مدام/اشرى;15062914:
ازيكم جميعا انا اول مرة ادخل هنا
بس عندى استفسار وبليز محدش يطنش وكل واحدة تدخل تقولى رائها
انا بنت اختى عندها تسع شهور هى وقعت من قيمة اسبوعين كدة من على السرير وقعة جامدة شوية بس وقعت على السجادة يعنى وقعدت تعيييييييييط كتييييييير وبعدين فى كدمة كدة فى مناخيرها يعنى تقريبا نزلت على وشها المهم يعنى انها عيطت كتير وفرهدت كدة وفضلت ساكتة وبعدين راقت شوية وزحفت عادى وتانى يوم جالها دور برد وقعدت ترجع هى دلوقتى كويسة بس انا قلقانة اوووووى عليها والموضوع دة مزهقنى وخنقنى خاصا اننا خبينا على امها ان الواقعة جامدة ومن على السرير
بصراحة خوفنا نقول الحقيقة هههههههه اصل اختى شرانبة ممكن تطردنا من البيت قولنلها كانت بتسند ووقعت بس
قولولى هو فى حاجة اقدر اعملها ولا اطمن وعادى وهى عاما دلوقتى كويسة انا امى بتقولى العيال ياااااما بيوقعوا بس محتاجاكم تطمنونى معلش يعنى لو اى حد عندة سابقة يحكيهالى
وربنا يكفى اولادكم شر الوقعات والكدمات والخبطاطات هههههههه
اسبوعين:!!::!!:
اولا صلى ع النبى كدة
تانى حاجة اروى وقعت مرة باردو بس تقريبا مش واقعا جامدة
بس رجعت بعدها وباردو اعدنا نطمن نفسنا وكنا يوم خميس ومافيش الا الطوارئ اللى فاتحة لانها استقبال اليوم دة المهم يعنى مرضتش اوديها
وخلاص بقت عادى وكويسة الحمد لله
وبعدها سالنا دكتور قال المفروض كنتو عملتو اشعة بعد الوقعة
بس خلاص بدام عدت ع خير الحمد لله
متقلقوش