى حاجه هعرفها هقولك عليها باذن الله

لااااا ياميراااا انتى مش معنى ان معاكى بيبى ان مشاكلك كده اتحلت لااااا يا ماما
خدى عندك هااااااااااااااااا هتخاووها امتتتتتتتتتتتى؟؟؟؟ هاتوو ولد بقى المرة دى
ايه ده هى لسة مش بتمششى لا لا دى فيها حاجة غلط ايييييييييييييه مش بتتكلم لا ازاى ساكتين ده ابن معرفش مين اصغر منها و بيجرى و بيقول النشرة فى التلفزيون
و قاعدها بقى مع الصينين خليتها شبههم :mad::mad: و بتتكلم صينى بقى و عينيها اديقت زى الصينيننن
و غيررره و غيررره
ااااه يااااانى يااا امه ده انا هيتحرق دمى حرررق خصوصا ان عمتها نازلة من امريكا و المقارنات بقى لا دول ولادهم امريكااان
:hysterical:
بس احنا اتفقنا فى حاجة ان التجمع كله ملووش فى الاختلاط
اموونة انا بردو كنت بستخبى فى اوضتى هههههههههههه شخصية سيكوباتيه

امووونة انا ممكن اقولك على 3 محلات بس فى مدينة نصر او 4 تروحيهم جمال

د\امونة;15290944:
مي ومانيا ............. انا كمان موافقاكم ان العزلة عن الناس احسن

انا شخصيا مش اجتماعية خالص ومش بحب اختلط بحد وقلت لجوزي من الاول اني مش عايزة اتعرف على مراتات اصحابه ولا عايزاه يعزمهم , مش عايزة اتورط مع حد في علاقات اجتماعية , لان ده هيفرض عليا حاجات معينه, لازم اسال واتصل وازور واجامل وانا مليش في الكلام ه خالص

انا حتى لما يجيلنا ضيوف في بيت بابا كنت بروح استخبى في اوضتي ومش عايزة اسلم عليهم وطبعا بابا وماما يلطمو على وشهم هههههههههههه لاني بسببلهم احراج :)



فجر........... كلامك كويس ومشجع بس مش نافع مع كل الشخصيات , انا عن نفسي مقدرش احط حد عند حده واكسفه بالكلام ومش هينوبني غير حرقة الدم


والف سلامة عليكي شكله دور برد جامد في العضم, دفي نفسك كويس ولفي نفسك بورق جرايد :)



ميرا ............ انزلي خدي الحقنة واطلعي عالبيت وبطلي لف , بلاش تتحركي كتير عشان النونات ميضغطوش على عنق الرحم عشان مش عايزين ولاده مبكرة

اتهدي يابت واقعدي في البيت , انا مش بخرج من بيتي الا للدكتورة وارجع تاني علطول لقوقعتي الجميلة ههههههههههههه

كنت عايزة اسالك هو الواحد يجيب مستلزمات الاطفال منين في المنصورة ؟ يعني لو عايزة اجيب بانيو, اجيب سرير صغير , الكاريير , وعربية الاطفال اللي هيا السترولر, الحاجات دي يعني اجيبها منين ؟ ومش عايزة المحلات الغالية اوي زي بيانو بيانو و تويز ار اص

وبرده لو عايزة اجيب لبس للنيو بورن اجيب منين ؟ البنات ما شاء الله بيجيبو حاجات حلوة اوي من القاهرة بس انا مستحيل الف في القاهرة لاني معرفش فيها حاجة ومعندناش عربية

على فكرة يا امونة انا مش كده خالص انا بقيت كده مؤخرا انا اجتماعية جدا و بحب اتعرف على الناس و اخرج و كده طول عمرى يعنى انما مؤخرا بسبب ظروف تاخر الحمل اى بنى ادم بشوفه لازم يحرق دمى ده انا بقولك لحد الشغالة اللى بجيبها مش سايبالنى فى حالى فاى خروج او لقاء مع حد بقى حرقة دم بالنسبالى فبالتالى بقيت بتجنبه حرصا على صحتى و اعصابى انما من الاساس مكنتش كده
بس على فكرة مستغرباكى اوى بتستخبى من الضيوف و مش عاوزة تتعرفى على حد مع انك ما شاء الله بلسانين و بتعضى بنات التجمع باين علينا فاهمينك غلط ههههههه:lol:

