رابطة امهات واطفال مصر لشهر جماد ثان

يااااااااااااااه اخيرا هاكل
كنت هموت من الجوع

اتفضلو معايا :D
ساندويتشات سوسيس بالمايونيز وبيبسي
امممممممممممم طعمه حلو اوي وانا جعااااااااااااانه
ههههههههههههههههههههه

مهو الخناقه بسبب الحفله
بيقولى انتى مكبره الموضوع
وعشان شغله اخواته مشتركين فيه فحماتى " فاطمه تعلبه" بتقولى ده مش شغله لوحده
وهو بيقول ان اخواته هيتكلموا
وانا اصلا بعت دهبى وكنت لسه مكملتش شهرين جواز عشان خاطر شغله
ومش بيرضى يدينى مصروف
بس بصراحه
هو مش مقصر فى حق البيت ولا حور خالص

بالهنا والشفا يا ايمى

ممكن اخد بيبسى :)

نجاة يعني المشكله عشان مصاريف الحفله يعني ولا ايه ؟
ربنا يصلح لك الاحوال يارب



لا يا ايمي عشان تخسي:p
عامله ايه وازي ميرا

مكبرة الموضوع ازاى يعنى عايزة قصدة انك عايزة تعملى حفلة كبيرة مثلا وهو عايز حفلة على قد العيلة وبس

وان شاء الله يعوضك عن دهبك باحسن منة بالف مرة وهيرضكى بوقفتك جمبة زبدام يا نوجا مش مقصر فى حق البيت ولا حقك وحق حور خلاص المصروف هيفرق معاكى فى حاجة ما طلباتك كلها مجابة ولا انتى حابة يعنى تحوشى من المصروف وكدة ويكون ليكى فلوس على جمبك لو حبيتى تجيبى حاجة

نجاة على فكره اغلب الرجاله مش بيدو مصروف لمراتاتهم انا جوزي كده برضو بس اهم حاجه انه بيجيب لي كل اللي انا عاوزاه

حاولي تتناقشي معاه وشوفي هو عاوز ايه وحاولي ترضيه

الحمدلله يا ايمى بس ميرو وقعت جامد واتعوت مش عارفة البيت دة مالها وقعت كانت واقفة على الكومدينو ووقعت بوشها مخنرها وشفايفها ووشها كلة لاقيتة دم دة غير انها ازرقت ورجعت ربنا يستر بكرا الصبح هروح مشتسفى تبارك اطمن عليها هى عندها اعادة ربنا يسهل

يا حبيبتي الف سلامه عليها وايه اللي مطلعها ع الكمودينو
معلش حصل خير
وهي رجعت من الوقعه ولا هي اصلا بترجع ؟


ابقي طمنينا
هتروحي المستشفى الساعه كام ؟

اه يا ايمى بيقول انى مكبره الحفله وهو عاوز تكون على قد العيله عشان اخواته ميقولوش انه صرف مصاريف كتير



انا عوزاه يدينى مصروف عشان مش كل حاجه عاوزة اجبها فى البيت جديده او مثلا حاجه زى حفله حور دى يقولى اخواتى هيقولو المصاريف كتير وقلتله انا مش هقولك ادينى كام الى هتديهونى هعرف امشى نفسى عليه واحوش ويبقى ليا فلوسى مش كل حاجه نخاف من حماتى واخواته

فهمتونى

كاتو الف سلامه على اميره

طيب هى دلوقتى لسه بترجع او مزرقه او فيها حاجه متغيره

الله يسلمك يا ايمى هى كدة مش بتبطلع حركة وتنطيط وبتطلع على السرير وتروح توقف علية عشان تبص على نفسها فى المراية وتفضل ترقص او تهبل وخلاص بس انا كنت بعيدة عنها
هى رجعت من الوقعة وكان فى دم بس تقريبا من الجرح اللى فى شفايفها و اللثة من جوة

ان شاء الله هروح على الساعة 12 الظهر

معلش يا نجاة حاولي تتاقملي مش عارفه اقول لك ايه بصراحه

بس انا لما ببقى هجيب حاجه ب 100 مثلا بقول لجوزي ب 120 او 130 هههههههههههههههههههههههههههه
عشان احوش برضو شوية
بس اكترر حاجه بتخنقني وبتكسف منها بجد لما ببقى محتاجه اولويز:o
اكتر وقت بحس فيه بالخنقه اني مش معايا فلوس ههههههههههههههههههههههههه

بس غير كده عادي والله وانا مش بجيب اي حاجه ف البيت اصلا ولو حصل وكان معايا فلوس وجبت حاجه مش تعجبه :| فبطلت اجيب
واتاقلمت ع الوضع عادي بقى هو كده ومش هيتغير
وانتي كمان حاولي تتاقلمي لان ده امر واقع ولو فكرتي فيه كتير هتتعبي :(

معلش يا ايمي تلاقي الدم دخل بؤها فضايقها ولا حاجه ان شاء الله تطمني

كنت هقول لك هقابلك بس افتكرت ان جوزي اجازه الصبح :(

اياد بيعيط :(

هو ممكن يا نوجا يكون معزور بما ان حماتك واخواتة بيشوفوا الفلوس رايحة فين واية السبب ومش عايز حد يكلمة منهم بيتفادى المشاكل والكلام
بس انتى عارفة انهم كدة كنتى قبل عيد ميلاد حور بفترة من 3 شهور مثلا خدى منة مبلغ كل شهر وخلية على جمب ليوم عيدميلادة وماحدش كان هيحس بحاجة

والله كل ماقول خلاص مش هفكر
حماتى ترمى كلمه تحرق دمى
وفى موضوع زى الحفله ده بردو

يعنى رأيك اعمل الحفله على الضيق وارضى
ولا اصمم على الى عوزاه لانه بصراحه حاسه انه حقى
مهو اخواتو عملوا كده واكتر
ولا عليا انا كخه

مانا عملت حصاله وقلتله لحفله حور
بس بقوله يزودهم شويه
قام قال كده

نوجا جوزك حساس عن اخواتك
وطبعا وافقي وارضي اهلك واهله وقفلي على كده احسن ما يقول لك مافيش خالص

معلش كله بثوابه واهم حاجه ترضي جوزك عشان ربنا يرضى عنك
انويها بالنيه دي وربنا هيعوضك ان شاء الله


هروح ارضع اياد واجي

نوجا هى مزرقة بس واخدة بوكس فى وشها تمام

على فكرة انا كمان مش باخد مصروف من جوزى بس لما بطلب حاجة حتى لو للبيت بيجيبها من غير نقاش اصلى فيلسوفة ولو سأل بفضل اتفلسف على راية فيريح نفسة من وجع الدماغ ويقولى انتى عايزة اية هاتى اللى انتى محتاجاة وانا على الدفع ولما بطلب فلوس بيدينى وباخد منة عيدية فى العيد هههههههههه عيلة

معلش يا ايمى متعوضة ان شاء الله ربنا يعلم والله نفسى اشوفك انتى وموها ونودى وبيبو والمنتدى كلة لو ينفع

والله انا راضيه
بس حاسه ان ده ظلم
بجد ظلم