هو انتى هنا و لا فى المنصورة ؟

ازيكم يابنات

الحمدلله استلمنا الشقه النهارده وبكرة باذن الله من بدري هنزل مع جوزي وهو رايح الشغل انضفها بقا من كله مسح ودعك وتصبين هههههههههه ايه رايكم في المهام الصعبه دي هو المفروض انهم عملوها بس لا طبعا هعملها بنفسي برضه اللي مضايقني ان جوزي هيوديني وانا هبقا لوحدددي ولاول مره هناك ولا في كاسيت ولا راديو ولا حتي التلفزيون ركب يعني معسكر من الاخر ادعووولي ولما ارجع بالليل هبقا اكلمكم بااي

ازيكم يا بنات ان شاء الله الجزء ده يكون وشه خير علي الكل
في عند الملكه محل كويس مستلزمات الأطفال
متجبيش حاجات كتير وبالذات اللي مقفوله من عند الرجل

ازيكوووو ازيكووو وحشتمونى معرفتش اخش وجوزى هنا بقى لما سافر جيييييييييت اخباركم ايه
ياسمينا الف سلامه عليكى شفاكى الله وعفاكى

امونه مبروك الولد عقبال مايجى بالسلامه بس انا كنت عايزه اقولك انك حامل فى ولد من ساعه ما قلتى ان جدتك قالت ان الواحده لما بتوحش بتبقى حامل فى بنت دا العكس خالص الواحده لما بتوحش بتبقى حامل فى ولد لو احلوت تبقى حامل فى بنت ودا اكيييييد
مراة اخويا كانت فمر فى اخر كام شهر ووشها كان نضيف وصافى جابت بنوته
ومراة اخويا التانيه كانت حامل ف ولد كانت مناخيرها مبعجره هههههههههههههههههههه

ودعه جزاكى الله خير على معلوماتك كلها وقفشتينى انا اشتركت بالصدفه عملت سيرش لقيته رحت اشتركت اهو نستفيد بما انى كان نفسى اخش صيدله بس المجموع الله يسامحه دخلتى زراعه


ميرا عامله ايه محدش كلم دينا يابنات انا معنديش رصيد عايزه اطمن عليها
رينبو وفلاور ومانيا ومونى وشوشو وريرى وكل الحلوين اللى هنا عاملين ايييييييييييييييييييييييييييييه

انا هاروح عند ماما دلوقتى واهاكلمك من هناك بقى ياحدعان
فاصل ونواصل

السلام عليكم
انا جييييييييييييت

بوسى
ضحكتينى بجد من الكلام العجيب ده ههههههههههههههههههههه
عينها ضيقه ايه بس قال اتعدت من الصنين قال هههههههههههههههههههههههههههههههه


يعنى اللى معها بيبى مش نافع واللى معهاش بيبى مش نافع نعمل ايه بقى

شايفين يا بنات
يعنى مش هترتاحوا خالص من الناس خليكم فى العزله بتاعتكم
لا قبل و لا بعد البيبى الناس هتسكت عاااااااااا حاجه تقرف ربنا يهدى يااارب
و حلوه سيكوباتيه دى بتفكرنى بدينا كانت بتقول كائنات سيكوباتيه رخوه


وقولى يا بوسى المحلات اللى فى مدينه نصر
امونه فى مدينه نصر معقول هتكسل تنزل تروح

انا روحت محل لفلى اللى فى مكرم عبيد
عنده حاجات حلوة و شفت هناك سرير جمييييييييل

بس انا احتمال مجبش سرير و هنيمهم جمبى ان شاء الله
انا سريرى كبير هناك ما شاء الله وكمان جوزى مش قاعد عالطول
ايه رائيك يا بوسى اجيب سرير ولا لالا؟


ميويه
يعنى انتى كنتى اجتماعيه وبطلتى مممممم انا بحس ان الناس الاجتماعين دول شاطرين ما شاء الله

بحس انها مهارده صعبه التنفيذ ههههههههههههه